05/04/2025
أبتدي أدور على شغل وأنا طالب؟ ولا أستنى أتخرج؟
السؤال ده بنسمعه كتير جدًا من طلاب الجامعة.
والحقيقة؟
مفيش حاجة اسمها “بدري”، في حاجة اسمها “جاهز ولا لأ”.
كل ما تبدأ بدري، كل ما تكون فرصك أحسن بكتير بعد التخرج
مش لازم تشتغل وأنت طالب، لكن لازم تبدأ تجهز نفسك من دلوقتي.
ليه؟
النهاردة سوق العمل بقى تنافسي جدًا، ومعظم الشركات بتدور على حد جاهز مش حد لسه هيبدأ يتعلم.
و”الجاهزية” هنا مش معناها إنك خبير، لكن معناها إنك:
• فاهم إنت عايز تشتغل في إيه.
• عندك المهارات الأساسية.
• جربت تطوع أو تدريب ولو بسيط.
• وعندك LinkedIn شكله محترف.
طيب تبدأ منين؟
1. حدد اتجاه تحس إنه قريب منك، وابدأ إعرف عنه أكتر.
2. طور من نفسك .
3. شارك في نشاط تطوعي أو خد تدريب صيفي.
4. ابني بورتفوليو صغير بأي حاجة بتطبقها.
5. جهز LinkedIn وابدأ تتابع ناس في مجالك.
الفكرة مش إنك تشتغل بدري، الفكرة إنك تكون جاهز بدري.
ولو مش عارف تبدأ منين أو محتاج حد يمشي معاك خطوة بخطوة،
فريق CareerValley موجود علشان يساعدك تبني طريقك المهني وانت لسه في الجامعة.
خليك دايمًا سابق بخطوة.
