Midade Egypt

01/03/2026

فطار رسالة الأولاد مش مجرد فطار … ده لمه و ذكريات بتتحفر في القلب 🤍
خلّوا اليوم ده يكون ذكرى جديدة نعيشها سوا ✨

متفوتوش الفرصة … وجودكم هو اللي هيكمل الصورة 🌙✨

23/02/2026

من السنة للسنة … بنستنى فطار ميداد 🤍
رمضان دايماً بيجمعنا و بيقربنا لبعض أكتر 🌙✨

انتظرونا 🤩

16/02/2026

لحظات و ذكريات مش بس حلقات تكوينية ✨
ضحك من القلب .. لعب وطاقة وحماس .. روح فريق حقيقية 👊🏻❤️

ندوة التكوين في رسالة الأولاد المصرية كانت يوم كله انتماء ومتعة ومعاني أكبر من الكلام 🤍

18/01/2026

✨ مقتطفات من ندوة المسئولين لرسالة الأولاد ✨

تشرفنا بحضور ندوة مميزة ناقشنا خلالها أهم الموضوعات الهامة الخاصة برسالة الأولاد، وذلك بحضور
مسئولين مجموعات القاهرة،
أعضاء الفريق الوطني،
والمرشدين.

كانت الندوة فرصة مهمة لتبادل الخبرات، توحيد الرؤى، وتعزيز دورنا في دعم وتكوين أولادنا على أسس سليمة وفعّالة.

🙏 كل الشكر والتقدير لكل من شارك وساهم في إنجاح هذا اللقاء.
📌 انتظرونا قريبًا مع ندوات نصف العام للمرافقين والتكوين.

بالتوفيق للجميع 🤍



#التكوين

02/01/2026

لقد كان عام مليء بالحب، العطاء، ابتسامات الاطفال و التجمعات الجميلة ❤️🥰
كل سنة و عائلة ميداد بخير ، سعيدة و متجمعة علي الخير 🎆🎇
HAPPY NEW YEAR MIDADE ❤️🏡🧑‍🧑‍🧒

29/12/2025

27/12/2025

العودة من زامبيا لقيادة ندوة المسؤلين
حلقات تكونية مهمة والحقيقة ان كلنا استفادنا منها
ومن اهم اللقاءات فى الفترة الاخير
كريم الاكيابى
هند حسين
شكرا ليكم على تعبكم و على وقتكم و ان شاء الله مستنينكم الاجازة الجاية
شكرا من القلب 😍🙏

23/12/2025

من الزيارات اللي بتجدّد الأمل وتدي طاقة حقيقية للاستمرار 🤍

تشرف الفريق الوطني لرسالة الأولاد بزيارة إدارة مدرسة القديس يوسف الخرنفش – الفرير،
ومقابلة فرير سامح فاروق مدير المدرسة،
وذلك بمناسبة الأعياد وبداية عام جديد 🌟

الزيارة كانت فرصة صادقة لنقول شكرًا،
شكرًا على الدعم الدائم،
وعلى الروح الطيبة اللي زرعها جوانا،
روح بتشجع على الاستمرار في الخدمة،
وبتأكد دايمًا إن تعبنا مع الأولاد له معنى ورسالة.

دعمكم كان ولا يزال سند حقيقي لمجموعات رسالة الأولاد بالخرنفش:
🌱 الطفل السعيد
🌱 الجيل الصاعد
🌱 النجمة الذهبية

مجموعات بنشوف فيها ثمار الخدمة يوم بعد يوم،
في ضحكة طفل،
وفي ثقة بتكبر،
وفي شخصية بتتكوّن على قيم ومحبة 🤍

ومن القلب كمان، شكر وتقدير لكل مسؤولي ومرافقي مجموعات الخرنفش،
على المجهود الكبير اللي اتبذل خلال الفترة الماضية،
وعلى الأمانة، والالتزام، وحب الخدمة اللي واضح في كل خطوة.
أنتم الأساس الحقيقي لأي نجاح بنعيشه.

كل سنة وأنتم بخير،
وكل خدمة نابعة من القلب… مكملة، ومؤثرة، وبتسيب أثر جميل 🌟

21/12/2025

من الزيارات اللي بتسيب أثر جميل في القلب 🤍
تشرف الفريق الوطني لرسالة الأولاد بزيارة إدارة مدرسة الراعي الصالح – الموسكي، ومقابلة
سير كريستين مديرة المدرسة،
وأستاذتنا الغالية مدام أوجونيه،
والأستاذة الفاضلة جيرمين 🌸

الزيارة كانت احتفالًا بالأعياد وبداية عام جديد، وفرصة صادقة لنقول شكرًا على كل المجهود المبذول، والدعم الحقيقي، والرعاية اللي بنشوفها في كل خطوة مع بناتنا في بنات المستقبل… بنات بنفتخر بيهم وبالتغير الجميل اللي بيحصل جواهم يوم بعد يوم.

ومن القلب كمان، بنوجّه شكر خاص لكل مرافقينا ومسؤولينا في بنات المستقبل على تعبهم الكبير خلال الترم اللي فات، وعلى إصرارهم وقدرتهم على الاستمرار وتحقيق هدف النشاط بروح مليانة حب وعطاء.
شكرًا:
شروق 💐
شيماء 💐
سمسمة 💐
وشكرًا لكل فريق مرافقين بنات المستقبل… أنتم الأساس والسند الحقيقي 🤍

وشكر كبير لأولياء الأمور على دعمهم الكامل وثقتهم الغالية، اللي هي دايمًا الدافع الأكبر لنجاحنا واستمرارنا.

نترككم مع تعليقات أولياء الأمور على النشاط في الصور… لأنها أصدق تعبير عن قيمة اللي بنعمله وأثره الحقيقي 🌱

20/12/2025

من لحظات الامتنان اللي بتفضل في القلب ❤️
تشرف الفريق الوطني لرسالة الأولاد بزيارة إدارة مدرسة نوتردام – مصر الجديدة، ومقابلة
سير لوسي مديرة المدرسة، وسير إيمان مرشدة مجموعة بنات بكرة 🌸

الزيارة كانت بمناسبة الاحتفال بالأعياد وبداية عام جديد، لكن قبل أي شيء كانت زيارة شكر وتقدير على كل المجهود الحقيقي والمخلص اللي بيتقدم لبناتنا في بنات بكرة، واللي لمسناه في شخصياتهم، ثقتهم بنفسهم، وروحهم الجميلة.

وبنحب كمان نوجّه شكر خاص من القلب لكل مرافقينا ومسؤولينا في بنات بكرة على تعبهم الكبير طول الترم اللي فات، وعلى إيمانهم برسالة النشاط وقدرتهم على الاستمرار وتحقيق هدفه رغم أي تحديات.
شكرًا:
مريم 💐
لوجي 💐
حلا 💐
خديجة 💐
لوجي خالد💐
اينور💐
جني طلعت💐

وشكرًا لكل فريق مرافقين بنات بكرة… أنتم السند الحقيقي ❤️

ومننساش نشكر أولياء الأمور على دعمهم الكامل وثقتهم الغالية، اللي بدونها ماكنّاش نكمل ولا ننجح بالشكل ده.

نترككم مع تعليقات أولياء الأمور على النشاط… لأنها أصدق شهادة على إن اللي بنعمله ليه أثر حقيقي 🌱