Green Team, Faculty of Science, Cairo University

  • Home
  • Egypt
  • Giza
  • Green Team, Faculty of Science, Cairo University

Green Team, Faculty of Science, Cairo University Contact information, map and directions, contact form, opening hours, services, ratings, photos, videos and announcements from Green Team, Faculty of Science, Cairo University, Environmental conservation organisation, كلية العلوم-جامعة القاهرة, Giza.

مبادرة طلابية بكلية العلوم – جامعة القاهرة، بنشتغل على تحقيق أهداف التنمية المستدامة من خلال ورش العمل، المبادرات التوعوية، الأنشطة التفاعلية، والبرامج التدريبية اللي بتنمي مهارات الطلاب وتخليهم جزء من التغيير!

26/10/2025

في السيشن التانية من الSustainable Researcher Program (SRP)، اللي كانت يوم الخميس الموافق 23/10 ، فهمنا مع بعض يعني ايه Science، اتعلمنا سوا ازاي نفكر بطريقة علمية، و نحلل أفكارنا عشان نوصل لاكتر حلول منطقية نقدر نحل بيها اي مشاكل تواجهنا.
افكار مبتكرة و مميزة طلعنا بيها من طلاب كلهم حماس و مميزين قدروا انهم يعبروا عن أفكارهم و يعرضوها بشكل بسيط.
مستنينا الsessions الجاية انشطة تانية كتير نطبق فيها اللي اتعلمناه الsessions اللي فاتت و نربطه بالبحث العلمي.💚💚💚


25/10/2025

هنستناكم بكرة الاحد الموافق 26/10 في Al-Basateen Expo 2025 بكلية زراعة جامعة القاهرة. هنكون موجودين في الbooth بتاعنا عشان نتعلم سوا و نعمل انشطة كتيرة مع بعض.💚💚


22/10/2025

يوم الخميس الموافق 16/10 كانت اول سيشن للدفعة الثالثة من ال SRP (Sustainable Researcher Program ).

السيشن هدفها كان اننا نعلم الطلاب عن اهداف التنمية المستدامة عشان نعرف بعد كده ازاي نقدر نحققها من خلال البحث العلمي.

كانت سيشن مليانة افكار عن كيفية تحقيق اهداف التنمية المستدامة، عن التحديات البتواجهنا عشان نحققها، و انشطة نطبق بيها اللي اتعلمناه و نثبت بيها ان بالفعل اهداف التنمية المستدامة مرطبتة بحياتنا و بالبحث العلمي.

دي مجرد البداية، لحماس اكتر و ابتكارات و افكار اكتر هنكون سعداء بمشاركتها معاكم.💚

🏭 اليوم الخامس | رسالة من عامل المصنع أنا كنت عامل في مصنع زمان...كنا بنرمي الفضلات في النهر علشان "نوفر"، ونقول: المية ...
15/10/2025

🏭 اليوم الخامس | رسالة من عامل المصنع

أنا كنت عامل في مصنع زمان...
كنا بنرمي الفضلات في النهر علشان "نوفر"، ونقول: المية كتير ومش هتخلص.
بس اللي خلص فعلاً هو عمر النهر.
المكن وقف، والسمك مات، والمية بقت سامة.
اهلا بيكم في خامس حلقة من سلسلة "رسائل من المستقبل" المقدمة من المكتب الاخضر كلية العلوم - جامعة القاهرة اللي هيكون موجود معاكم في اسبوع الماية يعرفكم اكتر عن مواردنا المائية واي التحديات اللي بتقابلها وطرق حمايتها كمان ♥️

تخيلوا إن المصانع هي واحدة من أكتر مصادر تلوث المياه خطورة؟
لما بترمي نفاياتها السائلة في الترع والأنهار، بتكون غالبًا مليانة معادن تقيلة زي:

🧪 الرصاص (Lead)

⚙️ الزئبق (Mercury)

🔩 الكروم (Chromium)

🛢️ الكادميوم (Cadmium)

المعادن دي ما بتتحللش بسهولة، وبتفضل في البيئة عشرات السنين،
تتراكم في الأسماك، وتدخل جسم الإنسان عن طريق الأكل أو الشرب،
وتسبب مشاكل خطيرة زي الفشل الكلوي، وأمراض الكبد، واضطرابات الأعصاب.

الأخطر إن كل لتر مية ملوث ممكن يلوث آلاف اللترات غيره!
وده بيأثر على الزراعة، والحياة المائية، وحتى جودة المية اللي بتوصل للبيوت.

♻️ الحل بسيط لكنه محتاج التزام:

إلزام المصانع بإنشاء محطات معالجة للمخلفات الصناعية.

تشجيع استخدام أنظمة الإنتاج النظيف اللي بتقلل النفايات من الأساس.

دعم إعادة التدوير بدل التخلص المباشر.

وكمستهلكين، نختار المنتجات اللي بتحترم البيئة.

🌊 المية مش سلة مهملات…
هي شريان حياة بيجري في عروق بلدنا.
لو كل مصنع حمى نقطة، النيل هيفضل يجري بالحياة، مش بالسموم.




🚰 اليوم الرابع | رسالة من طفل مريض "أنا آدم… طفل من المستقبل.جسمي ضعيف، ومش فاهم ليه المية اللي بترويني بتوجّعني."اهلا ب...
14/10/2025

🚰 اليوم الرابع | رسالة من طفل مريض

"أنا آدم… طفل من المستقبل.
جسمي ضعيف، ومش فاهم ليه المية اللي بترويني بتوجّعني."

اهلا بيكم في رابع حلقة من سلسلة رسائل من المستقبل المقدمة من المكتب الاخضر كلية العلوم - جامعة القاهرة اللي هيكون موجود معاكم في اسبوع الماية يعرفكم اكتر عن مواردنا المائية واي التحديات اللي بتقابلها وطرق حمايتها كمان ♥️

المية اللي المفروض تبقـى حياة، بقت فيها بكتيريا، ومعادن تقيلة زي الرصاص والزئبق، ونترات من الصرف الزراعي والصناعي.
كل رشفة ملوثة بتدخل الجسم زي السم البطيء… تضرب الكبد، تضعف الكُلى، وتخلي المناعة تنهار.

تخيلوا إن كل 10 أطفال في العالم النامي، 8 منهم بيتعرضوا لمية غير صالحة للشرب.
تخيلوا إن المياه الملوثة بتتسبب في وفاة أكتر من مليون ونص إنسان كل سنة.
وتخيلوا إن الرصاص اللي بينزل في المية بيأثر على نمو مخ الأطفال وبيسبب تلف دائم في الأعصاب.

بعض الترع والمصارف بقت تتلقى صرف مصانع ومبيدات من غير معالجة كافية.
حتى الشبكات القديمة ممكن تنقل صدأ وبكتيريا لو مفيش صيانة دورية.
كل ده بيخلي كوب المية البسيط اللي بنشربه مش آمن زي ما بنفتكر.

💡 الحل في إيدينا:

نحافظ على معالجة صرف المصانع قبل ما يوصـل للمجاري المائية.

نطوّر محطات التنقية ونراقب جودة المية باستمرار.

نستخدم الفلاتر المنزلية المعتمدة وننشر الوعي في المدارس والمجتمعات الريفية.

ندعم أي مشروع لإعادة التدوير أو تنقية المية بدل ما نلوم المستقبل.

ساعدونا نعيش بصحة…
مش علشان “آدم” بس، لكن علشان الجيل اللي جاي يشرب مية نقية مش ذكريات ملوثة.

♻️ "نقطة أمل... علشان كل نقطة مية تفضل حياة."



🌊 اليوم الثالث | رسالة من البحر الميت فعلًا> كنت بحر أزرق بيموج بالحياة… دلوقتي رمادي، ساكت، ومليان زجاجات بلاستيك عايمة...
13/10/2025

🌊 اليوم الثالث | رسالة من البحر الميت فعلًا

> كنت بحر أزرق بيموج بالحياة… دلوقتي رمادي، ساكت، ومليان زجاجات بلاستيك عايمة فوقي.
كنت بيت لكائنات بتتنفس حرية، وبقيت مكان مليان نفايات بتخنق كل نفس فيا.
اهلا بيكم في ثالث حلقة من سلسلة رسائل من المستقبل المقدمة من المكتب الاخضر كلية العلوم - جامعة القاهرة اللي هيكون موجود معاكم في اسبوع الماية يعرفكم اكتر عن مواردنا المائية واي التحديات اللي بتقابلها وطرق حمايتها ♥️🤩

العالم بيرمي أكتر من 11 مليون طن بلاستيك في المحيطات كل سنة، وده الرقم اللي بيزيد كل يوم.
حوالي 80% من التلوث ده أصله من البر — من شوارع ومصارف ومصانع بترمي من غير وعي.
السلاحف بتبلع أكياس البلاستيك فاكرة إنها قناديل، والسمك بيبتلع مايكروبلاستيك بيرجع بعد كده لجسم الإنسان.
حتى كوب المية اللي في إيدك ممكن يحتوي على جزيئات بلاستيك دقيقة جدًا مش بتتشاف بالعين.

لكن لسه في أمل…
لو بدأنا بنفسنا، وقلّلنا استخدام البلاستيك، وبدّلناه ببدائل قابلة لإعادة الاستخدام،
لو شاركنا في حملات تنظيف وتنمية الوعي،
ولو كل واحد اعتبر إن الحفاظ على نقطة المية مسؤوليته الشخصية — مش مهمة حد غيره —
وقتها البحر هيرجع يتنفس، والكائنات هترجع تعيش.

🌍 لسه في أمل، طول ما في ناس مؤمنة إن المستقبل ممكن يرجع لونه أزرق.

بما اننا في اسبوع المياه، حابين نستغل ده بإننا نشارككم حدث عالمي مهم، ممكن يكون حل لخطر انتهاء الموارد المائية.يوم ٨ أكت...
13/10/2025

بما اننا في اسبوع المياه، حابين نستغل ده بإننا نشارككم حدث عالمي مهم، ممكن يكون حل لخطر انتهاء الموارد المائية.
يوم ٨ أكتوبر ٢٠٢٥ العالم اتفاجئ بإعلان جايزة نوبل في الكيمياء لثلاثة علماء:
• Omar M. Yaghi
ولد عام 1965 في عُمان، الأردن، في عائله فلسطينيه.
بدأ دراسته الجامعيه في الولايات المتحده بعد لما انتقل هناك لما كان في سن الخامسة عشر.
• Susumu Kitagawa
وُلد في 1951 في كيوتو، اليابان، حصل علي البكالوريوس والدكتوراه من جامعة كيوتو
• Richard Robson
وُلد عام 1937 في انجلترا، درس الكيمياء في جامعة اكسفورد، نال الدكتوراه عام 1962

اللجنة أعلنت إنهم نالوا الجائزة
“for the discovery and development of Metal–Organic Frameworks (M*Fs)”
يعني لاكتشافهم وتطويرهم للهياكل العضوية المعدنية اللي بتمكّن من:

• امتصاص الغازات،
• تخزين ثاني أكسيد الكربون،
• واستخلاص الميّه من الهواء في المناطق الجافة.

الهواء حوالينا دايمًا فيه بخار ميّه (Water v***r) حتى لو الجو ناشف جدًا.
الفكرة العبقرية هي إننا نستخدم مادة ذكية (M*F) تمتص بخار الميّه ده من الجو، وبعدين نطلعه تاني كميّه ميّه حقيقية باستخدام حرارة بسيطة (زي الشمس).

الخطوات العملية لاستخراج الميّه
١- امتصاص بخار المياه (Adsorption stage)
الهواء بيدخل على سطح مادة الـ M*F (زي إسفنجة مجهرية).
• المسام الصغيرة داخلها بتجذب جزيئات الميّه عن طريق روابط هيدروجينية أو قوى فان دير فال.
• كل جزيء ميّه “يتحبس” داخل المسام.

٢- تحرير المياه(Desorption Stage)
لما تيجي الشمس بالنهار أو نسخّن المادة شويّة، بتتحرّك جزيئات الميّه وتخرج من المسام كـ بخار ميّه.
• الحرارة المطلوبة بسيطة جدًا (40–60°C تقريبًا)، فممكن نستغل حرارة الشمس أو لوح شمسي صغير.

٣- تكثيف البخار(Condensation Stage)
البخار اللي خرج من الـ M*F بيتجمع على سطح بارد داخل الجهاز (مكثّف).
• لما يتكثّف، يتحوّل تاني إلى ميّه سائلة.
• الميّه دي بتتجمع في خزان صغير تحت الجهاز — نقية وقابلة للشرب بعد فلترة بسيطة.

كل كيلوجرام واحد من الـ M*F ممكن ينتج حوالي 250–300 مل ميّه في اليوم (يعني كوب ونص تقريبًا).
• بس مع تحسين التصميم، ممكن نوصل لنص لتر أو أكتر في اليوم.

في أنظمة أكبر، بيتم تركيب كذا “وحدة M*F” عشان تدي إنتاج أكبر من الميّه.

تفتكروا ده ممكن يكون فعلا حل من الحلول و يساعدنا نزيد من الموارد المائية قبل الخطر؟ شاركونا ارآكم 💚



13/10/2025

هنكون موجودين بكرة في فعاليات اسبوع القاهرة للمياه بكلية العلوم اللي هنعرف في طرق مختلة لمعالجة المياه و الحفاظ عليها و نستمتع بأنشطة كتيرة مع بعض🤩

مستنيينكم!!💚




🌾 اليوم الثاني | رسالة من المزارع اللي بطل يزرع أنا "عم صبري"، مزارع من المستقبل... أرضي كانت خضرا، لكن عطشت لما المية ا...
12/10/2025

🌾 اليوم الثاني | رسالة من المزارع اللي بطل يزرع
أنا "عم صبري"، مزارع من المستقبل... أرضي كانت خضرا، لكن عطشت لما المية اختفت.
السبب؟ كنا بنستخدم طرق ري قديمة بتغرق الأرض وتضيع المية من غير فايدة.

اهلًا بيكم في تاني حلقة من سلسلة "رسائل من المستقبل" ضمن فعاليات أسبوع الماية المقدمة من المكتب الأخضر بكلية العلوم – جامعة القاهرة، واللي بيهدف يساعدكم تفهموا مواردنا المائية أكتر، وتعرفوا إزاي نحافظ عليها ♥️

الري بالغمر بيهدر حوالي 40% من المياه الزراعية، وده رقم ضخم ويعمل مشكلة جامدة لاي بلد للاسف

لكن في حلول علمية بسيطة نقدر نبدأ بيها من دلوقتي:

💧 الري بالتنقيط: بيوصل المية لجذور النبات مباشرة وبيقلل التبخر والهدر.
💧 الري بالرش: مناسب للمحاصيل الكبيرة وبيوزع المية بشكل متوازن.
💧 أنظمة الري الذكية: بتستخدم حساسات رطوبة التربة لتحديد احتياج النبات الحقيقي.
💧 إعادة استخدام مياه الصرف الزراعي بعد معالجتها لتقليل استهلاك المية العذبة.

كمان زراعة محاصيل تتحمل الجفاف وتحسين جودة التربة بالمواد العضوية بيساعدوا في تقليل استهلاك المية بنسبة كبيرة.

🌱 التكنولوجيا موجودة، والعلم متاح، والاختيار في إيدينا.
لو استخدمنا المية بعقل، الأرض هتفضل خضرا، وإحنا هنفضل نعيش.

✉️ رسالة من المزارع اللي بطل يزرع – من المستقبل…بس لسه عندنا أمل.




💧 اليوم الأول | رسالة من مدينة عطشانة انا من سنة 2080 من مدينة كبيرة، لكن دلوقتي بنقف في صف طويل نستنى شاحنة مياه توصل ك...
11/10/2025

💧 اليوم الأول | رسالة من مدينة عطشانة
انا من سنة 2080 من مدينة كبيرة، لكن دلوقتي بنقف في صف طويل نستنى شاحنة مياه توصل كل 3 أيام.
المياه بقت عملة، وكل لتر بيتباع بسعر الوقود زمان.

عارفين بدأت إزاي؟ لما الناس كانت بتسيب الحنفية مفتوحة، ولما مكنش في وعي بأهمية الترشيد.
ومع تزايد عدد السكان المستمر، بدأ نصيب الفرد من المياه يتراجع تدريجيًا لحد ما وصل لمستوي اقل من المعدل العالمي الآمن.

وانت بتقرأ اكيد اتخضيت مش كدة ؟ متقلقش ، المكتب الاخضر جاي يقولك في أسبوع المياه، من ١٢ حتى ١٩ اكتوبر، اللي هنناقش في قضايا المياه و ادارتها و تحدياتها، و تحديدا في سياق تغير المناخ و النمو السكاني، علي شوية حاجات بسيطة ممكن تعملها النهاردة بنفسك وهتفرق كتير اوي ف مستقبلنا♥️

تخيل كل ده حصل علشان سابوا الحنفيات مفتوحة !
طب م نكون ايجابين ونبدأ النهاردة بنفسنا 🫡
مش هنسيب الحنفيات مفتوحة واحنا بنغسل أسناننا أو واحنا بنغسل المواعين تاني و نهدر مياه في غسل العربيات و ري الجناين ونقول عادي اصل الكل بيعمل كده
وهنبطل نهمل اي مواسير بتسرب ماية و هنصلحها ، ده نقطة المايه
النهاردة بتفرق !

وبس كدة يا صديقي ، خليك جزء من الرحلة دى معانا و على مدار اسبوع حلقة ب حلقة هنعرف ازاى منوصلش للنهاية دى.

تتوقعوا رسالة بكرة هتكون من مين و عن اية؟




في السادس من أكتوبر.. نتذكّر أن قوة الأوطان لا تكمن فقط في سلاحها، بل في عزيمة أبنائها ووحدتهم.واليوم، في Green Team، نؤ...
06/10/2025

في السادس من أكتوبر.. نتذكّر أن قوة الأوطان لا تكمن فقط في سلاحها، بل في عزيمة أبنائها ووحدتهم.
واليوم، في Green Team، نؤمن أن روح أكتوبر هي ذاتها ما نحتاجه لنواصل طريقنا نحو تحقيق التنمية المستدامة: إصرار، تعاون، وأمل في غدٍ أفضل

نهنئكم بذكرى النصر العظيم، يوم يؤكد لنا أن المستحيل دائمًا له مفتاح.. ومفتاح حاضرنا هو العلم، الوعي، والعمل المشترك لبناء مستقبل يليق بمصرنا العزيزه.


#6أكتوبر #مصر

يسعدنا نعلن عن اختيار المشاركين في الدفعة الثالثة من برنامج Sustainable Researcher Program (SRP)!وتم قبول المشاركين من ط...
02/10/2025

يسعدنا نعلن عن اختيار المشاركين في الدفعة الثالثة من برنامج Sustainable Researcher Program (SRP)!
وتم قبول المشاركين من طلاب السنة الأولى والثانية بكلية العلوم، جامعة القاهرة فقط، ممن لم يسبق لهم الانضمام للبرنامج.

لو وصلك رسالة على واتساب، ده معناه إنك من المقبولين! لاستكمال التسجيل، برجاء الرد علينا والانضمام للجروب المُرسل قبل انهاية اليوم، الخميس 2/10 الساعة 11:59 مساءً.

للأسف العدد كان كبير جدًا ومعرفناش نقبل كل المتقدمين، لكن ما تزعلوش! بنجهز لفرص قريبة جدًا وهنكون سعداء بمشاركتكم فيها.

خليكم متابعين معانا لكل جديد!



Address

كلية العلوم-جامعة القاهرة
Giza

Website

Alerts

Be the first to know and let us send you an email when Green Team, Faculty of Science, Cairo University posts news and promotions. Your email address will not be used for any other purpose, and you can unsubscribe at any time.

Shortcuts

Share

Category