FA Model BSU

25/09/2026

اتعرفنا في بوست أمس على فزورة، وآن الوقت إننا نعرف حلها 👀

الإجابة هي: الصينية الماندرين 🇨🇳

بس أكيد دلوقتي في أسئلة كتير في دماغكم

إيه هي الصينية الماندرين؟
وإزاي لغة مفيهاش حروف؟
وهل فعلًا فيه أكتر من لغة صينية؟ 🫣

خلونا نبدأ واحدة واحدة…

🔹 الصينية من أقدم اللغات في العالم، وتاريخ الكتابة الصينية بيرجع لآلاف السنين.

🔹 أما الماندرين فهي أكبر وأشهر تنوعات اللغة الصينية، وأصبحت اللغة الرسمية في الصين وتايوان، وإحدى اللغات الرسمية في سنغافورة.

وهنا ممكن واحد فيكم يسأل:
"استنى… يعني فيه أكتر من لغة صينية؟" 👀

فعلا تخمينك صح

أيوه، اللغة الصينية مش شكل واحد، وفيها مجموعات لغوية وتنوعات مختلفة، والماندرين واحدة منها. 😮

طيب نرجع للسؤال الأغرب:

إزاي مفيهاش حروف؟ 🤔

الكتابة الصينية بتعتمد على رموز، وكل رمز ممكن يمثل معنى أو مقطعًا صوتيًا، بدل نظام الحروف الأبجدية اللي متعودين عليه في العربي والإنجليزي.

والأغرب إن فيه عشرات الآلاف من الرموز الصينية، لكن في الحياة اليومية بيتم استخدام بضعة آلاف فقط.

وفي النهاية، العالم كبير ومختلف
من اللغة، لطريقة التفكير، للعادات والثقافات …







Design by / Malek Ahmed
Content written by / Abdul Rahman Hassan

24/09/2026

هل الزراعة الذكية عبارة عن روبوتات بس؟🤖

كل يوم بنتأكد ان العلم مش مجرد معلومات بتتحفظ، دا رحلة اكتشاف و فهم!✨
و من هنا اكتشفنا فكرتنا ف قررنا نشارك معاكم الرحلة🫂

بنقدملكم مجلة VERGEN و هي مساحة هنخوض فيها كل مرة رحلة جديد في موضوع علمي مختلف💚

كل عدد هيكوت بداية لسؤال جديد، موضوع مختلف، و معلومة تستحق إنك تعرفها👌🏼

اعمل فولو دلوقتي و استنى الاعداد اللي جاية عشان الرحلة طويلة😉

24/09/2026

🌍 Hello, Hi, Salut, Hola! 👋

أربع كلمات مختلفة، لكن كلها بتعبّر عن معنى واحد: "مرحبًا".

وده لأن فيه طرق كتير نقدر نعبّر بيها عن نفس المعنى أو الفكرة، ومن أهم الطرق دي اللغات. 🗣️

في العالم فيه حوالي 7000 لغة، ورغم اختلافها في الكلمات وطريقة الكتابة والنطق، إلا إن كل لغة في النهاية بتساعدنا على التواصل والتعبير عن أفكارنا ومشاعرنا.

ودلوقتي… وقت الفزورة!🤩

أنا لغة بيتحدث بيها أكثر من مليار شخص حول العالم 🌍
ولما تشوف طريقة كتابتي، هتلاقي إني مش بستخدم أبجدية زي العربية أو الإنجليزية، لكن بستخدم رموزًا خاصة بيّ. 👀

🤔 يا ترى أنا مين؟

لو عرفت الإجابة، اكتبها في الكومنتات 👇







Design by / Mariam Mohamed
Content written by / Abdul Rahman Hassan

23/09/2026

Recombinant DNA Technology 🧬

(تقنية الحمض النووي معاد التركيب)

تخيل إنك بتدّي الخلية "كتالوج" جديد، وهي تقوم بتصنيعه! ✨

💡 الفكرة ببساطة:

العلماء يقدروا ياخدوا جين معين من كائن حي، ويدخلوه في الـ DNA بتاع كائن تاني خالص.

🎯 مثال توضيحي:

لو عندنا جين مسؤول عن إنتاج بروتين معين، بنشيله وندخله جوة خلية مناسبة.. الخلية هنا بتتحول لـ "مصنع حيوي" 🏭، وتبدأ تستخدم الجين ده وتنتج البروتين المطلوب بكفاءة عالية!

🔄 الخطوات الأساسية للتقنية:
1️⃣ عزل الجين المرغوب من الكائن الأصلي.
2️⃣ إدخاله في DNA ناقل (Vector) مثل البلازميد.
3️⃣ إدخاله للخلية المضيفة (Host Cell) مثل البكتيريا أو الخميرة.
4️⃣ التعبير الجيني (Gene Expression): الخلية تقرأ الجين وتبدأ تنتج البروتين.

🌟 أهمية وتطبيقات التقنية:
🔹 إنتاج بروتينات وأدوية علاجية مهمة (زي الإنسولين وهرمون النمو).
🔹 تصنيع مواد حيوية ولقاحات حديثة.
🔹 الأبحاث العلمية وتطبيقات الهندسة الوراثية (Genetic Engineering).







Design by / Sara Mostafa
Content written by / Radwa Mohamed

22/09/2026

أنا مصنع صغير جدًا... بس شغال جوة الخلية! 🔬

العلماء يقدروا يخلوني أنتج بروتين مش بتنتجه الخلية طبيعيًا 🎯

وأحيانًا باخد جين من كائن.. وأشغله في كائن تاني خالص! 🧬🔀

وبكده أقدر أساعدك في إنتاج أدوية وبروتينات علاجية هامة جدًا 💊

تفتكر أنا مين؟ 🤔

اكتب توقعك في الكومنتات! 👇🏻







Design by / Sara Mostafa

20/09/2026

🫍 الحوت القاتل… القوة مش كل حاجة!

تفتكر إيه اللي بيخلي حيوان بحري ينجح في البقاء والصيد؟ 👀

الحجم؟ القوة؟ السرعة؟🤔

الحوت القاتل بيدينا إجابة مختلفة…

أول مفاجأة: الحوت القاتل مش حوت أصلًا! 😮

هو أكبر فرد في عائلة الدلافين، واسمه العلمي Orcinus orca، وممكن يوصل لحوالي 10 أمتار ووزنه يقارب 11 طن. 🫍

لكن المثير فعلًا مش حجمه.

إنه بيتعلم.

الأوركا حيوان اجتماعي جدًا، وبيعيش في مجموعات عائلية مترابطة. وأفراد المجموعة بيتواصلوا بنقرات وصفارات ونداءات مختلفة. 🔊

والأغرب إن بعض المجموعات عندها أنماط صوتية مميزة، أشبه بـ "لهجة خاصة"، والصغار بيتعلموها من أفراد المجموعة.

التعلم مش بيقف عند التواصل…

حتى الصيد ممكن يتعلمه: 🌚

بعض مجموعات الأوركا تعتمد على الأسماك، ومجموعات تانية تصطاد الثدييات البحرية، وكل مجموعة ممكن يكون عندها طرق واستراتيجيات خاصة في الصيد.

الصغار بيتعلموا الطرق دي من الكبار.

وده أحد الأمثلة اللي بيستخدمها العلماء لدراسة التعلم الاجتماعي والثقافة عند الحيوانات؛ يعني سلوك أو معرفة تنتقل من جيل للتاني من خلال التعلم، مش الجينات بس .

وفي تجارب علمية، أظهرت قدرتها على تقليد أصوات جديدة بعد سماعها، وده بيدل على قدرة ملحوظة على التعلم الصوتي.

والأغرب؟ 👀

إن الإناث الأكبر سنًا ممكن يكون ليها دور مهم في بقاء المجموعة:

فالجدات، بعد توقفها عن التكاثر، ممكن يساهموا بخبرتهم في مساعدة المجموعة، والدراسات على بعض مجموعات الأوركا وجدت ارتباطًا بين وجود الجدات وزيادة فرص بقاء الأحفاد.

لأن الخبرة اللي اتجمعت خلال عشرات السنين ممكن تكون مهمة جدًا .
- أماكن الغذاء، التعامل مع الظروف الصعبة، ومعرفة البيئة.
-
في النهاية، الأوركا مش مجرد مفترس ضخم وقوي.🫍

هو مثال مذهل على إزاي الذكاء والتعلم والخبرة الاجتماعية ممكن يكونوا جزء أساسي من قوة الكائن.

🐋 لأن أحيانًا… أقوى سلاح مش اللي في جسمك، لكن اللي اتعلمته من اللي قبلك.

كنت تعرف ايه عن الحوت القاتل؟ 👀
شاركنا فالتعليقات 👇🏻






Content written by / Shahd khaled

19/09/2026

مش كل اللي عنده LinkedIn بيستخدمه صح… 👀
ممكن يكون عندك حساب، لكن هل فعلًا بيعبر عن مهاراتك وخبراتك وبيوصلك للفرص المناسبة؟

لو عايز تخلي حسابك على LinkedIn أقوى وأكثر احترافية، السيشن دي هتساعدك تعرف تعمل ده خطوة بخطوة 👇

📌 محاور السيشن:
🔹 إنشاء وتنسيق حساب LinkedIn احترافي وبناء هوية بصرية مناسبة.
🔹 كتابة Headline & About بشكل جذاب باستخدام الـStorytelling.
🔹 تحسين ظهور حسابك باستخدام LinkedIn SEO & Keywords.
🔹 عرض إنجازاتك وشهاداتك وخبراتك من خلال Featured, Skills & Recommendations.
🔹 بناء شبكة علاقات قوية والتواصل بشكل احترافي من خلال Custom Invitation Notes.
🔹 التفاعل وصناعة محتوى يساعدك على الظهور والوصول لفرص مهنية أفضل.

✨ عشان نعرف نخلى ازاى الLinkedin بتاعنا يكون أقوى ، وأكثر احترافية هيكون معانا مدربنا المميز :-
م. إسلام مصطفى
Training Manager في Masaena Foundation for Youth and Development 🎤

📅 الأحد | 20/9
⏰ 8:30 مساءً
📍 اونلاين على زووم

✨لو Linkedin عندك مجرد حساب سايبه من غير استخدام ... حان الوقت تخليه أداة حقيقية للفرص والتواصل والتطور المهنى .🚀

فرصتك من هنا: 👀
https://chat.whatsapp.com/JUe0OBdcjBlJHYKIAhI03s?s=sh&p=i&mlu=4&amv=2






Content Written by /Salma Sobhy

19/09/2026

فرصة مميزة✨💚

هو لازم الاختراع يكون روبوت؟ لا طبعاً! 🤖🎨
ممكن اختراعك يكون رسمة بتعبر عن فكرة!

السنة دي في يوم الأغذية العالمي، إحنا عايزين نسألك سؤال واحد:

لو أنت تقدر ترسم فكرة تخلي أكل بكرة أحلى وأسهل... هترسم ايه؟

وخد بالك، مش لازم تكون فكرة كبيرة ولا معقدة، ممكن تكون فكرة صغيرة وبسيطة جدًا بس بتفرق!

هترسم إزاي؟
امسك أي حاجة بتعرف ترسم بيها!
قلم رصاص، ألوان خشب، مائية، أو حتى ترسم على الموبايل/التابلت.

مين ينفع يشترك؟
أي حد من سن 5 لـ 19 سنة.

مهم جدا قبل ما تبعت رسمتك:
1. ليك رسمة واحدة بس.
2. ارسم أنت بنفسك أو خلي أهلك وأصحابك يلهموك، وممنوع تاخد صورة من النت.
3. ممكن تستخدم AI عشان يجيلك أفكار بس، لكن الرسم لازم يكون رسمك أنت.
4. لو هتكتب جمل جوا الرسمة، اكتب جملتين بساط ( أقل من 25 كلمة).

📅 اخر يوم تبعت فيه رسمتك: 6 نوفمبر 2026

📩 ابعتها هنا
https://miko-pixel555.github.io/FA-JUNIORS./

هتكسب ايه؟ 🏆
لو رسمتك كانت من أحلى 3 رسمات، هتاخد شهادة من منظمة الأغذية والزراعة (FAO) + بوكس هدايا جامد + اسمك وصورتك هتنزل على صفحة المنظمة الرسمية اللي بيشوفها العالم كله!
وكمان رسمتك ممكن تتعرض في المتحف بتاعهم في روما!

يلا فكر... بكرة ممكن يبقى شكله ازاي بسبب رسمتك أنت

's Juniors Tomorrow's Leaders

19/09/2026

بين حُلمك بالدراسة في الخارج وواقعك، خطوة واحدة تتلخص في معرفة المكان والزمان والموجه الصحيح 🔑

كم مرة رأيت شخصًا حصل على منحة دراسية وسألت نفسك: "كيف توصلَ إليها؟" 👀

ولأجلِ ذلك، وقرّرنا بالتعاون مع برنامج Super Student، أن نكون النور الذي يضيء بداية طريقكم نحو المنح الدراسية في جلسة بعنوان:
"Scholarships" 🤩

وستتعرفون خلال هذه الجلسة على:
• مفهوم المنح الدراسية (Scholarships) وأهدافها.
• أنواع المنح الدراسية.
• شروط القبول بها.
• خطوات التقديم على المنح الدراسية.
• الأهداف والأدوار التي تحققها المنح.

✨ سيكون معنا المتحدث: د. عمر مسعود
• مدرس مساعد بجامعة القاهرة | المنسق الأكاديمي لنموذج FA Models.

📅 السبت || 19 سبتمبر
🕖 7:00 مساءً بتوقيت القاهرة
💻 عبر منصة Zoom

متنساش تنضم إلينا من خلال الجروب الخاص بالسيشن:⬇️

[https://chat.whatsapp.com/ISOoAAvIgTNB2LDwnk80OJ?s=cl&p=i&mlu=4&ilr=4
]

18/09/2026

أنا عايش في عالم مختلف عن عالمك،
وعندي عيلة و بنتعلم من بعض.

انا اللي بخوف القروش ، و اخليها تجري مني 🏃🏻‍♀️

عندي طريقة خاصة في التواصل 🗣️
و كل قبيله لها أصوات مميزة عن غيرها.

والصغير عندي مش بيتعلم كل حاجة لوحده،
و لكن بيتعلم من الكبار إزاي يعيش ويتعامل مع البيئة حواليه 👀

والأغرب إن أفراد العيلة الأكبر سنًا ممكن يكون ليهم دور مهم في بقاء المجموعة،
بفضل الخبرة اللي اكتسبوها على مدار سنين طويلة.

🤔 تفتكر أنا مين؟🌊

اكتب توقعك في الكومنتات 👇🏻







Design by / Basmala Ahmed
Content written by / Shahd Khaled