17/09/2026
بعد رحلة استمرت أربع سنين، بننهي رحلتنا في كلية العلوم. 💚
أربع سنين شاركنا فيها معاكوا لحظات كتير أوي، لحظات يمكن كانت بسيطة، لكنها كانت بتفرق مع كل فرد في التيم وبتسعدنا أكتر مما تتخيلوا.
كانت رحلة اتعلمنا فيها منكوا قبل أي حاجة، من كل شخص قابلناه، وكل نقاش حصل، وكل Session اتجمّعنا فيها، وحتى من اللحظات اللي كنا بنشوفكوا فيها في الكلية ونحس إن اللي بنعمله فعلًا له معنى.
التيم اللي بدأ بكريم النجار، وهمسة محمد، ويوسف محمد، وكل فترة كان بيكبر أكتر، ويدخل فيه أشخاص جديدة، لحد ما بقينا مش مجرد Team، لكن Community حقيقية، وكل شخص فيها كان ليه مكان وحكاية.
ودلوقتي، الفصل ده من الرحلة بينتهي.
الأشخاص اللي كانوا موجودين في التيم مش هيكملوا فيه، وبرنامج الباحث المستدام (SRP) كمان مش هيكمل تحت الـGreen Team بالشكل اللي كان موجود بيه.
لكن Green Team نفسه هيكمل.
هيكمل بتيم جديد، وأشخاص جديدة، وأفكار جديدة، وتبدأ معاهم حكاية جديدة تحت نفس الاسم.
إحنا يمكن بنقفل فصل، لكن بنمشي وإحنا ممتنين لكل حاجة حصلت فيه، ولكل شخص كان جزء منه.
شكرًا عشان كنتوا جزء من رحلتنا، وشكرًا على كل لحظة، وكل مشاركة، وكل كلمة، وكل حاجة شاركتونا بيها خلال الأربع سنين اللي فاتوا.
وجودكوا كان جزء أساسي من الحكاية 💚
شكر خاص لدكتورة سهير فهمي، د. سحر فضل الله، د. ندى عزت و د. عبير محسن على دعمهم المستمر و ثقتهم فينا
و شكراً لكل شخص من التيم كان جزء من الرحلة و سبب أساسي لكل نجاح : سلمى أحمد، ميار حمدي، ملك محسن، سارة سمير، تقى رفاعي، مروة عبد الناصر، حنين السيد، ندى أنور، جنى ناصر، عائشة عبدالعظيم، شهد محمد، و مازن عبدالسلام.
وشكرا للناس اللي كانت في بداية رحلتهم معانا في التيم و مؤمنين بالي بنقدمه: سمر عماد، ماريا هاني، روان سامح، عماد مصطفى، كارين بدروس، نوران احمد، شهاب محمد، عمرو اشرف، ودارين محمد.
يمكن احنا خلاص مش الGreen Team، بس الاكيد اننا هنفضل Team.💚
