شباب بتساعد شباب

Call Directions Website Contact the organization

شباب بتساعد شباب Contact information, map and directions, contact form, opening hours, services, ratings, photos, videos and announcements from شباب بتساعد شباب, Youth Organization, Cairo.

تتمثل رؤيتنا في خلق عالم يتمتع فيه كل شاب بإمكانية الوصول إلى الموارد والفرص التي يحتاجونها للنجاح.

حاصلون علي المركز الأول في جائزة المجلس العربي لشباب العالم 🏆

6 سنين والرحلة مكملة بيك وليك.. 6 سنين شباب بتساعد شباب 6 سنين ومئات التدريبات والمنح لقت طريقها لآلاف الشباب.....بطلها ...
17/09/2026

6 سنين والرحلة مكملة بيك وليك..

6 سنين شباب بتساعد شباب

6 سنين ومئات التدريبات والمنح لقت طريقها لآلاف الشباب.....بطلها كل متطوع وكل شخص آمن بفكرتنا وساب أثر.

📌 النهاردة بنحتفل بمرور 6 سنين علي تاسيس شباب بتساعد شباب ومن هنا، بنفتح فصل جديد من الحكاية… قررنا نخلي السنة السابعة بداية لحاجة أكبر

راجعين برؤية أوسع، فرص أكتر، ومحتوى وفعاليات معمولة مخصوص عشانك ولخطوتك الجاية في سوق العمل والتعليم.

شكراً لكل حد كان جزء من رحلتنا، ومتحمسين للقصص الجديدة اللي هنكتبها سوا في السيزون الجديد.

تابعنا عشان ميفتوكش اللي جي و لو عندك أي حاجة عايزه تقولها لينا اكتبلنا في الكومنتات ♥

بعد ٢٤ ساعة من دلوقتي… هيتم إغلاق باب الإنضمام لفريق شباب بتساعد شباب و هيكون عليك الإنتظار لموسم كامل حتي يتم فتح باب ا...
06/09/2026

بعد ٢٤ ساعة من دلوقتي… هيتم إغلاق باب الإنضمام لفريق شباب بتساعد شباب و هيكون عليك الإنتظار لموسم كامل حتي يتم فتح باب الإنضمام لينا مره تانية 🫣
و بالفعل من ساعة ما فتحنا فورم التطوع أكتر من 3,330 شخص دخلوا يشوفوا فرص الانضمام للموسم السابع، ومئات حسموا قرارهم وخلّصوا تقديمهم بالفعل.
فلو أنت لسه أول مره تشوف الفريق و متعرفش مين إحنا أصلا؟
= تقدر تخش صفحة الفيسبوك بتاعتنا و تشوف الفيديوهات المثبته أو تشوف اللقاءات التلفزيونية اللي اتكلم فيها المؤسس باستفاضة أكتر عن فريق شباب بتساعد شباب.
بس اختصاراً لوقتك إحنا اسمنا هيعرفك احنا بنعمل ايه
و اللي هو مكون من (شباب) عندهم مهارات او علم ما (بتساعد) ممكن ينفعوا بيها اي حد تاني (شباب) زيها معندهاش العلم ده
و في حاجات مختلفة من منح كورسات و تدريبات و مسابقات و فرص مختلفة كتيرة جدا جدا... و ده الجزء اللي بيشوفوه الجمهور الخارجي.
الجزء الداخلي بنساعد بعض في تكوين بيئة من ناس طموحه عندها أحلام و حاجات تانيه كتير هتعرفها لما تتقبل معانا و في نفس الوقت بيأدوا تاسكات مطلوبه منهم عشان ننفع الجمهور اللي برا.
فلو أنت لسه متردد فحابين نفكرك إنه في خلال ٢٤ ساعة الوقت هو اللي هيحسم القرار مكانك...
آعمل شير لو شايف حد ممكن يبقي مهتم بالفرصة... و اعمل منشن لصاحبك اللي عايزه يقدم معاك
لينك التقديم في أول كومنت أو أكتبلنا "شباب بتساعد شباب" و هنبعتلك اللينك بالتوفيق


#تطوع

توضيح مهم بخصوص مشاركتنا في Youth Entrepreneurs Dayكان من المفترض تواجدنا غداً في Youth Entrepreneurs Day كشريك مجتمعي ل...
04/09/2026

توضيح مهم بخصوص مشاركتنا في Youth Entrepreneurs Day

كان من المفترض تواجدنا غداً في Youth Entrepreneurs Day كشريك مجتمعي للفعالية وكان عندنا جزء من التجربة محضرينه مخصوص لي شبابنا اللي هنقابلهم هناك 🥰

لكن بعد المستجدات الأخيرة في ترتيبات الفعالية قررنا إننا مش هنكمل الشراكة مع NU E Club وبالتالي شباب بتساعد شباب مش هتكون موجودة أو مشاركة في الحدث ❌

إحنا بنقدّر أي تعاون بندخله وبنحترم المجهود اللي بيتعمل في أي فعالية لكن في نفس الوقت مهم بالنسبالنا إن وجود شباب بتساعد شباب في أي حدث يكون بالمعايير بتاعتنا اللي نقدر فعلًا نقدم من خلالها حاجات ليها قيمة وتستاهل وقت الشباب اللي جاية بناءا عليه تقرر إلغاء التواجد غداً

وده معناه إن الجزء اللي كان هيتقدم من خلالنا غداً مش هيكون موجود.

شكرًا لتفهمكم، ونشوفكم قريب في فرص وشراكات جديدة تليق بمجتمع SBS 🤍

أول لجنة معانا في تطوع شباب بتساعد شباب الموسم السابع تقفل 🫣فلو إنت مأجل التقديم عشان "لسه في وقت" فاللي كان بيقدم علي H...
04/09/2026

أول لجنة معانا في تطوع شباب بتساعد شباب الموسم السابع تقفل 🫣
فلو إنت مأجل التقديم عشان "لسه في وقت" فاللي كان بيقدم علي HR كان بيقول نفس الكلام لاكن للأسف اكتشف إن الوقت مش كبير ولو أنت مستني لحد آخر لحظة فأحب أقولك إن الوقت موجود فعلًا و لسه فاضل ٣ أيام… بس عدد اللجان اللي فاتحة مش هتكون كتير 🤏

اللجان المفتوحة حاليًا:
Content
Creative
Cinematic
Community Builders
Graphic Design
PR
Technologist

بس وارد جدًا إن الليست دي تتغير في أي وقت حسب العدد.
يعني ببساطة
ممكن تدخل النهارده تلاقي لجنتك مفتوحة
وتدخل بعدها بشوية تلاقيها اتقفلت.
فاللي ناوي يقدم، دي أحسن لحظة يستغلها للتقديم قبل ما يقفل

اختيارك لسه موجود… بس مش مضمون يفضل موجود...
اكتبلنا "شباب بتساعد شباب" و هنبعتلك الفورم... و اعمل منشن لأي حد من صحابك عايزه يقدم معاك

الفرصة اللي بتكرر مرة واحدة في السنة… ها قد حان وقتها 👀شباب بتساعد شباب بتفتح باب الانضمام ليها في الموسم السابع 💙ولو مت...
02/09/2026

الفرصة اللي بتكرر مرة واحدة في السنة… ها قد حان وقتها 👀
شباب بتساعد شباب بتفتح باب الانضمام ليها في الموسم السابع 💙
ولو متابعنا من فترة فأنت غالبًا شوفت جزء من اللي بنعمله
- بوستات
- فرص
- محتوى
- فيديوهات
- فعاليات
- مشاريع
وحاجات كتير بتحصل طول الوقت

بس اللي مش بيبان قدامك إن كل ده وراه تيم كامل من الشباب
- ناس بتفكر
- ناس بتنفذ
- ناس بتجرب
- ناس بتغلط وتصلح
وناس كل واحد فيهم ماسك جزء من الصورة عشان في الآخر الحاجة تطلع بالشكل اللي أنت شايفه

والموسم السابع مش مجرد فتح باب تطوع جديد

إحنا بنبني التيم اللي هيشيل المرحلة الجاية من شباب بتساعد شباب.

وعندنا أكتر من مكان ممكن يكون مكانك 👀

✍️ Content
لو بتحب تدور وتكتب وتحول المعلومة لحاجة فعلًا تستاهل الناس تقراها

💡 Creative
لو دماغك طول الوقت فيها أفكار وبتحب تسأل "طب ما نجرب نعملها بشكل مختلف؟"

🎬 Cinematic
لو بتحب الفيديو والتصوير والمونتاج والحكاية اللي بتتقال في كام ثانية

🤝 Community Builders
لو بتعرف تتعامل مع الناس وتخلي الـCommunity نفسه مكان الناس تحب تكون موجودة فيه

🎨 Graphic Design
لو بالنسبالك التصميم مش مجرد شكل حلو لكن طريقة توصل بيها فكرة

💻 Technologist
لو بتحب التكنولوجيا والـAI والأتمتة والبرمجة وإنك تبني حلول تخلي اللي حوالينا يشتغل أحسن

🧩 HR
لو بتحب تفهم الناس وتتابع تجربتهم وتساعد في بناء تيم أقوى

📣 PR
لو بتحب العلاقات والتواصل والشراكات وتمثيل شباب قدام الناس والكيانات المختلفة

في الفورم هتختار تيم واحد بس تقدم عليه و كمان هتلاقي تفاصيل أكثر عن كل تيم.

فمتختارش أكتر حاجة شكلها جامد
ومتختارش التيم اللي صحابك مقدمين فيه

اختار المكان اللي فعلًا شايف نفسك هتقدر تضيف فيه وتتعلم منه وتكمل.

لأننا مش بنجمع ناس ونوزع عليهم شوية Tasks

إحنا عايزين كل واحد يدخل عارف هو جزء من إيه
ومع الوقت ياخد مساحة أكبر
ويشوف شغله بيتحول لحاجة حقيقية قدامه.

ومش مهم تكون عارف كل حاجة من أول يوم

المهم تكون مستعد تتعلم
تجرب
تشارك بأفكارك
وتاخد مكانك وسط التيم.

لأن في الآخر كل حاجة أنت شوفتها من شباب بتساعد شباب قبل كده…

عملها شباب كانوا في يوم من الأيام قاعدين مكانك
وشافوا بوست فتح التقديم
وقالوا "طب ما أجرب؟"
يمكن الموسم ده يكون دورك أنت.

خلي بالك 🚨:
- آخر موعد للتقديم: 7 سبتمبر
- مش كل الفرق هتفضل مفتوحة لحد آخر يوم في فرق ممكن تقفل بدري
- استخدام الذكاء الصناعي في الرد علي الأسئلة بيعرضك للإستبعاد

لينك التقديم:
في أول كومنت أو اكتبلنا "تطوع" و هنبعتلك الفورم برايفت

01/09/2026

لي في ناس في سنك ممكن يكونوا عندهم حاجات مش موجوده عندك؟

#فرص #شباب

مكملين معاكم في المنح الجامعية لطلاب الثانوية...النهارده معانا منحة دراسية من جامعة الصالحية الجديدة، لخريجي الثانوية ال...
30/08/2026

مكملين معاكم في المنح الجامعية لطلاب الثانوية...

النهارده معانا منحة دراسية من جامعة الصالحية الجديدة، لخريجي الثانوية العامة والثانوية الأزهرية وما يعادلها من الشهادات لعام 2026.

📌 تفاصيل المنحة:

ـ المنحة متاحة لكلية الصيدلة والحاسبات والذكاء الاصطناعي، ويشترط للمتقدم للصيدلة مجموع 80% على الأقل، وللحاسبات والذكاء الاصطناعي 70% على الأقل.

📌 مين يقدر يقدم؟

ـ تكون مصري ومن أبوين مصريين، وحاصل على ثانوية عامة أو أزهرية أو ما يعادلها دفعة 2026.
ـ تحافظ على معدل تراكمي لا يقل عن جيد جدًا (+B) طوال الدراسة، وإلا تُسحب المنحة وتُطبق المصروفات أو يُلغى القيد حسب الضوابط.
ـ ما تكونش مرشح لصيدلة أو حاسبات وذكاء اصطناعي في جامعة حكومية أو خاصة، وما تكونش قدمت على منحة أو جامعة خاصة/أهلية تانية خلال السنة دي.
ـ الأولوية لأبناء شهداء ومصابي العمليات الحربية من القوات المسلحة والشرطة.

📌 مهم تعرف:

ـ التقديم إلكتروني فقط، وتختار رابط الكلية اللي عايز تقدم على منحتها، ومسموح تقدم مرة واحدة لكلية واحدة.
ـ الاختيار هيكون بناءً على البيانات والمستندات المقدمة، والجامعة هتتواصل فقط مع الطلاب اللي تم اختيارهم.
ـ لو تم اختيارك، هتقدم أصول المستندات المطلوبة بالإضافة لبحث اجتماعي لاستكمال إجراءات القبول والمنحة.

📌 مواعيد التقديم:

ـ التقديم من السبت 29 أغسطس لحد الأربعاء 2 سبتمبر 2026.

📌 هتلاقي لينك التقديم وتفاصيل أكتر في أول كومنت.

ومتنساش تشارك البوست مع أي طالب ثانوية ممكن تكون المنحة دي مناسبة ليه، ولو قابلتك أي مشكلة في التقديم اكتبها في الكومنتات أو ابعتلنا رسالة على الصفحة وهنساعدك.

#منح

كل اللي إنتوا بتشوفوه من خلالنا مبني على مجموعة من الشباب اللي قررت تاخد من وقتها ومجهودها علشان تساعد شباب زيها ❤️✨يمكن...
28/08/2026

كل اللي إنتوا بتشوفوه من خلالنا مبني على مجموعة من الشباب اللي قررت تاخد من وقتها ومجهودها علشان تساعد شباب زيها ❤️✨

يمكن بالنسبة لحد من بره شباب بتساعد شباب مجرد صفحة بتنزل فرص ومنح ومحتوى… لكن بالنسبة لينا الموضوع أكبر من كده بكتير....

ورا كل بوست حد دور، وحد كتب، وحد راجع، وحد صمم، وحد رد على الناس، وحد تابع علشان الحاجة تطلع بأفضل شكل ممكن.

شباب عندها مدارس و شباب عندها جامعات و شباب عندها شغل وضغط وحياة كاملة وبرغم كده اختارت إنها تدي جزء من وقتها لحد يمكن عمرها ما شافته ولا هتقابله

وعشان لكل بداية نهاية، فالنهاردة بننهي الموسم السادس من شباب بتساعد شباب والصورة دي مجرد جزء صغير من الناس اللي كانت ورا الرحلة.

في ناس كملت لآخر يوم، وناس كانت معانا في جزء من الطريق، لكن كل شخص مر من هنا ساب أثر، وساهم بطريقة أو بأخرى في إن حاجة توصل لحد محتاجها.

يمكن البوست بالنسبالنا كان بيبقي تاسك…
لاكن بالنسبة لحد تاني كان بيبقي فرصة

يمكن رسالة كانت بالنسبالنا رد عادي…
لكن بالنسبة لحد تاني كانت توجيه في الوقت الصح
وده أكتر شيء بنفتخر بيه.
إن الاسم ميبقاش مجرد اسم

شباب… بتساعد شباب

شكرًا لكل شخص كان جزء من الموسم السادس
شكرًا لكل حد ادّى من وقته
لكل حد حاول
لكل حد كمل وهو مضغوط
ولكل حد ساهم حتى بحاجة صغيرة

يمكن الموسم انتهى…

لكن الأثر لسه موجود - الذكريات لسه موجودة - الحكاية لسه مكملة.

شكرًا Season 6 ❤️
ونتقابل في Season 7 🚀

واللي جاي إن شاء الله يكون أكبر…

رجعنالكم تاني مع منحة أكسس لاكن المره دي في محافظات تانية جديدة!لو عندك ابن أو بنت في المرحلة الإعدادية، فالبوست ده مهم ...
28/08/2026

رجعنالكم تاني مع منحة أكسس لاكن المره دي في محافظات تانية جديدة!

لو عندك ابن أو بنت في المرحلة الإعدادية، فالبوست ده مهم جدًا ليك...

برنامج English Access Scholarship Program، بدعم من وزارة الخارجية الأمريكية، وتحت إشراف المكتب الإقليمي للغة الإنجليزية بالسفارة الأمريكية، وبتنفيذ أمديست.

📌 تفاصيل البرنامج:
ـ برنامج مجاني لمدة سنتين للطلاب من 13 لـ15 سنة في القاهرة والإسكندرية وبورسعيد.
ـ تطوير الإنجليزية والقيادة ومهارات القرن الـ21 والذكاء الاصطناعي.
ـ أنشطة مكثفة خلال الإجازات، وتأهيل لفرص التبادل الثقافي والتعليمية في أمريكا.

📌 مين يقدر يقدم؟
ـ طالب مصري ومقيد في مدرسة حكومية عربية أو معهد أزهري.
ـ عمره من 13 لـ15 سنة في 1 سبتمبر 2026.
ـ مقيم في القاهرة أو الإسكندرية أو بورسعيد.
ـ البرنامج متاح للبنين والبنات.
ـ الاختيار بيكون بعد مراجعة الطلب والمقابلة الشخصية، مع أولوية للطلاب المتميزين وأصحاب مهارات القيادة والرغبة في التعلم.

📌 الأوراق المطلوبة:
ـ صورة شخصية حديثة.
ـ آخر تقييم دراسي أو بيان درجات.
ـ صورة شهادة الميلاد.
ـ صورة بطاقة ولي الأمر أو شهادة الوفاة في حالة وفاة أحد الوالدين.

📌 طريقة التقديم:
ـ التقديم ورقي فقط، ومفيش تقديم إلكتروني.
ـ استمارة التقديم بتتملي داخل المقر بالحبر الأزرق أو الأسود.
ـ القاهرة والجيزة: مقر أمديست، 38 شارع محيي الدين أبو العز، الدقي، أمام بنك مصر.
ـ الإسكندرية: مقر أمديست، 3 شارع الفراعنة، الأزاريطة.
ـ المواعيد: من السبت للخميس، من 2 لـ6 مساءً.

📌 آخر موعد: 20 سبتمبر 2026.

هتلاقوا التفاصيل كاملة في أول كومنت و ياريت تخشوا تقرءوها عشان فيها تفاصيل أكثر،
ولو تعرف ولي أمر عنده ابن أو بنت في السن ده، ابعتله البوست علشان متضيعش عليه الفرصة.

مشكلتك إن كل وظيفة طالبة خبرة؟قدمت على وظائف كتير ولسه مفيش فرصة؟هنا ممكن تبص على Wazeefa Tech 💻🚀باب التسجيل فتح في المر...
27/08/2026

مشكلتك إن كل وظيفة طالبة خبرة؟
قدمت على وظائف كتير ولسه مفيش فرصة؟

هنا ممكن تبص على Wazeefa Tech 💻🚀

باب التسجيل فتح في المرحلة الـ12 من المبادرة، المقدمة من وزارة الاتصالات وتكنولوجيا المعلومات بالتعاون مع Next Technology.

📌 إيه اللي هتستفيده؟

ـ تأهيل عملي لسوق العمل في مجال التكنولوجيا.
ـ فرص توظيف في أكتر من 250 شركة في المجال.
ـ الهدف النهائي من البرنامج هو مساعدتك في الوصول لوظيفة بعد فترة التأهيل.

والأهم 👇
مش مطلوب منك تدفع أي تكاليف إلا بعد ما تستلم وظيفتك فعليًا.

يعني بدل ما تفضل محتار:
أتعلم إيه؟
أقدم فين؟
وأبدأ منين؟

البرنامج مصمم إنه ينقلك من مرحلة الخريج الباحث عن فرصة لمرحلة الاستعداد الفعلي لسوق العمل.

📌 شروط التقديم:

ـ تكون مصري الجنسية.
ـ خريج حاسبات ومعلومات أو هندسة أو إدارة أعمال.
ـ تكون متخرج خلال آخر 5 سنين بحد أقصى.
ـ تقدر تجتاز اختبارات القبول الخاصة بالمبادرة.
ـ تكون متفرغ تمامًا وقت القبول ومش مرتبط بشغل حالي.

⏰ آخر موعد للتقديم: 30 سبتمبر 2026.

🔗 لينك التقديم:
في أول كومنت

ولو تعرف خريج لسه بيحاول ياخد أول خطوة في الـTech، اعمله منشن في الكومنتات و اعمل شير يمكن دي تكون الفرصة اللي حد عندك مستنيها. ❤️

Address

Cairo

Telephone

+201143281180

Website

, ,

Alerts

Be the first to know and let us send you an email when شباب بتساعد شباب posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to شباب بتساعد شباب:

Shortcuts

Share

Category