زينب حمدي ام الخير

زينب حمدي ام الخير الصفحة لنشر الانشطة الخيرية اللي بنعملها
فكاهة محترمة

آراء عن الحياة الاجتماعية

قصص للعبرة

سبب تسمية ام الخير

دي كانت لازمة في بقي اقول لكل البنت صحباتي ازيك يا ام الخير بدل اسمها

فزميلة ليا زعلت جدا وقالت لي انتي بتتريقي عليا وقلت لها والله ما قصد قالت لي احنا بقي اللي حنقولك زينب ام الخير

علشان تبقي زينا فقلت لها ولا تزعلي واثبات لحسن النوايا حكتبها ع الفيس

وكنت ساعتها في بداية الخير وانشاء الجروبات فلما غيرت الاسم لزق ومبقاش يتغير والناس عرفته بس كده

18/02/2025

انشروا معانا

جمعية مفازة الحامدين الاجتماعية والثقافية المشهرة برقم 10940 لسنة 2019

الحمد لله سلمنا ل المخازن ٦٠٠ شنطة تقريبا وباقي ٤٠٠ شنطة تموينيه
اتوزعت ع مخازن بني حمد بني سويف / وبني مزار المنيا / الشرقيه /امبابة /الوراق /شبرا /اربعة ونص/ شبرا الخيمة / اميريه/ الزيتون ...
الشنطة تكفي اسرة بحوالي ٧ وجبات اسبوع مع العلم اننا بنوزع لحمة وفراخ بس اول اسبوع من رمضان..
فيه عجز كبير في شنط رمضان

في نوع شنط السنة دي حنعمله للعمال المغتربين مثل العامل او فرد الامن بياخد مرتب ع الاكثر ٤٥٠٠ ج. خاصة ان معظمهم بيشتغل ورديات ١٢ ساعة وبيرجعوا بيوتهم كل شهر كام يوم..
الشنطة دي محتوياتها فطار سريع وسحور
انا لسه بجمع حاجات تنفع سحور وفطار
تونة/ مكريل او سردين / جبنه / فول / حلاوة / مربي / عصير / تمر / لبن / شاي / كيس سكر / ازازة زيت صغيرة / ربع ليمون / ملح
اللي يحب يشارك ف شنط العمال

شغالين تعبئة شنط زكاة الفطر

اشترينا 250 فوانيس بيمبو جواها بسكوت للاطفال فيه منه سادة وشيكولاتة سعر الفانوس تقريبا ٣٥ ج ماوصلش من تمنهم إلا الف جنيه بس

شغالين وجبات في شهر شعبان للمرضى وكبار السن الي جانب هانستقبل تبرعات وجبات افطار وسحور وشنط فراخ او اللحمة في رمضان

اللي يحب يشارك ابعت واتس ٠١٢٢٤٦١٦٥٧٠

29/10/2024

عاجل

زوج وفاء اللي ماسكة فرع حدايق القبة.. حالة سرطان رئة
التامين بتاعه ف المستشفي الجوي وهو بيعمل عملية انهاردة وحالته حرجة جدا... و محتاجين دم.. الفصيلة مش لاقينها

محمد فايق فنجري
مستشفي الجوي التخصصي
01097388925
01146932915

#شير

25/10/2024

عمري ما فكرت اسافر او اهاجر..

مع اني اكتر كان بيتعرض عليها السفر 😅😅

وبيجيله فرص.. لكن فعلا ولحد دلوقتي ..

مصر ب حلوها و مُرها الافضل.. ماهو لو كل واحد ساب بلده مين حيعمرها؟ مين حيغير؟ مين حيدافع؟

اللهم ارزقنا الثبات والفرحة في عافية وسكينة

جمعه مباركة

27/09/2024

*السلام عليكم محتاجين للعمل ف جمعية خيرية في م نصر.. براتب
معلمة حساب تدي ابتدائي اعدادي مرتين اسبوعيا اليوم ٣ ساعات عمل.. مواعيد مسائية ياريت تكون ساكنة ف م نصر.. واشتغلت المراحل دي ابعتولي واتس
01224616570

شير

#زينب

23/09/2024

الحمد لله بطلت احلم

جالي شخص ف المنام وقالي يازينب شوفي بنت خالة فلان ( عمري ما كلمته اعرفه اسما بس من واحنا صغيرين)
هي محتاجة.. وشفت شكلها وعندها طفلين

الناس تنام ترتاح وانا انام اشوف العجب...

اللي حتتجوز فلان ف المكان الفلاني ويتحدد بيتها اللي ف محافظة تانية واعرف عن جوزها اللي هي متعرفهوش 😅😅😅
وحتطلق ف المحاكم مع انها بتعيب ع مطلقات المحاكم.. كل ده ف الحلم

وعيشوا قصة حياة كل بني ادم ل عشرين سنة قدام.. بسال نفسي انا مالي

ربنا يرحمني..

22/09/2024

معلومات عامة 🤣🤣🤣

بقالي خمس ست شهور مبغسلش مواعين 😅
كنت مقفولة من الدنيا كلها وعندي إكتئاب ومعنديش طاقة أعمل أي حاجة نهائي !
من يومين ماجد قالي انا عاوز اقعد يوم فالبيت أنضفه كله.
قولتله: البيت وحش !
قالي: جدا .
قولتله: تمام ، هحاول أساعدك .
قالي: لا متجيش ع نفسك انا مش عايز أضغط عليكي :))
بسبب كلمته دي قومت تاني يوم وقررت انضف البيت و كنت اول مره اغسل مواعين من شهور.
*وهو تقريبا ما صدق ف كان بيجمعلي كل الاطباق والكوبيات وبيزودلي المواعين* 😅
قولتله:
زودهوملي كمان مش مهم منتا ياما شيلتني 💛
قالي: ولسه هشيلك والله :))

*الكلمة الحلوة بتدينا طاقة نكمل وحقيقي بتهون كتير*🌻

علي مدار الخمس شهور اللي فاتو ماجد كان بيغسل مواعين كل يوم حرفيا :))

البيت كان يضرب يقلب بمعني الكلمة ..
*بس مش مهم البيت المهم نفسية اللي عايشين جوة البيت*

شوفت لقاء لـ رجاء الجداوي الله يرحمها كانت بتقول سبب نجاح علاقتي انا و جوزي :
"اننا كنا بنتسابق مين يريح التاني اكتر" 💛

أظن ده الهدف الرئيسي من الجواز وهي دي المودة والرحمة اللي ربنا قال عليها و ده الـ concept اللي لازم كل الناس تتعلمه قبل ما تُقدِم علي خطوة الزواج 🌻

مش أي واحد معاه فلوس ومقتدر يحقله يتجوز
مقولة الراجل ميعيبهوش غير جيبه دي مقولة غلط !
واللي قالها حماااااااااااااار.
الراجل يعيبه حاجات كتير جدا أخِرها جيبه :))

عدي علينا ايام كتير البيت مكنش في ولا جنيه بس كنا مبسوطين من قلبنا والله العظيم 💛

اما تيجو تختاروا زوج ، اختاروه مختلف :))
مختلف ف حبه و أراءه وأفكاره ونظرته للحياه عموما.
راجل هدفه الأول والأخير "إنتي" وبس.

حقيقي الجواز ده أحلي حاجة في الدنيا بس احنا اللي بنظلمه دايما بإختياراتنا الغلط !

كل سنة وإحنا بنعافر في الدنيا مع بعض 💛💛🌻
Copy

22/09/2024

عن عوض ربنا الجميل
انا تزوجت وانا عندى 23 سنة وانجبت 5 اولاد وجوزى كان هيموت ع بنوتة ودكتور قاله المدام صحتها مبقاش تقدر تخلف تانى هيبقى غلط وبردو صمم اخلف عشان اجيب بنت جيت فى الشهر الثانى البيبى اتو٠٠فى واحساسى كأم انها كانت بنت وعرفت ان هو عاند ربنا وصمم ومرضاش باللى معاه البيبى عملى تس/مم وحصلت مشكلة كبيرة اوى اضطروا لشيل الرىحم طبعا جوزى عمل المستحيل وسفرنى لمليون دكتور عشان مشلش الرىحم مفيش فايدة الكل اجمع انه لازم اشيله وانا كنت الحمد لله ببوس ايدى وش وضهر وشاكرة ربنا واقول يارب باركلى فى ولادى لقيته جاى يقولى هتجوز انا عاوز بنت انا من غير تردد قولتله براحتك انا اعرف ان الرجالة بتحب الولد وربنا كرمنى ب 5مش عارفة ايه البنى ادم ده عاوز بنت كلمت امه وحكتلها قالتلى تعالى اقعدى معايا وسبيه ابنى جبار هاتى العيال وتعالى انا بحب حماتى جدا وهيا ست حقانية اوى وبتحبنى وقالتلى متخفيش انه امه بس يارب بحق ماهو كا٠٠سر خاطرك متجعلش من صلبه بنت
وانا روحت عند حماتى بالعيال وهو ماصدق سبتله البيت وط٠٠لقنى واتجوز وخلف 4 ولاد بردو وط٠٠لقها واتجوز ثالث وخلف ولدين وط٠٠لقها واتجوز رابع وخلف ولدين وطلقها انا ماما وبابا متوفين وحماتى دى كانت احن عليا من امى لو كانت عايشة وفضلت عندها انا والعيال وابنها مهرى جوازات ويخلف وللاسف كان بيغرى الستات بالفلوس لانه غنى جدا عشان كده كانوا بيرضوا ولادى طبعا كبروا اكبر واحد فيهم عنده 16 سنة وفى مرة قالولى نفسنا نطلع رحلة ونتفسح حماتى قالتلى ماشى وانا معاكم جبنا مكروباص مخصوص وفى الطريق عملنا حا٠٠دثة كبيرة وكل عيالى ماتو وحماتى والسواق وانا الوحيدة اللى عشت فيهم شوفت عيالى قدام عينى وهما بيموتوا ومش قادرة انسى المنظر ده من ساعتها جالى القلب وكنت بتعالج مع دكتور وبعد 3 سنين من الحا٠٠دثة وعوض ربنا لقيت دكتور القلب ده يوميا يتصل يسال عليا وبقى يهتم بيا وقالى عاوز اتجوزك عرفته انى مط٠٠لقة ومش بخلف عشان شلت الرىحم وهو متجوزش قبل كده قالى انا حبيتك كده والمط٠٠لقة مش حاجة عيب ولاحرام انا حبيتك لشخصك وطيبتك انتى اللى بدور عليها طب اهلك قالى متفاهمين جدا وفعلا اتعرفت ع اهله ورحبوا بيا وعرفوا ظروفى وقدرونى وفعلا طلبنى من خالى واتجوزنا وعيشنى ملكة واسعد انسانة فى الدنيا بطيبته وحنيته عليا وطبعا مخفى الاسم والصورة ط٠٠ليقى من ساعة ما حماتى وولاده ماتو متهدش وكمان مكمل ع وضعه حسبى الله ونعم الوكيل
اخت زوجى كنت بتولد بنتين توام وجوزها كان ظا٠٠بط وتوفى شهيد وهيا حامل فى الخامس واثناء ولادتها اتوفت وربنا مسبب الاسباب حماتى قالتلى اعتبريهم بناتك يابنتى وربيهم انا كبرت ومبقتش اقدر ووفاة بنتها كانت صد٠٠مة ع الكل . انا اول يوم شيت فيه البنات لقيتهم بيعيطوا حاولت احضنهم لقيت بنت فيهم بتحاول تحط بوقها ع ص طبعا هما خدوا صناعى الكام يوم بعد الولادة لحد مانا اخدتهم افتكرت ولادى ال5 لماكنت برضعهم واحطهم ع صد وسبحان الله عملت كده مع البنتين وربنا بعتلهم رزقهم فى صد ورصعتهم وكنت همو٠٠ت من الفرحة انهم كده خلاص بقوا بناتى وجوزى ربنا يسعد ايامه ويبارك فيه كان احن اب عليهم وكبرناهم وعلمناهم واحدة بقت دكتورة اسنان والثانية بقت دكتورة صيدلانية واتجوزوا وخلفوا وبقيت جدة وحماتى طبعا اتوفت بعد بنتها بسنتين واهل بناتى من الاب الظابط كنت كل خميس اخد البنات واروحلهم ازورهم لحد ما توفوا وبناتى الوقت ميعرفوش اى حاجة ولا فاكرين اى حاجة و حاليا انا احفادى بعلمهم يعنى ايه عوض يعنى تيه صبر يعنى جبر خاطر يعنى ايه رضا بقضاء الله والحمد لله رب العالمين انا عندى الوقت 67 سنة ومباخدش برشامة لا للقلب ولا غيره انا من ساعة ماربنا رزقنى بيهم خفيت ونسيت انى كنت مريضة قلب ربنا يدينى الصحة انا وزوجى ونشوف عوض تربيتنا وخيرنا ع ولادنا فى الاخرة .

21/09/2024

كنا بنسمع سورة الحاقة كل ما بتيجي الايات دي ف ودني بخاف

خُذُوهُ فَغُلُّوهُ

ثُمَّ الْجَحِيمَ صَلُّوهُ

ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ

إِنَّهُ كَانَ لا يُؤْمِنُ بِاللَّهِ الْعَظِيمِ

وَلا يَحُضُّ عَلَى طَعَامِ الْمِسْكِينِ

فَلَيْسَ لَهُ الْيَوْمَ هَاهُنَا حَمِيمٌ

*** وكل مرة اقول انا خايفة ليه؟
انا مؤمنة ب الله
وب حض ع طعام المساكين ودي من افضل الصدقات بالنسبة لي..
وبستغرب ان ربنا ساوي بين الايمان بيه ف العذاب... مع شخص لا يحض ع طعام المسكين انتم متخيلين؟

** لقتني افتكرت مواقف كتير كنت بحس بنفس الخوف وقاعدة افكر واراجع نفسي وكأني عندي فقدان للذاكرة.. وارجع افتكر اني معملتش ده.. طيب انا بخاف ليه اصلا

وبستغرب من الناس اللي بتجهر بالمعصية او انه بيعمل الحرام وعادي ... لا وحاسين انهم صح وعايشين عادي ..

ربنا يعافينا ويثبتنا ويحسن ختامنا

#زينب

20/09/2024

#رسالة
دي ع جروب.. وحقيقي بغض النظر مين غلطان.. الرجوع والاحساس بالاخر ده ضمير صاحي

حرفيا الي مدخلش جروب جلسات الخميس فايته ضحك السنين 😂😂

انا مطلق بقالي سنه ومتغرب في بلد اوروبيه وطليقتى بعيد عني في مصر
من يومين طليقتى كانت حاطه صورتها علي الفيس هيا وولادي وهما في كارفور
طليقتى كانت حزينه جدا في الصور انا عارف البصه دى لانى معاشرها اول مرة احس انها صعبت عليا واتضايقت انا عارف انى ظلمتها وكسرتها كتير واتحملتنى وجيت عليها حتى في اخر لحظه كانت عاوزة تكمل وتحافظ علي البيت وانا اللي طلقتها
حتى ولادي قطعوا قلبي وهما في الصور بيضحكوا بس جوا عينهم زعل
يمكن هيا كانت مشكلتها انها كانت بتستفزني كتير وانا عصبي جدا وده خلانا نتعصب كتير لحد ماوصلت لمد الايد مرتين بس انا علي قد ماكان نفسي ماتستفزنيش علي قد مابندم انى ظلمتها كده
علشان هيا عمرها ما اذتني حتى بعد الطلاق..
حتى لو مش حتسامحنى وحتى لو مش حنرجع لبعض ..انا نفسي اعمل حاجه تفرحها وتفرح عيالي كفايه انها بتربي عيالي مش عاوزها نفسيتها تعبانه كده احنا بردو كلنا في يوم من الايام عيش وملح سوا ..انا ببعت مصاريف عيالي كل شهر ومش باثر
وعاوز اديها مصروف كبير بطريقه غير مباشره عشان تقعد من الشغل بس مش عارف اجيبهالها ازاي لان كرامتها حترفض
انا المفروض اجازتى الشهر الجاي..قوليلي علي طريقه افرحهم وافرح عيالي بيها ..حد يكره يشوفهم فرحانين

19/09/2024

هند عوض

النهاردة حالفني الحظ وقعدت اسمع مشكلة ستات سعوديات وهي انهم محتاجين صبابة بسعر معقول وأنا قعدت شوية مش فاهمة، لحد ما قالت أنا هعمل الشاي والقهوة بس هي تصب لنا وتيجي من بعد المغرب واحنا عددنا ٧ وتاخد ١٥٠ ريال وبعدين قعدوا يتناقشوا أن الصبابة بتاخد ٣٠٠ وممكن تلاقي أقل حاجة ٢٠٠، وأنا قعدت افكر في كام ست عندنا جوزها بيقولها انتي بتعملي ايه طول اليوم 🤷

19/09/2024

بابا الله يرحمه طلعت لاقيته مسؤول عن البيت ب طلباته ب كل شيء حتي السوق امي مش بتروحه..
اللي تطلبه يجي لها
عيشنا علي كده..
بابا معايا كان مختلف عن اخواتي الصبيان.. كان دايما يكرر البنت مش زي الولد..
انتي بنت متطلعيش.. مترديش ع تليفون.. اخوكي يعمل.. اخوكي يرد..
ف انا كنت بسمع مش مستوعبة لانه بيقول من غيرما يوضح سبب.. وانا شايفة نفسي اقدر اعمل كل شيء زيي زي الصبيان عادي دي حاجات هبلة وبسيطة.. وفي المدرسة كنت مكتسحة 🤣🤣🤣 بتعامل معاملة المعلمات مش طالبة..

كبرت ع كده.. من ناحية شايفة ابويا شايل وبيقول البنت مش زي الولد...
ومن ناحية تانية عايزة اثبت لابويا العكس 🤣🤣🤣

ايوة هو انا معاقة مثلا .. وكان دايما بيني وبينه تحدي اني حقدر..
والله العظيم طول حياة ابويا ما خسرت تحدي معاه.. وكان دايما يضحك ضحكة جانبيه كده وفي نفس الوقت يقولي البنت مش زي الولد.. لحد قبل ما يموت ب كام يوم.. راح معايا يمضي لي ع ورق.. ولاقاني قلت له بابا اقف لي هنا لانه كان مريض.. والدنيا زحام رهيب ودخلت جبت الموظفة من رقبتها 🤣🤣🤣🤣 وبص ورايا لاقيت بابا عينه مدمعه من الضحك... الموظفة بيت لقت بابا قالت له دي بنتك ياحاج 🤣🤣🤣🤣 ماشاء الله نسخة والله اكنك انت... والورق خلص ومات بعدها مباشرة...

ولحد ما خلصت جامعه وفي مناقشة حادة بينا.. قالي جملة انتي متقدريش تعيشي من غير فلوسي وان حد يصرف عليكي 🤣🤣🤣 ...

قلت له طيب يابابا والله العظيم ما حاخد منك فلوس حتي لو ورثتك فلوسك مش حاجي جنبها... وحعمل اللي مقدرتش تعمله.. وحسبقك 🤣🤣🤣 .. قالي مش حتقدري قلت له حقدر وبكرة تشوف..

وللاسف عملت ونفذت اكتر من ٢٠ سنة معرفتش حتي بيني وبين نفسي اغير الاتفاق او ارجع في كلمة واحدة..

فلوس ابويا اللي صرفها عليا رجعتها كلها واكتر صدقات ب فضل الله

ميراثي كله مستخدمتش منه جنبه واستثمرته وكبرته وكان صدقة جارية في كل مكان ب فضل الله

من اليوم ده لحد انهاردة كل مليم اتصرف عليا كان من مالي الخاص وتعبي.. حتي لو حد جاب لي شئ كنت ارده

وده عيب خطير اني مبستحملش اخد شئ من اي شخص ايا كان من غير ما ارد واسبق... باي شكل..

حتي لو اخدت فلوس من حد حقي بس مش عجباني 🤣🤣🤣 مش بصرفها عليا نهائي.. واعمل بيها حاجات تانية

طول ١٨ سنة ابويا يجيني ف الحلم يصالحني.. او يقولي انه راضي او يوريني مثلا اني خليفته في كل شيء وورثت منه كل شيء

الا شئ واحد حلمي الكبير.. اللي سعيت له ب كل قوة.. كل مرة شخص ما هو اللي ح يساعدني فيه ولازم استناه... متعبش نفسي ...

هو اللي حيعمله ليا .. وكأن ربنا بيقولي ساعدتك تعملي وتثبتي بس ابوكي قالك البنت مش زي الولد

حتي لو تقدري.. لازم هو.. مين هو؟

واللي عمله هو اكتر مني علشان يكون مشروعي من نصيبه او حتي شريك فيه؟

اللهم يا جامع الناس في يوم لا ريب فيه اجمع بيني وبين تحقيق حلم سعيت له وعملت المستحيل علشان اوصل له..

ادعوا ❤❤❤

#زينب

18/09/2024

رسالة من جروب وللاسف ف بنات كتير مش بتصد وبيضحك عليها

خطيبي الناس كلها عارفة انه محترم بس لقيته بيفتح معايا مواضيع مش كويسة وكل مرة اتعصب ونتخانق وبعدين بدأ يجرأ انه يطلب مني اننا نروح الشقة لوحدنا علشان الخطوبة لسه مطولة ويقنعني بإننا كدا كدا هنتجوز وبيقولي اني مش واثقة فيه وأنا برفض وبتخانق ويتقمص وبعلي صوتي عليه الحقيقة.... لقيته جاي ياخد من والدي الشبكة وبيقوله اني عصبية وندية ولساني طويل ولا اصلح اني اكون زوجة وهخرب البيت وكمان بينصحه يربيني من اول وجديد ونشر عليا في البلد كلها اني مشروع ناشز ومطلقة وحاجات غريبة.. مرضتش اديله الشبكة غير لما كل العيلات يتجمعوا وبعدين طلعتلهم تسجيلات المكالمات بتاعته ورسايل الواتس وهو بيقنعني اعمل الفاحشة وانا بشتمه...اخواتي مسكوه رنولوا علقة مووت.. وبرر بانه كان بيختربني ... بالله عليكم وبما يرضي الله انا كدا ظلمته...فيه نسوان من البلد بيشتموا فيا اني فضحت سره...ماهو كمان فضحني بحاجات مش فيا؟

Address

مدينه نصر
Cairo
11331

Telephone

+201224616570

Website

Alerts

Be the first to know and let us send you an email when زينب حمدي ام الخير posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to زينب حمدي ام الخير:

Shortcuts

Share

Category