Seize the moment -stm

12/08/2023

26/07/2023

تعرف أن فيه منح دراسية كتير ف مصر؟ ومنها منح ممولة بالكامل والبعض تمويل جزئي ؟

طب ما تيجي نعرف مع بعض كده ايه بقا أشهر المنح الدراسية ف مصر؟🚶😉

📌 منحة ساويرس للتميز (إحدى أشهر المنح الدراسية في مصر، وهي منحة دراسيَة ممولة بالكامل.)

📌 برنامج منح التميز بالجامعة الامريكية بالقاهرة
(تُعد منح الجامعة الأمريكية في مصر من أشهر المنح،ويُعتبر التميُز هو العامل الرئيسي للحصول على هذه المنح الدراسيَة التنافسية)

📌 برنامج المنح الجامعية المقدمة من الوكالة الامريكية للتمنية الدولية USAID
(من أشهر البرامج التي تُقدِّم منح دراسية في مصر،يُقدِّم البرنامج عددًا من الفُرَص لمنح دراسية جامعية لما يقرب من 140 طالب وطالبة للعام الدراسي الجامعي 2023-2024)

📌 منحة مصر الخير
)تُقدِّم مُؤسَسة مصر الخير سنويًا عددًا من المنح الدراسيَة للمرحلة الجامعيَّة لخريجي الثانويَة العامَة ومدارس المُتفوقين للعلوم والتكنولوجيا STEM بالإضافة إلى ذوي الهمم عـلى مُستـوى الجمهوريَّة للالتحاق بجامعات مرموقة في مصر للحصول على شهادة البكالوريوس)

📌 منحة أنسي ساويرس للبكالوريوس والماجستير ( بالإضافة الي دراسة البكالوريوس يمكنك دراسة الماجستير ايضا ف مصر، تم إطلاق برنامج منحة أنسي ساويرس للمنح الدراسيَّة في عام 2000)

وبس كدا✨

فضلاً استنونا البوست الجاي من سلسة المنح واللي هنتكلم فيه عن اشهر المنح برة مصر ومتنسوش تتبعوا الهاشتاج الخاص بالمنح 👇🏻🧑‍🏫

21/07/2023

يعني ايه منحة او بعثة دراسية؟ وهل كل المنح زي بعض ولا فيه فرق!؟
ده اللي هنعرفه في البوست الأول من سلسلة المنح 🧑‍🏫
& طب يعني ايه منحة أصلاً؟
= دعم مادي يقدم للطالب من اجل استكمال دراسته ، وتقدم المنح ع اساس معايير عدة.

& ما تقول يغالي يعني ايه منحة 🤌🏻😂
= يعني بعض الحكومات أو الجامعات.. إلخ بتقدم دعم مادي للطلبة يساعدهم يكملوا دراستهم برا، والمنح دي بيبقي ليها شروط(معايير)، لو عملتهم بتقدر تاخد المنحة.

& طب والمنح بقا بتكون ممولة بالكامل وكلها برة مصر؟🤔
= المنح لها أنواع كتير أشهرها بتكون:
📌 داخل البلد
📌 خارج البلد
📌ممولة (الجامعة بتتحمل كل المصاريف أو جزء منها)
📌غير ممولة (بتتحمل كل تكاليف الدراسة والسفر بنفسك)
📌 تطوعية (بتساعد منظمة أو عائلة في عمل معين في مقابل توفير الأكل والسكن ليك)

استنونا في البوست الجاي هنتكلم عن أشهر المنح الممولة في مصر وأهم التفاصيل الخاصة بيها ف stay tuned 😉

19/07/2023

مستواك جامد وعايز تمارس اللغة ومش لاقي حد تتكلم معاه؟ 🫠

يبقى لازم تنورنا في سيشن مليانة مناقشات ومناظرات وألعاب عشان نساعدك تستمتع بالسيشن وتمارس اللغة وتقضي وقت لطيف مع انستراكتورز STM المتميزين 🌟

طب حلو.. أحضر ازاي بقا !؟
كل اللي عليك أنك تشرفنا ف الجروب وبس كده 😇
https://chat.whatsapp.com/FEoY5d9d5yQ8WPIAuzcTup
💥الخميس بعد صلاة العشاء بتوقيت STM كونوا علي الموعد 😌

16/07/2023

حافظ كلمات كتير بالانجلش وممتاز في القراءة والكتابة بس عندك مشكلة في الطلاقة وسرعة الكلام؟

= يبقى أكيد أنت مسمعتش عن ال Tongue Twisters قبل كده 💁🏻‍♂️

&يعني ايه بقا دي؟
= ده تمرين بنحاول نقرأ فيه جمل قصيرة فيها أصوات متشابهة بشكل سريع ومن فوائده أنه:
● هيسرع نطقك للانجلش
● بيمرن عقلك على تكرار أصوات معينة ف بيركز عليها أكتر وبيحسن النطق
● كمان بيقوى ويشد العضلات اللى بنستخدمها ف الكلام

& زي مثلاً (أرنبنا في أنور منور، وأرنب أنور في منورنا) 🤔
= الله أكبر عليك، ايه الحلاوة دي..هو ده بالظبط 👏🏻😂

& طب ما تديني مثال بقا بالانجلش أتدرب عليه كده 🚶

🔸She sells seashells by the seashore.
متنساش تتدرب عليه كويس وتتابع البيدج وإلا هيفوتك كتير 🫰

15/07/2023

بتسمع دايما عن المنح والدراسة بالخارج ونفسك تكمل تعليم برة بس مش عارف ازاي؟

طب حابب تتطوع تبع منظمات دولية وتقوي السي في بتاعك عشان تحسن فرصك في سوق العمل؟

يبقى لازم تتابع معانا سلسلة


هنتكلم فيها عن كل ما يخص المنح الدراسية خارج وداخل مصر، أنواعها، مميزاتها، متطلباتها، وازاي تقدر تقدم أو تكون مؤهل عشان تحصل على المنح دي

فضلاً تابع البيدج الأيام الجاية وإلا هيفوتك كتير 😉

10/06/2023

محظوظ من يملك قائداً يعرف كيف يخرج أفضل ما عند أفراد فريقه ، ونحن أكثر الناس حظاً بقائدتنا الرائعة 👑😌

All the words of praise and appreciation are never enough to express our gratitude for your tireless efforts, your continuous support and your amazing leadership 💫

Thank you wholeheartedly, Ms Nour 🩵

08/06/2023

هم النجوم بهم يُضاء طريقنا ✨
We can't be more thankful to you for your dedication, excellent performance and continuous efforts 🙏🏻

We're the proudest and happiest for having you as the cornerstones of our team ✨

Wholehearted Thanks to
Ms. Rabab, Ms. Raneem, Ms. Yomna and Ms. Hala 🩵

25/05/2023

مساء الخيرات 🌼

مع نهاية كل رواند بنكون في غاية الحزن أننا هنسيب الطلبة اللي شاركونا رحلة التعلم وحاولنا نفيدهم قدر الإمكان واستمتعنا معاهم بكل سيشن وكل فقرة شرح وكل أكتيفتي وكل لعبة وكل نقاش

وكأبسط تعبير لينا عن تدوين اللحظات الجميلة دي نتمنى أنهم يتقبلوا مننا الهدية الجميلة دي 🤍