Let's talk center مركز يلا نتكلم

06/01/2026

تم ايقاف استقبال🍂 تقييمات هذة الفترة لحين الانتهاء من waiting list
على ان يتم الفتح مرة أخرى بعد عيد الفطر ان 🍂شاءالله

31/12/2025

عام جديد بيكم و معاكم .2️⃣0️⃣2️⃣6️⃣
🎀.. أمنيات و قصص و أحداث و إنجازات و نجاحات في انتظارنا

ربنا يرزقنا فيه التوفيق و النجاح و البركة و يرزقكم جميعا تحقيق أمنياتكم ❤️❤️

28/12/2025

مطلوب لأنضمام لقسم التخاطب ... 🤩🤩أخصائية تخاطب 🤩🤩 للعمل بالمركز تحت
التدريب
للتفاصيل يرجى ارسال السيرة الذاتية 🔴
واتساب ✅️
0115 415 4357

27/12/2025

الوظائف التنفيذية
مهارات النجاح الخفية في أدمغة أطفالنا 🧠✨

🟡🟡أ. اسماء عبد الرازق 🟡🟡
مسؤولة قسم المهارات و الوظائف التنفيذية ✅️

📌إيه هي الوظائف التنفيذية؟

تخيل أن مخ طفلك زي مكتب مدير ناجح - الوظائف التنفيذية هي الموظفين والمهارات اللي بتخليه يدير حياته بنجاح.. دي مجموعة قدرات عقلية بتنظم تفكيره، مشاعره، وتصرفاته عشان يواجه التحديات اليومية ..

⭐شرح مبسط للوظائف التنفيذية الدماغية ال ١١ الموجودة فى مخ الانسان :

1️⃣ التركيز المستمر (عضلة الانتباه ) ..
· بتعمل إيه ؟
تخلي الطفل يفضل مركز في المهمة حتى مع وجود زحمة أو ضوضاء حواليه ..
· مثال : يقدر يسمع شرح المعلم وهو في آخر الفصل رغم وجود أصوات في الساحة ..

2️⃣ الذاكرة العاملة ( ستيكي نوتس ذهنية ) ..
· بتعمل إيه ؟
تخلي الطفل يحفظ معلومات مؤقتاً وهو بيستخدمها
· مثال : يحسب عملية جمع ذهنية وهو مش بيحط الأرقام على ورقة

3️⃣ قوة التوقف والتفكير( فرامل العربية ) ..
· بتعمل إيه ؟
تساعده يوقف رد الفعل الآلي ويفكر قبل ما يتصرف
· مثال : مايشتمش زميله لما يتنمر عليه، لكن يروح يقول للمعلمة

4️⃣ المرونة الذهنية ( مهارة تغيير المسار ) ..
· بتعمل إيه ؟
تخليه يتكيف مع التغيير وينتقل من نشاط للتاني بسهولة
· مثال : يتقبل انه مش هيروح عند جدته انهاردة ( بدون عصبية وصريخ ) لوجود ظروف ما بعد ما خطط انه هيروح خلاص ..

5️⃣ مهارة الترتيب ( مدير الأرشيف )..
· بتعمل إيه ؟
تنظم أفكاره، حاجاته، ووقته
· مثال : يرتب شنطته بحيث يلقي الكتاب والكوباية والواجب من غير بحث

6️⃣ إدارة الوقت( ساعة داخلية ذكية )..
· بتعمل إيه ؟
تفهمه قيمة الوقت وتقدرله المدة اللي هتاخدها كل مهمة
· مثال : يبدأ واجبه عشان يخلص قبل ما جدته تزورهم

7️⃣ التخطيط للمستقبل(مهندس المشروع ) ..
· بتعمل إيه ؟
تحطله خطة وهدف وتوصله ليه خطوة خطوة
· مثال : يخطط إزاي هيبني برج المكعبات عشان مايقعش

8️⃣ المراقبة الذاتية( المراقب الداخلي )..
· بتعمل إيه ؟
تقيمه هو لنفسه وتصحح أخطاؤه
· مثال : يراجع إجاباته في الامتحان ويكتشف غلطاته

9️⃣ بداية المهام ( مفتاح التشغيل )..
· بتعمل إيه ؟
تخليه يبدأ في الشغل من غير تسويف
· مثال : يبدأ يذاكر من غير ما ماما تكرر عليه "ابدا بقي"

🔟 إدارة المشاعر( منظم الحرارة العاطفي ) ..
· بتعمل إيه ؟
تسيطر على مشاعره القوية وتخليه يعبر عنها بطريقة مناسبة
· مثال : مايضربش أخوه الصغير لما يكسّر لعبه، لكن يقول لأمه بدال كده

1️⃣1️⃣ حل المشاكل ( المحقق كونان )..
· بتعمل إيه ؟
تشوف المشكلة من كل الجهات وتلاقي لها حلول
· مثال : لو ضاع منه القلم، يدور عليه في كل الأماكن الممكنة قبل ما يستسلم

🚩 إزاي تعرف إن طفلك محتاج جلسات و دعم للوظائف التنفيذية ؟

لو بتلاحظ كتير :

· 🔹 بيبدأ واجبه بصعوبة ومش بيخلصه كله ..
· 🔹 بيضيع حاجاته الشخصية ..
· 🔹 بيتأخر دايماً ومبيعرفش يدير وقته ..
· 🔹 بيتسرع في التصرف قبل ما يفكر ..
· 🔹 بيصعب عليه التكيف مع التغييرات ..
· 🔹 بيحتاج تذكير مستمر في كل حاجة ..

⭐ الوظائف التنفيذية مهارات مكتسبة مش مواهب فطرية - دي حاجات بتتطور وتتقوى بالتدريب، زي العضلة بالظبط .. الطفل اللي يحتاج جلسات وظائف تنفيذية مش عيب ولا نقص، ده معناه إنه بيفكر بطريقة مختلفة ومحتاج نعلمه بالطريقة اللي تناسب دماغه ..

مهارات_الطفل

23/12/2025

مناسب للجماعي

17/12/2025

تحفة برضو 😅✋️

17/12/2025

تحفة 🥰🥰

16/12/2025

13/12/2025

الحمد الله اكتمل فريق المركز لقسم😍😍 التخاطب و قسم المهارات...😍😍

- روان محمود .. مدير المركز
- ميس ميار ابراهيم ... أخصائية التخاطب قسم صوتيات
- ميس اسماء محمد ... أخصائية تخاطب قسم صوتيات
- مستر محمد أسامة ... أخصائي تخاطب قسم صوتيات
- ميس اسماء عبد الرازق ... أخصائية المهارات و تطبيق الوظائف التنفيذية.

🥰شكرا ليكم ع انضمامكم لينا 🥰

كنت طول عمري بقول اهم حاجة في الفريق اللي يكون معانا انه يكون محترم و امين و بعدين تيجي الشطارة

المحترم. . بيجتهد و بيتعلم و يصحح و يسال و عنده 🎀مبادي الشغل

لكن

الاخصائي الغير محترم لاسف بيضر بسمعه و اسم المركز و ييضر الأخصائيين زمايله و بينساق له نوعية معينة من أولياء الأمور الحمدلله مش بيكونوا معانا لان مركزنا مترابط و بنعامل بعض ك أسرة مع أولياء الأمور

فالحمدلله الذي عافانا من نوعية الناس دي و فضلنا علي
كثير ممن خلق .. بالعلم و الاخلاق

ربنا يكتب لينا دايما النجاح و التوفيق مع الأطفال و يحسن ما بين ايدينا 🙏🙏

12/12/2025

10/12/2025

انشطة بتفرق جدااا في الجلسة 🥰🥰

09/12/2025

2025 2️⃣0️⃣2️⃣5️⃣
⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️
سنة اضافت لينا كتير بفضل الله مش بس على المستوي المهني للمركز لكن كمان المستوى الفكري و الاجتماعي
⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️
◾️- دربنا فيها ما يقارب من ٤٠ متدرب و دة رقم كبير بفضل الله .
◾️- ربنا رزقنا بفريق قوي جدا اضاف إضافة كبيرة
للمركز خلاني فخورة بيهم حرفيا .
◾️- مازالت ورش العمل مميزة بشهادة جميع الحضور
◾️- زمايلي علموني التحضير و المناقشة رجعوني تاني نحضر جلسات مع بعض يوميا ونناقش برامج مهنية عالية .
◾️- الحمدلله عدد الحالات كان كبير الجديد كلهم جايين ع سمعة و اسم المركز .
◾️- ودعت فيها برضو زمايل ساهموا في تطور الحالات
◾️- أمهات بطلات حرفيا اتعرفت عليهم جداد علموني ان ابني مش حيتطور من غير شغلي معاه وان ابقى علي الام المتعاونة و الصبورة .
◾️- تقدير و احترام الاخصائي رقم واحد لان من غير كدة حوقع اسم المركز.
◾️- الشطارة مش بالخبرة الطويلة .. بالاجتهاد و التعليم
◾️- سياسة و نظام المركز بتسهل الدنيا و الوضوح في التعامل مع ولي الأمر.
◾️- التجديد مهم للطفل ووالام و الاخصائي
◾️- اخيرا محدش كبير على التعليم و فعلا لكل مجتهد نصيب و ان سعيه سوف يرى .

عام سعيد جديد على الجميع 😍😍