رابطة الإصلاح الإجتماعي - Rabta

30/08/2026

منذ عام 1933، تسعى جمعية رابطة الإصلاح الاجتماعي إلى خدمة المجتمع والوقوف إلى جانب الأسر الأكثر احتياجًا.

ومع ارتفاع الأسعار والظروف الاقتصادية الصعبة، أصبحت الاستعدادات للعام الدراسي عبئًا كبيرًا على كثير من الأسر، خصوصًا عندما يكون لديهم أكثر من طفل.

علشان كده، عاوزين السنة دي نخفف جزء من الحمل عن الأسر محدودة الدخل ونساعد أطفالهم يبدأوا المدرسة وهم مجهزين ومستعدين. 🎒📚✏️

*هدفنا توفير 35 شنطة مدرسية للأطفال المحتاجين.

🎒 تكلفة الشنطة الواحدة تتراوح بين 350 و400 جنيه.

ممكن تتبرع بتكلفة شنطة كاملة، أو تساهم بأي مبلغ… كل مساهمة هتقربنا خطوة من هدفنا.

مع بعض نقدر نوفر 35 شنطة، و35 بداية جديدة، و35 ابتسامة .

للتبرع أو الاستفسار: ابعتلنا رسالة..

#مصر

04/08/2026

للبنات فقط.. أمانك وراحتك في غربتك مع "رابطة هومز" 🏡🚇

لكل الطالبات و الموظفات المغتربات، أهلاً بيكِ في بيتك التاني! رابطة هومز (التابع لجمعية رابطة الاصلاح الاجتماعي) بتوفر لك سكن مخصص للبنات فقط، بيجمع بين الخصوصية التامة، الأمان، وسهولة الحركة.
على خط المترو مباشرة: مشوار المعهد وأي مكان تاني بقى أسهل وأسرع، من غير بهدلة مواصلات.أمان ومصداقية 100%..

سكن تابع لإدارة الجمعية مباشرة، يعني راحة بال تامة لكِ ولأهلك.حماية على مدار الساعة: أفراد أمن متواجدين 24 ساعة لخدمتك وحمايتك. كاميرات مراقبة: نظام مراقبة متكامل يغطي المداخل والأماكن العامة لأعلى مستويات الأمان.

خصوصية وهدوء: بيئة هادية ومجهزة ومخصصة للبنات فقط، علشان تركزي في دراستك ومستقبلك وًشغلك بامتياز.

اطمني.. أنتِ في مكان بيحافظ عليكِ كأنك في بيتك بالظبط، الحقي احجزي مكانك..

#النزهة #مصر #القاهره

27/05/2026

اولادنا كبروا… لكن لسه مستنيين فرحة العيد 🐏🤍

في جمعية رابطة الإصلاح الاجتماعي وبرنامج “الرعاية اللاحقة”، ولادنا وبناتنا بيواجهوا الحياة لوحدهم بعد ما كبروا…
لكن لسه محتاجين إحساس بالأمان، وحد يفتكرهم في الأيام الحلوة، وحد يحسسهم بفرحة العيد وبهجة الأضحية.

عيد الأضحى مش بس لحمة…
العيد إحساس إن في حد فاكرهم، وإن ليهم أهل وسند 🤍

ساهم معانا السنة دي في إدخال فرحة العيد على قلوبهم من خلال:
🐏 صك أضحية أو سهم في أضحية
🥩 التبرع بلحوم الأضاحي
💵 أو أي مساهمة مالية تساعدنا نوصل الخير لكل ولادنا وبناتنا

مهما كانت مساهمتك… فهي فرق حقيقي وفرحة كبيرة 🤍

📞 للتبرع أو الاستفسار:
0227902922
01020998033
01060074311
01033409953
🚚 ولإرسال مندوب لاستلام تبرعكم الكريم، تواصلوا معنا على الأرقام السابقة.
📱 متاح أيضًا التبرع عبر:
فودافون كاش — إنستاباي
يرجى التأكد من استلام وصل التبرع الرسمي الخاص بالجمعية.

25/05/2026

كل سنة وانتوا طيبين و بخير ☺️

19/05/2026

وليال عشر ✨
في العشر من ذي الحجة كل خير أجره مضاعف 🌾

ممكن كلمة حلوة تفرّح،
وممكن صدقة بسيطة تغيّر يوم حد،
وممكن مساعدتك تكون سبب في ستر وفرحة وإنقاذ حياة كاملة🌱

دي أيام مباركة، أحب الأيام إلى الله،
وأجمل فرصة نقرّب فيها بقلوبنا قبل أعمالنا 🤲🏻

افتكر إن الخير اللي بتقدمه النهارة،
بيرجعلك طمأنينة، وبركة، وأثر حلو 💚

خلّي لك نصيب من:
🌿 الصدقة
🌿 جبر الخواطر
🌿 إطعام الطعام
🌿 مساعدة المحتاجين

“ما نقص مالٌ من صدقة” 🤍



#صدقة

12/04/2026

كل سنة و كلنا طيبين و بخير..

19/03/2026

Happy Eid..
كل سنة و حضراتكم طيبين وبخير وعيد سعيد عليكم و علي حبايبكم..



#مصر

14/03/2026

قبل ما تفرح بالعيد ..شارك غيرك الفرح✨
مع اقتراب العيد، في أسر كتير وأطفال وكمان شباب من برنامج الرعاية اللاحقة مستنيين فرحة العيد زي أي حد فينا. زكاة الفطر بتكون سبب إنهم يستقبلوا العيد بفرحة.

قال رسول الله ﷺ:
“أغنوهم عن السؤال في هذا اليوم”

💠 متوسط قيمة زكاة الفطر هذا العام: ٥٠ جنيه للفرد والزيادة حسب المقدرة.
💠 آخر موعد لإخراجها: قبل صلاة العيد.
💠 يجوز إخراجها: نقدًا أو حبوبًا (طعام).

✨ من خلال جمعية رابطة الإصلاح الاجتماعي، تقدر توصل زكاتك لأسر مستحقة، ولأطفال وكمان لشباب خرجوا من دور الرعاية ويعتمدون بعد الله على دعم المجتمع. زكاتك ممكن تكون سبب في كسوة أو طعام أو فرحة حقيقية قبل العيد.

📞 للتبرع أو الاستفسار:
0227902922 ,, 01020998033
01060074311 ,, 01033409953
متاح التحويل عبر فودافون كاش و إنستاباي

24/02/2026