15/04/2026
Alanood Ocho :
اللي عاش برة وخصوصاً في اوروبا حايفهم اللي أنا حاقوله دة…
هنا الناس بتعمل كل حاجة واي حاجة بنفسها من ابسط حاجة لأكبر حاجة…rsh
هنا في خدمات كتير أصلا مش موجودة ولو موجودة سعرها بيبقي عالي جدا جدا ومعظم الناس ماتقدرش عليه…rsh
من اول ما جيت كندا وانا ابتديت اعمل كل حاجة بنفسي…وفيه حاجات كتير كان عمري ما عملتها قبل كدة بنفسي ولا عمري فكرت اعملها ابداً…rsh
من الحاجات دي مثلاً:
اني لما كاوتش العربية يفضي، لازم املأه بنفسي…مافيش راجل يعملك كدة وانت قاعد باشا في العربية…مافيش!!!🤷🏻♀️rsh
اتعلمت اعمل شعري في البيت وانا كان عمري ماعملته قبل كدة لنفسي في مصر…الكوافيرات هنا وحشين اوي وغالين اوي 🤦🏻♀️🤦🏻♀️فينك يا ايمو كنتي مدلعاني rsh
اتعلمت اركب عفش واعلق حاجات علي الحيطة وأصلح اي حاجة لما تبوظ…العمالة نادرة الوجود وغالية موت…😒😒
اتعلمت اخبز عيش بلدي واعمل سوشي مصري زي اللي بناكله في مصر…مافيش هنا الكلام دة rsh
اتعلمت اعمل بسبوسة وكنافة واي حاجة مصري نفسي فيها أنا والولاد…rsh
اتعلمت احط بنزين بنفسي وانضف البيت لوحدي واشيل طلبات تقيلة جدا لوحدي عشان مافيش بواب ومافيش حد يساعد…
من قريب طَلَعت أنا والولاد رخامة للمطبخ طولها حوالي ٣ متر للدور التالت عشان لو جبت حد يطلعها كنت حاكع بتاع ١٠٠ دولار 🙄🙄🙄 وانا مش ناقصة rsh
تنضيف سجاد مافيش، لاندري مافيش، تصليح هدوم مافيش…كله بيتكلف أموال طائلة احنا في غني عنها 😏😏rsh
تنضيف عربية عليك انت، تنزيل تطليع اي حاجة عليك انت، تصليح جزم او شنط انت، بياض البيت انت 💪🏻💪🏻rsh
حاجات ممكن تبان بسيطة بس محتاجة مجهود وصبر وتعليم مستمر…rsh
اوقات بتبقي تعبان بس لازم تعمل عشان لو ماعملتش مافيش حاجة حاتتعمل، ولو انت ماتصرفتش مافيش حد غيرك حايتصرف…rsh
عشان كدة نزولة مصر بالنسبة لأي حد عايش بره بتكون رفاهية…نروح بقي للكوافير، نصلح الهدوم اللي بقالها شهور مرمية، نجيب الاكل اللي بنحبه والجبنة الرومي والبسطرمة والعيش البلدي عشان بطننا نشفت من التوست 😫😫 rsh
هنا في كندا ، رفاهية دولة مش رفاهية أفراد خالص…الأفراد هنا مفحوتين…مطحونين طلعان عينيهم بره وجوة البيت… بس بنطلع نفسنا مع ناس تشبه لنا فالجنان ومش بتكون علطول rsh
اللي يعيش هنا لازم يكون حابب النظام كدة زي ما هو ومستعد للشقي والمرمطة، زي حالاتي كدة 😂😂 الحمد لله rsh
أنا بحب الشقي دة ومبسوطة بيه، وبحب الدلع بتاع مصر وبستمتع بيه، وآدي الحياة ماشية 😄😄rsh
_وافتخر. 🇪🇬🇪🇬🇪🇬🇪🇬❤️🇨🇦🇨🇦🇨🇦🇨🇦
