Makanuna مَكَـــــــــــــــــــانُنَا

01/09/2026

اليوم الثاني :في السكة من الدرب للجبل
قي يوم مليان حكايات ولعب وإبداع مع أطفالنا في مقر ألوان وأوتار! ✨🎨

بدأنا بتنظيم وألعاب تعارف وتنشيط للذاكرة مع ملك 🗺️.
بعدها شاركنا ملك والشباب رحلاتهم وحكاياتهم من البيت للمقر 🚶‍♂️🏘️.

وعشنا وقت ممتع في لعبة "أرميدان" واكتشاف معالم المقطم وشوارعه، وقعدة حوارية من القلب 🧩💬.

وفي فقرة الإبداع، هنا وفاطمة ساعدوا الأطفال يصمموا كتيباتهم الخاصة، وجمعناها كلها في منظر يخطف القلب ✂️📖!
-------------
ورشة "في السكة\من الدرب للجبل " تم تنفيذها بالتعاون مع جمعية ألوان وأوتار ضمن انشطة برنامجهم الصيفي ٢٠٢٦
#المقطم ✨

31/08/2026

🐾 في السكة: من الدرب للجبل ⛰️
رحلة مش بس مشينا فيها… دي رحلة اكتشفنا فيها المكان بعيون جديدة! 👀✨
في يومنا مع شباب وبنات ألوان وأوتار، بدأنا جولتنا "من بوابة المتولي لقرميدان" مع مرشدنا الصغيرة علاء اللي أخدتنا في رحلة ما بين العصور المختلفة علشان نستكشف تفاصيل المكان وحكاياته، وكل خطوة كانت بتكشفلنا حاجة جديدة. 🗺️🌿
📸 صورنا ووثّقنا اللحظات والتفاصيل اللي قابلتنا في الطريق.
🔎 استخدمنا لعبة "جولة من المتولي لقراميدان" عشان نلاحظ المكان أكتر ونكتشف تفاصيله.
🎨 وبعدين نوثق اللي شوفناه وعشناه بطريقة بسيطة ومختلفة.
في الآخر…
اكتشفنا إن المكان مش مجرد مكان، المكان حكايات بتبدأ من الدرب وتوصل للجبل. 🤎⛰️
-------
ورشة "في السكة| من الدرب للجبل" تم تنفيذها بالتعاون مع جمعية ألوان وأوتار 🤩 ضمن أنشطة برنامجهم الصيفي ٢٠٢٦
#مكاننا⁩⁩⁩
📸✨

26/08/2026

مكان واحد، ومشاعر مختلفة.🙄😃😡🫣

في واحد من أنشطة «في السكة»، استخدم المشاركون الميمز عشان يحكوا لنا عن الأماكن اللي بيمروا بيها كل يوم.

ميم عن مكان بيحبوه وبيفرحوا لما يوصلوله، وميم تاني عن مكان مش بيحبوه أو بيحسوا تجاهه بحاجة مختلفة.

من طريق المدرسة، لموقف الميكروباص، ولأماكن تانية مرتبطة بمواقف وذكريات خاصة بكل واحد فيهم.

لأن أحيانًا… الميم بتقول اللي الكلام ما يعرفش يقوله. 😄

#مكاننا ّنا

25/08/2026

🎉في المولد 🎉
بهجة وحضور … بركة وندور … مسك وبخور صبايا بدور
نلف وندور … ولعب سرور … موسيقى تصول 🎶
من لعبة "رحلة بركة في المولد"
كلمات صديقنا الشاعر محمد رجب
#مولدالنبوي #مولد #كلعاموانتمبخير #بركة

25/08/2026

24/08/2026

في سكة "شمس محمود" من بيتها لألوان وأوتار
ما بين محل الحلويات ومستشفى المقطم والطرق والشوارع المختلفة …. محل فتكات كان من أكثر الحاجات اللي بتجذبها وبتفتكرها في سكتها 😍
ده كان جزء من ثاني أيام ورشتنا "في السكة من الدرب للجبل" التي تم تنفيذها بالتعاون مع جمعية ألوان وأوتار 🤩
#مكاننا⁩

21/08/2026

يوم في ريح المتولي 🌬️
نمشي، نلاحظ، نلعب، ونكتشف الحكاية في السكة من باب المتولي لأرميدان.

أول أيام ورشتنا «فِي السِّكَّة: مِنَ الدَّرْبِ لِلْجَبَل»
بالتعاون مع ألوان وأوتار.

#مكاننا

16/08/2026

كواليس تجهيز ورشتنا الجديدة
«في السكة: من الدرب للجبل» 😍

فريق شباب مَكَانُنَا بيحضّر وهيقود ورشة جديد مع شباب ألوان وأوتار 🌿

استنوا تفاصيل ورشتنا الجاية 👀✨

#مكاننا ّنا