هدفنا صفحة مختلفة على الفيسبوك،،ماتكونش تقليدية،،تكون شاملة لجميع انواع الترفية المتميز سواء قديم او جديد ،، اغانى او فيديو او حتى صور،،و تكون بتهتم بالاخبار المهمة طبعا،،و يكون ليها كذا قاعدة بتقوم عليها الصفحة زى:
1-اهم شىء انها صفحة بالمصرى،باللهجة المصرى،بخفة الدم المصرى
2-الصفحة دايما مع ثورة 25 يناير .... للابد
3-الصفحة هاتكون ثقافية ، اجتماعية ، اخبارية ، سياسية ، فنية ، رياضية ، شبابية ،
تنويرية ، كوميدية ، بنظرة مستقبلية .... يعنى حاجة مية المية :))
4-الاهتمام الاول هايكون بالمحتوى اللى بيتقدم،مش مهم قديم ولا جديد،شرقى ولا غربى،المهم يكون مفيد للكل
5-(يعنى اية الصفحة تكون +18) اهم قاعدة بقى..ان مفيش قواعد...يعنى و انت معانا تنسى التابوهات و الكليشهات المكررة اللى فضلت تحفظها طول عمرك،،،،، هنا مفيش حاجة اسمها مايصحش او ممنوع ، هنحاول طول الوقت نتكلم زى مابنتكلم مع اصحابنا فى المدرسة و الجامعة و الشارع و الشغل،،،،،بمعنى اوضح...>>> انك تقدر تستخدم اى الفاظ بتقولها مع اصحابك بكل حرية ،،،، و دة مش معناة تشجيع على البذاءة ، لكن المقصود اننا مانبقاش بندفن راسنا فى الرمل زى النعام ، و نتظاهر اننا حد غيرنا ، الهدف واضح و صريح .. خليك على حقيقتك و على طبيعتك طول الوقت ، دة غير ان الكلام لما بنكتبة زى ما بنقولة بيكون اكثر واقعية و كمان بيكون دمة خفيف فعلا >>> " و لازم اوضح ان حريتك تنتهى عن حدود حرية الاخرين " يعنى خليك براحتك ، لكن من غير تطاول على حد او سب او اهانة اى شخص لان دة مش هدفنا ...
6-عاوزين دايما نفتكر القيم الجميلة ، و نركز على الافكار الايجابية اللى تبقى دليل لينا لبكرة افضل و مستقبل احسن للناس و البلد
7-انا بارحب بكل الاقتراحات و الطلبات و الافكار اللى هاتوصلنى من كل الاعضاء ،لجعل الصفحة عند حسن ظنكم
