خطوة
تعرف إيه عن مشروعنـا "خطوة" ؟
ممكن تكون دى أول مره تسمع الاسم ده وما تعرفش عنه حاجه , ممكن
تكون سمعت الاسم ده قبل كده , تعرف عنه قليل بس متعرفش تفاصيل
كتير , طيب ما تيجى نقرب للمشروع ونعرف تفاصيل أكتر مع بعض .,
مشروعنـا اسمه "خطوة" , خطوة خير , خطوه نتقرب بيها لربنـا , خطوه
نرسم بيها الابتسامه على وش كل محتاج , ندخل الفرحه لقلبه .
مشروعنـا ابتدى بفكره , مجرد فكره , فكره ان فى ناس حال
تهـا الماديه
أصعب مما تتخيل , محتاجه المساعده " مهما كانت المساعد دى من
وجهه نظرك صغيره أو مش هتفرق معاهم" بس ف الحقيقه المساعده دى
بتفرق معاهم فوق ما تتخيل , مش هتحس كده غير لما تشوف الفرحه ف
عيون حد محتاج لمجرد ان فى ناس بتفكر فيه , ابتسامه ما بتتنسيش ,
ابتسامه تخليك تفضل تساعد وتساعد وتساعد لمجرد انك تشوف الفرحه
دى على وشوشهم , جرب , ساعد طيب شوف الحديث ده
قال رسول الله صلى الله عليه وسلم " ان لله عبادا اختصهم لقضاء حوائج
الناس وحببهم فى الخير وحبب الخير اليهم "
صدق رسول الله صلى الله عليه وسلم
مش نفسك تكون من العباد دول , جرب مش هتخسر , بالعكس والله انت
الكسبان , الفكره اننا كنا بنلم تبرعات بينا وبين بعض , لقينا اننا فعلا كل
يوم بنصرف فلوسنا ف حاجات كتير مالهاش لازمه ,فى حين ان فى ناس
كتير محتاجين اقل مساعده , ناس معندهمش الاساسيات اللى
المفروض تكون موجوده عند كل انسان عشان يعيش حياه كريمه , قلنا ان
الواحد فينا مش هيخسر حاجه لما يوفر 30 قرش كل يوم ممكن تكون
شايف المبلغ تافه , بس 30 قرش على 30 قرش لغايه أخر الشهر يبقوا 10
جنيه , ف البدايه كان الموضوع بينا وبين اصحابنا بس , بعد كده الموضوع
كبر على مستوى الدفعه , بعد كده على مستوى باقى الدفعات ,الحمد
لله كنا بنجمع مبـالغ كبيره :) , عملنـا كذا خطوه والحمد لله كلهم تموا بنجـاح
* معرض ملابس
* قـافله تموينيه ل 60 أسره فقيره
* يوم يتيم
* قافله خيريه بالتعاون مع جمعيه رسـاله كانت بتحتوع على :
تركيب 2 سقف
تركيب 2 وصله ميه
3 بوتجـاز و 3 غسـاله
إعمـار مسجد
معرض ملابس
شنط تموينيه
قافله طبيــه
شـاركونـا , محتـاجين دعمكم :)
شاركونـا ولو بدعوه ان ربنـا يوفقنـا :)
لو مش هتقدر تشـاركنـا ف أسيوط , أنشر الفكره لكل اللى تعرفهم :)
