Haddouta Mesreya

Call Directions Website Contact the organization

Haddouta Mesreya جمعية حدوتة مصرية للتنمية والخدمات مشهرة برقم 10812 لسنة 2018. تعمل "حدوتة مصرية" على إيقاظ الإنسانية داخل أفراد المجتمع وتشجيعهم على التعلم المستمر.

وحش رهيب ويخوف فعلا يمكن هما جريوا ومشافهوش بس هو واقف ومستنييهم ......! يقدم فريق حدوته بالالوان العرض المسرحي "الوحش!"...
12/10/2026

وحش رهيب ويخوف فعلا يمكن هما جريوا ومشافهوش بس هو واقف ومستنييهم ......!

يقدم فريق حدوته بالالوان العرض المسرحي "الوحش!"

في خطوة جديدة بنفتخر بيها، يشارك فريق حدوتة بالألوان التابع لجمعية حدوتة مصرية للتنمية والخدمات، ضمن مشروع «نجوم التنمية المستدامة»، الذي تنفذه مؤسسة المحروسة للتنمية والمشاركة، لدعم الفرق المسرحية وتوظيف الفن في نشر الوعي بقضايا التنمية المستدامة.

ويأتي تميّز حدوتة بالألوان في كونه فريقًا مسرحيًا للأطفال، يسعى إلى تقديم عروض فنية تناقش أهداف التنمية المستدامة، وتحوّل القضايا المجتمعية إلى حكايات ومواقف مسرحية تصل إلى الجمهور بلغة الفن وإبداع الأطفال، كما يحاكي عروض مسرحيه تتعلق بمصر القديمة وتعزيز الهويه المصرية.

🎭 وضمن هذه التجربة، يقدم فريق حدوتة بالألوان عرضه المسرحي

📆السبت الموافق 17 أكتوبر 2026
📍على مسرح الحياة – ماسبيرو.
الساعه 6 مساءا

نؤمن إن المسرح مش مجرد حكاية بنحكيها، لكنه مساحة للتعبير، وأداة للتغيير، وفرصة للأطفال إنهم يكونوا صوتًا واعيًا ومبدعًا من أجل مستقبل أفضل.






3 ايام من الاكتشاف والتعلُّم.. بداية حكاية جديدة مع متطوعي حدوتة مصرية!على مدار 3 أيام، استقبلت جمعية حدوتة مصرية للتنمي...
12/10/2026

3 ايام من الاكتشاف والتعلُّم.. بداية حكاية جديدة مع متطوعي حدوتة مصرية!

على مدار 3 أيام، استقبلت جمعية حدوتة مصرية للتنمية والخدمات المتطوعين الجدد في رحلة تدريبية جمعت بين اكتشاف الذات، والتعرّف على عالم الطفل، والاستعداد لتقديم أنشطة تعليمية وتفاعلية هادفة.

اليوم الأول: أنشطة حدوتة مصرية
بدأنا بالتعرّف على أنشطة وبرامج الجمعية، ومنها «أنا مصرية أصيلة»، و«قهوة النفاش»، وبرنامج «احكي معايا»، لاكتشاف جوانب مختلفة من شغل الجمعية ودورها في تنمية الأطفال والمجتمع.

اليوم الثاني: اكتشف نفسك
خصصنا اليوم لاكتشاف المتطوعين لأنفسهم بشكل أعمق، من خلال مجموعة متنوعة من الأنشطة والتمارين، منها:
• تمرين الأولويات.
• الهوية الشخصية والهوية الاجتماعية.
• القيم وعلاقتها بتنمية الشخصية.
• ماعت والقوانين الـ42 في مصر القديمة، والتأمل في علاقتها بالقيم الإنسانية.

ليوم الثالث: أنا والطفل
انتقلنا من اكتشاف الذات إلى الاستعداد للعمل مع الأطفال، من خلال التعرّف على:
• مداخل عالم الطفل وكيفية فهمه والتواصل معه.
• كيفية صياغة هدف ذكي (SMART) للجلسة.
• خطوات التحضير للجلسات والأنشطة.
• تصميم وتحضير نشاط جماعي تفاعلي.
• تدريب عملي على دليل القرائية، استعدادًا لتنفيذ جلسات تعليمية مع الأطفال.

حدوتة هى مساحة للتعلُّم والتجربة والتأمل، وبداية لتكوين وعي أعمق بالذات، وبالمسؤولية تجاه الأطفال والمجتمع.

في حدوتة مصرية، بنؤمن إن العمل التطوعي مش بس وقت ومجهود بنقدمه، لكنه كمان رحلة مستمرة من التعلُّم والنمو، بنكتشف فيها نفسنا ونقدر من خلالها نكون أثرًا إيجابيًا في حياة غيرنا.

أهلًا بمتطوعينا الجدد.. ولسه حكايتنا في أولها


# #تطوع

من فكرة صغيرة… لحكاية كاملة من صنع إيدين الأطفال!فصل الرسم في حدوتة مصرية، الاطفال اتعلمت إزاي نفكر، نتخيل، ونحوّل أف...
05/10/2026


من فكرة صغيرة… لحكاية كاملة من صنع إيدين الأطفال!

فصل الرسم في حدوتة مصرية، الاطفال اتعلمت إزاي نفكر، نتخيل، ونحوّل أفكارنا لحكايات.

كل جلسة كانت بتبدأ بمقدمة صغيرة عن الفن؛ مرة نرجع لفن الكهوف، ومرة نتعرف على الفن عند المصريين القدماء، ومرة نكتشف أساليب فنانين مختلفين زي فان جوخ والتعبيرية، وماتيسو فن الكولاج… وبعدها نربط اللي اتعلمناه بموضوع الجلسة ونبدأ نجرب بإيدينا.

وبنكمل بنشاط تفاعلي؛ نرسم بعض، أو نتخيل نفسنا حيوانات ونحاول نرسمها بطريقتنا.

بدأنا نتعلم إزاي نصمم شخصية قبل ما نرسمها:
إيه صفاتها؟ شكلها عامل إزاي؟ وإيه الألوان والأشكال اللي ممكن تعبّر عن شخصيتها؟

اتعلمنا إزاي نصمم الخلفية ونختار عناصرها حسب المكان: مدينة، غابة، صحراء…
واتكلمنا كمان عن بناء القصة، وإن كل حكاية ليها بداية ووسط ونهاية، وفي النص غالبًا بيقابل البطل مشكلة، وفي النهاية بيقدر يتغلب عليها ويلاقي الحل.

وف النهاية، الأطفال نفسهم ألّفوا قصة جماعية… وكانت هي الحكاية اللي هنحوّلها لمشروعنا.

قسمنا الأطفال لفرق؛ فريق لتصميم الشخصيات، وفريق لتصميم الخلفيات، والأطفال اشتغلوا على القصة والمشاهد بنفسهم.

وبعدها بدأت الحكاية تتحول من مجرد أفكار ورسومات… إلى عمل فني حقيقي باستخدام الكولاج

رحلة 3 شهور، بدأت بسؤال:
إيه اللي ممكن نتخيله؟
وانتهت بحكاية كاملة… صممها، كتبها، ونفذها الأطفال بإيديهم. ❤️

في حدوتة مصرية، الفن مش بس إننا نتعلم نرسم…
الفن مساحة نتخيل فيها، نجرب، نحكي، ونصنع حكايتنا بنفسنا.

مسئولة الفصل المتطوعة المبدعة يؤانا مجدي.

#تطوع #رسم #موهبة

المسرح في حدوتة مصرية… تجربة ثريه بيعيشها الاطفال في حدوتة مصرية، المسرح مش بس خشبة وحكاية وأطفال بيؤدوا أدوارهم…هو مساح...
03/10/2026

المسرح في حدوتة مصرية… تجربة ثريه بيعيشها الاطفال

في حدوتة مصرية، المسرح مش بس خشبة وحكاية وأطفال بيؤدوا أدوارهم…
هو مساحة بتخلّي الطفل يكتشف نفسه، ويتعلم، ويتخيل، والأهم… يربط نفسه بحكايات أجداده وتاريخه وهويته.

ومن هنا جاءت تجربة مسرحية حتشبسوت، نتاج تجربة فصول المواهب في حدوتة مصرية؛
تجربة اجتمع فيها التمثيل والحركة والفن والبحث والخيال، ليصنع الأطفال حكايتهم الخاصة عن واحدة من أهم ملكات مصر القديمة، حيث تحوّل ما تعلموه من فن وتمثيل وحركة وحكايات مصرية قديمة إلى عرض مسرحي صنعوه وشاركوا في تفاصيله.

في كل مشهد، كان فيه طفل بيحكي جزءًا من تاريخ بلده، وبيكتشف إن الحكايات اللي بنقرأ عنها في الكتب ممكن تتحول إلى تجربة نعيشها ونشعر بها ونحكيها بطريقتنا.

العرض من تمثيل:
اطفال حدوتة مصريه

تصميم استعراضات :
المتطوعة سارة سامى

اخراج :
ميرفانا نادي وساره سامى



#حتشبسوت

مشاريع تخرج متطوعي حدوتة مصريةواحد من مشاريع تخرج المتطوعين لسنه 2025- 2026 "صندوق الحكايات"" تنفيذ وتصميم عرايس ماريونت...
26/09/2026

مشاريع تخرج متطوعي حدوتة مصرية
واحد من مشاريع تخرج المتطوعين لسنه 2025- 2026 "صندوق الحكايات"
" تنفيذ وتصميم عرايس ماريونت"

صندوق الحكايات هو صندوق قديم جواه
حدوتة من مصر القديمة وشخصيات زي نفرتيتي، وتوت عنخ آمون، وعنخ إس إن آمون، وكاتب القصر.

حدوتة ممتعة وشيقه اتعملنا فيها وعرفنا اكتر عن حياه نفرتيتي.

المشروع من تصميم وتنفيذ:
عرايس:
المتطوعة يؤانا مجدي
المتطوعة مارفل ماجد

تصميم وتنفيذ المسرح ومونتاج:
المتطوعة سندس مصطفى

خلفيات:
المتطوعةيوستينا ميلاد

تمثيل:
الطفلة لافينيا مراد

وشكر خاص للمتطوع توماس سمير.

#عرايس

حفل تخرج متطوعي حدوتة مصرية - سنة من الحكايات📖سنة كاملة عاش فيها متطوعين حدوتة مصرية رحلة مليانة مواقف، تجارب،تحديات، ضح...
24/09/2026

حفل تخرج متطوعي حدوتة مصرية - سنة من الحكايات📖
سنة كاملة عاش فيها متطوعين حدوتة مصرية رحلة مليانة مواقف، تجارب،تحديات، ضحك، تعلُّم، وذكريات كتير اتجمعت في حكاية واحدة.

وفي يوم التخرج، جه وقت الاحتفال بكل خطوة مشيناها سوا، وسماع حكايات وتجارب المتطوعين، واللحظات اللي عاشوها خلال رحلتهم في حدوتة مصرية.
كان يوم مليان امتنان وفخر بكل شخص اختار يدي من وقته ومجهوده، ويكون جزء من حكاية أكبر منه. 🌿

ومع كل دفعة جديدة، الحكاية بتكبر…
والعيلة بتكبر أكتر وأكتر 🧡

شكرًا لكل متطوع كان جزءًا من حكايتنا، وشكرًا لكل لحظة ساهمت في صناعة الرحلة.

حدوتة مصرية… كل سنة حكاية جديدة، وكل سنة عيلتنا بتكبر. ✨

17/09/2026

دى كانت رحلة المتطوعة سندس مصطفي فى حدوتة مصرية ...تقدروا تقدموا من خلال اللينك ..وتعيشوا تجربتكم فى حدوتة مصرية🥰

https://forms.gle/Vngf1A9BCymd5CaL8

فرصة تطوع!اخر وقت للتقديم ٢٢ سبتمبراذا لديك الرغبة الرجاء ملء الاستمارة التالية: https://forms.gle/Vngf1A9BCymd5CaL8 ...
16/09/2026

فرصة تطوع!
اخر وقت للتقديم ٢٢ سبتمبر
اذا لديك الرغبة الرجاء ملء الاستمارة التالية:
https://forms.gle/Vngf1A9BCymd5CaL8
#تطوع

Volunteering Opportunity!ممكن تكون إنت الحكاية الجايةممكن تكون إنت الحكاية الجاية #تطوع؟ 👀فرصة تطوع للشباب في حدوتة مصري...
11/09/2026

Volunteering Opportunity!
ممكن تكون إنت الحكاية الجايةممكن تكون إنت الحكاية الجاية #تطوع؟ 👀
فرصة تطوع للشباب في حدوتة مصرية

عندك حاجة بتحب تعملها؟
🎭 تمثيل؟
🎨 رسم؟
♟️ شطرنج؟
📚 قراءة؟
💡 أو حتى فكرة نفسك تجربها؟

مش لازم تكون خبير.
ومش لازم تكون عارف هتعمل إيه من أول يوم.
إحنا بندور على شباب عندهم شغف، فضول، واستعداد يتعلموا ويشاركوا.

في حدوتة مصرية، التطوع مش مجرد إنك تدي من وقتك…
دي رحلة هتتعلم فيها، تكتشف نفسك، وتشارك أطفال في مساحة آمنة يتعلموا ويكتشفوا نفسهم فيها.
ومع بداية مرحلة جديدة،
بنفتح الباب لناس جديدة تكمل معانا الحكاية.
قدّم دلوقتي من خلال الاستمارة التالية:

https://docs.google.com/forms/d/1Zs-08VIUPsSuj9EYuVwERRtJwtlnuxx706WwzyMV7CA/edit?usp=drive_web&ouid=114579410079645547438

#تطوع

Address

Https://goo. Gl/maps/SCoAfew4YJ7c4TpT 7
Cairo

Opening Hours

Monday 10am - 6pm
Tuesday 10am - 6pm
Wednesday 10am - 6pm
Thursday 10am - 6pm
Saturday 10am - 6pm

Telephone

+201289335003

Website

Alerts

Be the first to know and let us send you an email when Haddouta Mesreya posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Haddouta Mesreya:

Shortcuts

Share

Category