بني هلال بلدنا

بني هلال بلدنا صفحه خاصه ببلدنا كفر بني هلال للحديث علي الايجابيات والسلبيات نحترم جميع الاراء والنقاشات التي تلتزم بأدب الحوار نقبل الرأي والرأي الاخر

كان تاجر بلح 😂😂😂
09/04/2026

كان تاجر بلح 😂😂😂

مشكلتنا دايما في الاوراق والروتين وشغل الادارات اللي مش بيخلصانا عارف وواثق ان مافيش حد مقصر لكن يبقي السؤال اللي اشرنا ...
09/04/2026

مشكلتنا دايما في الاوراق والروتين
وشغل الادارات اللي مش بيخلص
انا عارف وواثق ان مافيش حد مقصر
لكن يبقي السؤال اللي اشرنا ليه قبل كدا
والناس زعلت اعمل المهم ثم الاهم
لاننا اتكلمنا اكتر من مره بخصوص المعهد
وبخصوص زيادة عددالفصول
ودلوقتي الاهالي بتشتكي
من الاهمال في حق اولادهم
اتكلمنا ونبهنا وأشرنا
وماحدش اتكلم
دلوقتي الصرخات طلعت من الاهالي
اتمني بس حد يتحرك وياخدوا كلامنا
بعين الاعتبار بعد كدا

08/04/2026

الحمد لله الحكايه عندنا مختلفه
الحكايه مش ريتش خالص
الحكايه من البدايه صدق الكلمه
المصلحه العامه من غير منافق حد
واكيد بدون اي تجاوز وبدون اي خروج عن النص
علشان كدا مش هتلاقينا
لا بنذكر حد ولا بنطبل لحد
الحكاية عندنا دايما مختلفه
والاختلاف مطلوب
لولا الاختلاف لا بارت السلع في السوق
تحياتي للجميع

حد يرد ع الراجل يا جماعه علشان لما اتكلمنا ووضحنا بعض الامور اللي محتاجه واقفه من كل اهل البلد فيه ناس نزلت بوستات تلقح ...
06/04/2026

حد يرد ع الراجل يا جماعه
علشان لما اتكلمنا
ووضحنا بعض الامور اللي محتاجه واقفه
من كل اهل البلد
فيه ناس نزلت بوستات تلقح علينا
مع انتا عمرنا ما هجمنا حد بشخصه
ولا ذكرنا حد بسوء

06/04/2026

في ظل الظروف الراهنه
والحاله الاقتصاديه السيئة
التي تمر بها البلاد والعباد
من سوء الاحوال المعيشيه
والغلاء واغلاق المحالات التجارية
عند الساعه التاسعه
قررنا الاتي
اي بوست تعريضي
او اي تطبيل من اي نوع
لاي شخص من الاشخاص
او مزايده علي احد في العمل الخيرى
او العمل الجماهيرى
علي اي صفحه من صفحات البلد
سوف يمر مرور الكرام
ولم نتطرق اليه من قريب او بعيد
كما كنا نفعل في السابق
لان حد باعتلي لينك لصفحه
بيقولي التعريض والتطبيل عملوله صفحه
جديده خاصه في التطبيل
فا انا حبيت اقول علي الملئ اننا مالناش علاقه بحد
وكل واحد حر يعمل اللي يعمله
انت حر طالما لم تضر
وياريت ماحدش يقحمنا مع حد
في اي امور جانبيه
اللي حابب ينزل حاجه ينزلها علي صفحته الخاصة
وتحياتي للجميع

في ناس بتيجي في الدنيا… وتمشي منها ومحدش يحس بيهازي "حمامة القهوجي"بدأ المسلسل وهو قهوجي… وانتهى وهو قهوجيلا كبر… ولا بق...
31/03/2026

في ناس بتيجي في الدنيا… وتمشي منها ومحدش يحس بيها

زي "حمامة القهوجي"
بدأ المسلسل وهو قهوجي… وانتهى وهو قهوجي
لا كبر… ولا بقى صاحب كافيتريا… ولا حتى حلمه اتغيّر

كل أحلامه كانت بسيطة:
يقدم القهوة للوزير… ويشوفه وش لوش

بس الحقيقة؟
حمامة مش لوحده…

في حياتنا ناس كتير شبهه
ناس عايشة على الهامش… مش بتطلب كتير… ومش بتاخد فرص كتير

بس السؤال هنا 👇
هل هما فعلًا "ماعملوش حاجة" في حياتهم؟
ولا إحنا اللي بنقيس النجاح بطريقة غلط؟

يمكن في ناس دورها في الحياة مش تبقى في الصورة…
بس من غيرهم الصورة نفسها ما تكملش

قولولي رأيكم 👇
حمامة كان فاشل… ولا كان راضي؟🤔

وأنا هنا مش بتكلم علي حمامه القهوجي

صباح الخير علي كل شرفاء الامة اما من خذلونا وأهدروا حقوق البلاد والعباد وتغاضوا عن ظلم اخواتنا في قضية الامهلا صبحكم الل...
31/03/2026

صباح الخير علي كل شرفاء الامة
اما من خذلونا وأهدروا حقوق البلاد والعباد
وتغاضوا عن ظلم اخواتنا في قضية الامه
لا صبحكم الله بخير ولا أقام لكم رايه

عجبني اوى اللي بيعمل حاجه للبلدبيصور وينزل وكأنه بيزل البلد بالخدمة اللي بيعملهامع العلم كلها خدمات مستحقه وأقل حق من ح...
30/03/2026

عجبني اوى اللي بيعمل حاجه للبلد
بيصور وينزل وكأنه بيزل البلد بالخدمة اللي بيعملها
مع العلم كلها خدمات مستحقه وأقل حق
من حقوق البلد في الخدمات العامة اللي المفروض البلد تتحصل عليها

يعني لما عربيه الزبالة تمر بشكل دورى دا الطبيعي
دي مش خدمه لكن مشكورا من سعي لايجاد الخدمة
لما الترعه تتطهر الحفار يمر بشكل دوري
دا امر طبيعي ومسئولية مجلس القرية مش خدمه
ومشكورا من سعي

ولما رئيس مجلس قريه سنهور يختار بني هلال انها تمثل مجلس القرية في القرية النموذجيه
يبقي مشكورا لحسن اختياره للقرية
لكن برضه دي مش خدمه دا مجرد ترشيح

ومشكورا كل من يسعي للخدمة العامة دون مقابل
لكن صور كل شويه وتنزيل ع الصفحات
وكل دا معلوم للجميع اسبابه
كل عايز يقول انا اللي بعمل
وانا رجل الخير والصلاح والاعمال الخيرية

يا جماعه اتقوا الله بقي واكبروا واعقلوا
خلصنا من الوجبات والتبرعات ولم الفلوس
وتوزيع الاظرف علي النت
دخلنا في الخدمات والتصوير والتنظير
والقيل والقال انا مش برمي علي حد معين
والحمد لله عندي من الشجاعه
اقول للغلطان انت غلطان

لكن في النهاية كلنا اخوات واهل
وماينفعش اللي بيخدم بلده واهله
يصور وينزل اشياء اقل من حق البلد بكتير
يعني انا عايزك تصور وتنزل
لما تجيب تغيير مواسير مايه الشرب
اللي كلها سموم بتدخل جسمنا كلنا
ولا تصلح للاستخدام الادمي اصلا
ودا برضة حق من حقوق البلد ابقي صور ونزل

لما تجيبوا الاسفلت اللي البلد محرومه منه من سنين
ودا برضه حق من حقوق البلد ابقي صور ونزل

تغطيه الترعه من اول غرب البلد لحد المدرسه الشرقيه علي الاقل
واعادة ترميم مزلقان البلد اللي هو الوحيد
لسه ماتعملش علي طول الخط
ابقي صور ونزل

المدرسه الغربية الابتدائية اللي اتهدمت
ولحد دلوقتي مش عارفين نعمل وحدة تاتيه غيرها
والاطفال بيقعدوا فوق بعض في الفصول
ولو واحد كح الكل بيتعدي منه وتتنقل العدوى
بسبب التكدس داخل الفصول والزحمه والقرف داخل الفصل بتأثر عل مستوى الطفل وبتتعب وبترهق المدرس اكيييد طبعا

دا غير المعهد الديني الابتدائي اللي محتاج توسعه
واعاده زيادة للفصول بدل ما الاطفال بيتبهدلوا ويطلعوا برا البلد واهاليهم هما اللي بنينه بجهودهم الذاتيه

ودا كله طبعا غير اعاده تشغيل الوحده الصحيه اللي هتخرب قبل ما تشتغل
ومركز عربيات اسعاف يكون داخل الوحده الصحيه

كل دي امور مهمه ومن حق البلد انها تكون موجوده
لكن الحفار بينضف الترعه ماهو طول عمره بيمر
ودا الطبيعي جدا
عربيه الزباله هتلف بشكل يومي ماهي فلوس الزباله
بتتلم من سنين علي فاتورة المايه او الكهرباء

هنلم ونعمل وجبات لاخوتنا السكان والمحتاجين والعاملين عليها ونزل ونصور
وكله يطلع يطبل ويقول جهد مشكود وسعي مبرور
دا امر مستفز بصراحه
وفلان يشكر وفلان يدعم وفلان يطبل

ياريت ماحدش يزعل من كلامي ولا ياخد الكلام علي نفسه انا بس عايزكم تفوقوا دا اقل حق من حقوق البلد دا الطبيعي واكتر من كدا بكتير كمان
ماتصورش للناس انكم كدا بتخدموهم

طبعا انا عارف ان كلامي هيزعل ناس كتير
انا عارفهم بالاسم
لكن احب اقول لهم اللي زعلان
احنا طهرنا الترعه اشربوا منها

وبرضه بحترم الجميع
وربنا يعلم
ما اريد الا الاصلاح والخير

23/01/2026

ان تضيئ شمعه 🗽 خير لك
أن تبقي طول العمر تلعن الظلام
واحنا هنا بنقيد شموع مش شمعه واحده
وبنضرب كشافات نور في وش اي حد للمصلحه العامة فقط لاغير دون نفاق اور رياء 🚧

البلد عملت كتير اوى بالجهود الذاتيه
زي المعاهد والمساجد والبريد وغيرهم كتير
خدمات كتير اتعملت في البلد بالجهود الذاتيه
وخدمات اتقدمت بالسعي عليها
علشان يتم تنفيذها داخل القرية 🏨📝

زي المجاري والتليفونات زمان والغاز الطبيعي
وانارة الطرق واصلاح طريق المقابر زمان
حتي لو كل دا كان خطة دوله واجبه التنفيذ
علشان كدا لازم نكمل ما بدئناه

لازم السعي ثم السعي ثم السعي من اجل التفيذ
والاصلاح البلد محتاجه اسفلت بشكل كبير جدا
محتاجه بنك إئتمان زراعي محتاجه تطوير كبير جدا
للجمعيه الزراعيه
محتاجين يتم تطوير المزلقان ومدخل القريه

وقبل الاسفلت لازم ولابد تغيير مواسير مياه الشرب

فيه محافظات بتقوم بحملات لتغيير مواسير خطوط مياه الشرب الرئيسية اللي كانت قديمة وغير صحية (زي مواسير الأسبستوس) لمواسير أحدث وآمنة، وده بيضمن نقاوة المياه وتقليل التلوث والأخطار الصحية. 
📌 النوع الجديد اللي بيتم تركيبه

📍 مواسير البلاستيك PVC
الدولة وشركات مياه الشرب في محافظات مختلفة بيبدّلوا المواسير القديمة (خصوصًا الأسبستوس) بمواسير بلاستيك PVC في خطوط المياه الرئيسية والفرعية لأن البلاستيك ده:
• ما بيصدأش أو يتفاعل مع المياة

ليه بقي انا بقول كدا علي النوع دا من مواسير مياه الشرب PVC
✔ صحي وآمن لمياه الشرب
✔ مقاوم للتآكل والصدأ
✔ سعر مناسب وأداء جيد
✔ عمر طويل وقدرة على تحمل ضغط المياه
المواسير القديمة اككبر خط وضرر علي صحه الجميع
لازم بجد الكل يسعي من اجل تغيير خط مياة الشرب بالكامل 🚰🚰🚰

حاجات كتير لازم تتعمل لازم يتم زيادة فصول المعهد الديني في القريه بدل ما الاطفال بيتم توزيعهم علي المعاهد المجاوره لازم يتم اصلاح هذا الامر
وزيادة عدد فصول المعهد الديني مراعاه للاطفال الجدد 🏢✏️📝

طبعا دا غير تطوير الوحده الصحيه
وتوفير سيارات اسعاف داخل الوحده
لاغاسه الحالات الحرجه في منتصف الليل

📌وكمان وحده غسيل الكلي اللي اتكلمنا عليها من زمان 📍 #@
وكان الجميع يعلم ان فتح الموضوع
وكان هناك طلبات اتقدمت علشان يتم انشاء
وحدة غسيل كلوى داخل القرية لخدمه اهل القرية
المصابين ولتخفيف العبئ عليهم
نتمني من الجميع الدعم في كل هذه النقاط
المهم جدا ويحب توفيرها
من اجل القرية وأهلها
يجب الدعم والمشاركة من الجميع

اللهم بلغت اللهم فا إشهد

بعد كل الجدل في الايام الماضيه عن فتح مكتب حفلات داخل القرية او علي الطريق العام للقريه تواصل عمده بني هلال الشيخ عبد ال...
19/01/2026

بعد كل الجدل في الايام الماضيه
عن فتح مكتب حفلات داخل القرية او علي الطريق العام للقريه
تواصل عمده بني هلال الشيخ عبد الفتاح خلاف مشكورا مع صاحب المكتب المذكور اسمعه في الفيديوهات الدعائيه للمكتب
وانهي الحوار بشكل سريع ومحترم
شكرا لعمده بني هلال علي هذا التدخل السريع
ونتمني لكم التوفيق في كافة امور القريه
وكل الدعم والتقدير لشخصكم الكريم
وكل شباب بني هلال معك وبتدعمك
في اي موضوع خاص بالقرية واهلها

إن لله وإنا وإليه راجعونالاخ والصديق حازم خالد الحصاوى في ذمة الله فقيد شباب بني هلال رحمك الله يابو خالد وأسكنك فسيح جن...
14/01/2026

إن لله وإنا وإليه راجعون
الاخ والصديق
حازم خالد الحصاوى في ذمة الله
فقيد شباب بني هلال
رحمك الله يابو خالد وأسكنك فسيح جنانه
وربط علي قلوبنا جميعا
خالص العزاء والمواساه للاسره الكريمة
وعائله الحصاوى وكل أهل بلدتنا الطيبه
في وفاة رجل من زينه شبابها
ولا حول ولا قوة الا بالله

Address

كفر بني هلال
Damanhour

Website

Alerts

Be the first to know and let us send you an email when بني هلال بلدنا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category