مشوار

فكرة الفريق:
كلنا هدفنا الجنة ورضا ربنا عنا.. و بنحلم نتغير ونغير من زمان , عارفين أن المشوار طويل بس أكيد مش مستحيل . فكرنا نبدأ و نحاول و قولنا أن ربنا لما خلقنا خلانا نمشي خطوة بخطوة ,خطوة تبدأ و تحصلها خطوة التانية لحد ما نوصل لآخر المشوار .


من هنا بدأنا أول خطوتنا بإنشاء فريق خاص للبنات والسيدات يهدف لتفعيل دور المرأة في الحياه الاجتماعية و تدعيم أخلاق و قيم دينا و مجتمعنا الاصلية .

رؤي

تنا :
هي ان نكون ان شاء الله أفضل فريق فتيات عالمى فى خدمة المجتمع وتدعيم قيمه

و هدفنا :
ان احنا نرجع القيم الايمانية والاسلامية للمجتمع و نبني مجتمع اخلاقي.
و كمان نحقق الانتشار والتواصل مع بنات و فتيات المجتمع .
وكما ان احنا نساهم في تنميـة مجتمعنا ونقدم خدمات له على قدر الامكان.

طيب كل ده كلام التنفيذ بقى هيكون ازاي ؟؟!!
التنفيذ هيكون عن طريق مسارين :
المسار الاول اللي هو النزول بحملات قيم مختلفة في الشوارع والمولات و اماكن التجمعات و توصيل فكرة كل حملة بطرق مختلفة و مبدعة وجديدة

اما المسار الثاني هيكون في المجال الخدمي او الخيري و ده هيكون عبارة عن مشاريع خيرية مختلفة زي الاطعام وحملات كساء ونأمل مستقبليا ان احنا نعمل على تجديد مؤسسات خيرية مثلا دور ايتام او دور مسنين و هكذا ...
مستنينكوا تشاركونا :))
والله الموفق والمستعان :))