مهندس مصري EC4E

12/04/2026

📌 معلومات تهمك | خدمات ومعاشات نقابة المهندسين

حرصًا على توضيح الخدمات المقدمة للسادة المهندسين وأسرهم، نستعرض لكم أهم الأوراق والخطوات المطلوبة للحصول على عدد من الخدمات والمزايا:

🔹 معاش سن الستين
تعرف على المستندات المطلوبة وخطوات التقديم لضمان صرف المعاش بسهولة وفي أسرع وقت.

🔹 معاش الأسرة
دليل كامل لإجراءات استحقاق وصرف المعاش لأسر المهندسين، وفقًا للضوابط المعتمدة.

🔹 معاش العجز الصحي
كل ما تحتاج معرفته عن شروط الاستحقاق والتقارير الطبية المطلوبة.

🔹 مصاريف الجنازة
الإجراءات والأوراق اللازمة لصرف مستحقات الجنازة لأسرة المهندس.

🔹 منحة زواج ابنة المهندس المتوفي (المستحقة للمعاش)
الشروط والمستندات المطلوبة لصرف المنحة.

🔹 إعانة المجندين
تعرف على كيفية الحصول على الإعانة.

الهندسة والمهندسين EC4E

18/03/2026

الأوراق المطلوبة في الحالات التالية :
- الأوراق المطلوبة لصرف إعانة المجندين
- الأوراق المطلوبة لاستخراج سجل هندسي
- الاوراق المطلوبة في حالة إضافة الماجستير أو الدكتوراه.
- الأوراق المطلوبة من المهندس للحصول على الإعانة الصحية.
- الأوراق المطلوبة من المهندس وأسرته للاشتراك في مشروع معاش العجز الصحي
- الأوراق المطلوبة من المهندس للاشتراك في معاش أقل من 60 سنة (قوات مسلحة)
- الأوراق المطلوبة لصرف معاش سن الستين طبقًا للوائح نقابة المهندسين
- الأوراق المطلوبة من أسرة المهندس المتوفي للحصول على مصاريف الجنازة
- الأوراق المطلوبة من أسرة المهندس المتوفي للاشتراك في معاش الأسرة
- الأوراق المطلوبة لصرف منحة الزواج لابنة المهندس المتوفي .



الهندسة والمهندسين EC4E

18/03/2026

اليوم تم صرف معاش نقابة المهندسين و بالزيادة يعني ٢٥٠٠ ج للمهندس

18/03/2026

القيد لأول مرة بنقابة المهندسين ...
الأوراق المطلوبة للقيد لأول مرة و الرسوم تشمل اشتراك النقابة و الرعاية الصحية لعام ٢٠٢٦

10/02/2026

📝 #انتخابات #نقابة #المهندسين
الجمعة 27 فبراير 2026
(تاني جمعة في رمضان)

⏰ مواعيد #الانتخابات
من 10 صباحًا إلى 10 مساءً
⏸ فترات الاستراحة
▪️ ساعة لصلاة الجمعة
▪️ ساعة ونصف للإفطار وصلاة المغرب

📍 مكان التصويت
النقابة الفرعية التابع لها كل #مهندس
🪪 المستندات المطلوبة
✔️ بطاقة رقم قومي سارية
✔️ كارنيه نقابة المهندسين ساري حتى 2025
📝 (يمكن تجديد الكارنيه داخل المقر الانتخابي)

🗳 هتستلم 3 أوراق انتخابية:
1️⃣ ورقة رئيس النقابة الفرعية
↩️ تختار مرشح واحد
2️⃣ ورقة أعضاء النقابة الفرعية
↩️ تختار 7 أعضاء
3️⃣ ورقة مجالس الشعب الهندسية
✅ بالنسبة لشعبة
( كهرباء - مدنى - عمارة - ميكانيكا)
↩️ تختار:
▪️ 3 *فوق* السن
▪️ 5 *تحت* السن

✅ بالنسبة لشعبة
( بترول - كيمياء - غزل )
↩️ تختار:
▪️ 3 *فوق* السن
▪️ 3 *تحت* السن

🔍 لمعرفة #لجنتك الانتخابية
⬇️ ادخل على الرابط التالي:

https://data.eea.org.eg/enteea2026.aspx

02/01/2026

فتح باب الترشح لانتخابات نقابة المهندسين على كافة المراكز النقابية الخالية

17/12/2025

تعلن نقابة المهندسين بالإسكندرية عن فتح باب الاشتراك والتجديد لمشروع الرعاية الصحية لعام 2026 التابع للنقابة العامة

يمكنكم الآن التعرف على تفاصيل المشروع:

بداية التقديم لمشروع الرعاية الصحية من يوم الأربعاء الموافق 17 ديسمبر 2025 حتى يوم الثلاثاء الموافق 31 مارس 2026

الأوراق المطلوبة للاشتراك أو التجديد في المشروع.

رسوم الاشتراك في المشروع لعام 2026.

مواعيد العمل لتقديم الأوراق المطلوبة بمقر النقابة بالشاطبي أو مركز خدمات النادي.

- بعض الملاحظات الخاصة بالمشروع.

تنويه: أخر موعد لصرف أرقام التعامل لخدمات الاشتراكات والرعاية الصحية بالنقابة والنادي قبل ساعة من انتهاء العمل.

لزيارة الموقع التعريفي لنقابة المهندسين بالإسكندرية ومعرفة جميع الخدمات النقابية وبروتوكولات التعاون المختلفة زيارة الرابط التالي:
‏www.alexengsyn.com

رئيس لجنة الرعاية الصحية: أ.د.م/ محمد صلاح
رئيس النقابة: أ.د.م/ هشام سعودي

16/12/2025

تيسيرًا على السادة المهندسين.. الاستعلام عن نقابة المهندس الفرعية، وتغييرها أون لاين لمن يرغب

تيسيرًا على السادة المهندسين الراغبين في تغيير النقابة الفرعية التابع لها قبل يوم 31 / 12/ 2025 يرجي العلم أن عملية الاستعلام عن النقابة الفرعية الحالية للمهندس تكون من خلال الرابط التالي:https://data.eea.org.eg/updateent.aspx
كما يتمكن المهندس من تغيير النقابة الفرعية له طبقًا للعنوان بالرقم القومي أو العنوان المدون بجهة العمل، وذلك بعد إرسال صورة بطاقة الرقم القومي أو خطاب جهة العمل مع صورة عضوية المهندس بواسطة الرابط التالي:
https://forms.gle/NB1t8sDmc64vT9Bn9

16/12/2025

مشروع الرعاية الصحية للمهندسين و أسرهم 2026

07/12/2025

26/11/2025

📢 نخلي بالنا كويس 👇🏻👇🏻👇🏻 اغلبنا ممكن يكون حريص جدا ومركز طول الوقت بس وقت الفعل نفسه ممكن السرعه تخلينا مش نركز كفايه في حاجات بسيطه بس مهمه جدا👷

#احمي نفسك & #وعي غيرك 👌

- خليك حريص ومركز ومتمضيش علي اي ورقه الا لو قريتها كويس ( متهتمش بانك لازم تمضي بسرعه او ايا كان المبرر اللي بيه ممكن تمضي من غير ما تقرا كل كلمه)
ـ اغلب الحاجات في الشغل حاول تخليها موثقه بايميلات رسميه ( متعتمدش على ان حد قال حاجه الهندسه بالذات مينفعش فيها الشفوي)
ـ متتغرش بحد يقولك حيعمل سجل باسمك وتفرح بالفلوس لانك ممكن بمنتهى البساطه تلبس في ضرايب
ـ متمضيش سندات ماليه او ايصالات الا لو الرقم متفقط المبلغ مكتوب فقط وقدره كذا مش بس ارقام
ـ متمضيش اي عقد الا لو قريت البنود وفهمت اللي ليك واللي عليك وطبعا تاخد نسخه من التعاقد
الثقه وحسن النيه متمنعش انك تركز في التفاصيل كويس جدا
حاول دايما اي حاجه تمضيها تاخد صوره على الاقل بالموبايل
كل ما يخص الشغل بالذات لازم تكون منظم فيه ومعاك نسخه احتياطي من كل حاجه
- متدفعش اي فلوس سواء بحجة تحاليل او ايا كانت المبررات
- ماتروحش أي مقابلات باللاب توب بتاعك. 🤦👇
(( منقوووول انا كنت روحت انترفيو وكلمني قالي هات نموذج 111 من التأمين و هنروح نعمل تحاليل ف المختبر و رسم قلب عشان اطلعلك كارنيه التأمين الصحي دخلت اعمل رسم قلب و سبت معاه الشنطة فيها اللاب و حاجتي و ورقي كله بتاع الجيش و شهادة التخرج طلعت لقيته سرق الشنطة و برن عليه مغلق احنا بقينا طعم للحرامية))
- ماتدفعش أي مبالغ مالية لحد عشان يشغلك أو يسفرك الا بعد العقد والتأشيره من السفاره
- ماتعملش شغل لأي شركة إلا بعد تعيينك رسمياً.
- ماتوافقش تشتغل بدون مقابل.
- ماتسلمش أوراقك لأي شركة إلا بعد قبولك بالوظيفة.
- ماتوقعش على أي شرط جزائي.
- ماتوقعش على إستمارة 6 وقت التعيين ولا على استقالة مسبقة
- ماتوافقش إن مقاول يأمن عليك إلا لو انت بالفعل شغال معاه.
- تاني متدفعش اي فلوس لاي شركه مهما كان المبرر 🚨💣
- متبعدش صورة الرقم القومي ولا كارنيه النقابة لاي حد.
- #التأمينات 👇👇👇👇

🎯 للاسف بقا في تنوع في طرق النصب منهم بعض النصابين بيعلنوا عن وظائف وهمية 👇👇
خطر اكواد الكارنيهات النقابيه .. ممكن بصورة الكارنيه يتم التسجيل للمهندس في التامينات بدون علمه ..

☻️ من اجل رفع فئه الشركه يعني شركه فئه تانيه عشان تبقي فئه اولي تقوم بتسجيل اكبر عدد ممكن من المهندسين


👈 يعني إيه مقاول يأمن عليا 🤔
أحياناً ممكن شركه او مقاول يطلب منك يأمن عليك بدون ماتشتغل معاه مقابل مبلغ مالي هايدفعهولك .. و طبعاً إنت بتكون مش عارف هو ده كدة حاجة كويسة و لا حاجة وحشه.. و ليه أي أضرار ولا لأ..؟

👈 يعني إيه تأمينات 🤔
التأمينات ببساطة هي إن القانون المصري بيلزم أي شركة إنها تأمن على كل الموظفين اللي فيها و ده بيكون من خلال إنها تدفع مبلغ شهري عن كل موظف لوزراة التأمينات و ده علشان لما الموظف يطلع معاش أو لا قدر الله في حالة العجز أو الوفاة.. بيتصرف ليه أو لأسرته معاش شهري، و التأمينات طبعاً حاجة كويسة و هي اللي بتضمن حقوق الموظف في الشركة قدام القانون

👈 طب ليه المقاول بيبقى عاوز يأمن عليا أصلاً و هايستفيد إيه من كده 🤔
☻️ بعض المقاولين اللي بيكونوا فاتحين شركات مقاولات صغيرة بتقابلهم مشكلة في إنهم يدخلوا مناقصات أو ياخدوا شغل من الجهات الحكومية و ده علشان هما بيكون ماعندهمش مهندسين شغالين في الشركة.. فبيلجأ المقاول إنه يشوف أي مهندس حديث تخرج و يقنعه إنه هايأمن عليه مقابل مبلغ هايدفعهوله و ده عشان يقدر يخلص الأوراق الرسميه للشركة و يقدر يدخل مناقصات مع الجهات الحكومية.. و طبعاً بيوعد المهندس إن ده مجرد إجراء مش هايضره في حاجة و يقدر يفصله من التأمينات وقت مايطلب

👈 إيه الضرر اللي ممكن يقع عليا في حالة إن المقاول أمن عليا؟
مهم إنك تكون عارف يا هندسة إن معنى إنك متأمن عليك في شركة و مفتوحلك ملف تأميني فيها ده معناه إنك قدام الجهات الحكومية و القانون إنت شغال في الشركة دي.. يعني ممكن لو حصل أي مصيبه لا قدر الله إنت اللي تشيلها.. بس مش دي المشكلة الأساسيه، 🙈 المشكلة الأهم إن طالما متأمن عليك في شركة يبقى لو روحت تشتغل في أي شركة تانيه و حبوا يأمنوا عليك مش هايعرفوا إلا لما تفصل نفسك من التأمينات في الشركة الأولى.. و هنا بقى المشكلة.. لأن المقاول غالباً مش هايرضى يفصلك.. و في الشركة الجديدة مش هايرضوا يشغلوك إلا لما تتفصل من التأمينات القديمة

👈 هل ينفع أفصل نفسي من التأمينات في أي وقت لو المقاول مارضيش يفصلني 😥
هو المفروض إن المقاول هو اللي يفصلك من التأمينات بس لو مارضيش.. و روحت عشان تفصل نفسك مش هاتعرف😱، فالحل في الحالة دي إنك بتروح تقدم شكوى في مكتب العمل عشان تفصل نفسك من التأمينات و الموضوع طبعاً بياخد شويه وقت عشان الروتين اللطيف بتاعنا و على ما تعرف تفصل نفسك هاتكون الشغلانه الجديدة طارت منك..

* طب إزاي أعرف موقفي التأميني الحالي.. و هل أنا متأمن عليا ولا لأ..🤔
ببساطة فيه رقم مختصر تقدر تتصل بيه و تقولهم رقمك التأميني و هايردوا عليك في نفس اللحظة.. خد بقى يا سيدي الرقم سجلوا على موبايلك دلوقتي 16217

* يعني إيه رقمي التأميني ده و اعرفه إزاي..🤔
👈 كل شخص بيكون ليه رقم تأميني زي الرقم القومي كدة.. و ده عشان تعرفه لازم تروح أي مكتب تأمينات و بتوريلهم البطاقه أو شهادة الميلاد و انت واقف بيدولك الرقم.. و ده طبعاً رقم ثابت مابيتغيرش لكل شخص

📢 الخلاصة
ماتوافقش إن أي مقاول يأمن عليك إلا لو كنت فعلاً شغال معاه في نفس الشركة.. و في الحالة دي لما تمشي من الشركة لازم تتأكد إنه تم فصلك من التأمينات و تاخد معاك إستمارة الفصل من التأمينات في إيدك و انت ماشي (إستمارة 6)

🎭 الحذر واجب دائما

📢 خلى بالك & وعي غيرك 🕳️🪧

الهندسة والمهندسين EC4E