Food Quality Students' Association - Beni Suef

Food Quality Students' Association - Beni Suef FQSA Beni-Suef

رجعنالكم ببوست جديد من سلسله Step By Step والنهارده كلامنا عن ✨نظام ترميز الألوان ✨ اه حاسك مستغرب هي ايه علاقه الالوان ...
17/11/2024

رجعنالكم ببوست جديد من سلسله Step By Step والنهارده كلامنا عن

✨نظام ترميز الألوان ✨

اه حاسك مستغرب هي ايه علاقه الالوان بسلامه الاغذيه 🤷🏻

تعالي نفهم الموضوع مع بعض بكل بساطه 👀


تخيل معايا كده مطبخين:
المطبخ الأول: ده المطبخ اللي مش بيفهم في نظام الألوان. تخيل سكينة بتقطع اللحمة وبعدها بتقطع الخيار!
ده زي واحد بيلبس الجينز فوق البيجامة ! 😂
كل حاجة ملخبطة ومش في مكانها، لو دخلت المطبخ ده ممكن تتسمم من غير ما تحس!

اما المطبخ التاني: ده المطبخ اللي بيفهم في نظام الألوان، فنان يعنى
كل حاجة منظمة وليها لونها لو دخلت المطبخ ده هتحس إنك في مطعم 5 نجوم 🤩

النظام ده بقى بستخدم فيه ألوان محددة لتمييز الأنواع مختلفة من الأغذية..

من الألوان الشائعة والمستخدمة فى النظام ده
الأحمر: ودا بنستخدمو عادةً للحوم النيئة 🥩 علشان تبقى عارف أن دى لحمة نية ومتروحش تجرى تعملى بيها سندوتش كفتة علطول.
الأصفر:بنستخدمو للدواجن النيئة 🐓
الأخضر: نستخدمو للخضروات والفواكه، علشان تبقى واخد بالك أن ده أكل صحى ومفيد.🥗
الأبيض: ودا بنستخدمو للطعام المطبوخ والجاهز للاكل


طيب فهمتك يادوك بس بردو ايه الفايدة اللى هتعود عليا لو طبقت النظام ده؟

اولا انت بتزود مستوي السلامه الغذائيه ودا بدوره بيقلل من خطر اصابتك أنت وكل اللى بتهتم بيهم وأنت بتعملهم أكلة لذيذة خاليه من الأمراض الكتييره اللي بتتنقل من الغذاء بسبب البكتيريا زي

• السالمونيلا
• الإيشريشيا القولونية

ودا طبعا يخليك تقدر تحافظ علي صحتك بشكل افضل ويساعدك تعيش لعمر طويل لحد ما تشوف احفاد احفادك وانت محافظ علي صحتك وصحتهم 🥰

▪️Content Writing : Asmaa Nasser
▪️Graphics by : Donia Yasser



ازيك يا عزيزي عايزك ف موضوع 🫵🏻 مين فينا مش بيحب سندوتش البطاطس المقلية وهي سخنه ويا سلام لو عليها كاتشب ولا سندوتش الفلا...
12/11/2024

ازيك يا عزيزي عايزك ف موضوع 🫵🏻

مين فينا مش بيحب سندوتش البطاطس المقلية وهي سخنه ويا سلام لو عليها كاتشب ولا سندوتش الفلافل اللي بنضربه كل يوم بقالنا عشرين سنة 😋🥙
لكن عمرك سألت نفسك الاكل اللي باكله كل يوم دا وبكرره ايه ضرره علي جسمي ومظهري الخارجي ؟😕
اول حاجه لازم تعرف أن احنا لما نزود من تناول الحاجات المقليه دي طبعا هيسبب امراض كتير ومختلفة مع الزمن بس لازم افهمك حاجه قبل ما اقولك الأمراض دي اي
طبعا لازم نعرف أن الاكل المقلي بيحتوي علي نسبة دهون عالية وسعرات حرارية كبيرة.

طب حضرتك كنت عارف ان الدهون دي دهون متحولة يعني بمعني يا عزيزي انها بتزود نسبة الكوليسترول في الجسم
طب وكدا نفهم ايه بقا ؟ 🤓
اكيد انها هتكون سبب رئيسي ل أمراض القلب.
مش بس كدا لا خد عندك وزود دي بتعمل خلل ف نسبة الأنسولين اللي في جسمك اللي بتسبب مرض السكر
غير طبعا انها سبب رئيسي في السمنه 🤦🏻
دا غير طبعا أضرارها علي البشرة وحب الشباب 🙆🏻
طب اي الحلول للمشاكل دي بقا ؟ 👀
متخافش مش هقولك امنعها لكن هقولك طرق افضل تاخد منها الاكل اللي بتحبه
زي انك تستخدم زيوت أكثر امان زي زيت الزيتون
او انك تستخدم الفرن او أجهزة الطهي بالبخار أو القلاية الهوائية اللي هي ال air fryer
ونحاول ننظم اكلنا ونخليه هيلثي اكتر 🤏🏻🤏🏻

▪️Content writing by : Dina Rashwan
▪️Graphics by : Hager Soliman



تعرف انك لو كلت وجبة غير آمنة ممكن تتحول تجربتك لكابوس يھدد صحتك وحياتك؟🫵🏻🚨طيب تعرف إن التسمم الغذائي منتشر بشكل كبير في...
07/11/2024

تعرف انك لو كلت وجبة غير آمنة ممكن تتحول تجربتك لكابوس يھدد صحتك وحياتك؟🫵🏻🚨

طيب تعرف إن التسمم الغذائي منتشر بشكل كبير في العالم؟ حسب منظمة الصحة العالمية، ملايين الناس بيصابوا بيه كل سنة، خصوصًا الأطفال وكبار السن لأن مناعتهم بتكون أضعف.
بس صعب نحدد الأعداد بدقة لأن كتير من الحالات مش بتتبلغ، وبعض الناس بيتعافوا في بيوتهم من غير ما يحتاجوا مستشفى اصلا.

▎يعني إيه تسمم غذائي ببساطة؟ 😷

التسمم الغذائي بيحصل لما ناكل أكل ملوث بميكروبات أو أكل فاسد، وده بيؤدي لأعراض زي الإسهال، القيء، والمغص.

▎إيه الأسباب اللي بتؤدي للتسمم الغذائي؟🚯

• قلة النظافة: لو الشخص اللي بيعمل الأكل مش مهتم بنظافته الشخصية أو نظافة الأدوات.

• تخزين غير صحيح: لو الأكل اتساب لفترات طويلة في درجة حرارة الغرفة، أو متمش تسخينه أو تبريده بشكل كافي.

• الأطعمة المعلبة: ممكن تكون فاسدة أو منتهية الصلاحية.

▎أنواع العدوى الغذائية

من أشهرها السالمونيلا والشيجيلا، اللي بتسبب نزلات معوية وإسهال، وغالبًا ما تنتشر في المناطق الريفية بمصر. العدوى دي بتنقل عبر الأكل الملوث بفضلات الحيوانات أو البشر.

▎الخطر هنا!

الميكروبات دي مش بتظهر تغيرات واضحة على الأكل، فصعب نكتشفها قبل ما ناكل. وغالبًا اللحوم والدواجن والأسماك هي السبب الرئيسي في انتشار السالمونيلا، لكن نسبة الوفاة منها مش بتتعدى 1-2%.

▎إزاي نتجنب التسمم الغذائي؟

الوقاية والوعى بالممارسات الصحية عند اعداد وتناول الطعام
و زي ما بيقولوا: "الوقاية خير من العلاج". حافظ على صحتك وكن حذر عند تناول الطعام.
Stay safe! 🥰

▪️Content writing by:Asmaa Naser
▪️Graphic design by:Shahd Ramadan



_عمرك شوفت حد اكل فول سودانى او مكسرات وتعب او حصلو تورم فى الوجه والعين او مش قادر ياخد نفسه؟⚠️طب اى ده ،وليه بيحصل كده...
05/11/2024

_عمرك شوفت حد اكل فول سودانى او مكسرات وتعب او حصلو تورم فى الوجه والعين او مش قادر ياخد نفسه؟
⚠️طب اى ده ،وليه بيحصل كده ؟!

↩حساسية الغذاء
Food Allergy
#ده رد فعل غير طبيعى من الجهاز المناعى للأطعمة وده نتيجة عوامل وراثية .
#وده منتشر أكثر بين الرضع والأطفال عن البالغين .
# ممكن الحساسية دى تكون مؤقتة حيث انها تفضل فترة وبعد كده تختفى لما الشخص يكبر وده اللى بيحصل فى الغالب او تكون دائمة ومتقدرش تختفى .
# حساسية الطعام تنتشر بين المصابين بالربو بنسبة 10% والمصابين بالإلتهاب الجلدى ببنسبة 3% .

⬅️فى نوعين من الحساسية :_

☢حساسية الطعام المباشرة :_

_ده يحصل نتيجة ان الجهاز المناعى يطلع اجسام مضادة تتفاعل مع الأطعمة .
_ يحدث خلال دقائق وتحدث جميع الاعراض مع بعض فى نفس الوقت .

☢حساسية الطعام المتاخرة :_
_ الجسم المناعى هنا مش بينتج أجسام مضادة لكن ببساعد فى تهيج الإستجابة ضد الأطعمة .
_ ده ياخد تقريبا من ساعات لأيام حتى ظهور الأعراض .
_زى الطفل لما يبدأ يشرب لبن صناعى الاعراض بتظهر بعد ٣ أيام

⚠️طب اى الأطعمة ؟!
↩فى الرضع والأطفال :_
(الحليب _ البيض_الفول السودانى _ المكسرات_الصويا_ القمح.....إلخ )
↩فى البالغين:_
(الفول السودانى_المكسرات _السمك _القشريات_ الرخويات.....إلخ .)

⚠️طب اى الاعراض ؟!
تتراوح من أعراض بسيطة مثل احمرار وحكة فى الجسم _ تورم الوحه والعينين والحلق _ غثيان تقيؤ _إسهال .
إلى أعراض خطيرة مثل انخفاض ضغط الدم _ضيق فى التنفس _ فقدان الوعى .

*العلاج 💊:
_لا يوجد علاج تام لحساسية الطعام،لذلك يجب التعايش معاها والإبتعاد عن الأطعمة المسببة للحساسية .
_ فى الاسر اللى لديها تاريخ مرضى لازم رضاعة الطفل رضاعة طبيعية لمدة عامين كاملين .
_ الحد من تناول الأطعمة الجاهزة وتحضير الطعام فى المنزل
_ يجب توعية الأطفال من الأطعمة المسببة حساسية لهم .
_ يمكن استخدام حقن الEpinephrin التى تساعد فى توسيع مجرى التنفس ورفع ضغط الدم ووجودها دائما مع هؤلاء الأشخاص .
_ فى الحالات الحرجة تتطلب إسعافات أولية للمريض واستخدام حقن مضادة للهيستامين وحقن الكورتيزون وتعليق المحاليل .

▪️Content writing by: Salma Ahmed
▪️Graphic design by:Shahd Mohamed


" A Successful team is a group of many hands and one mind " 🤝We are delighted to announce our best members of the month ...
04/11/2024

" A Successful team is a group of many hands and one mind " 🤝

We are delighted to announce our best members of the month " October 2024"🔥

▪️Head of the month

💥 Mohamed taha ( PR Head )
💥 Mai Ibrahim ( AC Head )

▪️Vice of the month

💥 Aya Khaled ( PR vice )
💥 Donia Yasser ( M&M Vice )
💥 Salma RaFaat ( M&M Vice )

▪️Member of the month

💥 Mai Hamdy ( PR Member )
💥 Salma Ahmed ( AC Member )
💥 Asmaa Nasser ( AC Member)
💥 Omar Ahraf ( HR Member )
💥 Toqa Attia ( HR Member )
💥 Doha Mostafa ( M&M member )
💥 Shahd Mahmoud (M&M Member )
💥 Mariem Roby ( AW Member )

Thank you all for your hard work and dedication this month , your efforts truly made a difference 💗

زي ما عودناكم انهارده بوست جديد من سلسلهstep by step 🤩تابعوا الصور ......... ومستنين رأيكم في الكومنتات 🤏🏻▪️Content writ...
03/11/2024

زي ما عودناكم انهارده بوست جديد من سلسله
step by step 🤩

تابعوا الصور ......... ومستنين رأيكم في الكومنتات 🤏🏻

▪️Content writing by :Salma Ahmed
▪️Graphics by : Shahd Mahmoud



موضوع جديد من سلسله ✨step by step ✨والنهارده هنتكلم عن تأثير درجات الحرارة علي الاغذية 🤩تابعو الصور .... ومتنسوش تقولولن...
31/10/2024

موضوع جديد من سلسله ✨step by step ✨

والنهارده هنتكلم عن تأثير درجات الحرارة علي الاغذية 🤩

تابعو الصور .... ومتنسوش تقولولنا رأيكم في الكومنتات 💗

▪️Content writing by : Salma Ahmed
▪️Graphics by : Doha Mostafa



قال الله تعالى:"وَيَسْئلُونَكَ عَنِ الْيَتَامَىٰ ۖ قُلْ إِصْلَاحٌ لَّهُمْ خَيْرٌ ۖ وَإِن تُخَالِطُوهُمْ فَإِخْوَانُكُمْ ...
30/10/2024

قال الله تعالى:
"وَيَسْئلُونَكَ عَنِ الْيَتَامَىٰ ۖ قُلْ إِصْلَاحٌ لَّهُمْ خَيْرٌ ۖ وَإِن تُخَالِطُوهُمْ فَإِخْوَانُكُمْ ۚ وَاللَّهُ يَعْلَمُ الْمُفْسِدَ مِنَ الْمُصْلِحِ ۚ وَلَوْ شَاءَ اللَّهُ لَأَعْنَتَكُمْ ۚ إِنَّ اللَّهَ عَزِيزٌ حَكِيمٌ"

فى اطار مسؤوليتنا الاجتماعية وحرصنا على تعزيز قيم التراحم والتكافل ، قام فريق FQSA Benisuefبعمل زيارة لدار ايتام ودى كانت فرصة للتواصل مع الاطفال وادخال البھجة على قلوبھم🤩

تم تنظيم مجموعة من الانشطة الترفيھية والتعليمية للاطفال وكانو مشاركين بكل حماس ، وكان الھدف منھا تقديم الدعم المعنوى للاطفال🥳

نأمل ان تكون ھذة الزيارة بداية لمبادرات تانية تھدف لدعم الايتام وتعزيز التواصل معاھم

▪️Content writing and Graphics by:Salma Raffat


ومكملين معاكم في موضوع جديد من سلسله ✨ step by step ✨عارفين ليه بنحط الاكل في التلاجه 🤔؟! اكيد بيجي في بالك السؤال دا ل...
29/10/2024

ومكملين معاكم في موضوع جديد من سلسله
✨ step by step ✨

عارفين ليه بنحط الاكل في التلاجه 🤔؟!
اكيد بيجي في بالك السؤال دا لما بنكسل أو ننسي نحطه
اقولك انا لي لازم نحطه عشان لو سبنا الاكل في الجو العادي لفتره طويله بتبدأ البكتريا والفطريات تنشط وتتحلل ودا بيؤدي الي تغير في اللون والريحه والطعم طبعاا ،وبكده الاكل بيفسد طيب هو اي اصلا فساد الاغذيه 🤷‍♀️
معناه انه بكده الطعام بقي فيه بكتريا ضاره زي salmonella ,E.coli,listeria
ودا هيسبب" تسمم غذائي "
ـ عشان كده بقي لازم نحافظ عليه بشكل صحيح
اقولك بقي اي هي طرق حفظ الاغذيه عشان نتجنب فسادها
اول حاجه
-التبريد : بحفظ الاطعمه في درجه حراره منخفضه (4درجه مئوي ) أو أقل لإبطاء نمو البكتريا والكائنات الحيه الدقيقه التبريد مش مش بيوقف نشاطها خالص هو بس بيطئ النشاط شويه فتره صغننه يعني 🤏
ـ التجميد: بحفظ الاغذيه في درجات حراره منخفضه جدا عاده أقل من (-18 درجه مئوي )دا بيوقف نشاط الكائنات الحيه الدقيقه ويمنع تلف الطعام ودي الطريقه الافضل 👌
-التجفيف: بعمل ازاله للماء من الطعام زي في (الفاكهه والخضروات)
-التدخين : تعريض الاطعمه خاصه (اللحوم والأسماك ) للدخان يمنع نمو البكتيريا ويحسن الطعم
-السكر : بستخدم السكر بكميات كبيره لحفظ الاطعمه زي في المربي والحلويات
-التخمير : السماح بنمو الكائنات المفيده مثل (الخميره أو البكتريا ) التي تغير طبيعه الطعام وتحفظه زي في الزبادي والجبن
وطبعا كل طريقه منهم بتطبق علي حسب نوع الغذاء المراد حفظه والمده الزمنيه المطلوبه.
طيب بالنسبه للفواكه والخضار نشوف بقي بنحفظهم ازاي
عندك مثلا الموز والمانجا بسيبهم في درجه حراره الغرفه حتي يتم نضجهم واحطهم في التلاجه لإبطاء عمليه النضج
وممكن يتغير لون القشره الي الاسود في الموز بس هيفضل من جوه طازج لفتره اطول 🤗
البطاطس🥔 تحفظ علي حراره اعلي من 4,4 درجه مئوي لان لو حفظت ع حراره أقل يتحول النشا الموجود بالدرنات ل سكر دا تحول غير مستحب بيخلي البطاطس تتحرق بسرعه في التحمير من غير ما تستوي
وعندنا بردوا الخضار الورقي🥬 دا بيحتاج عنايه خاصه بنضف الاوراق وتنشف كويس ونحطها في كيس بلاستيك في التلاجه .
خد بقي المعلومه دي في الاخر أن في الأيام الحر لا يترك الطعام خارج التلاجه لأكثر من ساعتين

▪️Content writing by : Shahd Talaat
▪️Graphics by : Salma Raafat



مكملين معاكم سلسله STEP by step اللي بدأناها 🤩وهنتكلم ف البوست دا عن المواد الحافظه للاغذيه .. تابعوا الصور 👀✨▪️Content ...
23/10/2024

مكملين معاكم سلسله STEP by step اللي بدأناها 🤩

وهنتكلم ف البوست دا عن المواد الحافظه للاغذيه .. تابعوا الصور 👀✨

▪️Content writing by : Salma ahmed
▪️Graphics by : Ahmed hamed



"Begin now to be what you will be here after."🤍جه الوقت اللي لازم تبدأ تهتم بمجال ال Food Quality .عشان كدا FQSA بتوفرلك...
22/10/2024

"Begin now to be what you will be here after."🤍

جه الوقت اللي لازم تبدأ تهتم بمجال ال Food Quality .

عشان كدا FQSA بتوفرلك فرصة العمر
سيشن اونلاين فور فري لكل طلاب الطب البيطري عن " استلام الطعام -Receiving "

وهنتكلم فيه عن :
اداره وتطوير الموردين وتاكيد الجودة
استلام المواد الخام وشروط منطقة الاستلام
مواصفات المواد الخام وكيفية التعبئة والتغليف
الدورة المستندية واستخدام التشغل الآلي في عملية الاستلام

و اللي هيقدمهولنا
Dr. Ahmed Mohamed Elsayed .

🎓 Education
Bachelor degree - Veterinary medicine- 2017

📌 Experience

• Consultation project manager (Food safety and QMS) – GTI DAMMAM

• Food safety and QA manager Moka Bakery Co.

• QMS and food safety consultant - TAKAMOL

• Supplier QA Specialist at GSF Co.

• QA Lab Technician at GSF Co.

• Food safety specialist at Mafaza group slaughterhouse Co.

Certificates:

- Certified BRC Food Issue 9 LA - BRCGS
- Organizational excellence assessor (EGEA Assessor)
- Statistical Process control - AASTM

⏱️ Thu 9:00 PM
📌 On Google Meet

متضيعش الفرصة و انضم لجروب الواتس 🫵🏻
https://chat.whatsapp.com/KwkEidPleMM2oWgCMMv7LY

▪️ Graphics by : Donia Yasser





ومكملين معاكم في نفس السلسه اللي بدأناها وهيStep by Step 😉اكيد عندك فضول إزاي المصانع بتتعامل أول ما تستلم المواد الغذائ...
16/10/2024

ومكملين معاكم في نفس السلسه اللي بدأناها وهي
Step by Step 😉

اكيد عندك فضول إزاي المصانع بتتعامل أول ما تستلم المواد الغذائية؟ وإزاي بتنقلها بالطريقة الصح اللي تناسب كل مادة؟🤔
ايوه حساك خمنت اسم موضوع النهارده لوحدك وهو

*استلام ونقل المواد الغذائية*

أول حاجة، لما بيتم استلام المواد من المورد، بيتأكدوا إنها مطابقة للمعايير الصحية المطلوبة وإنها خالية من أي ملوثات ودا من خلال فحص بصرى -بشكل أولى- او باستخدام أدوات متخصصة.

وعلشان لازم نضمن ليك إن النقل والتخزين بيتموا في درجات حرارة مناسبة. 👌🏻

١- مثلا فيه مواد غذائية سريعة التلف، فلازم يتم تخزينها في درجات حرارة باردة علشان نمنع اي نمو للبكتيريا.
عندك على سبيل المثال اللحوم والألبان والخضروات الطازجة بتحتاج نقل وتخزين غالباً من (0-4درجة مئوية)🥶
وده معناه إن المخازن وشاحنات النقل لازم يكونوا دايماً مجهزين بأجهزة لمراقبة وقياس درجات الحرارة باستمرار.
وطبعا كل كده عشان صحتك وبس 🫵

٢-كمان بنتأكد من جودة التغليف، علشان نمنع اي تسرب الهواء أو الرطوبة .. ولازم مواد التغليف تكون آمنة وغير سامة وفقاً لمعايير السلامة الغذائية.

٣-المتابعة والتوثيق خطوة مهمة في كل المراحل اللي بتمر بيها المواد الغذائية، من وقت استلامها لحد ما يتم تصنيعها وتوزيعها. لو حصلت أي مشكلة أو اكتشفنا تلوث، نقدر بسرعة نحدد المصدر. وبنظام تتبع مستمر زي تحليل المخاطر ونقاط التحكم الحرجة اللي هو (HACCP) بتتاخد الإجراءات الوقائية المناسبة.

٤- كمان لازم نسجل تواريخ الاستلام والتخزين والتوزيع علشان نتأكد إن المواد الغذائية متعديش فترة الصلاحية.

وكدا يوصلك المواد الغذائية بسلام بدون اي ميكروبات أو بكتريا 🤩
وبكدا البوست بتاعنا وصل لنهايته نلقاكم في بوستٍ جديد 🫡

▪️Content writing by : Asmaa Nasser
▪️Graphics by : Salma Raafat



Address

Beni Suef

Website

Alerts

Be the first to know and let us send you an email when Food Quality Students' Association - Beni Suef posts news and promotions. Your email address will not be used for any other purpose, and you can unsubscribe at any time.

Shortcuts

Share

Category