احنا مين ؟؟
احنا شباب من جامعة مصر الدولية و الجامعة البريطانية و الجامعة الامريكية و الجامعة الألمانية اتجمعنا صحبة في الخير.. هدفنا التغير جوة مجتمعنا نكون ايجابين نرجع لأخلاقنا وعاداتنا وتقاليدنا .. هدفنا عودة الأخلاق في المجتمع .. هدفنا نشر السعادة وإعادة الفرحة للناس في الشارع .. هدفنا نشر الروح الايجابية والتفاؤل ونرجع الأمل للناس .. هدفنا أننا نساعد الناس أنهم يحسوا انهم عايشين .. هدفنا ا
لخير .. هنكون ايجابين و مش هنقول وأنا مالي.
ليه Campaigners ؟؟
عشان احنا محتاجين نغير و التغيير مش بيتم في يوم وليلة محتاج مجهود و توعية لوقت كتير ودا هيتم من خلال حملات ( Campaigns ) اسبوعياً هنشتغل عليها مع بعض عشان نحقق اهدافنا .. هنبدأ بنفسنا نغير في كل مكان هنكون فيه في البيت في الشارع في الجامعة في أي مكان.
ليه إنسان ؟؟
عشان الانسان هو خليفة الله في الارض و ربنا مكرمه على جميع المخلوقات و نفخ فيه من روحه بفطرة سليمة و سوية لعمارة الكون و إصلاحه .. و زي ما قال العبقري الدكتور مصطفى محمود في أن قيمة الأنسان هي ما يضيفه للحياه ما بين ميلاده و موته اثناء حياته .. و ايضاً ما قاله احد الحكماء قديماً إنه يرى كثير من البشر الذين يحملون صفة الانسان ولكنه لا يرى الانسانية .. واحنا عايزين نرجع لفطرتنا السليمة الي خلقنا بيها ربنا الي بتحمل كل مشاعر الانسانية.
