ست بيت طموحه

25/10/2021

بعد فعاليات كتير مميزة قدمناها سوا تعالوا نتعرف أكتر على "حنان مبروك" مدربة التمكين الذاتى
هتكون معانا على مدار 20ساعة و 4 أيام فى ورشتنا نسخة جديدة - رحلتك الى التغيير 💪

"حنان" مدربة معتمدة فى الكوتشنج من المدرسة العربية للكوتشنج
وخريجة معهد التمكين الذاتى نيويورك
مؤسس مبادرة ربة منزل وافتخر، مبادرة كونى ذاتك بالتعاون مع شبكة اعلام المراة العربية

لها العديد من اللقاءات التليفزيونية و الكتابات بالصحف الالكترونية و المطبوعة فيما يخص تمكين المرأة

طب هنستفيد إيه من الورشة .. كتير كتييير
انتى عايزة تكونى ازاى السنة الجاية ؟؟

ايه الحاجة اللى ممكن تحقيقها وتكون سبب لسعادتك 😊

جامعة خلاص ؟؟ طب ياترى لو الحلم دة اتحقق شايفة نفسك إزاى بتتصرفى وتتكلمى وشكلك هايكون ازاى ؟؟؟

احساسك عامل ازاى ؟؟؟؟ ياترى فخورة راضية ..

أيا ماكانت الصورة اللى اتخيلتيها ممكن تفضل صورة فى الخيال مجرد حلم ..

فى "نسخة جديدة" هنساعدك تحويلها لواقع ملموس تشوفيها حقيقة وتعيشها من خلال خطوات هتتعلميها .. بمنهجية محددة تم تطبيقها على مدار ٣٠ سنة واثبتت فاعليتها ..

المطلوب منك دلوقتى تاخدى القرار ؟؟؟
نسخة جديدة - رحلتك الى التغيير
ياترى عايزة أحول حلمى لواقع ولا افضل فى الخيال .. و أكمل زى ما أنا بشتكى 🙄

المكان جليم الاسكندرية ، متاح أون لاين


#مساندة

04/06/2021

تخيل معى 🙈🙈
ماذا نفعل تجاة انفسنا ..
رسائل الرفض التى نوجهها لها ولأجسادنا وحتى شخصيتنا ...🥶🥶🥶
تخيل كدة صديق لك كل يوم وفى كل لحظة توجة لية انتقادات وتانيب وجلد .. 🙄
تخيل رد فعلة مع مرور الوقت هايكون اية...اذا كان مضطر انة يفضل معاك ولايتخلى عنك .. 🤯

هذا رد الفعل ماتفعلة انت مع نفسك تصبح طاقة رافضة لذاتك .😨😱
يذهب بريق الحياة فى نفسك . تنطفأ روحك .😭😭
لذلك عليك ان تتعلم لغة جديدة وطريقة مختلفة تتحدث بها الى نفسك . 😊😊
نفسك هى الاقرب لك ولن تفارقك الاعلى فراش الموت..
اذا اردت ان تعيش الحياة كما ترغب عليك اعادة برمجة عقلك ..
👇👇👇👇👇👇

✍عقلك هو بمثابة مصباح علاء الدين الذي يحقق لك كل أمنياتك ...بحقق لك السعادة والرضا .

✍عقلك انت من تعطية الاوامر للتنفيذ ....اذن هو يحقق لك كل معتقداتك.
✍ياترى المعتقدات اللى جوة عقلك شكلها اية...؟
_____€€
👈👈والى عايز يعرف المعتقد بيتكون ازاى .
✍هو فكرة عدت على عقلك صدقتها😉😉 دعمتها بالشعور
ياحلاوة 🤣🤣🤣بصوت مظهر ابوالنجا 🙂🙂
علشان كدة خليك واعى ومنتبهة لافكارك وتقيسها وتختبرها قبل ماتصدقها ...وتعمل فى نفسك اللى بيجرالك ..
خلى افكارك ايجابية حسن الظن والامل دة لمصلحتك .

بيقولك من جاور السعيد يسعد يعنى انت اللى بتجذب ليك كل حاجة .
خليك واعي قبل أن تعاني في حياتك وانت مش عارف السبب وتبدا تتدور على مين السبب ؟؟؟
وانا هاقولك على جزء من السر علشان تحقق اللى بتتمناة🤣

👇👇👇👇👇👇
✍اي حاجة معطلك عن أمر معين بتتمني تحقيقه فى حياتك بيكون وراة معتقد معرقل ؟؟
وزى ماقولنا معتقد يعني فكرة👀 بتنط في دماغك الاول 👦وبعد كده يتبعها سلوك 🦵🦵 بناءا علي الفكرة وانت وحظك
بقى ؟؟؟
وبيتكرر وبيتكرر وبيتكون عندك مشاعر سلبية ومعتقدات معرقلة وتقف تصرح وتقول حياتى واقفة لية؟؟؟
انا لية مش عارف اعيش الحياة اللى انا عايزها او احقق اللى انا عايزة ؟؟؟
عرفت مين السبب ؟؟؟
لو فرق معاك شير علشان غيرك يستفيد .

31/03/2021

العلاقات وسنينها

العلاقات وسنينها 😳😳

الناس في حياتنا مراحل .. كل واحد له دور في حياة الثاني ..جاى برسلة وتجربة خاصة بيك انت ... لما بتخلص الرسايل المتبادلة بتنتهي المرحلة.. بتموت( شى مجازى ) .. بيفضلوا عايشين وحتى لو بنشوفهم كل يوم بس خلاص مكانهم اتغير ...رسالتهم خلصت .
مش مهم ازاى المهم ان دورهم لازم يخلص ...لانهم جاين ليك علشان تاخد درس معين .. وتبعد عنك تماما لما تاخد درسك..😉😉
وفيه درس تاني ممكن تكون لسة متعلمتوش بيفضل يخبط على الباب ويتكرر فى شكل ناس تانية داخلة خارجة وطول مأنت مش بتفتح وتاخد درسك حتفضل تجربتك تتكرر تتكرر تتكرر وتفضل تقول انا لية بيحصلى كدة .. انا كدة حظى كدة ( بصوت نجيب الريحانى ).🤣
لحد النور مايملا قلبك وعقلك وتقرر تتعلم .
وتفتح الباب👀 وتاخد درسك وتتعلمه وتحتفظ بيه .. عشان تقدر تدخل المرحلة اللي بعدها..وبرضة تتعلم بس بشكل جديد وتجربة مختلفة وناس تانية خالص ...اة والله

✍الخلاصة ماتتعلقوش بالناس وماتنبهروش لكن عيشوا الناس بدروسها .. وماتزعلوش على حد يخرج من حياتكم لان وجوده اكتر من كده كان حيبقى ضرر ليكم انتم الاتنين..🤫

✍سامحوهم ..وسامحوا انفسكم معهم ...لانها تستحق هذا .
✍ونصيحة اخيرة بلاش الانبهار والتوقعات ...لانهم فى الاخر بشر ربنا سخرهم ليك فى طريقك هم كمان لاحول ليهم ولاقوة.
✍والعلاقات اللى بيكون من جواها خوف الفقد او طاقة غير طاقة الحب الحقيقة النابعة من الروح قبل العقل ..لازم ولابد ان يحدث تنافر وفقا لترددات الكون .

✍الذكرى للتعلم والسماح للتحرر
✍كونوا من لهم روحا وقلبا مخلصا لله رب العباد .

يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا
وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ
خَبِيرٌ (13)

😉💛

03/03/2021

انواع الاحكام 💙

احكام بتكون ذى البذور فى الارض الخصبه لو دعمتها هاتكبر وتنمو وتثمر .
وفيه احكام بتدمر .
بس مع شوية تأنى ورصد للفكرة والمشاعر والاهم الاحتياج اللى كان وراهم ...هاتعرف انك لبيت احتياج على حساب احتياج تانى انت كنت محتاجة فى وقت الحكم .
هنا هاتحمد ربنا لانك قدرت تعرف وتقدر تلبى الاحتياح ويتحول الحكم المدمر الى خكم بناء .
الحمد لله على نعمة الوعى .

#بصيرة ...لحظة انتباة .

#التمكين

28/02/2021

#التمكين

لم اكن افهم تلك الكلمة بشكل كامل ..كان يرددها لسانى واحيانا ينير لها قلبى.❤
لما كنت استشعرة من قوة تلك الكلمة وقد يكون لما كانت تسببة تلك الكلمة من شعور بالرضا والسعادة( الايجو )🙃.
ولكن سرعان مايزول تاثيرها ...!!!
الى ان ادركت المعنى الحقيقى لها وكيفية تفعيل اثارها الدائم وان تكون تلك المشاعر مصاحبة لك .
لا ...هى اكثر من ذلك هى تعيش وتنمو بداخلك كل يوم وتراقب نموها ..🌲🌱🌹

التمكين هو القوة الداخلية التى تمثل قوة الدفع للتحرك نحو الحياة .
هى القوة وراء ان تسعى لتفهم وتتدرك معنى

( إِنْ قَامَتْ عَلَى أَحَدِكُمُ الْقِيَامَةُ، وَفِي يَدِهِ فَسِيلَةٌ فَلْيَغْرِسْهَا )

التمكين هو شرارة النور التى تضئ لك ظلمات الطريق الذى تكون قد أمضيت فية وقت طويلا وكنت تبحث فية عن دليل لتستطيع ان تخرج من تلك الظلمات الى النور و تفهم نفسك وتدرك التناقضات الداخلية وتصل لدرجة السعادة والرضا فى الحياة.

التمكين بعد ادراكى للمعنى وفهمة والتعايش معة يجعلك عندك القدرة على تقبل الاخرين باختلافهم وتلك هى المرحلة الاعظم😊 وممكن بعد كدة تسعى لمرحلة التشجيع والتحفيز ...🙈🙈

التمكين ان تتدرك وتفهم نفسك وافكارك ونواياك مماتفعل.
وهاانا اليوم اعلن اننى فى اولى مراحل التمكين لانها رحلة طويلة .
وان ما كنت اخوضة من تجارب كان مرحلة الاعداد والتجهيز وسعيدة لوصولى لهذا المعنى .

فهمك لنفسك ومعرفة احتياجاتك ليس عيبا بل هو نعمة من الله وعلينا تقديرها لانها جاءت لتخبرك ماعليك فعلة جاءت للنمو اذا كنا نرغب بالفعل.

وهنا تكمن قوة التمكين فى القرار_ فى الاختيار وتحمل المسؤولية ،
عن طريق توجية افكارك وتصرفاتك بشكل واع نحو الافضل او ان تظل داخل دائرة الشكوى.
اتمنى مشاركتى مامدى وعيك عن التمكين ..
ولو فرق معاك ياريت شير .
وانتظرونى مع بصيرة جديدة ...من رحلة #التمكين

17/02/2021

الامان 💚

✍بنمر بأوقات بنكون فيها تايهين وعندنا شعور بالالم و مش عارفين لية ؟؟ او حتى عايزين اية ...؟؟

✍أفكار ومشاعر متلخبطة عندنا شعور بالاحتياج بس مش عارفين نحددة ؟؟؟

✍ويمكن نحس اننا محتاجين حد يكون جنبنا يحس بينا وبالوجع اللي جوانا ..او يدلنا على الحل ويساعدنا نرتب افكارنا ومعرفة مايدور بداخلنا .

✍وبنكون محتاجين حد يسمعنا بدون لوم او احكام
من الاخر كده حد نحس معاه بالأمان..

✍الأمان احتياج زى الهوا والمية بالضبط .

✍ الأمان هو الاساس لاى علاقة ناجحة .

✍عندما تجد الامان تستطيع ان تفكر وتتحرر من المخاوف اللى موقفاك ان تعيش الحياة كما تريد .

✍علينا ان نحدد نوع الاحتياج اللى بنحس بية علشان نعرف الطريق او الشخص المناسب اللى ممكن يساعدنا ان نلبى هذا الشعور . علشان نقدر نتطور ونعيش من غير خوف ...وتحس بالامان الذى ننشدة.

✍وعلينا الانتباة ان الامان لة اشكال مختلفة ويختلف من شخص لاخر .
🤔🤔ياترى ماهو شكل الامان الذى تبحث عنة ؟؟

22/01/2021

يوم جديد بشغف وحب من مبادرتنا ...😍
وانتظروا مزيد من المفاجات الحلوة وتعاون مثمر
الأستاذة /هبة ابوالحمايل
الاستاذ /سامى السيد
وكنا فى ضيافة المهندس /سامى ابو العنين
ومجموعة متميزة من الحضور سيدات واعيات من منطقة الموظفين العوايد ....
دمتم ملهمين ❤

20/01/2021

إذا أراد الله لك أمرًا هَيّأ لك أسبابه و أزال عواقبه و أتمّهُ.

20/01/2021

ساعة حب .
البداية من عندك ....انا مسؤول

17/01/2021

✍أصبحت لى روح تنير لى قلبى ❤
✍وصديق وقت حاجتى للرفيق
✍وقلب احتاجة عندما استشعر للحنين .
✍والعقل اذا اردت ان اكون مميزة .
✍والتمايز بمشاركتك الحلم .

تبتعد وتقترب واعلم انى معك تراقبنى واراقبك ارواحنا تهفو للاخر وتتواصل .
نحن وجهان وطريقان نتقاطع فى نقطة محبة ونبتعد ايضا الى طريق المحبة .

18/09/2020

https://m.facebook.com/story.php?story_fbid=10224150135360205&id=1205656928

11/08/2020

09/08/2020

شركاء النجاح ....معا نحو التغير .

16/03/2020

16/03/2020

افتكاسات واحنا قاعدين فى البيت مضطرين _😂😂😂

يبقى محتاجين نساعد بعض فى تلك الغترة العصيبة التى نمر بها جميعا وانا معاكم 😥😥🙏

١- البعد عن الأخبار اللي بتجيب نكد قدر المستطاع ونحاول نخلينا مع الأخبار المفيدة أو الافيهات الفظيعة 😄 عايزين نرجع الضحكة تانى ...ونعيش الحياة ببساطة شوية🤓

٢- نحاول نزرع قيمة القراءة لو مش بنحب نقرا نسمع اوديو فرصة دلوقتى النت متاح ...هانرفع وعينا وكمان نشارك ولادنا ويتعلموا يقروا اوحتى يذاكروا .

٣- عايزين نخس ومفيش جيم .العبى مع العيال 😂🙈وشغلى حموبيكا 🤤 ( وجوزك معاكى فرصة نضيع الكرش)

٤- اقعدى فى البلكونة لما تكون الشمس طالعة مع العيال وشغلوا فيلم احكى ليهم على ذكرياتك ..واحلامك واحلامهم .

٦- نشرب بقى مشروبات سخنة وبلاش حاجة ساقعة نور الفلوس والصحة ..ونقوى المناعة ليمون وبرتقال وناخد بالنا من غسيل الايدين عالطول 🙄😄

٧- نكلم اهالينا واصحابنا ونشد ازر بعض وبلاش نحكم على بعض تعبنا بقى من الاحكام.

٨- وطبعا اهم حاجة بعد الهزار التوكل واليقين بان ربنا لة حكمة من هذا الابتلاء.وسنعرف سببة بعد الزوال وعليكم بالدعاء لعلها ساعة استجابة...ورمضان على الابواب فاستعدوا لة اللهم تقبل وارفع غضبك ومقتك يارب العالمين.

٩- بلاش حالة هلع الشراء وتخزين المشتريات انت مفكر انك بتحمى نفسك الحامى هو الله ..بس خد بالك انت بتخلى النفوس الضعيفة تستغلنا برفع الاسعار وكمان ممكن يكون حد تانى محتاج علشان انت خت فوق طاقتك ❤️ ويمكن اللى محتاج دة يكون جنبك ويتعب ويمكن انت تتصاب و تكون
انت سبب وانت مش واخد بالك .

"قل لن يصيبنا إلا ما كتب الله لنا هو مولانا وعلى الله فليتوكل المؤمنون"

احنا في اختبار حقيقى تلك هى سنة الحصاد ومتغيرات كتير هاتحصل وموازين هاتتغير .. .ونفوس كمان هاتتغير ..
كلنا رايحين دنيا تانية _الدنيا الحقيقةعايزين نروح واحنا حقيقين واحنا فعلا بنى ادمين .💚 😁
اوصيكم واوصى نفسى.
دعواتكم ....والى اللقاء مع فوائد وايجابيات فيروس الكورونا .