بسم الله الرحمن الرحيم
نشاط القوافل الداخلية ده أحد الأنشطة بجمعية رسالة
نشاط القوافل الداخلية لا يتطلب من المتطوعين التبرع إلا بوقتهم و مجهودهم
كل الى بيحصل فى القوافل أننا بننزل للمناطق الفقيرة الى فى القاهرة و نشوف هما محتاجين ايه و نجبها لهم
المناطق الفقيرة دى زى بطن البقر .. الهجانة .. الدويقة .. منشية ناصر ... عزبة خير الله .. و مناطق غيرهم كتيييير
القوافل فى منها قوافل أستكشاف و قوا
فل توزيع و أنشطة
الأول بننزل المنطقة و نعملها أستكشاف و دى الى هيا قافلة الأستكشاف .. بننزل لسكان المنطقة و نعد نتكلم معاهم و نشوف هما محتاجين ايه و نملى أستمارة الأستكشاف .. و نشوف هل هما مستحقين فعلاً ولا لاء
و بعد القافلة لجنة التقيم بناءً على الأستمارات الى أتملت فى قافلة الأستكشاف بتقرر مين الحالات المستحقة و هنجيب لكل حالة ايه
قافلة التوزيع و الأنشطة .. ودى بتكون فيها أنشطة كتييير
1- التوزيع العينى :
و ده فيه بنوزع على الحالات المستحقة أشياء عينية مثل التلاجات ,بوتجازات , سراير , بطاطين , غسالات ,شنط غزائية و جهاز عرائس
2- توصيل المياه :
فى مناطق كتييير و بيوت كتييير لسه موصلهاش المياه .. سكان المنطقة لسه بيطلعوا يملوا مياه من مصدر المياه الوحيد فى المنطقة الى ممكن يبعد عن بيتهم عشرات الأمتار
شباب القوافل بيقوموا بتوصيل أنابيب المياه للبيوت
3- بناء الأسقف :
و نشاط ستر مسلم
فى فقراء كتييير عايشين بين 4 حوائط و بلا سقف ... شباب القوافل جزاهم الله كل خير بيقوموا ببناء الأسقف لهذه البيوت
4- حفلات الأطفال :
يتم عمل حفلة لأطفال المنطقة لأدخال السرور فى قلبهم
5- براعم الإيمان
يتم عمل مسابقات فى تسميع القران بين أطفال المنطقة و أختيار الأفضل فيهم و تكريمه
6- زيارة المسنين
يتم عمل زيارات لسكان المنطقة
7- المدارس
يتم صيانة مدرسة بالمنطقة بالكامل ... من دهان و تجميل الفصول الى تشجير المدرسة بالكامل الى تنظيم حمامات المدرسة الى بناء جامع بالمدرية أو تنظيفة أن وجد
8- المساجد
يتم تنظيف و دهان جامع بالمنطقة
كل الأنشطة دى بتكون فى يوم واحد بإذن الله
هنستناكم علشان نقضى سوا على شبح الفقر
القوافل الداخلية مرتين فى الشهر ... الجمعة الأولى ( قافلة الأستكشاف ) و الجمعة الرابعة فى الشهر ( قافلة التوزيع و الأنشطة )
قال سيدنا عمر بن الخطاب رضى الله عنه " لو كان الفقر رجلاً لقتله "
معاً سوف نقضى على الفقر إن شاء الله و هنعمر أرض الوطن إن شاء الله
إيد واحده .... هدف واحد ... صحبة صالحة علشانك يا رب
