Parallel Society Organization P.S.O

المجتمع الموازي - Parallel Society Organization - PSO

1- ايه هو المجتمع الموازي؟ ومين احنا ؟

احنا مجموعة شباب فكروا يعملو مجتمع (صغير) وموازي للمجتمع اللي احنا عايشين فيه، وبيحاول يقدم خدمات له، تكون مميزة ومفيدة وقريبة من كل فرد في المجتمع ده (طفل إن كان ، او طالب او طالبة في مدرسة، او شاب\بنت في جامعه، او حد بيدور على شغل، او حد بيحاول ينمي من نفسه وقدراته العلمية عشان يتأقلم مع سوق العمل

، وغيره من مختلف طبقات المجتمع) .

2. طب يعني ايه مجتمع موازي ؟
احنا بنقولها على طول لنفسنا لما بنحاول نعرف الكلمة دي ب
"احنا مش مجتمع مثالي، ولكن بيحاول يقدم الخدمة في صورة راقية"

3. وايه الخدمات اللي بتقدمها المنظمة ؟
احنا بنطمح اننا نكون المكان الوحيد اللي يقدر اي حد يعتمد عليه في المجالات التالية :-
تنظيم حفلات - افنتات (يخت او سايكل) - باربكيو - مسابقات - طباعة مشاريع تخرج - توفير بينز باسعار رخيصة - تنظيم كورسات تؤهل لسوق العمل في كافة المجالات - بوك ديلفري "توفير كتب وتوصيلها لحد باب بيتك" وغيرها كتير
منقدرش نقول دلوقتي اننا بنقدم كل الخدمات دي واللي في طموحتنا واهدافنا، بس احنا ماشيــن في طريقنا بالتدريج، وحولينا ناس كتير بتساعدنا، ومحتاجين ناس اكتر تساعدنا وتنضم لينا عشان نقدر نحقق مع بعض كل الطموحات والخدمات دي.

4. هل عندنا مقر او مكان بيجمعنا ولا لا ؟
اه الحمدلله ووضعنا قانوني جدا ومستنينكم تشرفونا في اي وقت للاستعلام عن اي افنت او نشاط جديد او استقبال اي افكار في 74 ش مصطفى كامل - فلمنج بجوار محل ابو كمال، بجانب كلاسيك .

5. ازاي اقدر اشترك معاكم واكون واحد من افرادكم ؟
كل اللي انت محتاجه انك تكون مؤمن بنفس الاهداف بتاعتنا، وتستنى "الكولينج" لما يتفتح وتقدم وان شاء الله تكون اضافة للمنظمة، والمنظمة بدورها تكون اضافة في حياتك كبيرة .