Mashroa Ensan مشروع إنسان

07/03/2026

🌙مع مرور شمس نص رمضان
قدرنا نعمل دفعة جديدة من شنط رمضان لاهالينا اللكثر استحقاقا
1️⃣وزعنا ٢٥٠ شنطة
٢٠٠ شنطه لاهالينا ف الحجر
٥٠ شنطة لاهالينا ف كفر الدوار
محتوياتها فرخه ٢ ك وكيلو لحمه
وكارت فتح الله ب٥٠٠ج
وبنجهز حاليا للدفعة التالته والاخيرة
واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7
انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

23/02/2026

حالة جديدة من حملة انقاذ اهالينا المقيمين ف الشارع
الاسم زينب ع .ح
السن /27
الحاله الاجتماعيه/مطلقه منذ 3 سنوات
كانت عايشه ف بيت عيله العامريه ومن بعد الطلاق سابت المنزل
اهل الزوجه من المنيا قعدت عندهم فترة كبيرة
وحصل مشاكل بسبب أنهم ع قدهم والمصاريف زادت
نزلت ع الوديان قعدت بمناديل
واخدت شقه ب 650
وسابتها شهر ونصف ومقيمه ف الشارع
بسبب عدم القدرة على دفع الايجار
الزوج/كان يعمل في بيع الاحذيه المستعمله في المنشيه
ولكن بعد الطلاق الزوجه لاتعرف عنه شى
الاولاد 2
ياسين 11سنه
عمر 10سنوات
الاولاد لا يدرسون بسبب قلة ذات اليد
الحمد لله زينب بكره حتستلم شقتها وتمضي عقد ايجارها هيا واولادها وحيقضوا بداية من رمضان ايامهم مقفول عليهم باب بيت
وكمان بنحاول ندبرلهم دلوقتي مع اهل الخير عفش وسرير ومرتبه واجهزه عشان يقدروا يعيشوا مستورين
الموضوع يبان صعب لكنه سهل .. نقدر نزود عداد المقيمين ف البيوت عيله ونقلل من عداد المقيمين ف الشارع عيلة .. ساعدونا ف ده
قدامكم كذا طريقه
اما بالابلاغ لينا ع رسايل او واتس اب الجمعية عن حالات رصدتهم مقيمين ف الشارع
او بانكم تكونوا جزء من فريقنا الميداني
او بالتبرع المادي او العيني
كل واحد يقدر يساعد بنا يملك والدال ع الخير كفاعله
بنشكر جمعية جمعية إنقاذ حياة طفل المساعده ف تولي بحث الحالة واستصدار الأوراق الرسمية المطلوبة .. وكل اهل الخير اللي ساعدوا ومازاولوا بيساعدوا .. تعبكم دايما مقدر
حلمنا كبير بس واثقين ف ربنا انه حيتنفذ قريب .. واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7

23/02/2026

ف رمضان ابواب الخير مفتوحه
النهارده حنتكلم عن بابين من اهم ابواب الخير اللي بنحاول نفتحها
وصلنا تبرعات خلال اول يومين بس من الادويه توازي ٣ الالاف جنيه حطيناها ف ميزانية بنك الدواء وقدرنا نعمل بيها روشتتين لاهالينا الاكثر احتياجا ولسه مستمرين ف تحميع الادوية

تم توزيع ٤٠ وجبة سحور النهارده من مطعم 3ettr_a واهالينا المقيمين ف الشارع كانوا ف منتهي الفرحه بيهم وان شاء الله المرة الجاية تعدي وهما ف بيوتهم

حلمنا كبير بس واثقين ف ربنا انه حيتنفذ قريب .. واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7

19/02/2026

مع غروب شمس اول يوم رمضان
كرم ربنا وخيره كان كبير الحمد لله
وحبينا نشاركم انجازات اول يوم رمضاني
احنا بفضل الله
1️⃣وزعنا ١٠٠ شنطة و ١٠٠ كيلو لحمة
في مناطق كفر الدوار ، ابيس ٨ ، ابيس الرابعة ، العوايد ، العامرية
2️⃣ وزعنا ١٥٠ شنطه
محتوياتها فرخه وكيلو لحمه
وكارت فتح الله ب٥٠٠ج
منطقه الاربع عزب
الزوايده
الخضره
كرموز
3️⃣ وزعنا ١٢ شنطه رمضان و ك لحمه ل ١٢ من اهالينا اللي متمفلين بيهم ف مشروع مقيمن الشوارع بعد انتقالهم لبيوتهم وقضائهم لاول رمضان تحت بيت مقفول عليهم وسقف ❤️
وكمان وصلنالهم غسالة متبرع تبرع بيها وقبل رمضان كان فيه متبرع تبرع بكل محتويات شقته اللي قدرنا نوزعها ع ٣ بيوت منهم ❤️🙏
4️⃣ توزيع عدد٢٠ وجبة سحور ع اهالينا من المقيمن ف الشوارع مؤقتا لحين إلحاقهم باهالينا الاخرين وتحقيق حلمنا ان مع رمضان ٢٠٢٦ مش حيكون فيه حد عايز يغير ويتساعد ومقيم ف الشارع ويفضل مقيم فيه

واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7
انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

16/02/2026

رمضان خلاص ع الابواب .. وجاب ابواب الخير الواسعه معاه 🌙
زي ما اتفقنا معاكم ان شعارنا ف كل شيء حيكون لحياة اكثر احسانا
قررنا مكونات شنطه رمضان السنة دي حتكون مليانه بالبروتين اللي يكفي اهالينا لاكبر وقت ممكن ومتنوعه عشان يشوفوا من الوان واصناف الخير زينا كلنا
مكونات الشنطه حتكون
ك لحمة - فرخة 2 ك - 1.5 ك سمك - كارت مشتريات فتح الله ب 500 جنيه
بفضل الله التبرعات وصلت وجبنا 3 عجول ووفرنا ربع كميه السمك وربع كميه الفراخ و ربع الكروت بتاعه فتح الله
ولسه مستمرين عشان نقدر نسد احتياجات 700 اسرة ونخلي رمضان شهر مبارك ليهم ولينا
اللي حابب يساهم سواء بالتطوع ف التوزيع او بالتبرع ويكون جزء من قطر الخير اللي بيغادر اولي محطاته يتواصل معانا
واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7
انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

11/02/2026

مبادرة انقاذ المقمين ف الشارع من مشروعنا .. مشروع انسان🙏❤️
تقدروا تساعدونا بكذا شكل .. اما انكم تدلونا عن اماكنهم .. او تكونوا جزء من فرق الانقاذ بتاعتنا .. او تتبرعوا عشان نقدر ننقذ ناس اكتر ونوفرلهم احتياجاتهم الاساسيه اكثر .. او اضعف الايمان .. الشير وتتكلموا عننا وتدعمونا 🙏❤️

النهارده حنتكلم معاكم عن واحده من اهم مبادرات مشروع انسان وخططنا اللي بدانا بالفعل الشغل عليها

أولاً: مقدمة
مع التحديات الاجتماعية والاقتصادية، بتبرز ظاهرة المقيمين في الشارع كواحدة من القضايا الإنسانية اللي محتاجه تدخلاً منظماً وتعاوناً فعالاً بين مؤسسات المجتمع المدني والجمعيات الخيرية.

ثانياً: تصنيف الفئات المستهدفة
من خلال الخبرة الميدانية، نقدر نصنف المقيمين في الشارع إلى الفئات التالية:
1. مرضى نفسيون بحاجة إلى رعاية صحية متخصصة.
2. أفراد بلا مأوى نتيجة ظروف اقتصادية أو اجتماعية قهرية.
3. أطفال الشوارع، وهم الفئة الأكثر عرضة للخطر.
4. أفراد يستغلون التواجد في الشارع بغرض التسول كمصدر دخل.

ثالثاً: المشكلة الأساسية
تواجه الجمعيات الخيرية صعوبة في مساعدة عدد كبير من هذه الفئات بسبب عدم امتلاكهم للأوراق الثبوتية الأساسية زي:
- شهادة الميلاد
- بطاقة الرقم القومي
وهو ما يمنع توفير سكن، رعاية، أو إدماج فعلي لهم في برامج الدعم.

رابعاً: الحل المقترح (المبادرة)
إطلاق حملة ميدانية منظمة تهدف إلى:
- حصر الأشخاص المقيمين في الشارع وتصنيفهم.
- استخراج الأوراق الثبوتية اللازمة بالتنسيق مع الجهات المختصة.
- ربط الحالات المستوفية بالشروط مع الجمعيات الخيرية لتوفير:
• أماكن إقامة آمنة
• رعاية صحية ونفسية
• برامج تأهيل وإعادة دمج

خامساً: آلية التنفيذ
1. التنسيق مع الجمعيات الشريكة.
2. تشكيل فرق ميدانية للنزول إلى أماكن تجمع المقيمين في الشارع.
3. جمع البيانات الأولية لكل حالة.
4. البدء في إجراءات استخراج الأوراق الرسمية.
5. تسليم الحالات للجمعيات المختصة حسب نوع كل حالة.

سادساً: الأثر المتوقع
- إنقاذ عدد كبير من المقيمين في الشارع من ظروف إنسانية قاسية.
- تمكين الجمعيات الخيرية من أداء دورها بشكل أكثر فاعلية.
- تقليل ظاهرة التشرد، خاصة بين الأطفال.
- إعادة دمج المستفيدين في المجتمع بصورة كريمة ومستدامة.

سابعاً: الخاتمة
المبادرة تمثل خطوة عملية وقابلة للتنفيذ، وتعتمد على التعاون المشترك بين العمل الميداني والتنظيم المؤسسي، بما يحقق أثراً إنسانياً حقيقياً ومستداماً.

ثامنا قصص النجاح
عايزين نقولكم اننا الحمد لله بدانا بالفعل

١-عم رزق كان بينام علي محطه ترام فلمنج وتواصلنا مع جمعيه مرسال واخدته لدار مسنين مقيم هنام بالفعل
٢- عم محمود وزوجته تم نقلهم من الشارع وتسكينهم عند كوبري الناموس
٣- محمد حبيب مريض بالقلب تم نقله من الشارع وتسكينه ف العامرية
٤-عم عماد سرطان ف العمود الفقري تم نقله من الشارع وتسكينه ف العامرية
٥- ام سجده سيده وبناتها تم نقلهم من امام الميري وتسكينهم ف العامرية
٦ عم عباس سرطان ف المخ تم نقله من محرم بيه وتسكينه ف العامريه
٧- سيده و٤ أطفال منهم طفل عنده انسداد ف الشراين وتم تسكينهم ف العامرية

الخطوة القادمة
١-سلوي بتنام عند الميري حيتم تسكينها ف شقه ف العامريه
٢-عم ابراهيم وزوجته و ٤ اطفال وابنه متزوجها لديها طفلين اسره مكونه من ٩ افراد حيتم تسكينهم ف شقه ف العامرية

شكرا لكل اهل الخير اللي ساعدونا اننا نقدر ننقذ الناس اللي فوق ده
احنا وصلناهم بس لاول الطريق .. طريق ان باب مقفول عليهم بدل ما هما كانوا ف الشارع وحمام نضيف يقدروا يستخدموه بدل ما كانوا بيضطروا يقضوا حاجتهم ف الشارع

لسه الطريق طويل وحلمنا كبير
ميبقاش فيه ولا شخص مقيم ف الشارع وهو عنده رغبة حقيقيه انه يغير وضعه

واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7

انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

11/02/2026

النهارده حنتكلم معاكم عن واحده من اهم مبادرات مشروع انسان وخططنا اللي بدانا بالفعل الشغل عليها

أولاً: مقدمة
مع التحديات الاجتماعية والاقتصادية، بتبرز ظاهرة المقيمين في الشارع كواحدة من القضايا الإنسانية اللي محتاجه تدخلاً منظماً وتعاوناً فعالاً بين مؤسسات المجتمع المدني والجمعيات الخيرية.

ثانياً: تصنيف الفئات المستهدفة
من خلال الخبرة الميدانية، نقدر نصنف المقيمين في الشارع إلى الفئات التالية:
1. مرضى نفسيون بحاجة إلى رعاية صحية متخصصة.
2. أفراد بلا مأوى نتيجة ظروف اقتصادية أو اجتماعية قهرية.
3. أطفال الشوارع، وهم الفئة الأكثر عرضة للخطر.
4. أفراد يستغلون التواجد في الشارع بغرض التسول كمصدر دخل.

ثالثاً: المشكلة الأساسية
تواجه الجمعيات الخيرية صعوبة في مساعدة عدد كبير من هذه الفئات بسبب عدم امتلاكهم للأوراق الثبوتية الأساسية زي:
- شهادة الميلاد
- بطاقة الرقم القومي
وهو ما يمنع توفير سكن، رعاية، أو إدماج فعلي لهم في برامج الدعم.

رابعاً: الحل المقترح (المبادرة)
إطلاق حملة ميدانية منظمة تهدف إلى:
- حصر الأشخاص المقيمين في الشارع وتصنيفهم.
- استخراج الأوراق الثبوتية اللازمة بالتنسيق مع الجهات المختصة.
- ربط الحالات المستوفية بالشروط مع الجمعيات الخيرية لتوفير:
• أماكن إقامة آمنة
• رعاية صحية ونفسية
• برامج تأهيل وإعادة دمج

خامساً: آلية التنفيذ
1. التنسيق مع الجمعيات الشريكة.
2. تشكيل فرق ميدانية للنزول إلى أماكن تجمع المقيمين في الشارع.
3. جمع البيانات الأولية لكل حالة.
4. البدء في إجراءات استخراج الأوراق الرسمية.
5. تسليم الحالات للجمعيات المختصة حسب نوع كل حالة.

سادساً: الأثر المتوقع
- إنقاذ عدد كبير من المقيمين في الشارع من ظروف إنسانية قاسية.
- تمكين الجمعيات الخيرية من أداء دورها بشكل أكثر فاعلية.
- تقليل ظاهرة التشرد، خاصة بين الأطفال.
- إعادة دمج المستفيدين في المجتمع بصورة كريمة ومستدامة.

سابعاً: الخاتمة
المبادرة تمثل خطوة عملية وقابلة للتنفيذ، وتعتمد على التعاون المشترك بين العمل الميداني والتنظيم المؤسسي، بما يحقق أثراً إنسانياً حقيقياً ومستداماً.

ثامنا قصص النجاح
عايزين نقولكم اننا الحمد لله بدانا بالفعل

١-عم رزق كان بينام علي محطه ترام فلمنج وتواصلنا مع جمعيه مرسال واخدته لدار مسنين مقيم هنام بالفعل
٢- عم محمود وزوجته تم نقلهم من الشارع وتسكينهم عند كوبري الناموس
٣- محمد حبيب مريض بالقلب تم نقله من الشارع وتسكينه ف العامرية
٤-عم عماد سرطان ف العمود الفقري تم نقله من الشارع وتسكينه ف العامرية
٥- ام سجده سيده وبناتها تم نقلهم من امام الميري وتسكينهم ف العامرية
٦ عم عباس سرطان ف المخ تم نقله من محرم بيه وتسكينه ف العامريه
٧- سيده و٤ أطفال منهم طفل عنده انسداد ف الشراين وتم تسكينهم ف العامرية

الخطوة القادمة
١-سلوي بتنام عند الميري حيتم تسكينها ف شقه ف العامريه
٢-عم ابراهيم وزوجته و ٤ اطفال وابنه متزوجها لديها طفلين اسره مكونه من ٩ افراد حيتم تسكينهم ف شقه ف العامرية

شكرا لكل اهل الخير اللي ساعدونا اننا نقدر ننقذ الناس اللي فوق ده
احنا وصلناهم بس لاول الطريق .. طريق ان باب مقفول عليهم بدل ما هما كانوا ف الشارع وحمام نضيف يقدروا يستخدموه بدل ما كانوا بيضطروا يقضوا حاجتهم ف الشارع

لسه الطريق طويل وحلمنا كبير
ميبقاش فيه ولا شخص مقيم ف الشارع وهو عنده رغبة حقيقيه انه يغير وضعه

واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7

انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

09/02/2026

وبما اننا خلاص بنعد العد التنازلي لرمضان .. ويسعدنا ويشرفنا ف مشروع انسان ان رمضان السنة دي يكون بداية انطلاقة الجمعية وانشطتها ف حابين نعلن ليكم خطتنا ف رمضان

اولا نشاط الاطعام
يوميا حنعمل وجبات افطار صائم حتتوزع ع اهالينا الاكثر استحقاقا ف المناطق المختلفه والمنيو الرمضاني حيتغير يوميا عشان يحسوا زينا ب فرحه اختلاف وتنوع الاكل وفرحته ف رمضان

ثانيا نشاط شنط رمضان
زي ما اتفقنا ان شغلنا الخيري حيكون مختلف ف احنا قررنا اننا مش حنعمل شنط رمضان ونوزعها .. لكن حناخد كوبونات من الهايبرات الكبيره والمنتشره ونوزعها ع الاهالي المستحقه عشان نكون ضربنا كذا عصفور بحجر واحد

اولا ادينا الاهالي الحرية الكامله ف اختيار العناصر الغذائية اللي محتاجينها بدل ما احنا بنقع كل سنه ف حيرة ممكن الاهالي يكون ايه اولي بالنسبه ليهم من ايه ودايما مش بنعرف نرضي كل الناس

ثانيا اديناهم عزة النفس ف انهم اسياد قرارهم ف الاختيار وبيدخلوا زيهم زي الناس ياخدوا اللي عايزينه بدل ما يكون الشنط بتروحلهم ف شكل مساعدات ومكتوب عليها شنط رمضان ف بتكون الفرحه منقوصه

ثالثا وفرنا الوقت والجهد الكبير اللي بيتعمل ف تكييس وتجهيز الشنط دي ونوفر الوقت والمجهود ده لباقي انشطتنا الخيرية

طبعا النشاطين دول حيكونوا مستمرين جنبا لجنب مع انشطتنا الاساسيه اللي اعلنا عنها مسبقا وحنفكركم تاني بيها
1-دعم المقيمين ف الشارع
2- بنك الدواء
3- بنك الطعام
4- نشاط العلامات التجارية

واخيرا ده لينك المتطوعين اللي حابين ينضموا لينا تقدروا دلوقتي تملوه وتكونوا جزء من مشروعنا .. مشروع انسان ❤
https://forms.gle/PdXaKQHg8PBtCftw7

انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت
دعكمم لينا مهم ف استمرارنا .. ساعدونا نعمل تغيير حقيقي ف مشروع انسان ❤

06/02/2026

النهارده حنتكلم معاكم عن اتنين من اكتر الانشطه المتحمسين ليها ف الجمعية
ثالثا نشاط المطبخ الخيري
و زي ما اتفقنا اننا حنكون دايما بنعمل النشاط الخيري بفكر وشكل مختلف .. قررنا اننا نعمل حمله منظمه علي مستوي فنادق ومطاعم وكافيهات اسكندريه عشان ناخد منهم الاكل المهدر اللي بحالته وبيترمي للاسف ونعمل منه وجبات لغير المقتدرين سواء من مستفيدي النشاط الاول الخاص بالمقيمين ف الشارع او الحالات الاكثر استحقاقا مع وجود مطبخ الجمعيه اللي حيكون مسئول عن اعداد الاكل ده بشكل لائق بيهم وكمان اعداد الوجبات الساخنه وتوصيلها ساخنه ومغلفه للمستحقين .. وحنستغل مطبخ الجمعيه كمان لاعداد الوجبات لباقي الجمعيات الخيريه وطلاب خدمات الاطعام الخيريه بحيث نحقق التكامل والاستدامه

رابعا نشاط العلامات التجارية
وهو حيكون فكر متطور مشتق من الاسر المنتجه لكن بشكل اكثر عمليه وحداثه
1- مصنع ملابس
حيكون للجمعيه مشغل هدوم خاص بيها تطلع منه انتاج يكفي لتحقيق الاكتفاء الذاتي لحالتها المستحقه من الهدوم والملابس وتوريدها لباقي الجمعيات الخيريه ومستحقي النوع ده من الدعم سواء من مستفيدي الجمعية او من خارجها وف نفس الوقت حيكون عمال النشاط ده من الحالات المتعففه اللي حنوجد ليهم مصادر دخل ثابته مع تقديم التعليم المهني المطلوب الخاص بيهم لفتح باب رزق جديد ليهم
2- نشاط نظافه البيوت
حنحل الازمه اللي بتواجه كتير من ربات البيوت اللي بيبقوا عايزين حد يساعدهم سواء ف العزومات او النظافات الشهريه والاسبوعيه وف الاعياد والمناسبات عن طريق اعداد فريق مجهز واحترافي بعد تقديم التعليم المهني المطلوب يقدروا يروحوا البيوت ويساعدوا رباتها وبكده نكون حققنا استفاده لمنتفعي الخدمه دي من ربات البيوت انهم حيلاقوا حد يعتمد عليه وموثوق فيه وف نفس الوقت توفير مصادر رزق لمنتفعي النشاط ده من رواد الجمعيه المستحقين اللي حيكونوا ف الفريق ده
3- نشاط تعليم الحرف والمهن
حيكون فيه ورق مهنيه لتعليم الحرف اليدويه والصنعات المختلفه مع تقديم قروض حسنه او مساعدات مالية ليهم لبدء نشاطهم التجاري وتحويلهم من مستحقي للدعم لمتبرعين باذن الله بعد كده عن طربق توفير مصدر دخل ثابت مش مجرد دعم مادي لحظي لا يكفي الا لسد الحاجات الاساسية ولا يخرجهم من دائره العوز

حابين نعرف ارائكم واستفسارتكم .. وحنفتح قريب باب التقديم للمتطوعين اللي حابين يكونوا من فريق عمل الجمعية سواء بشكل دائم او بشكل متقطع .. انشروا عننا واتكلموا .. ساعدونا نكبر ونوصل لاكبر عدد من الناس ف اسرع وقت

دعكم لينا مهم ف استمرارنا .. ساعدونا نعمل تغيير حقيقي بالنشر والكتابه عننا .. وتقدروا تنضموا لينا وتبقوا جزء من مشروعنا *مشروع انسان* ❤️

02/02/2026

احنا ف مشروع انسان اول ما قررنا نبدا مشروعنا كان عندنا نية اننا منكونش زي الوف الجمعيات الخيريه المنتشرين ف ربوع مصر لكن نكون مختلفين ومنكونش مجرد رقم لأ نكون لاعبين فاعلين ومؤثرين ف العمل الخيري بأذن الله

وعشان كده قررنا ف الجمعيه يكون ⬇️
🎯 الرؤية: إدارة العمل التطوعي بعقلية احترافية تضمن الاستدامة وليس مجرد سد الاحتياج اللحظي.
💡 المنهجية: دمج علوم الإدارة والتسويق لخدمة الفئات الأكثر احتياجاً، وخلق حلول مبتكرة للمشاكل المجتمعية المنسية

وكان اختيارنا من اول يوم اننا مش حنكون متوقفين ع جانب التبرعات والدعم زي باقي الجمعيات .. حيكون لينا مصادر التمويل الخاصه بينا عشان نحقق الاستدامه ويكون عامل التبرعات عامل مساعد وليس اساسي ف تنفيذ انشطتنا الخيريه .. بحيث ان التبرعات متكونش مبنيه ع الاستجداء والاستعطاف .. لكن ع الاقتناع ورؤية الأثر ف السعي يكون من المتبرع انه هو اللي يكون جزء من العمل الخيري وليس العكس
وبناء عليه قررنا ان انشطه الجمعيه لازم تكون متسقه مع رؤيتنا ومنهجيتنا ونختار انشطه زي ما بيتعرف ف السوق بال blue ocean
بمعني انها مش ناس كتير مهتمه بيها وبتشتغل فيها ونعمل بإحسان عشان نتميز فيها ولما يتذكر العمل الخيري ده يبقي مرتبط ارتباط وثيق باسمنا *مشروع انسان*

وقررنا اننا حنقسم انشطتنا علي مرحلتين
المرحله الاولي
النشاط الاول : المقيمين ف الشوارع
المقيمين ف الشوارع هو ملف شائك جدا ومفيش ناس كتير مهتمه بيه لدرجه انك ممكن تكون بتعدي ع الطبقة المهمشه دي يوميا وانتا حتي مش ملاحظ وجودهم بكل آسف
قررنا اننا نركز جدا ع الفئه دي وخاصه المقيمين بشكل فعلي مش اللي ممكن نسميهم "الزوار" من المتسولين اللي بياخدوا ده ك مهنه و shift
يخلصه وييجي تاني يوم يكمل
اهتمامنا بيكون اننا ننزل ع الارض من بعد الساعه 12 بالليل عشان نرصد الاشخاص دي ونقدر نقدم ليهم الدعم
وبفضل الله فيه حاليا اكثر من 6 حالات قدرنا نعمل تغيير حقيقي ف حياتهم واصبحوا دلوقتي عندهم سكن دائم وشهريه تصرف ليهم وروشته ادويه وعلاجات متكفلين بيها
ولسه املنا وطموحنا كبير اننا نخلي اسكندريه خاليه من الظاهرة الخطيره دي

النشاط التاني : بنك الدواء
بناء ع بحثنا كويس لقينا ان نادرا ما بتلاقي حد مهتم بالجانب المهم جدا ده ،، معظمنا لما بيجيله دور برد او بيتعب اي نوع من انواع التعب او المرض بيروح للمستشفي ويصرف روشته علاج كامله ومش بيكملها ومعظم الادويه دي بتتهمل او بتترمي ومبيتمش استغلالها باي شكل رغم ان فيه ع الناحيه التانيه الالاف من الحالات اللي الادويه دي بالنسبه ليهم هيا الحياه باللي فيها ومش قادرين ع تمنها
ف قررنا نكون بنك للدواء نجمع الدواء الزايد عن حاجه المقتدرين ونعطيه للحالات الاكثر استحقاقا
ومش بس كده نتعاقد مع الصيدليات عشان ياخدوا الادويه دي ويبدلوها معانا بروشتات الادويه والعلاجات الشهريه للحالات الاكثر استحقاقا اللي بنكون مسئولين عنها والحمد لله حاليا بنوفر بند كبير جدا من البند ده لتغطيه عشرات الروشتات الشهريه العلاجيه وبنقدر نحقق الكفاءة والفاعليه و تطبيق مفهوم التكافل الاجتماعي ف بند ياتي بعد الطعام والشراب بالنسبه لاحتياجتنا الاساسية

ده جانب من انشطتنا .. مش حابين نطول عليكم .. بس حابين تتابعونا عشان تتعرفوا ع باقي انشطتنا . متحمسين نعرف اسئلتكم واقتراحتكم وارائكم وحنشاركم بباقي انشطتنا ونبدا نبلغكم ازاي تقدروا تنضموا لينا وتساعدونا .. ومتنسوش دايما .. الدال ع الخير كفاعله ❤️

دعكم لينا مهم ف استمرارنا .. ساعدونا نعمل تغيير حقيقي بالنشر والكتابه عننا .. وتقدروا تنضموا لينا وتبقوا جزء من مشروعنا *مشروع انسان* ❤️