Beyt El 7ayah - بيت الحياة

Call Directions

Beyt El 7ayah - بيت الحياة Contact information, map and directions, contact form, opening hours, services, ratings, photos, videos and announcements from Beyt El 7ayah - بيت الحياة, Nonprofit Organization, ٥٧أ ش عثمان بن عفان, Cairo.

محاضرة : من أزمات الإنسان المعاصرالى اى مدى الإنسان ممكن يفقد هويته فى الواقع قدام هوياته الكتير اللى فى الواقع الافتراض...
20/09/2026

محاضرة : من أزمات الإنسان المعاصر

الى اى مدى الإنسان ممكن يفقد هويته فى الواقع قدام هوياته الكتير اللى فى الواقع الافتراضى؟

عن الإنسان والألف وجه الرقمي..
و سؤال هل العالم الرقمي هو اللي بيشكلنا ولا هو مسرح بنظهر بصور مختلفة من خلاله؟

محاولة فلسفية لمعرفة هُوية الإنسان وصراعة مع شخصياته اللى بيصدرها من خلال الواقع الافتراضي

⚠️ » يشترط التسجيل المسبق للحضور - العدد محدود «
علشان تحجز مكانك، سجّل بياناتك من خلال لينك الفورم.
اللينك في أول كومنت 👇
📓 في انتظاركم يوم الأربعاء ٢٣ سبتمبر
🕐 الساعة السابعة مساءً
💰 مساهمة اختيارية حتى ٥٠ جنيه
العنوان: بيت الحياة فرع مصر الجديدة
٥٧أ شارع عثمان بن عفان – سفير – الدور ٣ – شقة ٧

إمتى كانت آخر مرة اتكلمت فيها في موضوع مهم، ولقيت اللي قدامك بيسمعك بجد.. مش مستني دوره عشان يرد عليك؟ 👂✨علشان كده، بيت ...
20/09/2026

إمتى كانت آخر مرة اتكلمت فيها في موضوع مهم، ولقيت اللي قدامك بيسمعك بجد.. مش مستني دوره عشان يرد عليك؟ 👂✨

علشان كده، بيت الحياة بيدعوكم لنشاط "دوائر النقاش عن محاضرة Skip Ad للتعليم" ⏳💡

في النشاط ده، الهدف مش إننا نكرر الكلام أو نسمع المحاضرة من تاني.. الهدف الحقيقي هو "تجربة الحوار نفسها" 💬

إحنا بنخلق مساحة نرجع فيها نكتشف قيمة إننا نفكر مع بعض، نتساءل، ونبني أفكارنا خطوة بخطوة وسط مجتمع بيسمع باهتمام 🌱

عن إيه هنتناقش؟ 🤔
هنكمل رحلتنا في استكشاف إحنا ليه بنتعلم فعلاً، وهنطرح أسئلة عن:
• ليه التعليم بقى بيحسسنا بالضغط والعبء ده؟ 🎒⚡
• وإزاي نكسر الروتين ده ونرجع الشغف الحقيقي بالمعرفة؟ 🔥📚

سواء قدرت تحضر المحاضرة اللي فاتت أو دي أول مرة تشرفنا، أنت جزء من الدائرة ⭕
مش محتاج تحضير مسبق، محتاج بس رغبتك في التساؤل وتجربتك الإنسانية، لأن الأسئلة بتمس حياتنا كلنا والنقاش بيتبني بوجودك ✨

💰بمساهمة إجبارية ٥٠ جنيه (٢٥ للطلبة )

موعدنا يوم الخميس٢٤ سبتمبر
الساعة : ٧مساءً
العنوان : ٥ شارع كينج عثمان المقابل لنقطة شرطة الشهداء1 محطة مصر
منتظرينكم بفارغ الصبر 🙏🏼

#الإسكندرية #فلسفة #دوائرنقاش

«هو التعليم بيحرر عقولنا من القيود والأوهام.. ولا بيدربنا نسمع الكلام وبس؟»ملخص ما خرجنا به من نشاط ساعة قراءة لشهر سبتم...
19/09/2026

«هو التعليم بيحرر عقولنا من القيود والأوهام.. ولا بيدربنا نسمع الكلام وبس؟»

ملخص ما خرجنا به من نشاط ساعة قراءة لشهر سبتمبر في بيت الحياة (فرع الإسكندرية) 📖✨

ناقشنا هذا الشهر فصل "دور التربية" من كتاب «فكر في هذه الأمور» للمفكر جيدو كريشنامورتي،

والذي طرح سؤالين جوهريين: 1️⃣ إحنا ليه بنروح المدرسة؟
2️⃣ وإيه المعنى الحقيقي لعملية التعلم؟

في وسط الجلسة، تطرقنا لطرق إدارة منظومة التعليم، وكيف تستطيع تشكيل صورتنا عن أنفسنا وحدود قدراتنا،

وتساءل القراء: هل توفر مؤسسات التعليم حالياً بيئة آمنة للتعلم بدون خوف؟

💡 عبر النقاش بدأت تتبلور مجموعة من المفاهيم والأفكار، أبرزها:

🔹 الرابط بين الخوف والتعليم: طاقة الإبداع واستكشاف العالم هي نتيجة مباشرة لعملية تعلم خالية من الخوف والترهيب.

🔹 الثورة الداخلية: الحياة هي المعلم الأول، والتعليم الحقيقي لا يقتصر فقط على الجدران والمؤسسات.

🔹 التفكير الحر: هل الإنسان قادر على التفكير بعيداً عن الموروثات والأيديولوجيات؟ وهل يمكننا الاستكشاف بعقلية الفيلسوف للوصول للحقيقة المجردة؟

وفي النهاية، وصلنا لأمتع جزء في "ساعة قراءة"، وهو السؤال الذي نتركه بين أيديكم لتستمتعوا بالتفكير في إجابته:

💬 «هل التعليم حالياً بيساعدك تفهم نفسك والكون من حولك.. ولا بيديلك قوائم مهام تنفذها وخلاص؟»

شاركونا أفكاركم ورؤيتكم في التعليقات 👇🏼

#بيتالحياة #فلسفة #الإسكندرية

(في أفلام بتنتهي بنهايه التتر... وأفلام بتبدأ حكايتها الحقيقيه بعد القاعه متنور) 🎬✨وفيلمنا Detachment اللي عرضناه في نشا...
18/09/2026

(في أفلام بتنتهي بنهايه التتر... وأفلام بتبدأ حكايتها الحقيقيه بعد القاعه متنور) 🎬✨

وفيلمنا Detachment اللي عرضناه في نشاط سيماصوفيا في بيت الحياة هو واحد من الأفلام دي

اللي بمجرد نزول تتر النهايه بدأت جوله مكثفه من الآراء والاسئله الشجاعه حوالين الانفصال والاحتراق النفسي لحد السؤال اللي اخد المساحه الأكبر 💬🔥

(هوا ايه المعني اللي ورا كل اللي انا بعمله في حياتي ده ؟ وهل المعني ده حاجه انا بلاقيها جاهزه ولا بخلقها لنفسي ؟) 💭

في نقاشات رفضت انها تنتهي حتي بعد إغلاق القاعه🚪

عايزين نقولكم شكرا لمشاركتكم الشجاعه وعمق أسئلتكم ومستنينكم في أنشطتنا القادمة ❤️

ودي صور من روح الليله الممتعه دي 📸🎞️
#الإسكندرية #الإسكندرية #فلسفة #سيماصوفيا

"نحن هنا لا نخاطب الناس واحداً واحداً… نحن نتواصل بالجملة!"آخر أيام العالم القديم: الأوديسة على طريقة الصعيد الأمريكيسيم...
17/09/2026

"نحن هنا لا نخاطب الناس واحداً واحداً… نحن نتواصل بالجملة!"

آخر أيام العالم القديم: الأوديسة على طريقة الصعيد الأمريكي

سيماصوفيا فى بيت الحياة (فرع المعادي) فاتح الباب لعرض ومناقشة فيلم O Brother, Where Art Thou? للأخوين Joel & Ethan Coen المشهورين بـ Fargo و No Country for Old Men و The Big Lebowski.

البطل (إيفريت يوليسيس ماكجيل) فهلوي هربان من سجن الأشغال الشاقة، بيقول على نفسه إنه رجل عقلاني، ومع ذلك مستعد يخاطر بكل حاجة عشان يحافظ على تسريحة شعره. معاه اتنين من زمايله لسه مؤمنين إن المعجزات بتحصل، وقدامهم كنز، وبيت بيحاولوا يرجعوله قبل ما الدنيا تتغير من غيرهم.

من ٣٠٠٠ سنة غنّى هوميروس الأوديسة. الفيلم حطّها في ١٩٣٧، وقت ما كان الراديو بيدخل كل بيت. وإحنا بنتفرج عليه النهاردة، في لحظة كل واحد فيها بيتقاله إن عصر جديد بدأ. نفس الوعد، ونفس القلق، ونفس السؤال:

لما الدنيا بتتغير… إيه اللي بيروح، وإيه اللي نستاهل نتمسك بيه؟

⚠️ » يشترط التسجيل المسبق للحضور - العدد محدود «
علشان تحجز مكانك، سجّل بياناتك من خلال لينك الفورم.
اللينك في أول كومنت 👇
📓 في انتظاركم يوم الإثنين ٢١ سبتمبر
🕐 الساعة السابعة مساءً
💰 مساهمة اختيارية حتى ٥٠ جنيه
العنوان: بيت الحياة فرع المعادى
٤ شارع ٧٩ – أمام بنك القاهرة – الدور الأرضي

15/09/2026

في انتظاركم يوم الخميس اللي جاي لمشاهدة الفيلم Detachment.

في محاولة لتأمل الفيلم بعدسات جديدة فنية و رمزية و تاريخية وفلسفية و مناقشة الاسئلة التي يطرحها فى بيت الحياة فرع الإسكندرية.

💰بمساهمة اختيارية حتي ٥٠ جنيه

موعدنا يوم الخميس١٧ سبتمبر
الساعة : ٦ مساءً
العنوان : ٥ شارع كينج عثمان المقابل لنقطة شرطة الشهداء محطة مصر
منتظرينكم بفارغ الصبر 🙏🏼

#الإسكندرية

"لقد أدركتُ شيئاً.. أنا لستُ شخصاً يا سارة، أنا لستُ هنا ..... قد ترينني، لكنني خاوٍ من الداخل."يدعوكم بيت الحياة (فرع ا...
14/09/2026

"لقد أدركتُ شيئاً.. أنا لستُ شخصاً يا سارة، أنا لستُ هنا ..... قد ترينني، لكنني خاوٍ من الداخل."

يدعوكم بيت الحياة (فرع الإسكندرية) لعرض ومناقشة الفيلم المهم Detachment للمخرج Tony Kaye المشهور بAmerican History X و Lake of fire .

يدور الفيلم حول (هنري بارث)، مدرس بديل بيختار أنه يكون مجرد عابر سبيل؛ بيدخل الفصول لأيام قليلة ويمشي لمدرسة جديدة قبل ميضطر يبني أي رابط إنساني ،بطبيعة حال شغله، يجبره على أنه يحمل أي تعلق للعالم أو أنه يواجه ماضيه المؤلم.
فيصبح انفصاله عن العالم مش بدافع القسوة و لكن بيكون أداة دفاعه الوحيدة.

لكن انتدابه الأخير في مدرسة حكومية بتنهار بيحطه قدام حقيقة لا مفر منها؛ وسط طلاب غاضبين ونظام تعليمي منهك مليان جواه مدرسين محترقين وآباء مغيبين،
بيلاقي نفسه متورط في حياة مراهقة مشرّدة
وطالبة موهوبة بتدور على طوق نجاة يحسسها بأنها متشافة و ليها قيمة،

وكل ده بيدفعه أنه يواجه صراعه الأكبر: أزاي يعيش الإنسان و هو حاسس بآلام العالم وخائفاً في الوقت ذاته من لمسها؟

في محاولة لتأمل الفيلم بعدسات جديدة فنية و رمزية و تاريخية وفلسفية بندعوكم لمشاهدة الفيلم ولمناقشة اسئلة كتير بيطرحها الفيلم
زي :
🔸 في ظل عالم فوضوي ضاغط هل "الانفصال" و "الانعزال" بيحمونا فعلا ولا بيموتونا بالبطيء؟

🔸هل في مسئولية لينا تجاه غيرنا و حدودها بتقف فين؟

🔸هل التربية و التعليم دورهم أنهم يساعدونا نفهم نفسنا ولا ليهم أولوية تانية؟

🔸هل في فرصة للحياة في عالم كل مكان فيه عبث و الفوضى؟ ولو في، فشكلها عامل إزاي؟

موعدنا يوم الخميس١٧ سبتمبر
الساعة : ٦ مساءً
العنوان : ٥ شارع كينج عثمان المقابل لنقطة شرطة الشهداء محطة مصر
منتظرينكم بفارغ الصبر #الإسكندرية

معمل الفلسفة مش محاضرة. ده معمل. بنسلّمك مادة خام: نص، فيديو، صورة، ادّعاء، تصريحات منقولة. وانت اللي بتعمل عليها التجار...
11/09/2026

معمل الفلسفة مش محاضرة. ده معمل. بنسلّمك مادة خام: نص، فيديو، صورة، ادّعاء، تصريحات منقولة. وانت اللي بتعمل عليها التجارب الفكرية بعقلك انت. إحنا مش بننقل لك معلومات. بنقترح الأدوات، وبعدين بنسيب لك المساحة.

ومفيش إجابة صح هنا. ولا حتى إجابة نهائية. بنفكر مع بعض، وبنوسّع رؤيتنا أبعد من المعتاد، وبنخرج بحاجة بتنفعنا فعلًا في السؤال اللي بيقعّدنا صاحيين لحد الفجر.

زي أي معمل، ممكن نوصل لنتايج مختلفة. نتيجتك مش لازم تطابق مجموعتك، ومجموعتك مش لازم تطابق باقي الحاضرين. وبنرجع نتقابل كلنا عند النقطة اللي بتبدأ منها الفرضيات والأسئلة البحثية الجديدة.

مفيش تحضير، ومش محتاج أي خلفية فلسفية. تعالى بس وانت مستعد تشوف حاجة كنت متأكد منها بتتفكك قدامك.

📅 الأربعاء ١٦ سبتمبر ٢٠٢٦
⏰ ٦:٣٠ مساءً (مدة النشاط حوالي ٣ ساعات)
📍 بيت الحياة، فرع المعادي
٤ ش ٧٩، أمام بنك القاهرة، الدور الأرضي
💰 المساهمة: ١٠٠ جنيه (٥٠ جنيه للطلبة)

⚠️ » يشترط التسجيل المسبق للحضور - العدد محدود «
العدد محدود عشان نضمن جودة النقاشات والتمارين. ياريت تيجي قبل ميعاد البدء عشان تكمّل التسجيل وتدفع المساهمة.

🔗 لينك التسجيل في أول كومنت 👇

هتعمل ايه لما تكتشف ان جواك حاجة أكبر من قدرتك على استيعابها؟ هل ممكن تضحى بقدراتك المميزة عشان متشيلش مسئوليتها وتعيش ا...
09/09/2026

هتعمل ايه لما تكتشف ان جواك حاجة أكبر من قدرتك على استيعابها؟ هل ممكن تضحى بقدراتك المميزة عشان متشيلش مسئوليتها وتعيش انسان عادى !؟

ورا قناع سبايدرمان، فيه صراع أعمق من مجرد بطل خارق بيحارب الأشرار. فيه بيتر باركر، الإنسان العادي، وفيه الرجل العنكبوت، القوة الغريبة اللي دخلت حياته وغيّرت هويته. ومن الصراع ده بيظهر سبايدرمان: مش بيتر باركر لوحده، ولا الرجل العنكبوت لوحده، لكن شخصية جديدة بتحاول تجمع بين الاتنين.

في المحاضرة هنستخدم أفكار نيتشه عن التراجيديا والإنسان الأعلى كمدخل للتفكير في أسئلة عن الهوية، والقناع، والحقيقة اللي بتستخبى ورا الشكل اللي بنظهر بيه، والصراع بين الإنسان وما يتجاوزه.

هنبص على قصة الانسان والإنسان الأعلى باعتبارها رحلة مش بس لاكتساب القوة، لكن كمحاولة للوصول لوضع نقدر نعيش بيه مع الأجزاء المختلفة والمتناقضة من نفسنا.

هل القناع بيخفي حقيقتنا، ولا بيسمح لنا لأول مرة إننا نقدر نواجهها؟

وهل الإنسان بيتحقق لما يختار بين جوانبه المختلفة، ولا لما يقدر يخلق لنفسه شكل يحتملهم كلهم؟

من بيتر باركر إلى سبايدرمان... ومن التراجيديا إلى الإنسان الأعلى.

⚠️ » يشترط التسجيل المسبق للحضور - العدد محدود «
علشان تحجز مكانك، سجّل بياناتك من خلال لينك الفورم.
اللينك في أول كومنت 👇
📓 في انتظاركم يوم الإثنين ١٤ سبتمبر
🕐 الساعة السابعة مساءً
العنوان: بيت الحياة فرع المعادى
٤ شارع ٧٩ – أمام بنك القاهرة – الدور الأرضي
مساهمة اختيارية حتى 50 جنيه

في انتظاركم يوم الخميس اللي جاي في لقائنا الشهري لساعة قراءةفي بيت الحياة فرع الإسكندريةمع مقالة جديدة حابين نشاركها معا...
08/09/2026

في انتظاركم يوم الخميس اللي جاي في لقائنا الشهري لساعة قراءة
في بيت الحياة فرع الإسكندرية
مع مقالة جديدة حابين نشاركها معاكم و نتناقش فيها و نخرج منها بأهم الأفكار و الاسئلة.

في ساعة قراءة مهتمين نرجع للقراءة مكانتها من جديد وسط إيقاع سريع و مدد انتباه محدودة و قصيرة
من خلال خلق فرصة لحوار حقيقي نقدر نبني فيه على بعض أفهامنا و تصوراتنا و اسألتنا عن النصوص اللي بنتعرضلها سوا

💰رسوم ١٥ج للطلبة / ٢٥ ج للخريجين
🗓️ يوم : الخميس ١٠ سبتمبر
🕖 الساعة: ٧ مساءً
📍العنوان: ٥ ش كينج عثمان أمام نقطة شرطة الشهداء ، محطة مصر ، الدور الأول

منتظرينكم بفارغ الصبر🙏🏻

#بيتالحياة #فلسفة #الإسكندرية

Address

٥٧أ ش عثمان بن عفان
Cairo
11757

Telephone

+201118130995

Website

Alerts

Be the first to know and let us send you an email when Beyt El 7ayah - بيت الحياة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category