Abdallah Rashad - عبدﷲ رشاد

15/12/2025

12/12/2025

اللواء نجيب عبدالسلام قائد الحرس الجمهوري الأسبق قال تفاصيل لأول مرة تتقال عن الأيام الأخيرة للرئيس الأسبق محمد حسني مبارك قبل ما يتنحى عام 2011.

اللواء نجيب قال إن المشير طنطاوي رفض يبقى نائب رئيس الجمهورية لكن اللواء عمر سليمان وافق وقال دي مهمة وطنية".

بعدها بيوم واحد بس خرج عمر سليمان بسيارته غير المدرعة لجهاز المخابرات ورغم تحذيرات الحرس الجمهوري اتعرض الموكب للهجوم في طريق الكوبري والسواق توفي لكن الحرس اتعامل وأنقذ الموقف.

عبدالسلام وضّح إن الحادثة مش محاولة القضاء على عمر سليمان لكن كانت حركة لإحداث ربكة في الشارع.

وحكى كمان إن مبارك كان في حالة صدمة تامة وقت أحداث 25 يناير بيتكلم معاه في اليوم أكتر من 12 مرة ومكنش مصدق اللي بيحصل.

يوم 28 لما الداخلية انهارت حس إن دي النهاية فعلا لكنه رفض يهرب وقال: "هعيش وأمــ وت في مصر".

اللواء نجيب أكد إن بيان التنحي اتكتب في مكتب الحرس الجمهوري يوم 11 فبراير الساعة 10 الصبح وإنه هو اللي اقترح إن البيان يقول "التخلي عن السلطة" بدل "التنحي"، لأن الكلمة أقوى وأشمل.

في اللحظات الأخيرة مبارك كان حزين بس راضي بالقرار وساب القصر بهدوء بعد ما اتأمنت كل الوثائق والأوراق المهمة، وتم قطع الاتصالات عنه وعن أسرته بالكامل.

اللواء نجيب قال برضه إن مبارك عمره ما أمر بالهجوم المتظاهرين ودي شهادة منه لأنه حاضر كل الاجتماعات

12/11/2025

11/11/2025

الرئيس السيسي استقبل قيادات ٥٢ شركة من أكبر شركات التكنولوجيا في العالم في القمة العالمية لصناعة التعهيد اللي مصر بتنظمها بنفسها

التعهيد يعني الشركات الأجنبية بتنقل شغلها لمصر.. ومش مصانع.. لا ده عقول

يعني برمجة وتحليل بيانات وتسويق إلكتروني وكل ده بيتعمل من هنا

يعني مصر مش بتصدر خامات، لا ده بتصدر عقولها

والنتيجة ٥٥ اتفاقية جديدة هتوفر ٧٥ ألف فرصة عمل خلال ٣ سنين
من ٤ آلاف متدرب بقينا ٨٠٠ ألف في السنة

والقطاع بينمو ١٦٪ سنوي ومساهمته في الناتج القومي وصلت ٦٪

مصر الأولى في سرعة الإنترنت في أفريقيا

والقاهرة ضمن أهم مدن الابتكار في العالم

11/11/2025

من ساعة ما الإعلان طلع، والبلد كلها في حالة توتر وعينيها على 3 رجالة مصريين اتخـ ـطفوا في غرب مالي، جنب طريق "سيجو- باماكو".

الخاطـ ـفين دول مش أي حد.. دي جماعة بتتبع تنظيم الـ قاعــ دة

الجماعة دي طلعت بيان رسمي بتقول فيه إنها المسؤولة، ورمت تهمة خطيرة على رجالتنا: إنهم بيتعاونوا مع سلطات مالي، والكارثة الأكبر إنهم طالبوا بـ 5 مليون دولار فدية عشان يفرجوا عنهم

طبعاً الخارجية المصرية ما نامتش، والموضوع ده بقى شغلهم الشاغل، وطلع السفير تميم خلاف، المتحدث الرسمي، عشان يطمن الناس ويقول: إن سفارتنا في مالي عاملة اتصالات ليل نهار مع السلطات المالية عشان يعرفوا كل تفصيلة جديدة.

وزير الخارجية تدخل بنفسه وكلم وزير الخارجية المالي، وشدد عليه كلمتين مهمين: تأمين المصريين، وسرعة الإفراج عن المختطفين.

السفير المصري في باماكو على تواصل مباشر مع أسر المختطفين، وبيبلغهم بالتطورات أول بأول.

على الرغم من إن رقم الخمسة مليون دولار انتشر في كل حتة، إلا إن الخارجية المصرية ليها رأي تاني لحد دلوقتي

السفير تميم خلاف بيقول: "إحنا لغاية دلوقتي ماوصلناش أي تواصل رسمي أو مباشر من الجهة اللي خطفتهم وكل الكلام اللي بتتقال عن الفدية دي معلومات مش دقيقة".

ليه الخطر زاد هناك؟ المتحدث باسم الخارجية فكرنا إنهم كانوا أصلاً منزلين بيان رسمي بيحذروا فيه المصريين اللي هناك وعددهم من 500 لـ 1000 فرد، أغلبهم شغالين في شركات مقاولات مصرية إنهم يقللوا تحركاتهم برا العاصمة عشان الأوضاع الأمنية مش أحسن حاجة في مالي.

11/11/2025