08/07/2024
نزلت استوري وسألتكم تفتكرو البوست اللي جاي هيكون عن ايه🤔 وفي كتير توقعوا صح👌🏻 بوست النهاردة هنتكلم عن تأثير التغيرات المناخية على الزراعة والمحاصيل الزراعية🍀.
تغير المناخ والزراعة عمليتين مرتبطين ببعض الاتنين بيحصلوا في النطاق العالمي 🌍
وزي مااحنا عارفين إن التغيرات المناخية بتأثر على الزراعة بس بتأثر ازاي بقااا؟؟ده اللي هنعرفه🙈
التغيرات في معدلات الحرارة زي الأمطار💦 والموجات الحارة☀️ بينتج عنهم تغيرات في الآفات وتغير في غاز ثاني أكسيد الكربون اللي موجود في الغلاف الجوي وتركيزات طبقة الاوزون القريبة من سطح الأرض فبالتالي ده بيأثر على الزراعة والمحاصيل وبيغير كمان في الجودة الغذائية لبعض الاطعمة ده كله من تأثير المناخ على الزراعة وده بيظهر بشكل متفاوت في أنحاء العالم وممكن يأثر كمان بشكل سلبي في المستقبل على إنتاج المحاصيل في الدول اللي على دوائر عرض منخفضه ولكن التاثيرات في دوائر العرض الشمالية ممكن تبقى إيجابية او سلبية
ومن المحتمل تساهم ازمه المناخ في انعدام الأمن الغذائي🫓 لبعض الفئات الضعيفه ومننساش إن في أنواع كتير من الفاكهه والخضار اتاثرت وإنتاجها قل وده بيأثر على إنتاجية الدوله كلها .
نضيف بقا ان الزراعة مش بس بتتأثر هي كمان بتأثر يعني الزراعه بتساهم بشكل كبير فالتغيرات المناخية.
مثلا حيوانات المزرعه مسؤله عن إنتاج الغازات اللي بتسبب الإحتباس الحراري وده مبيخليش في خصوبه للتربة في المستقبل وقله إنتاج المحاصيل
يعني م الاخر بتساهم الزراعة في أزمة المناخ سواء من خلال انبعاثات غازات الإحتباس الحراري الناتجه عن الانشطه او من تحويل الارض الغير زراعية زي الغابات لارض زراعيه ساهم التحويل ده بنسبة 20الي 25%في الانبعاثات سنه 2010 يعني زي م الزراعة بتتأثر فهي كمان بتأثر 😳.
المصدر:موقع ويكييديا
موقع youm7
عمل الطالبة :بسملة حمدان جبر الصف الثاني الثانوي
المدرسة:مصر القديمه الثانوية بنات
تحت إشراف مديرة المدرسة ا/سحر عوض
