Helpees

16/08/2026

اكتبولنا فى التعليقات مشاركاتكم.. شايفين الصورة ازاى ؟ 😊

#هلبيس

10/08/2026

✨ مش مجرد ورشتين… دول كانوا تجربتين مختلفتين ومليانين حماس وتفاعل! 🤩

مقتطفات من ورشة الكنز للأطفال🗝️💎
الأطفال دخلوا رحلة ممتعة، اكتشفوا فيها كنوز مهمة جواهم، من خلال اللعب والحركة والأنشطة والأفكار الجديدة.

أما ورشة الـ Escape Room للمراهقين 🔐⏳
فكانت تجربة مختلفة تمامًا، مليانة ألغاز وتحديات وتفكير وتعاون… والمراهقين كانوا جزء أساسي من كل خطوة فيها.

أكتر حاجة فرحتنا كانت التفاعل الكبير من الولاد والبنات ❤️
لأن الورشتين كانوا مختلفين، مش بس في الأفكار، لكن كمان في طريقة التنفيذ اللي خلتهم يشاركوا ويجربوا ويكتشفوا بنفسهم، مش مجرد يسمعوا كلام وخلاص.

والصور دي جزء صغير من الحماس والطاقة الحلوة اللي كانت موجودة معانا 📸🥰

في هلبيس ⚓️ مؤمنين إن التعلُّم ممكن يكون ممتع… وإن الفكرة لما تتقدم بطريقة جديدة، بتوصل بشكل أعمق وتفضل في الذاكرة وقت أطول 💙🤍❤️

#هلبيس
#هيلبو

02/08/2026

ناس كتير مستنية.. 🧐
مستنية الشتا ييجى.. الجو يبقى كويس..
الظروف تتحسن.. اول الشهر.. اخر الشهر.. 🤨

مستنيين لما... ⏳
لما يخلصوا.. لما الحاجة تبدأ.. لما نحس.. لما ... لما ...

ومن موقعنا هذا ☝️
بنقول لكل حبايبنا المسوفاتية بصوت الدحيح... 📢 📢
ابدأ..
ابدأ يا حبيبى...
ابدأ يا بابا..

اتحرك.. الحركة هتفرق..
اى حركة هتفرق 😉 المهم تبدأ 😊

#هلبيس

كفاية كسل و إبدأ دلوقتى!تنويه خاص بحقوق المليكة الفكرية :1) ليس ...

30/07/2026

" يبدأ كل إنجاز عظيم بقرار المحاولة والثقة في اتخاذ الخطوة"

صباح الخير 🌞🌿

#هلبيس

29/07/2026

ياترى مين اللي ماسك الـكنترول؟🎮

معظمنا بيحب يحس انه مسيطر على كل حاجة... على الظروف، وعلى الناس، وعلى النتائج، وحتى على مشاعره وتصرفاته!

بس من الناحية النفسية، الاحتياج الزائد للسيطرة غالبًا بيكون مش نابع من القوة... لكنه بيطلع من الخوف وعدم الاحساس بالأمان او الكفاءة..
لما العقل يحس إن الدنيا غير متوقعة، بيحاول يعوض ده بمحاولة التحكم في كل التفاصيل.

المشكلة إن الحياة بطبيعتها فيها جزء كبير خارج سيطرتنا فعلا..
ولما نحاول نتحكم في كل حاجة، بنبدأ ندفع تمن كبير قصاده:

🔹 توتر وقلق مستمر.
🔹 صعوبة في الاسترخاء أو الاستمتاع بالحاضر.
🔹 إرهاق لأننا شايلين مسئوليات مش كلها مسئوليتنا.
🔹 خلافات مع الناس لأننا بنحاول نمشي الأمور بطريقتنا دايمًا.

اما في العلاقات، 👫 فالسيطرة ممكن تلبس لبس الاهتمام أو الحب..! ❤️‍🩹
لكن الطرف التاني بنلاقيه دايما حاسس إنه متراقب، أو مش واخد حريته، أو إن رأيه مش مهم.. ومع الوقت، العلاقة بدل ما تقرب... بتبدأ تبعد.

✨ النضج النفسي مش إنك تسيطر على كل حاجة...
النضج إنك تعرف إيه اللي تقدر تغيره، وإيه اللي محتاج تقبله، وإيه اللي لازم تسيبه يمشي لانك مالكش سيطرة عليه!

اسأل نفسك كده النهاردة:
أنا بحاول أسيطر على إيه؟
وهل ده فعلًا تحت سيطرتي... ولا دى مجرد محاولة أهرب بيها من خوفي؟!


#زودياك
#هلبيس

27/07/2026

صباح الخير عليكم متابعينا الاعزاء 💙❤️
بنشكر كل اللى شاركونا اجاباتهم فى 🥰
وبرافووووو كبيرة للناس اللى جاوبت صح 👏👏
وحل الفزورة هو "

الثقة بالنفس مش بس إحساس... الثقة بالنفس مهارة. 🌱

من الناحية النفسية، الثقة بالنفس هي إنك تؤمن إنك تقدر تتعامل مع المواقف، حتى لو النتيجة مش مضمونة. يعني مش لازم تكون متأكد إنك هتنجح... يكفي إنك واثق إنك هتعرف تتصرف مهما حصل. 💪

الثقة بالنفس... بتبدأ في الطفولة، لكنها مش بتنتهي هناك. 🧠

لما الطفل يبكي ويلاقي حد يطمنه 🤍
ولما يجرب ويغلط من غير ما يحقتر 🙏
ولما يحس إنه محبوب حتى وهو مش كامل ❤️

المخ بيتعلم رسالة مهمة جدًا:
"أنا آمن... وأنا ليا قيمة."

من الناحية العصبية، التجارب دي بتساعد الجهاز العصبي يخرج من حالة التهديد لحالة الأمان. ومع تكرارها، المخ يبني مسارات عصبية تربط بين التجربة، والقدرة، والشعور بالأمان. وده بيكون أحد أهم الأسس اللي بتتبني عليها الثقة بالنفس. 🧠✨

ناس كتير فاكرة إن الثقة بالنفس معناها إنك تبقى شجاع طول الوقت، أو إنك عمرك ما تشك في نفسك او انها "صفة" اتولدوا من غيرها.. لكن الحقيقة مختلفة.. هى مهارة قابلة للتعلم.. 💡

كل مرة تسمح لنفسك تجرب بدل ما تتجنب...
كل مرة تكلم نفسك برحمة بدل القسوة...
كل مرة تحط حدود صح...
وكل مرة تنجح في خطوة صغيرة...

أنت مش بس بتغير أفكارك...
أنت بتساعد مخك وجهازك العصبي يكتبوا خبرة جديدة. 🌿

الطفولة بتكتب أول سطور القصة... لكنها مش بتكتب النهاية..
احنا واختياراتنا فى الحاضر بنكتب قصتنا والثقة اساس فيها 🤍❤💙

#هلبيس

26/07/2026

صباح الجمال عليكم 🥰
يلا حبة نشاط كده وفكروا معانا فى حل 😎

الفزورة بتقول..

أنا مش صوت عالي… 🤫
ومش معنى وجودى إني عمري ما بخاف.

أنا حاجة بتخليك تجرب،
حتى لو احتمالية الغلط موجودة 💪

معايا...✨
رأيك في نفسك ما بيتغيرش
لو حد انتقدك أو رفضك

أنا كمان مش غرور،
ومعايا مش هتشوف نفسك أحسن من غيرك.

أنا كمان اقدر اخليك تقول:
"هحاول"... بدل ماتقول "أكيد هفشل" !!

لو ضعفت جواك..👎
هتفضل مستني موافقة الناس على كل صغيرة وكبيرة
ولو بقيت أقوى جواك.. 👍
هتقدر تقول "لأ" وقت اللزوم،
وتطلب حقك باحترام،
وتصدق إن ليك قيمة،
حتى لو مش كل الناس شايفة ده 💛

يا ترى عرفتوا أنا مين؟ 💭

مستنيين تخميناتكم فى التعليقات 😍
واستنوا الإجابة بكرة الصبح 😎

#هلبيس

23/07/2026

صباح الخير عليكم 🌞🌸

اكتبولنا مشاركاتكم فى التعليقات..
شايفين الصورة ازاى ؟ 👀

#هلبيس

19/07/2026

🎯 لو ولادك بيحبوا المغامرة؟ إحنا جهزنا لهم مغامرتين هيعيشوهم بكل حماس!

🧩 Escape Room للمراهقين (12–16 سنة)
مليانة ألغاز، تحديات، وتفكير خارج الصندوق.

🗺️ يلا ندور على الكنز للأطفال (7–11 سنة)
رحلة مليانة اكتشاف، لعب، تعاون، وثقة بالنفس.

✨ مش مجرد ورش... دي تجارب كاملة لا تُنسى، بتساعد الأولاد يبنوا شخصيات أقوى، ويتعلموا من خلال المتعة والمغامرة.

📅 بداية من أول أسبوع في أغسطس
📍 الأماكن محدودة
كل التفاصيل موجودة فى استمارة الحجز فى التعليقات 👇

احجز مكان لولادك دلوقتي، وسيبهم يعيشوا مغامرة مختلفة! 🚀

#هلبيس

16/07/2026

🗝️ Escape Room بس مش زى أى Escape Room! 🧐🤔⁉️

لو سنك من ١٢-١٦ أو لو ابنك أو بنتك مراهق فى السن ده، فاستعدوا معانا لتجربة مختلفة 💥

على مدار ٣ أسابيع هنخوض مع بعض مغامرات وألغاز وتحديات، الهدف مش مجرد إننا "نهرب من الأوضة"🫪 الهدف إننا نكتشف نفسنا فى الاوضة 🙃😉

كل لغز هيخلينا نفكر، نتعاون، ناخد قرارات، ونتعرف أكتر على مشاعرنا وطريقة تعاملنا مع المواقف المختلفة 🧩 بطريقة ممتعة بعيدة عن المحاضرات والكلام التقليدى. ✨

لأننا مؤمنين إن الوعى النفسى لما يتقدم بشكل يناسب المراهقين... بيوصل أسرع، وبيفضل معاهم باستمرار.. ❤️

📅 المعاد: الإثنين ٣ أغسطس
🗓️ المدة: ٣ أسابيع
📍 المكان: مكتب هلبيس
👥 السن: من ١٢ إلى ١٦ سنة
💰 التكلفة: ٢٥٠ جنيه للفرد للتلات اسابيع

📩 لو مهتم تعرف تفاصيل أكتر عن الموضوعات اللى هنتكلم عنها، اكتب لنا "مهتم" فى التعليقات أو ابعتلنا رسالة، وهنبعتلك كل التفاصيل. 🗝️

للتسجيل ادخل على اللينك ده 👇 واحجز مكانك لأن العدد محدووود 🙏
https://forms.gle/StT2pdH3rnPJ5QiM9

#هلبيس