خواطر مصرية

08/02/2026

03/02/2026

قولي ايه حلو في حياتي وانت غايب عن عنيا ❤️✨

03/02/2026

والعصافير تهجر الاوكارا ❤️✨

15/09/2025

ماذا تفعل لو كنت مكانه 😄

13/08/2024

صورة لسيدات من مصر من داخل احد استوديوهات التصوير عام ١٨٦٠م

12/08/2024

كهف الجاره ⛺
تخيل تبقي ماشي في وسط الصحرا فتلاقي قدامك حفره في الارض فتدخل فيها فتلاقي نفسك فجأة اتنقلت لمكان تاني اشبه بالاماكن الخيالية اللي في افلام الاساطير و كأنك دخلت لفجوة زمنية نقلتك لمكان و زمان تاني 🙄

ده اللي حيحصلك فعلا لو دخلت في الصحراء الغربية 🤔

احدي عجائب #مصر اللي كتير ميعرفوش عنها حاجة ، مكان اسطوري بمعني الكلمة ، من اغرب الاماكن اللي ممكن تشوفها في حياتك بسبب تكوين الكهف العجيب و شكله الغريب من جوة

لو دخلت الكهف ده حتلاقي تكوينات جيولوجية حتبهرك اشبه بشلالات مياه متحجرة نازلة من اعلي الكهف في ابداع رباني مش حتتخيل انه موجود الا في قصص الاساطير 🐲

العجيب بقي ان الرواسب اللي نازلة من فوق دي اصلا حصلت بسبب تسريب المياه من خلال رمال الصحراء علي مدار ملايين السنين و بسبب الحرارة الشديدة اتجمدت بالشكل ده عشان تعمل المكان الخيالي ده

الكهف ده اكتشفه رحالة الماني و كان معاه الدليل بتاعه و بعد عاصفة شديدة لقوا المكان ده قدامهم فدخلوه يحتموا فيه فلقوا واحد من اندر كهوف العالم حتي ان الالمان قالو عليه انه اجمل مكان عينك ممكن تقع عليه في قارة افريقيا

الكهف مكون من عدة مغارات و علي بعد ٥٠ متر تحت باطن الارض و هو بين الواحات البحرية و مدينة #اسيوط اللي بيبعد عنها حوالي ١٤٠ كيلو

من الحاجات اللي اكتشفوها جوة الكهف هي بعض المنحوتات البدائية اللي بيرجع تاريخها لعصر الانسان البدائي و ده بيوحي ان الكهف ده كان ملجأ للانسان من الاف السنين ، كفاية بس انك تعرف ان عمر الكهف ده يعدي ال ٤٠ مليون سنة ..

16/05/2024

أصل الحكاية.. مصر جوانا
طيب تعرفوا ليه المصريين بيقولوا المثل بتاع ( جاب الديب من ديله )؟؟؟ شوفوا كده الجدارية الرائعة دي!!!
فالذئب هو رمز للقوة و السرعة والتوحش وكذلك المراوغة والذكاء . ومن الطبيعى أن من يستطيع صيده لابد وأن يتفوق عليه في القدرات , فما بال لو استطاع الإمساك به من ذيله ؟! وهي مبالغة في التعبير عن القوة و التمكن , وقد عثر على نقش يظهر فيه الملك الصغير توت عنخ آمون يصطاد ذئباً من ذيله , ويعني ذلك أن أصل المثل مصري قديم . يعنى توت عنخ آمون هو اللى " جاب الديب من ديله " .

09/05/2024

متابعة للصفحة فضلا وليس امرا❤️
بعض الشتائم المصرية، و أصولها التاريخية
-------------------------------------------------------
في العامية المصرية، مجموعة من الشتائم التي تستخدم كثيراً،
دون أن يعرف معناها أو مصدرها، و منها :

- (فلان دا بلط)
و أصلها الكلمة القبطية (بيلتي) و تعني: مقعد،
فيكون المعنى أن فلان دا قليل الحركة، و كسول،
و منها: فلان دا مبلط في الخط! أي بطيء الفهم، و الحركة

- (جتك شوطة تاخدك)
البعض يظن أن كلمة شوطة معناها القذف بالساق،
زي ما نقول بنشوط الكورة مثلاً،
لكن المقصود مش كدا خالص،
شوطة أصلها (شووت) القبطية، و تعني كوليرا، أو وباء،
و يبقى المعنى هنا، جيتك وباء لما ياخدك!
أو ربنا ياخدك بمعنى أصح 😀

- (الست دي شلق)
و شلق أصلها الكلمة القبطية (شلاك) أي المط، و الامتداد،
و أيضاً التوتر و الانفعال،
و الست الشلق هي إلي بتستخدم ألفاظ نابية،
و تمط في صوتها زي مثلاً: أحمااد يا عوووومر ...مثلاً يعني 😀

- أوباش
دي برضو كلمة قبطية معناها عرايا، أو صعاليك،
و متحاولش تجيبلها مفرد لأن ملهاش أصلاً،
هي بتتقال كدا: شوية أوباش!! كدا

- غراب البين
طب الغراب و معروف، البين دا إيه بقى؟!
اقولكم...البين دي كلمة مصرية قديمة معناها الشر، أو السوء،
و غراب البين معناها (غراب الشر)

- مدهول
أصلها القبطي (متاهوول) و معناها، غير المرتب، أو المهمل،
و يا واد يا مدهول على عينك، يعني يا مهمل يا مبهدل

- جاك خيبة بالويبة
الويبة كلمة قبطية معناها وعاء للكيل،
و هو يسوي كيلتان،
فيكون المعنى: جاتك خيبة كبيرة! وصاية يعني 😀

- لو معملتش كذا هسويك
أنا كنت فاكر ان معناها (هطبخك) يعني،
لأن نسوي في مصر معناها نطبخ،
لكن المعنى مش كدا خالص،
أسويك جاية من الكلمة القبطية (سوى) و معناها (تقطيع الأوصال)!
هسويك يعني هاقطعك!!
أظن مرحناش بعيد برضو 😀

- يا ابن الإيه
آخر جملة كنت أتخيل انها ممكن تكون شتيمة!
و بنستخدمها كتير جداً، على سبيل المزح، و أحيانا المدح،
أصل كلمة (إيه) إيه بقااا؟
الإيه دي هي (البقرة) باللغة القبطية!! تخيلو!
و بكدا تكون ابن الإيه، معناها ابن البقرة!
ههههه ماتقولهاش تاني بقى...

بالمناسبة جدودنا المصريون القدماء لم يشتموا ابدا بالأم او بالمرأة عمومآ ..
ف المرأة عندهم كانت في غاية الإحترام و المكانة
و كانت مساوية للرجل تما

05/05/2024

لازم بجد تعرف القصة الحقيقيه لكلمة - " الخلبوص ".

عشان متفرحش تانى لما حد يقول عليك " خلبوص " ..

وانت متخيل انه بيقول عليك واد شاطر ومقطع السمكة وديلها وكل يوم مع واحدة ، فتمشى ف الشارع كما الطاووس اللى مفيش زيه ..

يا عزيزى ..

الخلبوص فى بداية القرن ال 18 كان صبى الغازية .. شخص اجرودى مفيش شعر ف جسمه كان بيلبس زى الغازية ، ويضرب ع الصاجات ، ويقلد حركاتها اللى كلها إبتذال ، ويهرج مع ده ويغمز لده ويهمس لده بشكل إباحى ومستفز ، ويهيئ الجو والقاعدة والمزاج ، وف الغالب كان له جملة شهيرة بيرددها علشان يحمى الغازية من الحسد " 4 و 1 عليكى يا أبلتى "

إتكلم عنه علماء الحملة الفرنسية وقالوا " الخلبوص مهرج يقوم بأوضاع بالغة الفحش وبحركات وقحة تواكب حركات الغازية ".. بدأ ببدلة رقص من سنين طويلة وبعدها لبس الجلابية الضيقة ، ومع الزمن والتطور واكب الموضة ولبس البدلة والكرفتة .. أشهر الخلابيص كان تركى واسمه عبد الله رقص 40 ليلة فى احتفالات افراح انجال الخديوى اسماعيل ، وشهرته نافست الحامولى والمظ وساكنة بك .
واول ما فتحت دور السينما بعض الدور جابوا الخلابيص وخلوهم يروجوا للافلام وقطعوا تذاكر .. على اساس ان عندهم موهبة فى الجذب .. عرفناهم ع الشاشة من خلال افلام شفيقة ومتولى وسيد درويش والراقصة والسياسى .. وكل فيلم فيهم اظهر مرحلة زمنية معينة فى تطور الخلبوص .
نصيحة من اخ .. بلاش تفرح لو حد قال عليك " خلبوص " .. صدقنى عيب اوى .. والله عيب.

03/05/2024

🙏ربنا يبشبش الطوبة اللي تحت راسه..❓

➖مقولة دائما يرددها البعض عندما نتذكر المتوفي

➖جرت العادة ان يترحم المصريون علي موتاهم بهذه الصيغة

➖واذا عدنا للخلف كثيرا لوجدنا ان قدماء المصريين كانوا يضعون تحت رأس المتوفي وسادة دائرية من ورق البردي أو من القماش أو نادرا من الخشب وأحيانا من الحجر الطري وخصوصا للفقراء وكانت تسمي وسادة الرأس تنقش عليها تعاويذ وصيغ دعائية تساعد المتوفي علي اجتياز العالم الاخر

➖و كانت الوسادة مرسوم عليها الثور المقدس للإله آمون رع وبعض الآله المقدسة والتي تتولي حساب المتوفي في العالم الآخر كما بها بعض الكتابات السحرية التي تحمي الميت من اللصوص وتمكن روح المتوفي من الوصول الي الجسد كما كان يعتقد قدماء المصريين وقتها

🙏لماذا تمنى المصرى القديم انا يبشبش وسادة المتوفى❓

➖كان المصريون يدعون الأله الأعظم أن يحفظ هذه الوسادة ويجعلها مبللة حتي لا تتلف من الوقت وقلة التهوية فإنها لو تلفت لن تتعرف عليها الروح ولن تعود إليها أبدا فكان أهل المتوفي دائما يدعون ان تكون وسادة المتوفي مبللة..

➖و كلمة بشبش تعني بلل فهي كلمة من كلمات اللغه المصرية القديمة ومازالت تستخدم للآن..

03/05/2024

واحد اثنين سرجي مرجي

كان فيه أغنيه مشهورة كنا بنرددها واحنا صغيرين، الأغنية كانت بتقول واحد اثنين سرجي مرجي.. انت حكيم ولا تمرجي؟
طبعا ماحدش كان عارف معنى سرجي ولا مرجي، وكنا بنقولها كده من غير مانسأل.

الحقيقة إن كلمة سرجي كانت( سركي )، ودي مهنة دخلها الشراكسة لمصر عشان يسجلوا بيانات العمال الزراعيين في الحدائق والمروج، وللعلم كلمة سركي مازالت تستخدم لحد النهاردة في المصالح الحكومية.

المهم.. كان العمال بيقفوا طابورين قدام الإقطاعي الشركسي، وجنبه الخولى ( المسئول عن الجنينة او الحقل)، الإقطاعي يقول له : واحد، فيرد الخولى عليه : سرجي.. بمعنى إنه مقيد عنده في السجل، فيهز الشركسي راسه موافقة، ف الخولى يقول للعامل : مرجي ( يعني ادخل المرج " البستان يعني").
وهكذا.. الشركسي يقول رقم والخولي يرد عليه ب سرجي ثم مرجي وهكذا لحد ما عملوها اغنية 🙂