Sawaed Foundation - مؤسسة سواعد

24/10/2026

مش كل بيت بيستقبل الشتاء وهو مستعد ليه 💙

في بيوت سقفها محتاج حماية من المطر وأسر بتحتاج سرير يوفر لها الراحة وكبار سن بيواجهوا البرد باحتياجات صحية ومعيشية أكبر وأسر بتبقى الوجبة الدافية بالنسبة لها احتياج أساسي مش رفاهية

علشان كده بنبدأ رحلتنا مع (دفا وأمان) بهدف الوصول للأسر الأكثر احتياجا وتوفير احتياجات تساعدها تواجه الشتاء بكرامة وأمان

من الغذاء والوجبات الساخنة لتأمين البيوت وتجهيز أماكن نوم مناسبة وصولا للاحتياجات الصحية والمعيشية لكل حالة حسب احتياجها

لأن الدفا بيت آمن ووجبة دافية وراحة واحتياجات أساسية تفرق في حياة أسرة كاملة

دفا يوصل وامان يدوم💙

22/10/2026

خطوة جديدة نحو حياة كريمة.. وأثر يمتد 🤍

في إطار حرص مؤسسة سواعد الخيرية على توفير الاحتياجات الأساسية للأسر الأولى بالرعاية تم توقيع بروتوكول تعاون لتنفيذ وصلات مياه للحالات المقيدة بالمؤسسة بالتعاون مع مؤسسة سواعدنا الخيرية

وقد مثل مؤسسة سواعدنا الخيرية
أعضاء المجلس التنفيذي بالمؤسسة
الأستاذ/ محمود فهمي
والأستاذ/ محمد عبد الحق

ونتوجه بخالص الشكر والتقدير لكل من ساهم في هذه الخطوة التي تعزز جهودنا المشتركة في توفير مياه آمنة للأسر المستحقة والإسهام في تحسين جودة حياتهم

معا.. نصل بالخير لمستحقيه

مؤسسة سواعد الخيرية
مشروعنا.. إحياء إنسان

21/10/2026

تخيل أسرة كاملة عايشة في بيت مش قادرة تحس فيه بالأمان 💙

ده حال أسرة (س.م ) اللي بيتها محتاج إصلاحات كتير علشان يبقى مناسب للمعيشة ومع دخول الشتاء المطر بينزل عليهم وبيغرق لهم البيت وكمان الزواحف والحشرات بتدخل باستمرار و بيتعرضوا للخطر

وعلشان البيت يقدر يحميهم، محتاجين نساعدهم في:

- تعلية الجدران
- تجهيز وصب سقف خرساني يحميهم من المطر
- تركيب الأبواب والشبابيك لتأمين البيت
- استكمال توصيلات المياه للمطبخ

محتاجين مساعدتك علشان نوفر لأسرة بيت آمن يحميهم من المطر و يكونوا امنين في بيتهم

ساهم بتبرعك في تجهيز البيت وخليك سبب في إن اسرة تقدر تعيش بأمان

مشروعنا احياء انسان

19/10/2026

أحلام بدأت بخطوة ولسه بتكمل ✨

إحنا مؤمنين إن التعليم مش مجرد مرحلة في حياة كل طفل لكنه خطوة في طريق بناء إنسان واعى قادر بعلمه يحقق حلمه ويصنع لنفسه مستقبل أفضل

وعلشان كل طفل من حقه يبدأ رحلته الدراسية وهو معاه احتياجاته الأساسية كانت (بداية تستاهل) خطوتنا علشان نساند أطفال وأسر كتير ونوفر لهم جزء من احتياجاتهم لبداية دراسية أفضل

وبفضل الله قدرنا نوصل الدعم لأسر كتير ونرسم الفرحة على وشوش أطفال كتير ونأكد لهم إنهم مش لوحدهم وإننا بنساندهم في طريقهم لتحقيق أحلامهم ❤️

كل الشكر لكل متبرع ومتطوع ولكل شخص كان جزء من الرحلة دي وساهم إن الخير يوصل لمستحقيه

مشروعنا إحياء إنسان💙

18/10/2026

لأن إحياء الإنسان بيبدأ بالاهتمام بصحته، بنحرص في مؤسسة سواعد الخيرية على دعم كل خطوة نحو حياة أفضل.

يسرّنا الإعلان عن اليوم الصحي المميز في عيادات سواعد التخصصية، مع د. نبيل زيتون، أخصائي التغذية العلاجية، ومجموعة من الخدمات والمميزات المجانية للمساعدة في الاهتمام بصحتكم

📅 الاثنين 19 أكتوبر 2026
📍 طوسون، خلف فتح الله ماركت، برج الفيروز – الإسكندرية.

📲 للحجز والاستفسار: 01095580038

مشروعنا إحياء إنسان

✨ Healthy Day ✨
للمره الرابعه علي التوالي في عيادات سواعد التخصصيه 💙

لأن صحتكم تهمنا، واهتمامكم بنفسكم هو أول خطوة لحياة صحية أفضل.. راجعين لكم من جديد بيوم صحي مميز

مع د. نبيل زيتون
أخصائي التغذية العلاجية 🩺✨

📅 يوم الاثنين 19 أكتوبر 2026

مستنيينكم بمميزات مميزة:
✅ قياس InBody مجانًا.
✅ قياس الفيتامينات والمعادن مجانًا.
✅خصم 20% على التحاليل
🎁 عينات مجانية هديه

ابدأ رحلتك لصحة أفضل، واعرف إيه اللي جسمك محتاجه فعلًا 💪💙

⏳ الحجز بأعداد محدودة.. احجز مكانك دلوقتي!

📞 للحجز والاس010 503721000372100
💬 واتساب: 01095580038
https://wa.me/201095580038

📍 الإسكندرية – طوسون المستشارين خلف فتح الله ماركت برج الفيروز.

#سواعد #مصر #تغذية

17/10/2026

الحياة الكريمة حق مش رفاهية 💙

الغذاء الصحي والعلاج والمسكن الآمن والتعليم مش رفاهيات دي حقوق واحتياجات أساسية لكل إنسان

مش من المفروض إن الإنسان يضطر يختار بين أكل أسرته وعلاج أحد أفرادها، أو إن مستقبل أولاده يبقى صعب بسبب ظروفه

مواجهة الفقر مش مجرد مساعدة وقت الاحتياج لكنها سعي مستمر لتوفير الاحتياجات الأساسية وصون كرامة الإنسان ومساعدته يبني مستقبل أفضل وأكثر استقرارا ليه ولأسرته

وده اللي بنسعى له في مؤسسة سواعد الخيرية إيمانا بأن لكل إنسان الحق في حياة كريمة

مشروعنا إحياء إنسان

17 أكتوبر | اليوم العالمي للقضاء على الفقر

16/10/2026

أكلت النهارده؟
سؤال بسيط بنسأله كل يوم، لكن مش كل الناس عندها نفس الإجابة.
طبق الأكل اللي ممكن يكون عادي بنسبة لينا ممكن يكون أمنية لأسرة مستنياه.

في اليوم العالمي للأغذية الأكل مش مجرد وجبة لكنه حق أساسي، كل مساهمة حتى لو بسيطة ممكن تفرق في حياة إنسان.

في سواعد بنؤمن إن مشروعنا إحياء إنسان، و إن الخير لما بيتشارك بيوصل لناس أكتر.

خليك سبب في وجبة وسند لأسرة.

15/10/2026

مش لازم تعمل حاجة كبيرة علشان تسيب أثر.. كفاية إنك تكون سبب في فرق 💙

النهارده بنحتفل بـ عبد الله محمد متطوع الشهر وأحد صناع الأثر في مؤسسه سواعد واللي بيثبت إن كل مجهود مهما كان بسيط ممكن يفرق ويصنع حاجة حلوة🤍

قولوا لعبد الله مبروك وسيبوله كلمة تشجعه يكمل طريقه في صناعة الأثر