أسرة جودي -صيدلة عين شمس

23/08/2026

تعرفوا ان باقي يومين و التسجيل في الفورم يقفل ؟ 😶‍🌫️
لسة في فرصة تكونوا جزء من قادة جودي و تتركوا أثر يعيش سنين كتير💕

السلام عليكم و رحمة الله وبركاته 💞
رسالتنا دايما هي قوله تعالى
قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ﴾ [الأنعام: 162].

و بما ان رحلة السنة دي انتهت و بإذن الله نكون سيبنا أثر فيكم و تركنا جواكم بذرة اول نبتة في حب جودي و اللي ان شاء الله تفضل تكبر جواكم طول سنين حياتكم 💞
فتحنا دلوقتي باب التقديم لبورد اللجان تقدروا تكملوا الطريق من بعدنا و تكملوا حبكم لجودي و تشاركوا في الأثر و تسدوا ثغر في صرح زي جودي 💗
واحنا شايفين في كتير منكم قادة قادرين على العطاء و مشاركة الخير اللي جواهم 💞

منتظرين قادة و مسؤولي المستقبل 🫡💗

https://forms.gle/cwAZquWYMHUQ7c6j9

20/08/2026

السلام عليكم و رحمة الله وبركاته 💞
رسالتنا دايما هي قوله تعالى
قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ﴾ [الأنعام: 162].

و بما ان رحلة السنة دي انتهت و بإذن الله نكون سيبنا أثر فيكم و تركنا جواكم بذرة اول نبتة في حب جودي و اللي ان شاء الله تفضل تكبر جواكم طول سنين حياتكم 💞
فتحنا دلوقتي باب التقديم لبورد اللجان تقدروا تكملوا الطريق من بعدنا و تكملوا حبكم لجودي و تشاركوا في الأثر و تسدوا ثغر في صرح زي جودي 💗
واحنا شايفين في كتير منكم قادة قادرين على العطاء و مشاركة الخير اللي جواهم 💞

منتظرين قادة و مسؤولي المستقبل 🫡💗

https://forms.gle/cwAZquWYMHUQ7c6j9

16/08/2026

من البداية كان هدفنا نرجع ذكريات قديمة ونضيف عليها طابع جديد خاص بجودي ١٥
وعشان كدا في Event بدأنا نرحب بدفعة سنة أولي كلية بهدايا وتوزيعات ونعرفهم بأسرة جودي وتفاصيلها ونكون جزء من يوم مهم لسه بيبدأوا فيه حياة جديدة ♥️
بعدها فتحنا التقديم لأسرتنا علي البوث ونستقبل كل من يحمل الشغف للإنضمام لينا وطبعًا منسناش إن كل دا يكون بشكل مميز وخاص بينا ومصحوب ببعض الالعاب علي البوث والهدايا 🎉🤩
وعشان judi 15 شعار جديد يجمع بين الماضي والمستقبل كانت دي أولى استقبالاتنا للبنات في يوم ال opening دا غير تنظيم اليوم وتقديمه بطريقة تليق باسم جودي والي أسعدنا فيه وجود بعض مؤسسات جودي والبورد القديم وأحنا جودي ١٥ عشان فعلًا نحقق حلقة وصل بين زمان ودلوقتي 💞
و علي مدار رحلتنا السنة دي كان لازم نعمل picnic لطيفة بأجواء تساعدنا نكمل رحلتنا وتخرجنا برا مود الضغطة سواء دراسة أو شغل أو الحياة عامة عشان انتاجيتنا متتأثر بالسلب بالعكس أحنا محتاجين نساعد نفسنا أنها تزيد 🪄📈
ثم بعد ذلك بدأنا نرجع نواصل الترم التاني وكل سنة وأنتم طيبين دخل علينا رمضان شهر الخيرات فكان لازم نسيب ذكرى حلوة لبنات جودي ومن هنا جت فكرة الإفطار الجماعي في مكان جميل يجمع ناس بتحبهم أو ناس جميلة لسه بتتعرف عليهم 🫂
وطبعًا منسيناش توزيعات الإفطار الي كان من ضمنها رسايل تشجيعية تحسها كانت مستهدفاك أنت 🫶
وبعد كدا كان العيد الي حاولنا نفكرك فيه أنك just a girl 🥹💕
وعلي مدار رحلتنا دي كانت السيشنات الي بتقدمها جودى والي كنا بنحاول دايما نطلعها بشكل مختلف وأن كل مرة نسيب أثر مختلف وعلم نستفاد به في حياتنا العلمية والعملية 📝💌
و بدأت العشر الأوائل من ذي الحجة وحاولنا نعمل خطة بسيطة تساعدنا علي أننا نطلع بأحسن استفادة منها مع الأمتحانات والمذاكرة 🖊️⏳
و جه العيد وحبينا نعيد عليكم 🎉🫶
وكمان حبينا نبارك لدفعة صيدلة ٢٠٢٧ علي نهاية المرحلة الدراسية وبداية حياة جديدة بندعيلهم يكونوا موفقين فيها 🤩
وفي ختام رحلتنا كان ال ending day يوم خفيف نفكر بعض به بإنجازات السنة دي ونجدد نوايا أحنا هنا ليه ونقدم فيه شكر لتعب ومجهود كل من ساعد في وصول جودي إلي هذه النقطة وندعو لها أن تستمر وتزداد 🤍
ولسه الحكاية مستمرة والخطط والأهداف كتير .

فمستنينكم تكتبوا بإيديكم حكاية جودي السنة الجاية وتكونوا جزء منها🔥🥹

15/08/2026

أترجة… لم تكن مجرد لجنة، كانت رحلة جميلة عشنا فيها مع بعض معنى العلم، والصحبة، والأثر.

بدأت رحلتنا مع أترجة، وكان في داخلنا رغبة كبيرة إننا نكون جزء من مكان جميل، ونسيب أثر طيب قبل ما تنتهي رحلتنا في الجامعة. كان ده هو الدافع اللي خلانا نقترب من أترجة ونحاول نقدم فيها كل اللي نقدر عليه، مؤمنين إن حتى الخطوات البسيطة ممكن يكون لها أثر كبير.♥️

من أول ما بدأنا فيها، كان هدفنا نكون جزء من رسالة أترجة في تقريب العلم الشرعي للقلوب، وإننا نخلي العلم أقرب وأبسط، ونفكر بعض إن العلم مش مجرد معلومات بنعرفها، لكنه طريق بيصلح القلب وبيغير في الإنسان.

وكان من أجمل الحاجات اللي ميزت أترجة إنها مكانتش مكان للتعلم وبس، لكنها كانت بيئة هادية وجميلة، نلاقي فيها الصحبة الصالحة، وناس بتعين بعض على الخير، ومكان لكل بنت بتدور على صحبة تشجعها وتقربها من ربنا. ♥️

بدأنا رحلتنا مع القرآن، لأن القرآن هو الأساس، وحاولنا نفتكر سوا إنه يكون جزء من يومنا وحياتنا، ومن هنا كانت مسابقة القرآن، ومعاها مسابقة الأحاديث، اللي كانوا فرصة جميلة إننا نتنافس في الخير ونقرب أكتر من كلام ربنا وسنة النبي ﷺ.

وفي رمضان، كانت لنا وقفة نفتكر فيها إزاي نستغل الشهر صح، وكانت سلسلة أدعية النبي ﷺ من الحاجات الجميلة اللي قربتنا أكتر من هديه وسنته.

وكمان كان عندنا سلسلتي "قلب سليم" و"الصحابيات"، واللي اتعلمنا فيهم عن أهمية إصلاح القلب وتزكية النفس، وعن نماذج عظيمة من الصحابيات اللي نستلهم منهم الطريق والثبات.

ومع نهاية الرحلة، نقدر نقول إن أترجة كانت أكتر من مجرد تاسكات أو مسؤوليات…
كانت مكان اتعلمنا فيه، وكبرنا فيه، ولقينا فيه صحبة جميلة وأثر حلو. 🤍

ونتمنى إن كل حد ينضم لأترجة بعد كده يدخلها وهو حابب يكون جزء من الرسالة، مش مجرد بيخلص مهام، ويحس إن وجوده - حتى لو بحاجة بسيطة - ممكن يسيب أثر.♥️

نسأل الله أن يجعل كل ما قدمناه خالصًا لوجهه، وأن يرزقنا علمًا نافعًا، وقلوبًا سليمة، وصحبة صالحة تعيننا على طريق الخير. 🤍

07/08/2026

{يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ ۩}
[سورة الحج: 77]

كل زرعة بتزرعها بتحصد وراها خير كبير وعشان كدا تعالوا معانا ناخدكم في رحلة الخير من لجنة فينا خير ♥️

06/08/2026

دخلنا بشكل.. وخرجنا بشكل تاني خالص! 😉
السنة دي مكانتش مجرد سيشنز بنحضرها دي كانت ورشتنا الخاصة عشان نأهل أحلى كادر بنات لسوق العمل الحقيقي ونثبت إن الذكاء والشطارة والقيادة لعبتنا.🔥
طلعنا من السنة دي بـ "شنطة مهارات" تقيلة تخلي أي مكان يتمنى انضمامنا ليه:

​🎙️ لغز الـ Interviews: اتعلمنا إزاي ندخل أي مقابلة بثقة ونحضرلها ازاي ونجاوب بذكاء ونبقى "Accepted" بأعلى سكور ان شاء الله

📄 تركات ال CV
: عرفنا إزاي نعمل cv احترافي يعدي من فلاتر ال ATS ويخطف عين الـ HR

​🗣️ الـ Communication والـ Active Listening:
عرفنا إن التواصل مش مجرد كلام، ده فن وازاي تفهم للي قدامك من غير ما يتكلم

​🎩 التفكير المنظم Thinking Hats): توبيك جديد 🤩 عشان تفكيرنا يبقى منظم جربنا نلبس 6 قبعات عشان نحلل أي مشكلة ونطلع بقرارات عقلانية ومدروسة

​🧠 الذكاء العاطفي (Emotional Intelligence): ودي كانت جوهرة السنة دي! اتعلمنا إزاي نفهم مشاعرنا ونتحكم فيها مش العكس وإزاي نفهم اللي قدامنا وندير علاقاتنا في الشغل وفي الحياة بذكاء وهدوء

​🥪 فن الـ Feedback (ساندوتش تكنيك): بقينا بنعرف نقول رأينا ونطور اللي حوالينا بأسلوب راقي ومستحيل يزعل حد

​👑 الـ Leadership سكيلز: قفلنا الدائرة بمهارات القيادة، عشان كل بنت في جودي تطلع قائدة شاطرة في اي مكان وتعرف تدير تيم كامل بنجاح

شكر كبير جداً لكل بنت تعبت واشتغلت على نفسها في HR بأسرة جودي كنتوا قد المسؤولية وفخورة بيكم وبكل لحظة نجاح عشناها سوا يا بنات ! 🤍

#جودي

05/08/2026

✨ أهلًا بيكم... جاهزين نرجع سوا شريط الذكريات في اكاديمي ؟ ✨
السنة دي في اكاديمي كانت أكتر مختلفة ... كانت مكان اتعلمنا فيه، وجربنا، وغلطنا واتعلمنا من غلطنا، وساعدنا بعض، وكبرنا خطوة بخطوة. 🤍
رحلتنا بدأت مع السيشنز اللي اتكلمنا فيها عن دور الصيدلي، وأهم التطبيقات اللي ممكن تسهّل علينا الدراسة والشغل، وبعدها دخلنا في مواضيع علمية متنوعة زي GERD، وMuscle Relaxants، وOphthalmology، وختمنا السلسلة بواحد من أكتر المواضيع اللي بنقابله في حياتنا العملية وهو Anemia.
لكن أكيد رحلتنا ما كانتش سيشنز وبس...😶‍🌫️💕

طول السنة كان فيه شغل مستمر، واتقسمنا ل تيمين ، وكل أسبوع كان تيم منهم يستلم المهمة ويحاول يطلع أحسن محتوى يقدر يقدمه، سواء بوستات أو بوسترات أو فيديوهات توعوية، وكل مرة كنا بنتعلم حاجة جديدة ونطور من نفسنا أكتر.💘

وفي التوعية الصحية، حاولنا نتكلم عن موضوعات تمس حياة الناس بشكل مباشر، زي الاستخدام الخاطئ للمضادات الحيوية والمسكنات، وكمان أمراض ومشكلات صحية منتشرة، علشان نوصل المعلومة بطريقة بسيطة وسهلة.

أما في سلسلة DDIs، فاعتمدنا على الـ Cases علشان نتدرب نفكر بطريقة إكلينيكية، ونربط اللي بندرسه بالمواقف اللي ممكن نقابلها في الواقع 💊💕

وكان لسلسلة Skin Care نصيب كبير كمان، واتكلمنا فيها عن العناية بالبشرة والشعر، والفرق بين Cosmetics وCosmeceuticals، وأساسيات الروتين المناسب للعناية بالبشرة والجسم والشعر.
ومكنّاش مهتمين بالجانب العلمي بس، لكن كنا حريصين كمان إن المحتوى يفيد كل طالبة في حياتها اليومية ودراستها، فاتكلمنا عن المثيل والبديل، وفروقات الأدوية، وتنظيم النوم، وإزاي نزود تركيزنا وقت الامتحانات.

وعلى مدار السنة، كان هدفنا واحد... إن كل بنت تكون بتتعلم، وتجرب، وتشارك، وتطلع من التجربة وهي واثقة في نفسها أكتر، وعندها علم ومهارات أحسن من قبل و تبقى على اول طريق انها تكون صيدلانية شاطرة 💞

وفي النهاية، دي كانت رحلتنا في Academy Community... رحلة مليانة علم، وشغل، وتعاون، وضحك، وذكريات حلوة، وكل لحظة فيها كانت بفضل كل بنت كانت جزء من أسرة جودي 💘

04/08/2026

From learning… to creating!
سنة كاملة من الشغل والتاسكات، والتطبيق، وكل أسبوع كان فيه خطوات جديدة بنتعلمها سوا. 💕

في لجنة الـ IT كان هدفنا إن أي مهارة بنتكلم عنها تتحول لتطبيق على أرض الواقع، علشان كده كان مع كل Session تاسكات أسبوعية تساعد الميمبرز يجربوا بنفسهم ويطوروا مستواهم

خلال السنة اتعلمنا:
Microsoft Office و بدايله
كل ما يخص Canva
إزاي نعمل CV احترافي
استخدام أدوات الـ AI في تصميم الصور والفيديوهات
أفضل مواقع الـ AI اللي بتساعد في المذاكرة
تصميم فيديوهات الأنيميشن باستخدام Animaker و Adobe Express
أساسيات الـ Video Editing

لكن أحسن جزء في الرحلة إن اللي اتعلمناه مفضلش مجرد شرح❤️

الصور دي جزء من شغل ميمبرز اللجنة، سواء في التاسكات الأسبوعية أو في أنشطة مختلفة واللي قدروا يطبقوا فيها المهارات اللي اكتسبوها خلال السنة.

والرحلة مكانتش مجرد كورسات وتاسكات وبس كانت مليانة مواقف، وضحك وتشجيع وفرصة نتعامل مع ناس جميلة ونشارك بعض رحلة التعلم
يمكن السنة خلصت لكن الذكريات والخبرات اللي خرجنا بيها هتفضل معانا

فخورين بكل شغل اتعمل، وبكل تطور شفناه من أول تاسك لآخر مشروع

شكرًا لكل Member كان جزء من الرحلة دي ولكل مجهود اتبذل ولكل فكرة اتنفذت وجودكم هو
اللي خلى اللجنة مميزة.

كانت سنة مليانة تعلم، وتجربة، وإبداع… وإن شاء الله تكون بداية لنجاحات أكبر لكل واحد فيكم♥️
وخليكم فاكرين إن Behind every click… There’s *IT*

02/08/2026

ليست القيادة تشريفًا، بل تكليف.
هي أمانةٌ يُسأل عنها صاحبها بين يدي الله قبل أن يمدحه الناس عليها، ورسالةٌ تحتاج إلى قلبٍ مخلص، وعقلٍ راجح، ونفسٍ تعرف أن خدمة الآخرين طريقٌ إلى رضا الله 🩷

جودي مش مجرد أسرة او نشاط طلاب بل صرح كبير و رسالته دايما بناء الإنسان في كل جوانب حياته و دايما افتكروا ان الاساس هو : ﴿قُل إِنَّ صَلاتي وَنُسُكي وَمَحيايَ وَمَماتي لِلَّهِ رَبِّ العالَمينَ﴾ [الأنعام: ١٦٢] ،🩷

النهاردة نهاية فصل و بداية فصل جديد في قصة جودي بنسلم فيه الراية و بنوصل فيه الامانة فمين جاهز لينال الأجر بإذن الله و يبدأ رحلته معانا؟🩷

تقدروا تقدموا ك high bord من خلال الفورم :

https://forms.gle/wNZxq1KzHe9xjj2fA

في انتظاركم 💫
#جودى
#نجودلنبنىمجتمعنا

25/07/2026

خلاص السنة بتخلص و كنا حابين نعرف ايه اكتر حاجة فرقت معاكم السنة دي و بتيجي في بالكم أول ما تسمعوا اسم جودي ♥️

شاركونا في التعليقات ♥️