نادي چوار هو برنامج شبابي، مجاني بالكامل، بتستضيفه وبتقوم علي رعايته ودعمه مؤسسة إتجاه، وهي واحده من أكبر مؤسسات التنميه، والعمل المجتمعي في مصر.
وهو عبارة عن تجربة مميزة هنعيشها مع بعض، هنتعلم فيها مختلف المهارات والأفكار والأهم من التعلم مشاركتنا في الرحلة مع بعض.
الدفعة في جوار عبارة عن 3 شهور بتشمل موضوعات مختلفة:
(Active citizen - العمل الجماعي – إدارة المتطوعين – التطوع - مهارات القيادة -
والمبادرة - العرض والإلقاء - بناء الفريق…)
كل دا من خلال ورش عمل بتقدمها مؤسسة اتجاه أو من خلال ميسرين و مدربين ، دا طبعا غير مشاركتك مع زمايلك في النادي بخبراتهم المختلفة و كل فرد منهم عنده خبرات و مهارات مختلفة بتميزه عن غيره كل دا هنشاركه مع بعض ونتعلمه من بعض خلال الدفعة
هتستفاد ايه من التدريب؟
هتزود مهاراتك وخبراتك، هتقابل ناس جديدة بمهارات وخبرات مختلفة، هنتشارك كلنا مشاركة معرفية مع المتطوعين، هتوسع مداركك عن الحياة التطوعية والمجتمع المدني وغيرهم بشكل كبير، و هتخرج عندك كم خبرات و معرفة واسعة و مختلفة هتساعدك تبدأ أولى خطواتك في التطوع و المجتمع المدني.
