Merqah Foundation - مؤسسة مرقاة

Merqah Foundation - مؤسسة مرقاة مؤسسة مرقاة الخيرية التابعة لوزارة التضامن الاجتماعي المشهرة برقم 6458 لسنة 2018
(583)

• إحنا مين؟
مبادرة شبابية تطوعية ابتدت بمجموعة من الأصدقاء في 2016، ولما لقينا نشاطنا زاد ومتبرعينا زادوا، قلنا نخلي شغلنا رسمي، فعملنا مؤسسة مرقاة الخيرية التابعة لوزارة التضامن الاجتماعي وخدنا الإشهار في يوليو 2018

• يعني إيه مرقاة؟
مرقاة جاية من الرقي والارتقاء؛ مرقاة يعني أداة أو وسيلة الصعود، الحاجة اللي بتطلعك فوق، اللي من خلالها تقدر تتقدم وترتقي.. فإحنا (كمرقاة) حبينا نكون الأداة اللي ه

تساعد أهلنا وبلدنا على التقدم والارتقاء.

• مكاننا فين؟
23 شارع النهضة- تقاطع السد العالي- سرايات المعادي- الدور التالت
• شغالين في أنهي محافظة؟
شغالين في مصر كلها بفضل الله

• إيه الأنشطة بتاعتنا؟
1-وصلات المياه
2-الأسقف
3-توزيع زكاة المال على مستحقيها من الفقراء والمساكين رقيقي الحال
4- كفالة اليتيم
5-كفالات شهرية للأسر رقيقة الحال من الفقراء والمرضى
6-دعم دور القرءان
7-توفير الاحتياجات الأساسية لبيوت الأسر رقيقة الحال من (مراتب، سراير، غسالات، بوتجازات، إلخ..)
8-دبح العجول
9-إطعام الطعام عن طريق عمل وجبات للمسنين والمرضى، توزيع شنط غذائية (أكل جاف) بالإضافة لشنط رمضان
10-سداد ديون الغارمين
11-بناء وترميم البيوت
12-عمل مشروعات صغيرة للأسر الفقيرة
13-توفير الكشف الطبي والعلاج أو العمليات للحالات الطبية الفقيرة المستحقة.. وكمان بنعمل أطراف صناعية
14-عندنا حضانة ومدرسة صغيرة (تعليم موازي) في العياط
15-تجهيز العرائس اليتيمات ورقيقي الحال
16-صيانة المنازل وعمل حمامات

• إزاي بنتأكد إن الحالات مستحقة؟
كل حالة بنساعدها لازم ننزل نستكشفها علشان نتأكد من استحقاقها، ومش بس كده، إحنا بنخلي باحث ينزل الأول وبعدين مراجع علشان نضمن تمامًا استحقاق الحالة.. وبعد ما نتأكد من استحقاقها بنشوف هي محتاجة إيه وبنشتريه ونوصله بنفسنا

• لو عندك حالة محتاجة للمساعدة تعمل إيه؟
تملا الفورم دي ببياناتها https://goo.gl/rBhSWv وإحنا هننزل نستكشف الحالة ونتأكد من استحقاقها ونشوف هي محتاجة إيه ونعمله في أقرب وقت•
لو عايز تتبرع معانا تعمل إيه؟

للتبرع تقدروا تشرفونا في مقرنا بسرايات المعادي، أو تكلمونا على رسايل الصفحة وهيوصلكم مندوبنا لحد باب البيت، أو التبرع مباشرة عن طريق فودافون كاش- اتصالات كاش- فوري- myFawry- مصاري- Bee- Opay- الأهلي ممكن- أمان - ضامن - سداد أو من خلال ماكينة POS .
عن طريق الديبيت/الكريديت كارد أو في حساب مؤسسة مرقاة البنكي أو البريدي (البوسطة)

هتلاقوا كل تفاصيل التبرع في اللينك ده
https://merqah.com/

دمتم محسنين :)

الأجهزة عندها زي قلتها.. كأنها مش موجودةالغسالة ممكن تكهربها، والتلاجة بتبوظ الأكل اللي بيتشال فيها.ست سحر متجوزة وعندها...
12/05/2026

الأجهزة عندها زي قلتها.. كأنها مش موجودة

الغسالة ممكن تكهربها، والتلاجة بتبوظ الأكل اللي بيتشال فيها.

ست سحر متجوزة وعندها 3 أولاد، جوزها بيشتغل غفير علشان يصرف على بيته وولاده، كان بيتمنى يكون بكامل صحته علشان يقدر يشتغل شغلة تانية تسند معاهم في المصاريف بس للأسف هو مريض وبيعاني من ارتجاع بالصمام الميترالى وتأكل مجرى البول، وبيحاولوا يكفوا احتياجات ولادهم بالدخل البسيط بتاعهم.

ست سحر نفسها في تلاجة جديدة بدل المتهالكة اللي عندها، وغسالة نص أوتوماتيك تريحها في الغسيل، وكمان مروحة استاند تخفف عنهم الحر.. بس هي متقدرش على تمنهم أبدا، علشان كدا نفسنا نفرحها ونوفرهم علشانها.

التكلفة الإجمالية: 15,300 جنيه ( لو اتبقى فلوس هندخلها حالة تانية مستحقة) متاح تشارك معانا بأي مبلغ وينفع تشارك من فلوس الصدقات أو الزكاة لأنها وكلتنا بالشراء.

متاح التبرع من انستاباي أو التحويل البنكي على حسابنا في البنك التجاري الدولي CIB المخصص للحالة دي والحالات المشابهة- رقم الحساب 100065401187

هتلاقوا كل طرق التبرع من داخل أو خارج مصر على موقعنا من خلال اللينك ده
https://merqah.org/
دمتم محسنين 🌷🌷

بتضحي كل سنة، بس يا ترى بتقدر توصلها لمستحقيها؟عندنا في مرقاة أكتر من 8000 أسرة رقيقة الحال كلهم مستحقين، وبيستنوا مواسم...
12/05/2026

بتضحي كل سنة، بس يا ترى بتقدر توصلها لمستحقيها؟

عندنا في مرقاة أكتر من 8000 أسرة رقيقة الحال كلهم مستحقين، وبيستنوا مواسم الخير زي العيد علشان يفرحوا بأكلة لحمة حلوة.

علشان كدا أضحيتك مكانها مرقاة.👌

تقدر تضحي بعجل كامل ودا تكلفته 112,000 جنيه، أما بقى لو هتشارك بصك أضحية( سبع العجل) فدا تكلفته 16,000 جنيه فقط، تقدر كمان تقسط لمدة 10 شهور، وتقدر كمان تشارك معانا في عجول الصدقات يوم عرفة بأي مبلغ زي ما تقدر.

ابعتلنا دلوقتي على https://merqah.org واحجز معانا أضحيتك واطمن إنها هتوصل لمستحقيها.



دمتم محسنين 🌷🌷

اليوم اللي المية بتقطع فيه بيبقى كارثةوللأسف فيه أسر كل أيامها كدا لأن معندهاش وصلات مية لبيوتهم💔وعشان كدا إحنا شغالين د...
11/05/2026

اليوم اللي المية بتقطع فيه بيبقى كارثة
وللأسف فيه أسر كل أيامها كدا لأن معندهاش وصلات مية لبيوتهم💔
وعشان كدا إحنا شغالين دايمًا على خطط لتنفيذ وصلات مية للبيوت دي.

وبفضل الله وكرمه قدرنا ننفذ 5 وصلات مية لـ 5 أسر من أهالينا رقيقي الحال في الشرقية، فرحنا قلوبهم وشيلنا من عليها هم وتعب في مشاوير يومية عشان يجيبوا مية نضيفة.🥰✌

ربنا يكرم متبرعينا ويتقبل منهم صدقاتهم اللي بإذن الله تبقى صدقات جارية. ❤
ودمتم محسنين.🌹🌹

11/05/2026

"الواحد مبيهونش عليه يشوف عياله تعبانين
بس أنا بنتي في هم وتعب من يوم ما اتولدت"💔

رحمة بنوتة جميلة عندها 7 سنين، أهلها عاشوا معاها تجربة قاسية من يوم ولادتها لأنها كانت بتعاني من ضعف سمع حسي شديد، واكتشفوا دا وهي 9 شهور، وللأسف مكنش فيه استجابة للسماعة الطبية اللي ركبوها لها، لحد ما عملت زراعة قوقعة في 2020
وما بين جلسات التخاطب وقطع الغيار المكلفة عايشة رحمة وأسرتها في ظروف صعبة جدًا مالية ونفسية.
وللأسف تاني هي حاليًا محتاجة قطع غيار بتكلفة 16,900 جنيه، وأهلها خلال الفترة اللي فاتت مقدروش يوفروا المبلغ دا، وعايشين في عجز وحزن بسبب إن الجهاز ممكن يعطل تمامًا وهي ترجع متسمعش تاني.💔

مش هاين على أهل رحمة يشوفوها كدا، ولا يهون علينا منساعدهاش، شاركونا دلوقتي في توفير قطع الغيار عشان نحافظ على ابتسامة رحمة الجميلة.❤
(تقدروا تشاركوا من فلوس الزكاة، ولو اتبقت فلوس هندخلها لحالة تانية مستحقة).
متاح التبرع من انستاباي أو التحويل البنكي على حسابنا في البنك التجاري الدولي CIB المخصص للخدمات الطبية- رقم الحساب 100065401171
وهتلاقوا كل طرق التبرع من داخل أو خارج مصر على موقعنا من خلال اللينك ده
https://merqah.org/

ودمتم محسنين.🌹🌹

لو تايه أول مكان بتروحه المسجدلو قلبك حزين ومخنوق بتجري عليه وتطلع اللي جواك في سجدة طويلة وتقول يا رب.المسجد ملجأ لينا ...
10/05/2026

لو تايه أول مكان بتروحه المسجد
لو قلبك حزين ومخنوق بتجري عليه وتطلع اللي جواك في سجدة طويلة وتقول يا رب.

المسجد ملجأ لينا كلنا، بس لما بتدخل وتلاقي السجاد قديم ومتهالك بتحزن، صح؟

علشان كدا محتاجين نغير السجاد لمسجد موجود في محافظة الإسكندرية، مساحته التقريبية 400 متر داخل مدينة الأطباء وبيخدم المدينة وجزء كبير خارجها.

المسجد سجاده قديم ومتهالك متغيرش من 17 سنة، ومبقاش مريح زي الأول، بيسجد عليه يوميا أطفال وكبار، نفسنا نغيره ونفرش سجاد جديد وتحته عازل علشان يكون مريح وطري، ونفوز بالثواب ونشارك كلنا في أجمل صدقة جارية.

التكلفة الإجمالية: 300,000 جنيه شامل السجاد والعازل والتركيب، متاح تشارك معانا بأي مبلغ، هتلاقوا كل طرق التبرع من داخل أو خارج مصر على موقعنا من خلال اللينك ده
https://merqah.org/

دمتم محسنين 🌷🌷

صدقة أو عقيقة.. ربنا يتقبل❤️الحاجة المشتركة بين متبرعينا هي حبهم الخير ولأهالينا رقيقي الحال، في كل الأوقات فاكرينهم.الخ...
10/05/2026

صدقة أو عقيقة.. ربنا يتقبل❤️

الحاجة المشتركة بين متبرعينا هي حبهم الخير ولأهالينا رقيقي الحال، في كل الأوقات فاكرينهم.

الخرفان دي تكفل بيهم 3 من متبرعينا، منهم واحد عقيقة ربنا يبارك في المولود، و2 صدقة لله، والحمد لله تم دبحهم وتوزيعهم وفرحنا مجموعة من أهالينا رقيقي الحال.

بالهنا والعافية عليهم يا رب، وربنا يتقبل من متبرعينا ويوسع عليكم جميعا يارب، ويطعمكم من طعام الحنة

باب التبرع للعجول والخرفان مفتوح دايما.

دمتم محسنين 🌷🌷

أضحيتك لمستحقيها ✌❤زي كل سنة إن شاء الله ناويين نلف محافظات مصر كلها عشان نوصل للأسر المستحقة ونسلمهم أضاحي العيد عشان ف...
09/05/2026

أضحيتك لمستحقيها ✌❤
زي كل سنة إن شاء الله ناويين نلف محافظات مصر كلها عشان نوصل للأسر المستحقة ونسلمهم أضاحي العيد عشان فرحة العيد تكبر وتملى قلوبنا كلنا.🥰
هدفنا ذبح 120 أضحية وتوزيعهم على المستحقين، شاركنا دلوقتي وحقق معانا هدفنا.❤

🔸سعر صك الأضحية (سبع العجل) 16,000 جنيه.
🔸سعر العجل كامل 112,000 جنيه.
وتقدر تشاركنا وتقسط قيمة الأضحية على 10 شهور.

هتلاقي كل طرق التبرع من داخل أو خارج مصر على موقعنا من خلال اللينك ده
https://merqah.org
ودمتم محسنين.🌹🌹

09/05/2026

عايشة على أمل إن ربنا يشفيها من الكانسر💔
الست منال اكتشفت إصابتها بورم سرطاني في المبيضين من 4 سنين، وخلال الفترة دي ولحد النهاردة عاشت آلام رهيبة ميتحملهاش إنسان، آلام سببها الورم وبعده الكيماوي اللي مجابش نتيجة وبسبب كدا وبعد الكشف الذري اضطر الدكاترة يدخلوها عمليات لاستئصال المبيض وإزالة الورم.
خلصت الحكاية؟؟
للأسف لأ...
لأن الورم رجع ينتشر تاني في الرحم والغشاء البريتوني وعملها تلف في أوردة الجسم.

هي محتاجة علاج مكلف جدًا بشكل شهري، ومحتاجين حاليًا نوفرلها مبلغ 432,850 جنيه لتوفير الدوا، وطبعًا مع ظروف أسرتها الصعبة ميقدروش يوفروا المبلغ عشان كدا مشاركتكم معانا هتساعدنا في تجميع المبلغ في أقرب وقت.
(تقدروا تشاركوا من فلوس الزكاة، ولو اتبقت فلوس هندخلها لحالة تانية مستحقة).
متاح التبرع من انستاباي أو التحويل البنكي على حسابنا في البنك التجاري الدولي CIB المخصص للخدمات الطبية- رقم الحساب 100065401171
وهتلاقوا كل طرق التبرع من داخل أو خارج مصر على موقعنا من خلال اللينك ده
https://merqah.org/

ودمتم محسنين.🌹🌹

هنحكي المرة دي عن فرحة متبرعينا بالأجر والثواب ❤وبعطاء ربنا لهم إنهم بيقدروا يسعدوا ويساعدوا غيرهم❤في الصور سريرين وبطان...
08/05/2026

هنحكي المرة دي عن فرحة متبرعينا
بالأجر والثواب ❤
وبعطاء ربنا لهم إنهم بيقدروا يسعدوا ويساعدوا غيرهم❤

في الصور سريرين وبطانية وغسالة قدرنا بفضل الله وكرمه نوفرهم للست عبير وأسرتها ونوصلهم لحد باب البيت.✌
لو حابين تفتكروا ظروفها شوفوا البوست دا https://shorturl.at/B402S

مشاركة متبرعينا هي اللي بتخلينا نساعد ونسعد أهالينا رقيقي الحال باستمرار، طول ما أنتم مكملين إحنا مكملين.
ربنا يتقبل منكم صدقاتكم ويسعدكم زي ما بتسعدوهم.🥰

ودمتم محسنين.🌹🌹

07/05/2026

من 15 سنة وإيمان بتصحى وتنام على صداع ما بينتهيش..

سنين من الوجع المستمر والمعاناة...

إيمان بتعاني من السمنة المفرطة، بعد الفحوصات اتضح إنها مأثرة بشكل خطير على المخ، ومسببة ارتفاع شديد في ضغط السائل النخاعي، وده بدأ يأثر على العصب البصري، الدكاترة أكدوا إنها محتاجة عملية لتركيب صمام في المخ لتخفيف الضغط، بس العملية دي مش ممكن تتعمل قبل ما تعمل تكميم معدة، لأن وزنها الزيادة هو السبب الرئيسي في المشكلة.

إيمان بنت من أسرة بسيطة، حياتهم صعبة، الدخل بسيط، وأكتر من فرد بيعاني من أمراض مزمنة، ومصاريف علاجهم بالعافية بيقدروا يوفروها.

علشان كدا نفسنا نساعدها ونوفرلها التكلفة اللازمة لعملية التكميم علشان تقدر بعدها تعمل العملية التانية وتتخلص من كل تعبها.

تكلفة العملية: 32,000 جنيه( لو اتبقى فلوس هندخلها حالة تانية مستحقة) متاح تشارك معانا بأي مبلغ وينفع تشارك من فلوس الصدقات أو الزكاة.

متاح التبرع من انستاباي أو التحويل البنكي على حسابنا في البنك التجاري الدولي CIB المخصص للخدمات الطبية- رقم الحساب 100065401171

هتلاقوا كل طرق التبرع من داخل أو خارج مصر على موقعنا من خلال اللينك ده https://merqah.org/

دمتم محسنين 🌷🌷

كل لحظة هتحس فيها بالراحة هتدعيلكم من قلبها❤على أد ما كانت تعبانة ومش مرتاحة على أد فرحتها بالحاجات الجديدة، كل أحلامها ...
07/05/2026

كل لحظة هتحس فيها بالراحة هتدعيلكم من قلبها❤

على أد ما كانت تعبانة ومش مرتاحة على أد فرحتها بالحاجات الجديدة، كل أحلامها اتحققت ومش مصدقها نفسها من الفرحة.

الحمد لله بفضل ربنا ثم تبرعاتكم فرحنا ست حسنية ووفرنالها كل احتياجاتها زي ما طلبت: غسالة نص أوتوماتيك، تلاجة، سريرين جداد بمراتبهم، وكمان بطانيتين.

ست حسنية اتكلمنها عنها في البوست دا لو حابين تفتكروها https://2u.pw/oZXecz

تتهنى بيهم يا رب، وربنا يتقبل من متبرعينا ويوسع عليكم جميعا يا رب، ويرزقكم كل الخير اللي تتمنوه.

باب التبرع لاحتياجات أهالينا رقيقي الحال من الصدقات والزكاة مفتوح دايما.

دمتم محسنين 🌷🌷

Address

23 شارع النهضة-تقاطع السدالعالي/سرايات المعادي
Cairo
18185

Website

Alerts

Be the first to know and let us send you an email when Merqah Foundation - مؤسسة مرقاة posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Merqah Foundation - مؤسسة مرقاة:

Shortcuts

Share

Category