طَيْفُ

29/04/2026

مع د/ دكتور محمد الجلالى BLU Derma Clinic
استشاري جلدية

حوار مهم عن الأمراض الجلدية…
وإزاي نظرة المجتمع ممكن تأثر على المريض أكتر من المرض نفسه.🌟

#طَيْف
💗🪞

20/04/2026

شكرا جدا لدعمكم لينا 🩷🩶

| «طيف»… إعلان طلاب إعلام الزقازيق يناقش فكرة تقبّل الاختلاف برؤية إنسانية."

في تجربة مختلفة تمس مشاعر الإنسان قبل عينيه، أطلق طلاب قسم العلاقات العامة والإعلان – كلية الآداب – جامعة الزقازيق، مشروع تخرجهم بعنوان “طيف”، وذلك تحت إشراف د/ وفاء صلاح، في شكل إعلان توعوي يسلّط الضوء على نظرة المجتمع للأشخاص المختلفين.

ويقدّم الإعلان فكرة تقوم على عرض مواقف حقيقية يتعرّض لها أشخاص لديهم اختلافات ظاهرية، مثل آثار الحروق أو الأمراض الجلدية، إلى جانب حالات نفسية غير مرئية، ليعكس كيف يمكن لنظرة المجتمع أن تؤثر على إحساس الإنسان بنفسه.

ومن خلال معالجة درامية، يُظهر الإعلان التحوّل في ردود أفعال الناس، وكيف يمكن لكلمة بسيطة أو نظرة طبيعية أن تغيّر تجربة كاملة، مؤكدًا أن الاختلاف لا يجب أن يكون سببًا للحكم أو الإقصاء.
ويركّز المشروع على تقديم رسالة توعوية تدعو إلى تقبّل الآخر، والتعامل بإنسانية، مع التأكيد على أن ما يراه الناس ليس دائمًا الحقيقة الكاملة.

ويسعى فريق “طيف” من خلال هذا الإعلان إلى خلق حالة من الوعي المجتمعي، وتشجيع الأفراد على إعادة النظر في طريقة تعاملهم مع الآخرين.
انتظروا الإعلان… تجربة هتخلّيك تشوف الناس بشكل مختلف.

#مصر #الوطن #التعليم #الجامعات

15/04/2026

ما بين الوجع والقوة… في حكايات عمرها ما بتتحكي بسهولة🪞
بس اللي شوفناه علّمنا إن الإنسان مش بيتقاس بشكله…
بيتقاس بقد إيه قدر يقوم و يكمل

يومنا في مستشفى أهل مصر كان أكتر من مجرد زيارة…
كان تجربة إنسانية مليانة حكايات، وتفاصيل علمتنا نشوف القوة بشكل مختلف.
طيف… مش بس مشروع، دي حكايات حقيقية بتتقال 🩷🌫️

و كل الشكر للأستاذة/ منال حسني
على الجولة والندوة والكلام اللي لمسنا واتعلمنا منه كتير، و دعمها اللي فرق معانا جدًا🩷

وشكر كبير لمستشفى أهل مصر
على حُسن الاستقبال وتجربة هتفضل دايمًا علامة فارقة معانا 🌟


#طَيْف
💗🪞

13/04/2026

يوم من مستشفى أهل مصر
مع الأستاذة/ منال حسني 💜
كان يوم مختلف…
مش بس لقاءات وحكايات بين السطور،
لكن كمان دروس اتعلمناها من ناس قوية بجد.
شفنا القوة بشكل تاني،
واتعلمنا إن كل حكاية وراها روح تستحق تتشاف.
رجعنا وإحنا شايلين جوانا إحساس أكبر،
ومسؤولية أكتر إننا نوصل الرسالة صح.
لحظات بسيطة…
بس بتفضل جوانا 🩷


#طَيْف
💗🪞

11/04/2026

مع د/ أيمن الحداد 💗
حوار عن حاجات بنشوفها كل يوم…
بس يمكن مش بنفكر فيها كفاية.
نظرة، كلمة، أو حكم سريع…
حوار بسيط ..لكن ممكن يغير طريقة تفكيرنا 🌟

#طَيْف
💗🪞

01/04/2026

شكرا جدا لحضرتك و لدعمك لينا يا دكتور 🩷🩶

31/03/2026

سنين وهي مصدقة الكلام اللي اتقالها..
لحد ما اكتشفت إن المشكلة مكنتش فيها
كلمة واحدة ممكن تكسر ثقة حد بنفسه…
وكلمة واحدة ممكن ترجعها تاني.
اختار كلماتك كويس
#التنمر مش هزار
#طَيْف
💗🪞

19/03/2026

طيف يهنئكم بحلول عيد الفطر المبارك 🥳💟

في كل عيد تعود إلينا مشاعر الفرح والأمل من جديد، لتذكرنا أن بعد كل لحظة صعبة… يأتي طيف من النور يملأ قلوبنا بالسلام والطمأنينة 🌟

نتمنى لكم عيدًا مليئًا بالفرحة، وأيامًا أجمل تحمل لكم الأمل والسعادة.

كل عام وأنتم بخير، وعيد فطر سعيد لكم ولأحبابكم 🩷

#طَيْف
💗🪞



كلية_الأداب_قسم_إعلام

16/03/2026

شكرا لدعمكم لينا ❤️

#طَيْف
💗🪞

09/03/2026

كنا أغراب و طيف جمعتنا☝🏻🩷

قبل ما الحكاية تتقال…
كان في طريق من التحضير، الضحكات، والخطوات
ودي بعض لحظاتنا في رحلة طيف🩷🩶

#طَيْف

16/12/2025

يسعدنا أن نعلن عن شراكتنا مع GDG On-Campus Zagazig :
-مجتمع طلابي تابع لبرنامج Google Developer Groups (GDG).
-هدفه تمكين طلاب جامعة الزقازيق في مجالات التكنولوجيا والتطوير.

▪️رؤيتهم:
-بناء مجتمع تعليمي يدمج بين التعلّم العملي والتطبيق الواقعي.
-إعداد جيل قادر على استخدام التكنولوجيا لحل مشكلات واقعية وتحقيق تأثير إيجابي في المجتمع.

▪️إيه اللي بيقدموه ؟
تقنية في مجالات متعددة مثل:
Frontend - Backend - Flutter - UI/UX - Cyber Security - Data analysis &AI - Branding - HR - BD

-تنظيم Events وSessions بتركّز على أحدث تقنيات Google.

-تنظيم Hackathons وCompetitions لتطبيق المعرفة عمليًا.

-توفير تراكات تدريبية متخصصة حسب اهتمامات الطلبة.

#طَيْف

14/12/2025

سعداء بوجودنا ومشاركتنا مع Enactus Zagazig University في Orientation Day 🤍
دعمكم لينا ولأفكارنا كان خطوة مهمة في بداية مشوارنا، ومتحمسين للي جاي أكتر وأكتر 🌟

انتظروا الأيام الجاية… في تفاصيل كتير لسه جاية، وحكاية لسه بتتكتب 💟🌫️

#طَيْف