جمعية كفالة اليتيم وتنمية المجتمع بكودية الاسلام

03/06/2026

توكلنا علي الله
تخيل حضرتك ماشي في الجو المطهبج دا وعطشان قوي ولقيت قدامك كولديير نظيف وماء ساقع بعد متشربوو ترتوي هتلاقي روحك بتدعي للي ركب الكولدبير دا وحافظ عليه

احنا محتاجين نشتري كولديير لتركيبه في منطقة حيوية بحري البلد
فيه هناك عمي الحاج محمد تعهد بالحفاظ علي الكولديير عشان يستمر يروي العطشان
وتعهد بوصلة الماء والتيار الكهربي ونظافة الكولديير عليه جزاه الله خيرا
اسعار الكولدييرهات تتراوح من ٦٠٠٠جنية ل ١٣٠٠٠جنية
احنا محتاجين نشتري حاجة وسط وتكون كويسة ان شاء الله
يعني ١٠٠٠٠جنية
يا باغي الخير أقبل وشارك معنا لعمل صدقة جارية لك ولأهلك أحياء و أموات
هيييي لله
و علي الله
و من ..... اكمل ياللا عاد

26/05/2026

علي بركة الله
الجمعية تستقبل جلود الأضاحي
حضرتك هتضحي اتعب و ابعتلنا الجلد للجمعية
هنجمع الجلود بين الجامع والجمعية وليس داخل الجمعية
ويا سلام لو مع الجلد تبعتلنا ٥ كيلو لحم او ٧٠ كيلو
ربنا يبارك فيكم ويحفظكم ويسعدكم ويتقبل منكم
اما كلمتي للأخوة الجزارين اعانكم الله
حضرتك عارف ان سكينتك هي اللي بتحدد ثمن الجلد بالله عليك خد بالك معانا
وانتبه للسكينة مع الجلد حفظكم الله ورعاكم

20/05/2026

النهارده كان فيه ندوة دينية بالجمعية أقامتها الوحدة المحلية بالقرية مشكورين

المهم ....
فيه واحدة ست سألت سؤال في أحوال الرضاعة
الشيخ اجاب سؤالها
وبعد انتهاء الندوة
الست مشت
والشيخ طلب مني ان الست دي تراجعه مرة اخري في تفاصيل السؤال ضروري لانه تذكر كلمة هي قالتها مؤثرة في الجواب الشرعي لسؤالها
ياريت الست دي تتواصل معانا عشان نوصلها للشيخ مرة اخري عن طريق الاتصال التليفوني

الشيخ مهتم جدا بالأمر لأهمية الرد الشرعي لسؤالها

و احنا مش عارفين مين الست صاحبة السؤال

Send a message to learn more

20/05/2026

إخواننا الكرام
من يريد التبرع بمصاحف للجمعية من أجل التوزيع نتمني أن تكون المصاحف جديدة أرجوكم بلاش المصاحف المقطوعة او الممزقة او غير الكاملة ( المصاحف المستعملة )

حضرتك تريد التبرع يبقي لازم جديد
أرجوكم بلاش احراج فالأمر هااام
شكرا لتفهمكم وحسن تعاونكم وجزاكم الله خيرا وبارك الله فيكم أهل الخير متبرعين وداعمين ومحبين

19/05/2026

تدعوكم الوحدة المحلية بقرية كودية الإسلام
لحضور الندوة الدينية غدا الاربعاء الساعة ١٠ ص بالدور الرابع بجمعية كفالة اليتيم بقرية كودية الإسلام
يحاضر فيها بعض من مشايخ الأزهر الشريف بأسيوط

أهالي كودية الإسلام

13/05/2026

يا شباب
محتاجين عدد ٢ كيس دم ضروري
متوفر متبرع بكيس ومحتاجين كيس تاني للمريض
الفصيلة دم Ab+
التبرع هيكون بديروط ان شاء الله
لو جاهز للتبرع اتصل برقم الاستاذ وليد
‎01115383223
جزاكم الله خيرا وبارك الله فيكم شبابنا المحترم
شارك المنشور واهتم بالله عليك

13/05/2026

توكلنا علي الله
محتاجين نعمل عدد ٣٠٠ شنطة مواد غذائية للتوزيع علي أسر الجمعية تكلفة الشنطة ٦٠٠ جنية
فان افضل أيام العام هي العشر الأوائل من ذي الحجة فهنيئا لأصحاب العمل الصالح
هي لله
ومن الله
و علي الله
#وتعاونوا

04/05/2026

صباحكم زكاة زروع مقبولة
نذكركم بزكاة القمح تقبل الله منكم
الجمعية معكم وبكم

02/05/2026

نصلي علي رسول الله صلي الله عليه وسلم
لأسباب تخص مصروفات الحضانة
تم تأجيل استلام الملفات الجديدة
ونصيحتي اللي عنده طفل يقدمله في اي حضانة بالقرية وبسرعة وماينتظرش الجمعية
كل حضانات القرية اشهد لها بالكفاءة والمصداقية
ومصروفات العام المقبل سوف تكون مثل أي حضانة بالقرية ولن تقل عن أي حضانة
فالرجاء محدش يبعت يستفسر عن التقديم لان غالبا سنكتفي بالأطفال الموجودة والله اعلم
أي حد تواصل معاي الأيام الماضية يعتبر ما قلته له لاغي لأسباب خارجة عن الارادة
لا تربط طفلك بظروف الجمعية
محدش يجيي اخر الاجازة ويجيب الخطأ عندنا اتفضل قدم لطفلك في اي حضانة من حضانات القرية الجميلة وعلي مسئوليتي كلهم ممتازين
استأذنكم محدش يتواصل معانا بخصوص التقديم هذه الأيام .
تمنياتنا لاولادكم بمستقبل باهر وموفق بامر الله

01/05/2026

يا شباب الله يباركلكم محتاجين فصيله دم B سالب لحاله هتوضع يوم السبت
هيعمل توافق فصايل لو احتاج الدم هيكون ف ديروط السحب يوم السبت الحاله من البلد
للتواصل 01129005236