مفكّرون

مفكّرون Contact information, map and directions, contact form, opening hours, services, ratings, photos, videos and announcements from مفكّرون, Non-Governmental Organization (NGO), Cairo.

معًا لـتغيير طريقة التفكير لدى الناس وبالتالي نغير السلوك والأخلاق والتفكير العلمي والعادات والتقاليد وغاياتنا وبالتالي نخلق بني آدم سوي وخلوق يخدم دينه ودنياه ووطنه ومجتمعه وقادر على بناء جيل كامل من المفكّرين بإذن الله تعالى ^_^

جمهورنا العزيز 💙راجعينلكم بتفاصيل الإيفنت اللي بنستناه كل سنة "هات فطارك و تعالى"✨ هيكون إن شاء الله يوم الجمعة الجاية 2...
19/03/2024

جمهورنا العزيز 💙
راجعينلكم بتفاصيل الإيفنت اللي بنستناه كل سنة "هات فطارك و تعالى"✨
هيكون إن شاء الله يوم الجمعة الجاية 22/3/2024
في مركز شباب ايتاى البارود (الساحة الشعبية) في القاعة اللي فوق المكتبة الساعة 4
وهيكون فى فقرات ترفيهية للأطفال وفقرات دينية و فقرات توعية للأمهات، وهيكون معانا أمسية إنشاد بعد الافطار

متنساش تملى الفورم👇
https://shorturl.at/yJKLN
يلا فى انتظارك و متنساش فطارك😉

#مفكّرون

جمهورنا العزيز 💙 ايفينت هات فطارك وتعالى كل سنة بيبقى له شعور خاص جميل ... ف نسيبكم مع صور ايفينتات هات فطارك وتعالى للس...
18/03/2024

جمهورنا العزيز 💙
ايفينت هات فطارك وتعالى كل سنة بيبقى له شعور خاص جميل ... ف نسيبكم مع صور ايفينتات هات فطارك وتعالى للسنين اللى فاتت و منتظرينكم السنة دى... ومتنسوش تملوا الفورم ...💙
https://shorturl.at/yJKLN

#مفكرون

جمهورنا العزيز💙راجعين ليكم بخبر جميل بنستناه من السنة للسنة ألا وهو إيڤنت "هات فطارك وتعالي"• خلونا نفكركم ايه هو هات فط...
17/03/2024

جمهورنا العزيز💙

راجعين ليكم بخبر جميل بنستناه من السنة للسنة ألا وهو إيڤنت "هات فطارك وتعالي"

• خلونا نفكركم ايه هو هات فطارك وتعالي؟🤔
هو بإختصار إن كل شخص بيجي يجيب وجبه معاه لنفسه ووجبة كمان لطفل يتيم وبس ياسيدي لو حبيت تزود حاجه مش هنقولك لا أكيد وطبعاً بنفطر كلنا سوا 🥳

• طيب كلنا اللي هما مين؟
اللي هما فريق مفكرون ، الحضور الكريم منكم ، أطفال أيتام وذوي احتياجات خاصة

• تفاصيل الايڤنت ايه؟
الايڤنت هيكون يوم الجمعة الجاية 22/3 في الساحة "مركز شباب إيتاي"

• اعمل ايه عشان اشارك؟
الموضوع بسيط خالص املى الفورم دى👇
https://shorturl.at/yJKLN
يلا في انتظارك وماتنساش فطارك😉

#مفكّرون

تفتكروا راجعين لكم المرة دى بإيه؟ Stay tunned...💙 #مفكرون
17/03/2024

تفتكروا راجعين لكم المرة دى بإيه؟
Stay tunned...💙
#مفكرون

جمهورنا العزيز 💙كلنا بنصلى خمس مرات فى اليوم و من شروط قبول الصلاة التوجه نحو القبلة اللى هى المسجد الحرام ... بس هل كنت...
25/02/2024

جمهورنا العزيز 💙
كلنا بنصلى خمس مرات فى اليوم و من شروط قبول الصلاة التوجه نحو القبلة اللى هى المسجد الحرام ... بس هل كنت تعرف أن قبلة المسلمين فى بداية الأمر كانت بإتجاه المسجد الأقصى فى القدس ، فى ظاهرة عرفت ب تحويل القبلة ...✨

احنا لسه فى شهر شعبان ، الشهر العظيم اللى حصلت فيه أحداث عظيمة وجليلة كتيرة ... زى "تغيير قبلة المسلمين" واللى حصلت فى "ليلة النصف من شعبان"
ارتباط التحويل بليلة النصف من شعبان لتحويل قلوب العباد وأحوالهم إلى رب الأرباب

طيب عمرك سألت نفسك إيه الاستفادة اللى نتعلمها من تحويل القبلة ؟

•الاستجابة لأمر الله ورسوله:
فهل استجابتنا لأوامر الله ورسوله على نفس الدرجة التي لو قيل لنا: قال الله، قال رسول الله، نقول: سمعنا وأطعنا أم ماذا يكون موقفنا؟

•الأخوة الإيمانية:
ودى ظهرت لما انشغل الصحابة بمن ماتوا قبل تحويل القبلة ... ف نتعلم منهم أننا نهتم بالخير لبعض و نتساعد فيه على قد ما نقدر

•الوسطية:
وده لأن الكعبة تحمل الوسطية -وسط الأرض- ومركز الجاذبية ونقطة الانطلاق ، زى ما ديننا كله يدعو الى الوسطية فى كل شئ

ما أحوجنا إلى التحول القلبي، التطهير الداخلي من الشحناء والحقد والبغضاء حتى تكتب لنا المغفرة، ويكون التهيؤ لشهر رمضان
فاللهم طهر قلوبنا... اللهم بلغنا رمضان🌙

#مفكّرون

جمهورنا العزير 💙هنكمل كلامنا عن أحكام ليلة النصف من شعبان الله سبحانه وتعالي أكمل لهذة الأمة دينها ، وأتم عليها نعمتة ، ...
22/02/2024

جمهورنا العزير 💙

هنكمل كلامنا عن أحكام ليلة النصف من شعبان
الله سبحانه وتعالي أكمل لهذة الأمة دينها ، وأتم عليها نعمتة ، ولم يتوف النبي صلي الله عليه وسلم إلا بعدما بلغ البلاغ المبين وبين للأمة كل ما شرعه الله لها من أقوال وأعمال، وأوضح صلي الله عليه وسلم أن كل ما يحدثه الناس بعده وينسبونه الي دين الإسلام من أقوال وأعمال فكله بدعة مردودة علي من أحدثة ، ولو حسن قصده ..

ومن الذي أحدثه بعض الناس بدعة الإحتفال بليلة النصف من شعبان ، وتخصيص يومها بالصيام وليس علي ذلك دليل يجوز الإعتماد عليه ..
أنه لم يرد صومها الإ إذا صادفت يوماً مسنونا كالإثنين والخميس ..

أيضا عدها العلماء فاصلة يكون ما بعدها مكروها استعداداً لرمضان
وما ورد في فضل الصلاة فيها كله موضوع ..
والذي أجمع عليه جمهور العلماء : أن الإحتفال بها بدعة، وأن الأحاديث الواردة في فضلها كلها ضعيفة وبعضها موضوع
والأحاديث الضعيفة إنما يعمل بها في العبادات التي قد ثبت أصلها بأدلة صحيحة،
أما الإحتفال بليلة النصف من شعبان، فليس لها أصل صحيح حتي يستأنس له با لأحاديث الضعيفة
قال رسول الله صلي الله عليه وسلم " من أحدث في أمرنا هذا ما ليس منه فهو رد "
قال الله عز وجل " اليوم أكملت لكم دينكم وأتممت عليكم نعمتي ورضيت لكم الإسلام دينا " وقال تعالي " ام لهم شركاء شرعوا لهم من الدين مالم يأذن به الله "


#مفكّرون

جمهورنا العزيز 💙دلوقتي موعدنا في الإجابة على سؤال مهم وهو ما الحكمة من صيام شهر شعبان ؟ وهنرد علي السؤال دا فى كام نقطة ...
20/02/2024

جمهورنا العزيز 💙
دلوقتي موعدنا في الإجابة على سؤال مهم وهو ما الحكمة من صيام شهر شعبان ؟

وهنرد علي السؤال دا فى كام نقطة :

١- شهر شعبان هو شهر يرفع فيه الأعمال إلي الله سبحانه وتعالى وما من خير أكثر من أن يرفع عمل العبد وهو صائم
عن أسامة بن زيد رضي الله عنهما أنه قال، قلت يا رسول الله، لم أرك تصوم شهرًا من الشهور ما تصوم من شعبان؟ قال "ذلك شهر يغفل الناس فيه بين رجب ورمضان، وهو شهر ترفع فيه الأعمال إلى رب العالمين، فأحب أن يرفع عملي وأنا صائم".

٢- تتجلي فيه رحمة الله تعالى علي عباده ويرزقهم من الخيرات يعني شهر خير وبركة فنكثر في الدعاء والرجاء.

٣- يعتبر صيام شعبان فترة تهيئة لصيام شهر رمضان فيكون العقل والجسم استعدادهم أفضل للصيام.

٤- صيام شهر شعبان من الصيام التطوعي وهو من السنن المستحب إحياءها عن الرسول صلى الله عليه وسلم.
وأخيراً ذكر عن أم المؤمنين السيدة عائشة رضى الله عنها أنها قالت لم يكن النبي صلى الله عليه وسلم يصوم شهرًا أكثر من شعبان فإنه كان يصوم شعبان كله، وكان يقول" خذوا من العمل ما تطيقون"

#مفكّرون

جمهورنا العزيز 💙هنستكمل الكلام عن فضل شهر شعبان ..وأفضل الأعمال الذي كان النبي صلى الله عليه وسلم يفعلها وأكثر الأعمال ا...
17/02/2024

جمهورنا العزيز 💙
هنستكمل الكلام عن فضل شهر شعبان ..
وأفضل الأعمال الذي كان النبي صلى الله عليه وسلم يفعلها
وأكثر الأعمال المستحبة في هذا الشهر الكريم " الصيام "

لحديث رواية البخاري ومسلم قالت رضي الله عنها :"لم يكن النبي صلي الله عليه وسلم يصوم شهراً أكثر من شعبان ، فإنة كان يصوم شعبان كله ، وكان يقول خذوا من العمل ما تطيقون ، فإن الله لا يمل حتي تملوا .."

وعن السيدة عائشة رضي الله عنها "كان رسول الله صلي الله عليه وسلم يصوم حتي نقول لا يفطر ، ويفطر حتي نقول لا يصوم ، وما استكمل النبي صلي الله عليه وسلم صيام شهر قط إلا رمضان ، وما رأيتة في شهر أكثر صياما منه في شعبان "

وأيضاً من الأعمال المستحبة كثرة "قرآءة القرآن"

لقوله كان يقال شهر شعبان شهر القراء أي قراءة القرآن الكريم
كان عمرو بن قيس رحمة الله :- إذا دخل شهر شهر شعبان أغلق حانوتة وفرغ لقرآءة القرآن

وكان النبي صلى الله عليه وسلم يدعو : "اللهم بارك لنا في شعبان وبلغنا رمضان "✨


#مفكّرون

جمهورنا العزيز💙من فضائل شهر شعبان، أنه شهر ترفع فيه الأعمال إلى الله،من مزايا شهر شعبان المعروفة رفع الأعمال الله ، وقد ...
14/02/2024

جمهورنا العزيز💙
من فضائل شهر شعبان، أنه شهر ترفع فيه الأعمال إلى الله،
من مزايا شهر شعبان المعروفة رفع الأعمال الله ، وقد جاء ذلك فى الحديث:
عن أسامة بن زيد رضى الله عنهما قال: قلت يا رسول الله لم أرك تصوم من شهر من الشهور ما تصوم من شعبان؟ قال: "ذاك شهر يغفل الناس عنه بين رجب ورمضان، وهو شـهر تُرفع فيه الأعمال إلى رب العالمين، وأحب أن يُرفع عملى وأنا صائم".

وينبغي أن تعلم أن رفع الأعمال لا يقتصر على شهر شعبان وإنما هناك أربع صور لرفع الأعمال:
وهي الرفع اليومي والأسبوعي والسنوي والختامي، وقد بينها
ابن القيم رحمه الله فقال: فإن عمل العام يرفع في شعبان كما أخبر به الصادق المصدوق، أنه ترفع فيه الأعمال فأحب أن يرفع عملي وأنا صائم، ويعرض عمل الأسبوع يوم الإثنين والخميس، وعمل اليوم يرفع في آخره قبل الليل، وعمل الليل في آخره قبل النهار، فهذا الرفع في اليوم والليلة أخص من الرفع العام، وإذا انقضى الأجل رفع عمل العمر كله، وطويت صحيفة العمل.


#مفكّرون

في الصحيحين عن عائشة ـ رضي الله عنها ـ قالت: «ما رأيت النبي صلى الله عليه وسلم استكمل صيام شهر قط إلا رمضان، وما رأيته ف...
11/02/2024

في الصحيحين عن عائشة ـ رضي الله عنها ـ قالت: «ما رأيت النبي صلى الله عليه وسلم استكمل صيام شهر قط إلا رمضان، وما رأيته في شهر أكثر صياماً منه في شعبان»

جمهورنا العزيز بمناسبة حلول شهر شعبان خلونا نذكركم بكام نقطة كدا :

١-النية ، إجعلوا نيتكم خالصه لوجه الله في أي حاجه هتعملوها
٢-كثفوا الدعاء
٣-اعملوا خطة دينية كويسة للشهر وأحسنوا استغلاله

تابعونا الفترة الجاية عشان هنقولكم حاجات مهمة جداً عن هذا الشهر الجميل
وأخيراً كل سنة وانتوا طيبين💙

#مفكّرون

جمهورنا العزيز 💙زي ما كلمناكم قبل كدا عن السوشيال ميديا وعرفنا أسبابها وأعراضها وأضرارها لازم نكلمكم طبعاً عن علاج إدمان...
08/02/2024

جمهورنا العزيز 💙

زي ما كلمناكم قبل كدا عن السوشيال ميديا وعرفنا أسبابها وأعراضها وأضرارها لازم نكلمكم طبعاً عن علاج إدمانها

إدمان السوشيال ميديا مرض مش هين وبما إنه مرض فأكيد ليه علاج وزي أي علاج بيحتاج وقت وإرادة عشان ينجح
طيب إيه هي أساليب علاج إدمان السوشيال ميديا ؟

١) قفل الإشعارات
معظمنا ممكن يكون سايب الفون ومشغول ف حاجه تانية وأول مايسمع صوت إشعار يمسك التليفون ومايحسش بنفسه غير وهو مضيع من يومه ٣-٤ ساعات ،فدي خاصية تقدر تفعلها لكل برنامج عشان ماتشغلش عقلك طول الوقت

٢)الجلسات الأسرية والعلاقات الإجتماعية
عود نفسك في أي خروجة مع أهلك أو صحابك تبعد التليفون عنك وتقفل النت بجانب إن دا هيقلل من إدمانك إلا إنه كمان صحياً ونفسياً هيكون أفضل ليك و انت بتتواصل مع الأشخاص بشكل واقعي وهيقلل من التعرض لأمراض زي التوحد أو الاكتئاب وغيرهم كتير

٣)استثمر وقتك
ودي نقطة مهمة جداً وهي إنك تستغل وقتك صح بحيث مايضعش علي حاجات مش مفيدة زي السوشيال ميديا فمثلاً ممكن تتوجه للقراءة ، الكتابة ، تعلم مهارة جديدة ..إلخ

٤)حدد وقتك
اظبط لنفسك وقت معين يكون دا وقت استهلاكك للسوشيال ميديا كل يوم
يعني مثلاً من الساعة ٨ للساعة ١٠ هتفتح وبعد كدا تحد مواعيد لحاجات تانية تقضي فيها وقتك

٥)العب رياضة
اَه الرياضة هتساعدك في المعالجه من إدمان السوشيال ميديا لأن الرياضة مهمة جداً صحياً وعقلياً فإهتمامك بالرياضة هيفصل عقلك عن التفكير كل شوية فيها

وبكدا نكون قولنا أهم نقط علاج إدمان السوشيال ميديا وفي النهاية عزيزي المفكر افتكر كويس إن "تاريخ حياتك بتكتبه في كل لحظة بتمر" فمش هتكون حاجه لذيذة إن تاريخك كله يكون ضايع في حاجات مش مهمه فقلل رصيد ندمك واستغل وقتك صح.


#مفكّرون

Address

Cairo
11712

Telephone

+201014048971

Website

Alerts

Be the first to know and let us send you an email when مفكّرون posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to مفكّرون:

Shortcuts

Share

Category