Salam سلام

17/07/2026

مبادرة سلام في مؤتمر دولي🧠🎙🔬

البحث اللي عملناه في سلام عن العنف الطبي تجاه الأطفال ذوي الاختلافات العصبية استخدمت نتايجه د. نور سيف... الطالبة في كلية الطب جامعة اسكندرية الأهلية في الورشة اللي قدمتها عن التوحد عند البنات والسيدات في مؤتمر اسكندرية الدولي للطب النفسي

بالنسبالنا دي مش مجرد ورشة... دي فرصة جمعت متخصصين كبار من مؤسسات مختلفة غيرت نظرة كتير منهم للتوحد وخصوصا ازاي بيظهر على البنات

فخورين ان البحث بتاعنا قدر يساهم ولو بقدر بسيط في الأثر ده وممتنين لد. نور على تعاونها وذكرها للمبادرة ❤️

20/06/2026

بين المرض النفسي ووصمة فقدان الأهلية!

كلنا تابعنا أزمة شهادة د. أمنية سويدان وتفاصيل القبض عليها ثم الإفراج عنها الأيام اللي فاتت، القضية تقيلة والشهادات مؤلمة وصادمة، لكن اللي صادم كمان هو استغلال "مرضها النفسي" في الصحافة كأداة تشهير ووصم وكإن اللي "بيتعاطى" دوا نفسي هو فاقد الأهلية!

البيان الصادر عن الإفراج عن د. أمنية في صحف كتير استخدم جمل "تعانى من حالة نفسية" و"تتعاطى أدوية نفسية" و"تحت تأثير حالة عاطفية" كوسيلة للتشكيك في شهادتها، وده خطاب جاهل وواصم بنحاول نصلحه في بين أفراد المجتمع، بس هنقنع الفرد ازاي لو كانت الصحافة نفسها بتستخدمه؟!

في فرق ضخم بين الاضطرابات النفسية زي الاكتئاب والقلق والصدمات وبين الاضطرابات العقلية زي الذهان والفصام... مريض الاكتئاب او القلق او كرب ما بعد الصدمة او اضطرابات الشخصية هو شخص كامل الأهلية، غير منفصل عن الواقع، مركز ويقدر ياخد قرارات ويشهد في المحكمة ويشتغل، واحتياجه (مش هنقول "تعاطيه") لأدوية نفسية هو بالظبط زي احتياج مريض الضغط والسكر لأدوية يومية.. هل يعقل نرفض شهادة شخص عشان هو عنده سكري بيخليه "عصبي" و"بيتعاطى" انسولين؟!

أيًا كان اللي بتعاني منه أمنية سويدان هو مسألة تخصها هي لوحدها، والصحافة المسئولة المفروض تترفع عن استخدام مرض الضحية أو الشاهد ضده!

ً

16/05/2026

من بداية المبادرة واحنا بنتكلم عن الاختلاف العصبي nuerodiversity... دلوقتي تقدر تعرف حكاية المصطلح ده جه منين في بودكاست مختلف

16/05/2026

16/04/2026