متطوعين سكة الخير - Seket El Kheir Volunteers

23/11/2024

أبطالنا كانوا موجودين في قرية هربشنت مركز ببا - محافظة بني سويف بقافلة طبية بالتعاون مع فريق ، وقدروا بفضل الله ثم دعمكم الكشف على 400 حالة مرضية في 6 تخصصات (باطنة - أطفال - عظام - جلدية - نسا - علاج طبيعي) والتعاقد مع معمل تحاليل لتحويل الحالات عليه بنسبة خصم كبيرة وصيدلية بالقرية لصرف العلاج الغير متوفر بنسبة خصم تصل لـ 25% وقدروا كمان توزيع 50 شنطة مستلزمات غذائية على الأسر الأكتر استحقاقاً. ❤️

ولسا مستمرين في دعم ومساعدة أهالينا في قرى مصر عشان نوفر ليهم احتياجاتهم الأساسية، لو حابب تكون من ضمن أبطالنا تقدر تملى الفورم دي: https://forms.gle/cGXjp5LcGYXidwwP7 وهنتواصل معاك في أقرب وقت. 📝

19/11/2024

حابب تسيب بصمة إيجابية بشكل مختلف في حياة غيرك؟
عندك شغف بالسوشيال ميديا وعاوز تستغل مهاراتك عشان تصنع تغيير حقيقي في المجتمع؟

انضم لفريق السوشيال ميديا بالجمعية دلوقتي من خلال اللينك ده https://forms.gle/cGXjp5LcGYXidwwP7 وخليك انت التغيير اللي حابب تشوفه. ❤️

17/11/2024

عشان احنا مؤمنين أن الصحة حق للجميع، عشان كدا قوافلنا الطبية هدفها الأساسي تقريب المسافات، وإزالة الحواجز، عشان نقدر نوصل لكل فرد في المجتمع، في اي وقت واي مكان. ❤️

في عالم مليات بالتحديات الصحية، بييجي دور القوافل الطبية عشان تكون الحل الأقرب ليك! احنا جنبك في كل مكان لتقديم خدمات طبية متميزة ومجانية بالكامل، عشان نضمن ليك ولأسرتك حياة صحية أفضل من غير عناء في السفر او قوائم الانتظار الطويلة. ✨

🔹 خدماتنا:
1- الكشف الطبي: في مختلف التخصصات (مثل: الأطفال، النساء، الباطنة، والعظام).
2- الفحوصات الطبية: تحليل الدم، السكر، وقياس ضغط الدم.
3- تقديم الأدوية مجانًا بشكل كامل
4- التوعية الصحية: تقديم النصائح والإرشادات للوقاية من الأمراض المعدية.

لو حابب تكون من ضمن أبطالنا وتشاركنا في تنفيذ القوافل الطبية في جميع قرى مصر تقدر تملى الفورم: https://forms.gle/cGXjp5LcGYXidwwP7 وهنتواصل معاك في أقرب وقت. 📝

07/11/2024

الطفلة "س" الشتا بالنسبة لها كابوس..
لأنها بتقضي لياليها وهي بترتجف من البرد في بيتها المتهالك اللي من غير سقف يحميها من المطر، أو بطانية تدفيها من البرد الشديد.

سألناها نفسك في إيه؟ قالت "أنام دفيانة"!

عايزين نساعد "س" وعشرات الأطفال اللي زيها في أسر محتاجة ومستحقة في القرى الفقيرة.

عشان كده في سكة الخير لسه مكملين في حملتنا السنوية ، واللي فيها بنساعد الأسر المستحقة في القرى الفقيرة بتسقيف البيوت وتوزيع البطاطين..

والسنة دي هدفنا:

١- تسقيف 20 بيت بمتوسط 10 آلاف جنيه
(قيمة السقف الخشبي للبيت الواحد).

٢- نحمي 250 أسرة من برد الشتاء ببطانية متوسط تكلفتها 500 جنيه.

أماكن التسقيف وتوزيع البطاطين:
- قرية الشيخ حسن بالمنيا
- قرية الديسمي بالصف - الجيزة
- قرية مسجد موسي بأطفيح - الجيزة
- مركز إسنا- الأقصر

✨ إجمالي المطلوب 650 سهم
✨ قيمة السهم 500 جنيه
✨ تقدر تتبرع بأي مبلغ يبدأ من 50 جنيه

مع بعض نقدر نغيّر حياتهم ونخليا أكثر دفئاً!💚

خلّي عطاءك دفء ليهم.. و #خلِّي_سكة_الخير_سكتك.☘️

04/11/2024

كل أسرة تستحق الدفا والأمان!💚
مع دخول فصل الشتاء، بتزيد معاناة الأُسَّر اللي تفتقر لأبسط مقومات الحياة، زي سقف يحميهم من المطر الشديد أو بطانية تدفيهم من البرد القارس.😔

عشان كده سكة الخير لسه مكملة في حملتها السنوية اللي فيها هنساعد الأسر المستحقة في القرى الفقيرة بتسقيف البيوت وتوزيع البطاطين. ❤️

والسنة دي هدفنا:
١- تسقيف 20 بيت بمتوسط 10 آلاف جنيه
(قيمة السقف الخشبي للبيت الواحد).
٢- نحمي 250 أسرة من برد الشتاء ببطانية متوسط تكلفتها 500 جنيه.
أماكن التسقيف وتوزيع البطاطين:
* قرية الشيخ حسن بالمنيا
* قرية الديسمي بالصف - الجيزة
* قرية مسجد موسي بأطفيح - الجيزة
* مركز إسنا - الأقصر

إجمالي المطلوب 325,000 جنيه = 650 سهم .. قيمة السهم 500 جنيه وتقدر تتبرع بأي مبلغ يبدأ من 50 جنيه

متخليهمش يواجهوا قسوة الشتا لوحدهم .. وخلّي عطاءك دفء ليهم، و #خلِّي_سكة_الخير_سكتك.☘️

لو عايز تعرف طرق التبرع، اكتب في تعليق كلمة "سكة الدفا" وهنتواصل معاك.

01/11/2024

سقف يحمي وبطانية تدّفي!💚

سكة الخير بدأت حملتها السنوية .

مشروع أسقف وبطاطين الشتاء لعام 1446ه‍ - 2024م.

هو أحد مشاريع الصدقة جارية اللي بدأناه من سنين ولسه مكملين..

وقدرنا من خلاله نساعِد أُسر كتير في محافظات مختلفة، وبتسقيف بيوت وتوزيع بطاطين تحميهم من المطر والبرد.☘️

والسنة دي هدفنا السنة:

١- تسقيف 20 بيت بمتوسط 10 آلاف جنيه
(قيمة السقف الخشبي للبيت الواحد).

٢- نحمي 250 أسرة من برد الشتاء ببطانية متوسط تكلفتها 500 جنيه.

أماكن التسقيف وتوزيع البطاطين:
- قرية الشيخ حسن بالمنيا
- قرية الديسمي بالصف - الجيزة
- قرية مسجد موسي بأطفيح - الجيزة
- مركز إسنا- الأقصر

✨ إجمالي المطلوب 325,000 جنيه = 650 سهم

✨ قيمة السهم 500 جنيه
✨ تقدر تتبرع بأي مبلغ يبدأ من 50 جنيه

بمساعدتكم هنقدر نغيّر حياتهم ونوفر لهم سقف آمن وبطاطين تدفيهم.

شارك في الخير..
وخلّي عطاءك دفء ليهم و #خلِّي_سكة_الخير_سكتك

لو عايز تعرف طرق التبرع، اكتب في تعليق كلمة "سكة الدفا" وهنتواصل معاك.

20/10/2024

أبطالنا كانوا موجودين في قرية برويش بقافلة طبية ومعرض ملابس، وقدرنا بفضل الله ثم دعمكم الكشف على حوالي أكثر من 150 حالة مرضية في 4 تخصصات (باطنة - أطفال - عظام - جلدية) وتوزيع أكتر من 200 قطعة ملابس ولحاف لفصل الشتاء وتوزيع الوجبات على الأسر الأكتر استحقاقاً. ❤️

ولسا مستمرين في دعم ومساعدة أهالينا في قرى مصر عشان نوفر ليهم احتياجاتهم الأساسية، لو حابب تكون من ضمن أبطالنا تقدر تملى الفورم دي: https://forms.gle/cGXjp5LcGYXidwwP7 وهنتواصل معاك في أقرب وقت. 📝

09/09/2024

شاركنا في كفالة طلاب المدارس و ❤️

أولاد كتير نفسهم يكملوا تعليمهم ويحققوا أحلامهم لأن عندهم طموح زي كل الناس، بس للأسف مستقبلهم في خطر بسبب ضعف الإمكانيات وقلة الماديات..

عايزين نساعدهم وننقذ حلمهم ومستقبلهم ونوفر لهم مصاريف المدرسة وما يلزم!

في مشروع كفالة طلاب المدارس ٢٠٢٤ من سكة الخير هدفنا نكفل ٢٠٠ طالب عن طريق:

✅ التكفل بالمصاريف المدرسية.
✅ توفير شنط مدرسية بمحتوياتها.

تكلفة الطالب الواحد ١٠٠٠ جنيه
قيمة السهم ٥٠٠ جنيه

تقدر تتبرع بقيمة السهم كامل أو أقل، ولا تحقرن من المعروف شيئاً!

اكتب في تعليق كلمة "كفالة طالب" وهنبعتلك طرق التبرع.

#خلِّي_سكة_الخير_سكتك🌱

25/08/2024

متطوعين جمعية سكة الخير كانوا في زيارة لدار زينة الحياة للأيتام، مجهود بسيط جداً كان قادر يحسس الأطفال بالسعادة في وقت قليل. 🤩

لعبنا، لوننا، هزرنا وضحكنا وشاركناهم أحلامهم اللي جاية، والأهم إن الزيارة كانت خفيفة ومبهجة والأطفال فرحوا بيها. ♥️

17/08/2024

خلِّي زكاتك مع سكة الخير ♥

خلِّي زكاتك مع سكة الخير واضمن وصولها لمستحقيها من المحتاجين والأسر الأكثر احتياجًا، واللي زكاة مالك هتساعدهم يعيشوا حياة كريمة.

اكتب في تعليق كلمة (زكاة مال)، وهنبعتلك تفاصيل الحالات المستحقة للزكاة وطرق التبرع.

و #خلِّي_سكة_الخير_سكتك

15/08/2024

جمعية سكة الخير بتعلن عن فتح باب التطوع للمشاركة في تنفيذ أنشطة الجمعية المختلفة، زي (معارض الملابس - القوافل الطبية - زيارات دور رعاية المسنين - زيارات دور الأيتام - حملات الإطعام) وغيرها كتير. ♥

🔹 الشروط:
1- أن يكون المتطوع من المقيمين في محافظات (القاهرة - الجيزة - القليوبية)
2- يكون المتطوع مهتم بالمشاركات المجتمعية وعنده قابلية للشغل مع فريق
3- الإلتزام لمدة 7 ساعات في الإسبوع على الأقل لمدة 3 شهور

🔹 المميزات:
1- شهادة تطوع بعدد الساعات في الخدمة المجتمعية تقدر تحطها في الـ CV بتاعك
2- مساحة لتطوير مهاراتك الحياتية الهامة للعمل وتكوين شبكة علاقات
3- تطوير مهاراتك العملية وبناء خبرة مهنية من خلال المشاركة في أنشطة الجمعية
4- حضور تدريبات متنوعة لبناء قدارتك كمتطوع سواء اونلاين او اوفلاين

لو حابب تكون من ضمن أبطالنا وتشاركنا في تنفيذ أنشطة الجمعية المختلفة، املى الفورم دي: https://forms.gle/cGXjp5LcGYXidwwP7 وبس كدا .. شوفت سهلة خالص ازاي. 🤩

04/08/2024

بفضل ربنا ثم مجهود أبطالنا قدرنا يوم الجمعة 2/8 ننفذ قافلة قرية النزلة بمركز يوسف الصديق - محافظة الفيوم. ♥

إحصائيات القافلة:
🔸 نفذنا قافلة طبية وتم الكشف فيها على 345 حالة مرضية في تخصصات (أطفال - باطنة - عظام - جلدية) ونوزع علاج بالمجان ليهم.
🔸 وزعنا حوالي 100 قطعة ملابس من خلال تنفيذ معرض ملابس خيري
🔸 نفذنا اطعام ووزعنا من خلاله 100 وجبة ساخنة

ولسا مستمرين في دعم ومساعدة أهالينا في قرى مصر عشان نوفر ليهم احتياجاتهم الأساسية، لو حابب تكون من ضمن أبطالنا تقدر تملى الفورم دي: https://forms.gle/cGXjp5LcGYXidwwP7 وهنتواصل معاك في أقرب وقت. 📝