لفكرة باختصار عشان منطولش عليكو :"D
احنا مجموعة من طلبة الجامعات المختلفة قررنا اننا نحاول نغير طلبة المدارس
شوفنا قد ايه كنا محتاجين حد يفتح دماغنا على العالم بعيدا عن الدراسة و الحشو و المناهج
قد ايه كنا محتاجين حد يوعينا في التعاملات مع الناس حوالينا مش التعاملات مع الكتاب و الواجب و الامتحانات
و نظرا لصعوبة تغيير منظومة التعليم كلها في ظل الظروف اللي احنا فيها دي قررنا ع الأقل اننا نزرع ال
فكرة دي
جايز تفيد ناس كتير .. جايز تفيد ناس قليلين ..بس أكيد هتكبر و هتفيد ان شاء الله
يننزل ندي Session للطلبة في المدارس .. بنخرجهم outings كتطبيق عملي للأماكن اللي لازم يشوفوها ف بلدهم ..أحيانا أماكن ترفيهة عادية جدا ^^
اشتغلنا قبل كدا في مشاريع كتير مشابهة و اتدربنا على كيفية التعامل مع الأطفال
الشعار : انت جاي ليه ؟
اشحن حياتك :)
الرؤية : بناء جيل كامل من شباب المستقبل القادر على رسم حياته بما يفيد وطنه و دينه
الرسالة : بناء مجتمع شبابي ليحيا لا ان يعيش
ترسيخ اهمية التفكر في حياتنا كشباب
تنمية و استغلال كافة المهارات
Aims of the team
-مصلحتك أولا ؟؟؟
نوع من "هات و خد " بتوضح فكرة ان اللي انت بتيده بيرجعلك فعلا .. كل حد اتعلم مننا حاجه حلوة او زادت ثقته ف نفسه ..هو كمل معانا المشروع .. كمل انه يوصل دا للي هو كان زيهم ف يوم من الأيام و اللي هيتعلموا منه هيعلموا اللي كانوا ف يوم زيهم و هكذا ..الدايرة مبتنتهيش
-انت تقدر
نوع من التنمية البشرية اللي بتبين ان قد ايه مهم تعيش لحاجه ..تلاقي نفسك ف الحاجه دي و تحبها
نوع من استخراج كل الأحلام الغريبة اللي ممكن اي حد يفكر فيها و محاولة تطبيقها عمليا ^^
-تنمية مهارات عملية
يندرج تحت دا اي حاجه Technical زي اللغه او السوشيال ميديا او السيرشينج و هكذا
مهارات دي ممكن تكون مهارة استخراج فكرة مهارة الايجابية في محاولة تنفذها مهما كانت مجنونه مهارة الشجاعه انك تدخل ف طريق جديد في علم جديد من غير ما تخاف لتفشل
-متحكمش ع الجواب من عنوانه
كام مرة روحت تشتري كتاب و عجبك العنوان اوي و بصيت جواه لقيت ما أبعده عن ما توقعته من حيث كل حاجه ؟
كام مرة عجبك اسم فيلم و قررت تشوفه و ندمت ؟
و العكس صحيح "D الخلاصه هنعرف ازاي منحكمش ع الناس كذلك من اول موقف و ازاي نعرف نوعية الأشخاص اللي بنتعامل معاهم عشان نعرف نتعامل معاهم
-Communication
لازم نكون فاهمين كويس اوي ان الاتصال ف حياتنا مش متوقف ع الانترنت الفيسبوك او الواتس اب ....نفهم قد ايه دور الأسرة مهم قد ايه ممكن صحابك ينصحوك بحاجات مش قصدهم يأذوك بس بحكم انك بتثق فيهم و بحكم انهم من سنك مش هيجي ف تفكيرك ان دا غلط و ممكن فعلا تتسبب بكوارث بسبب اتصالك بالشخص الغلط ف وقت محتاج فيه جدا لحد يوجهك ..
يمكن يكون الأب و الأم او المدرس ف المدرسة مش فاضي يعمل اتصال نفسي مع الطلبة فهنحاول نظبط احنا الموضوع دا ^^
-Thinking
بنتطلع طبعا لتغيير في طرق التفكير ...ازاي تعمل Charge Mind ازاي ممكن تثق ف انك بتفكر و تجرب بايدك و تغلط
و تقوم و تحاول من تاني و انت بتصلح غلطتك ف كل مرة ..
-انت ولي أمرك
رقابة ربنا ثم رقابة ضميرك عليك .. محدش هيخاف ع مصلحتك أكتر منك و لا حد هيخاف ع حلمه اكتر منك ..
هتعمل الحاجه و انت مش مستني ان بابا او ماما يشوفوك ..لا عشان انت حقيقي عاوز كدا ..
الطلبة هتتعلم ازي هيخرجوا للعالم اللي برا سور المدرسة دا و يعرفوا ان تقريبا مفيش رقابة ع حد و كل واحد بيعمل اللي بيعمله غلط او صح ..نازعة اني هعمل الصح عشان انا ربنا رقيب عليا عشان انا من جوايا كويس
