مؤسسة أصدقاء مرضى انيميا البحر المتوسط

10/05/2026

فى لقاء عائلى مليان حب وود وعطاء اجتمعنا مع اولادنا واهالبهم علشان نغوص داخلهم ونعرف مشاعرهم وماذا يخفون من احلام ليتعرف عليها من حولهم حتى يمكنهم تحقيقها فشكرا لهم جميعا
كل الشكر
د. اميرة عبدالعزيز طبيبتنا النفسبة
د. بشرى اسماعيل الداعم والمساند لنا داةما
ا. هناء عبد الهادى الداعم الاول من بداية الرحلة
وطبعا فريق المؤسسة
شكرى لاولادى واهاليهم

08/05/2026

النهاردة العالم كله بيحتفل بأبطالنا فى يومهم العالمى كل دقيقة وكل الابطال الصامدين وأهاليهم طيبين ،كل دقيقة وكل الداعمين والمناصرين لهم فى العالم اجمع بخير
واحنا كمان حبينا نحتفل معاهم ونقرب اكتر من طموحانهم واحلامهم
هم ابطال حقيقين ويستحقوا كل الدعم والحب لهم

03/05/2026

https://www.facebook.com/share/p/1HUV63TCcb/

No patient should be unseen.
No voice should go unheard.
No life should be undervalued.

Millions of people affected by deserve to be recognised, heard, and supported by health systems, policymakers, and society.

Access to , , and lifelong is not optional — it is essential.

This is the promise at the heart of 2026.

Visit the link in the comments below to learn more about the campaign and be part of the global movement. 👇

03/05/2026

شهر مايو بدأ وهو الشهر الذى نحتفل فيه باليوم العالمى للثلاسيميا تحديدا فى ٨ مايو انتظرونا

16/11/2025

فرصة ذهبية لأهالي الصعيد
عيادة "Care Clinic" تستضيف الدكتور عبده دياب، استشاري أمراض دم ومناعة الأطفال بجامعة الإسكندرية، في زيارة طبية من يوم الخميس ٤ ديسمبر حتى السبت ٦ ديسمبر.

👨‍⚕️ لو عندك طفل بيعاني من مشاكل في المناعة أو أمراض الدم زي الثلاسيميا أو الأنيميا أو نقص الصفائح، دي فرصة نادرة لمقابلة أحد أفضل المتخصصين في مصر، بدون الحاجة للسفر أو الانتظار الطويل.

💬 الدكتور عبده مش بس بيشخص، ده بيحتوي الطفل نفسيًا، وبيشرح للأهل خطوات العلاج بلغة بسيطة، وبيفتح باب الأمل لحياة أفضل.

التفاصيل فى الرابط
https://www.facebook.com/share/1CyzLBYSVs/

📢لأهالينا فى الصعيد بشرى ساره لمحافظة الأقصر لأول مره دكتور أمراض الدم بالصعيد
📌يومى الخميس الموافق 12/11والجمعة الموافق 12/12 والسبت الموافق 13/12

👈 خصم خاص لأصحاب الجمعيات

مع الدكتور /عبده دياب.
استاذ واستشاري امراض دم و مناعة الأطفال، جامعة الإسكندرية بمصر،و الكويت و سلطنة عمان.
▫️استاذ ف جامعه الاسكندريه من سنه ٢٠٠٩ لحد ٢٠٢٥
١٦ سنه خبره ف أمراض الدم ومناعه الأطفال ف مستشفيات جامعه الاسكندريه وسلطنه عمان والكويت.

👈كما يسعدنا تشخيص و علاج
✅الانيميا بانواعها
نقص الحديد ، انيميا الفول، الانيميا الوراثية( انيميا البحر المتوسط ، و الانيميا المنجلية و المدورة) ، الانيميا المناعية، و فشل النخاع..
✅علاج امراض الصفائح الدموية المناعية و الوراثية.
✅ امراض كرات الدم البيضاء و المناعة
✅ امراض سيولة الدم و الهيموفيليا
✅أمراض تجلط الدم الوراثية و المكتسبة
✅أمراض تضخم الطحال و المرارة،،،
✅تطعيمات (إزالة الطحال، زرع القوقعة و ما بعد العلاج الكيماوي و زراعة الاعضاء)
✅ أمراض المناعة و الوراثة

👈سارع بالحجز العدد محدود
📌العنوان الأقصر
شارع قتيبه بن مسلم امام ش التكوين المهني متفرع من شارع التليفزيون
للحجز والاستفسار الاتصال بنا
01023999288
01099777517.

15/10/2025

بداية جديدة بنبدأها سوا

يسعدنا نعلن عن انطلاق الكورس الجديد لإدارة الضغوط والأزمات النفسية المخصص لأبطال الثلاسيميا وأسرهم 💪💙

📅 البداية إن شاء الله يوم 24 أكتوبر
والمميز إن الكورس أونلاين ومفتوح لكل الناس من أي مكان 🌍
تقدروا تسجلوا معانا بسهولة من خلال اللينك ده:
🔗 https://docs.google.com/forms/d/1Y8RZiaFhMb-_rhQcldLODV3b27AFu-WvTPwLrAeu6u4/viewform
الكورس ده معمول مخصوص علشانكم…
علشان نساعدكم تفهموا نفسكم أكتر، تتعاملوا مع الضغوط بهدوء، وتكتسبوا أدوات نفسية حقيقية تفرق في حياتكم اليومية 🌱

مستنيينكم تبدأوا معانا الرحلة دي بخطوة أمل جديدة 🤍

#الثلاسيميا

01/09/2025

"حلم عمر".. قصة للأطفال تحمل في طياتها رسالة أمل وتوعية عن مرض الثلاسيميا.

من تأليف الكاتبة أسماء جاد، صدر مؤخرًا عن دار نشر الدكان.
القصة مكتوبة بروح دافئة ولغة بسيطة، علشان توصل للأطفال فكرة المرض، وتشجعهم على التقبل، الحب، والدعم.

لأن كل طفل من حقه يعيش حلمه مهما كانت التحديات ❤️

✉️ لطلب الكتيب من دار نشر الدكان، تقدروا تتواصلوا على: [email protected]

#الثلاسيميا #توعية

17/08/2025

زي النهاردة،
رحلت اللي كانت سندي،
اللي كانت بتحلم معايا، وتدعمني، وتصدق فيّ حتى وأنا لسه بتعلم الطريق.

رحلت، وسابت حلم كبير:
إن يكون فيه مركز متخصص للأطفال المصابين بالثلاسيميا في الإسكندرية.
حلمها كان واضح، وإنساني، وضروري.
وأنا وعدتها،
وما زلت بوفي بوعدي،
لكن الحقيقة؟
أنا آسفة.

آسفة إن بعد كل السنين دي،
لسه ما تحققش الحلم.
لسه ما اتبناش المركز،
لسه ما اتجمعتش الموارد،
لسه الطريق طويل،
وغصب عني، مش بإيدي كل حاجة.

لكن اللي بإيدي،
إني أشتغل،
وأكمل،
وأحاول،
وأحمل حلمها زي ما كانت بتحمله،
بإيمان، وبصبر، وبحب.

النهاردة مش بس ذكرى رحيلها،
النهاردة تذكير إن السند الحقيقي ما بيروحش،
وإن كل خطوة بعملها،
فيها منها،
وفيها ليها.

ربنا يرحمها،
ويجعل كل طفل بضحكته، وكل أم بدعوتها،
في ميزان حسناتها.

إلى روح صفاء... السند، والحلم، والامتداد.
💙

27/06/2025

شرفنا وبكل فخر أن نُعلن أن صورة فريقنا تم اختيارها كغلاف رسمي لتقرير اليوم العالمي للثلاسيميا 2025 الصادر عن الاتحاد الدولي للثلاسيميا (TIF).

من بين 67 دولة شاركت في فعاليات هذا اليوم، حملت مصر الرسالة… من الإسكندرية لأسوان، ومن قلب كل متطوع وكل مريض وكل أم، ارتفعت جهودنا لتُمثل هذه الحركة العالمية.

هذه لم تكن مجرد صورة…
كانت شهادة حية على سنوات من العطاء، والعمل، والحب الصادق لقضية تستحق أن تُسمع في كل مكان في العالم.

ولا ننسى أن هذا العام شهد لحظة لا تُنسى حين أُضيء معبد فيله باللون الأحمر، ليجتمع صوت التراث مع صوت الصحة… ويرتفع الوعي والكرامة لمرضى الثلاسيميا من قلب أحجار التاريخ.

🙏 شكرًا من القلب للاتحاد الدولي للثلاسيميا على هذا التكريم المُلهم.
💙 شكرًا لكل يد شاركت، ولكل قلب أحب، ولكل طفل وأم ومتطوع وشخص وقف ليصنع هذه اللحظة… أنتم الروح التي منحت للصورة حياة.

كلنا واحد. كلنا صوت. كلنا أمل.

#الثلاسيميا

14/06/2025

🩸 14 يونيو – اليوم العالمي للتبرع بالدم
اليوم اللي بنفتكر فيه إن في ناس حياتهم مرتبطة بخيط رفيع… اسمه "كيس دم".

عارف يعني إيه مريض ثلاسيميا؟
يعني طفل أو شاب بيحتاج نقل دم منتظم كل 3 أسابيع او حتى كل اسبوعين، علشان يقدر يعيش زينا…
يلعب، يتنفس، يحضر عيد ميلاده الجاي، يكمل حلمه.

في كل مرة بتتبرع فيها بالدم… إنت حرفيًا بتمد شخص بالحياة.
مش مجازًا… دي حقيقة.
🩸 كيس الدم اللي بياخده مريض ثلاسيميا، بيساعد جسمه يشتغل من تاني…
بيمنعه من الدخول في فقر دم حاد، أو مضاعفات ممكن تبقى قاتلة.

لكن المشكلة إن التبرع مش دايمًا متوفر.
وفي أطفال كل يوم مستنيين… بس مفيش كيس يوصلهم.

💬 لو عمرك سألت:
"أنا هفرق بإيه؟"
إجابتي: "أنت الفرق كله."

⏳ أقل من ساعة من وقتك، كفيلة تغيّر حياة إنسان تاني للأفضل.

روح لأقرب مركز و تبرع لمرضى الثلاسيميا… علشان يقدروا يفضلوا بعافية، ويعيشوا بدون خوف.
واكتب قصة حياة جديدة لحد مايعرفكش، بس هيعيش بدعوة ليك ❤️



#الثلاسيميا

06/06/2025

كل عام وأنتم بخير 🐮🐑
بمناسبة عيد الأضحى المبارك، نتمنى لكم أيامًا مليئة بالسكينة، وأرواحًا مطمئنة، وقلوبًا راضية.
عيدكم فرحة، وبيوتكم عامرة بالحب، وقلوبكم مزهرة بالأمل ✨

كل سنة وأنتم أقرب لما تتمنوه… وأقرب للّي بتحبوه.

#الثلاسيميا
#حياة