اهلا بيكو فى جروب القوافل الطبيه
يعنى ايه القوافل الطبيه ؟
يعنى بنروح لقريه نائيه ونقيم مستشفى ميدانى صغير وده بيكون فى مدرسه من خلال تقسيم فصولها الى عيادات حسب التخصصات المشاركه معانا وبيكون معانا معمل تحاليل مجهز وصيدليه وبيتم الكشف وعمل التحاليل وصرف العلاج مجانا .
هاتقولى طيب انا ايه دورى ؟
هاقولك لو انت دكتور يبقى تخصصك اكيد هايفدنا كتير
طيب هاتقولى لو انا مش دكتور ولا طالب طب يبقى ايه دورى
؟
هاقولك دورك ميقلش اهميه لاننا بنحتاج متطوعين لمساعده الدكاتره فى العيادات وكمان فى تنظيم القافله وتيسير وصول المرضى للعيادات .
كمان احنا هانقوم بحملات توعيه داخل القافله عن اكثر الامراض المنتشره زى (السكر_امراض الجلديه _ تسوس الاسنان) لان الوقايه خير من العلاج.
طيب هاتقولى انا نفسى اشارك معاكوا بس مش عندى وقت يبقى هشارك ازاى ؟
يبقى هقولك الدال على الخير كفاعله لو انت تعرف دكتور من التخصصات دى (باطنى _ اطفال_نسا_ جلديه_ رمد_انف واذن_ عظام_ اسنان_ كميائى
_صيدلى) وشرحتله نشاطنا وشارك معانا يبقى بتاخد ثوابه .
هاتقولى طيب انا هاستفاد ايه من كل ده ؟
اولا: ساهمت فى رفع او تخفيف الالم عن مريض بأذن الله .
ثانيا : ادخال السرور على مسلم من خلال تقديم المساعده اللى محتاجها ولو بجزء بسيط .
ثالثا : الجهاد فى سبيل الله .
وحاجات تانيه كتير انت بتاخد عليها ثواب كبيررررررررررررر .
يلا يشارك معانا بمجهودك و افكارك لتحسين النشاط .
Alerts
Be the first to know and let us send you an email when قوافل طبية رسالة المعادى posts news and promotions. Your email address will not be used for any other purpose, and you can unsubscribe at any time.
