سند عيلة

Directions

سند عيلة جمعية سند عيلة لتنمية المجتمع والمشهرة برقم 7691 لعام 2024م شعار الجمعية:
سند عيلة.. سند لكل عيلة

بدأت رحلة جمعية سند عيلة لتنمية المجتمع فى يوم 7/7/2022م كمنظمة مجتمع مدني هدفها دعم مجتمع مركز العياط بمحافظة الجيزة.

رؤية جمعية سند عيلة:
الريادة في خدمة المجتمع بمبادرات خدمية وتنموية مستدامة، للمساهمة الفعالة في حل مشكلات مدينة وقرى مركز العياط بمحافظة الجيزة.

رسالة الجمعية:
تسعى الجمعية إلى تطوير المجتمع بمدينة وقرى مركز العياط من خلال المساعدة في تعليم الأطفال والكبار، وتعزيز مهارات الشباب، ودعم الفئات المستحقة من محدودي الدخل، وتنفيذ مبادرات مبتكرة تحقيقا للتنمية المستدامة ورؤية مصر التنموية.

مبادئ الجمعية:
- الأولوية لخدمة المجتمع وإحتياجاته.
- النزاهة والشفافية فى كافة الأنشطة.
- تغليب المصلحة العامة على المصالح الشخصية.
- التنمية والإستدامة في خدمة المجتمع.
- الإحسان في تقديم المساعدة.
- الابتكار والإبداع لحل المشكلات.

الأهداف العامة للجمعية:
- مساعدة الأسر من ذوي الدخل المحدود في جميع قرى وعزب مدينة ومركز العياط.
- تنمية فكرة التطوع في أذهان الشباب وتقديم برامج وفرص تدريبية تعزز مهارات وقدرات الشباب لزيادة فرص العمل والمشاركة الإيجابية في المجتمع.
- المساهمة فى عمل تنمية مجتمعية مستدامة لمركز العياط عن طريق تطوير وتنفيذ مبادرات ومشاريع مبتكرة تسهم في تحقيق التنمية المستدامة.
- توفير فرص التعليم للأفراد من جميع الفئات العمرية.
- توطيد العلاقات وعمل الشراكات وبروتوكلات التعاون مع الكيانات والجهات المجتمعية المختلفة لحل المشكلات الاجتماعية والاقتصادية التي تواجه مجتمع مركز العياط.

12/10/2026

فيه خير بيتحكي، وفيه خير أحلى حاجة فيه إنك تشوفه وهو بيحصل. 💚

وده اللي حصل النهارده في المساندة، أبطال سند عيلة نزلوا وجهزوا 50 وجبة ووزعوها على أهلنا وكانوا جزء من يوم عنوانه العطاء وإن الخير يوصل للي محتاجه.

50 وجبة، ومجهود وراه ناس اختارت تنزل وتشارك وتعمل فرق على قد ما تقدر.

وده لسه جزء من مشوار سند عيلة ولسه مكملين سوا. 💚

سنة كاملة عدت من يوم ما بدأ تعاقدنا مع مركز LLC❤️شكرًا للمركز على كل حاجة اتقدمت لنا خلال السنة دي، مش بس على مستوى الخد...
11/10/2026

سنة كاملة عدت من يوم ما بدأ تعاقدنا مع مركز LLC❤️

شكرًا للمركز على كل حاجة اتقدمت لنا خلال السنة دي، مش بس على مستوى الخدمة وجودتها لكن على الأمانة والالتزام والاهتمام الحقيقي بحالات أطفال ذوي الاحتياجات الخاصة التابعين لمبادرة يستاهل حياة لذوي الاحتياجات الخاصة في سند عيلة

وشكر خاص لمديرة المركز
أستاذة/ منار عبدالله
احترامها في التعامل كان دايمًا سابق أي كلام، شكرًا على دعمك لينا وعلى مبادرتك للخير في اي وقت

سنة عدت في وقتها بسرعة، لكن أثرها كان واضح على اطفالنا❤️ وأجمل ما في التجربة إنك تشتغل في مكان وأنت مطمن إن فيه ناس بتحترم شغلها وتحترم الناس اللي معاها وتحافظ على الأمانة اللي في إيدها

شكرًا على سنة تستحق الإمتنان، ويارب دايمًا تكونوا سند لينا ولأطفالنا❤️



فيه انتصارات بتبدأ قبل ما العالم يعرف إنها جاية. 🇪🇬قبل ما يبقى فيه عبور كان فيه سنين من الاستعداد وقبل ما العلم المصري ي...
06/10/2026

فيه انتصارات بتبدأ قبل ما العالم يعرف إنها جاية. 🇪🇬

قبل ما يبقى فيه عبور كان فيه سنين من الاستعداد وقبل ما العلم المصري يترفع على أرض سيناء كان فيه إيمان بحق عمره ما غاب وجيش بيستعد لليوم اللي يرجّع فيه أرضه.

٦ أكتوبر ١٩٧٣ مكنش مجرد يوم في تاريخ مصر ده كان اليوم اللي اتغيرت فيه حسابات كتير، واتكسرت فيه فكرة إن فيه حاجز مستحيل يتعدّى أو إن فيه أرض ممكن صاحبها يتنازل عنها مع الوقت.

على الجبهة كان فيه جنود بيعبروا القناة وبيواجهوا الخطر وورا كل جندي حكاية أهل مستنيين وقلوب بتدعي وأسر نفسها تشوف ولادها راجعين بالسلامة.💚

النصر ده مكنش صدفة ولا جه في يوم وليلة كان وراه تخطيط وإرادة وتضحيات، دفع تمنها أبطال علشان تفضل مصر عزيزة بأرضها وأهلها.

وفي ذكرى النصر، مش بس بنفتكر يوم رجعت فيه الكرامة، لكن بنفتكر كل إنسان كان جزء من الحكاية وكل بطل اختار يواجه علشان وطنه يفضل مرفوع الرأس.

تحية لكل أبطال أكتوبر ورحمة ومغفرة لشهدائنا، وكل سنة ومصر وأهلها في عزّة ونصر. 🇪🇬


فيه حاجات أصغر من إنها تتشاف بالأرقام، بس حجم تأثيرها بينور في عيون ناس تانية. 💚بفضل ربنا ثم تبرعاتكم متطوعينا رغم شغلهم...
05/10/2026

فيه حاجات أصغر من إنها تتشاف بالأرقام، بس حجم تأثيرها بينور في عيون ناس تانية. 💚

بفضل ربنا ثم تبرعاتكم متطوعينا رغم شغلهم والتزاماتهم قدروا يوصلوا الخير لأهلنا في قريتي بمها والمساندة:

• 10,000 جنيه زكاة مال وصلت لمستحقيها.
• 50 وجبة اتوزعت على أهلنا.
• كرسيين متحركين ساعدوا أصحابهم إن حركتهم تبقى أسهل.

أرقام بسيطة في شكلها لكن كل رقم وراه حد احتاج وحد ساعد وإيد مدت بالخير.

شكرًا لكل حد ساهم وتبرع ووثق ولمتطوعينا اللي نزلوا وخلّوا الدعم ده يوصل لمكانه. 🥰

واللي تم ده مش آخر الحكاية لسه فيه خير جاي ولسه فيه أثر مستني نوصلّه.

22/09/2026

يوم كامل اتجمع في كام دقيقة.

من أول تكريم لآخر صورة، من أول تصفيقة لآخر ابتسامة

وده كان يوم تكريم أوائل الثانوية مع سند عيلة. 💚

يوم اتصور واتحفظ
وعلشان كده هنسيبه يتكلم لوحده.


مش كل مشروع بيحتاج ناس كتير قد ما بيحتاج ناس حاسة إنه مشروعها بجد.وده واحد من الحاجات اللي بنشوفها في أحمد بدر. 💚أحمد مش...
19/09/2026

مش كل مشروع بيحتاج ناس كتير قد ما بيحتاج ناس حاسة إنه مشروعها بجد.

وده واحد من الحاجات اللي بنشوفها في أحمد بدر. 💚

أحمد مش بس متطوع في سند عيلة هو واحد من الناس اللي شايلة سكن عيلة وبتابع تفاصيله من أول ما الاحتياج بيظهر لحد ما يبقى فيه تغيير حقيقي يوصل لأهلنا.

والنهارده كان فيه خطوة جديدة في سكن عيلة وأحمد كان موجود بيتابع وبيكمّل اللي عليه لحد ما خلص.

يمكن بالنسبة لحد من بره دي مجرد خطوة في مشروع لكن بالنسبة لينا كل خطوة في سكن عيلة معناها بيت اتحل فيه احتياج كان مأثر على أهله وحاجة أساسية وصلت لأسرة يمكن مكنش عندها حد تاني يعملها. 👀

شكرًا يا أحمد مش بس على اللي اتعمل النهارده
لكن على إنك من الناس اللي لما تمسك حاجة بتتعامل معاها على إنها مسؤوليتك فعلا.

وسكن عيلة عنده لسه بيوت كتير مستنيانا علشان كده بنفتح باب الانضمام لكل حد حابب يكون جزء من المشروع

لو أنت من العياط، وعندك استعداد تكون موجود وقت التنفيذ وتشارك بإيدك ووقتك، مستنيينك 👇🏻
https://forms.gle/9p43ynafA1E55hhe9


الأسماء اتقالت قبل كده، بس الصور دي ليهم حكاية تانية. 🏆المرة دي مش بنعرّفكم بأوائلنا، المرة دي بنرجع للحظة اللي الأسماء ...
15/09/2026

الأسماء اتقالت قبل كده، بس الصور دي ليهم حكاية تانية. 🏆

المرة دي مش بنعرّفكم بأوائلنا، المرة دي بنرجع للحظة اللي الأسماء بقت أصحابها واقفين قدامنا، والإنجاز بقى لحظة تتعاش مش مجرد اسم مكتوب.

شهادة في الإيد، تصفيق حواليهم، وفرحة في عيون أهلهم، ولحظة تستاهل تتوثق زي ما هي.

دي أول صور من يوم اتعمل مخصوص عشان نقول لأبطالنا: إنتوا تستاهلوا الفرحة دي. 🥰


🎓✨ وأخيرًا.. اليوم اللي كنا مستنيينه بدأ! ✨بدأت لحظاتنا الجميلة مع وصول ضيوفنا وحضور أوائل الثانوية العامة، وسط أجواء مل...
04/09/2026

🎓✨ وأخيرًا.. اليوم اللي كنا مستنيينه بدأ! ✨

بدأت لحظاتنا الجميلة مع وصول ضيوفنا وحضور أوائل الثانوية العامة، وسط أجواء مليانة فرحة وفخر وحماس 🤍🏆

كل تفصيلة اتجهزت، وكل تعب وراه هدف واحد… إننا نصنع يوم يليق بنجاحهم وتعبهم 🌟

لسه البداية.. والأجمل لسه جاي! 🎓❤️


✨ بنجهّز للحظة اللي تستحق تتعاش بكل تفاصيلها 🎓🤍من كل تفصيلة صغيرة بنحط لمسة حب، عشان نحتفل بأبطالنا وأوائل الثانوية العا...
04/09/2026

✨ بنجهّز للحظة اللي تستحق تتعاش بكل تفاصيلها 🎓🤍
من كل تفصيلة صغيرة بنحط لمسة حب، عشان نحتفل بأبطالنا وأوائل الثانوية العامة بالشكل اللي يليق بيهم 🏆✨
استنوا المفاجأة… ولسه الجاي أجمل! 🔥


الستار بيترفع، ووقت الكشف جه. 🏆كنا بنقولكم إن لحفل سند عيلة أبطال، والنهارده جه وقت إننا نكشف عنهم. 👀دي أسماء الطلبة الل...
03/09/2026

الستار بيترفع، ووقت الكشف جه. 🏆

كنا بنقولكم إن لحفل سند عيلة أبطال، والنهارده جه وقت إننا نكشف عنهم. 👀

دي أسماء الطلبة اللي استحقوا يكونوا أبطال حفلنا، "أوائل الثانوية اللي هنحتفل بيهم ونكرّمهم بكل فخر". 💚

شوفوا الأسماء، واتعرفوا على أبطالنا
📍 نادي العياط
🗓️ الجمعة 4 سبتمبر

النهارده بنكشف عن الأبطال، والجمعة نعيش معاهم لحظة التكريم. ✨


Address

Ayat

Website

Alerts

Be the first to know and let us send you an email when سند عيلة posts news and promotions. Your email address will not be used for any other purpose, and you can unsubscribe at any time.

Shortcuts

Share