معارض ملابس رسالة أكتوبر

جمعية رسالة بدأت كأسرة طلابية في كلية الهندسة بجامعة القاهرة بعدها أُنشأت أول دار لرسالة في فيصل ودلوقتي بقى ليها أكثر من 65 فرع في أنحاء الجمهورية وفيها أكثر من 30 نشاط ومن بينهم نشاط معارض الملابس.
‏-طيب إيه هوا نشاط معارض الملابس؟
‏بيهدف النشاط إلى توصيل الملابس للقُرى الفقيرة بس قبليها بتمر بمرحلة الفرز علشان يتم تنظيفها وکویها وتجهيزها علشان توصل لأيدي المحتاجين بشكل لائق.
‏-طيب تنفيذ الم

عرض بيكون إزاى؟
‏ بننزل للقُرى ومعانا الهدوم المفروزة وبنجهز المعرض من الساعة 10 صباحًا إلى الساعة 3 عصرًا في أغلب الوقت، وبنحدد مكان المعرض في مكان معروف لأهل القربة زي جمعية أو دار مشهورة في القرية :')
‏_طيب هل المعارض دي بتبقى مجانية ولا لا؟ ولو لا ف ليه؟
‏المعارض بتكون بأسعار رمزية من 3 ل 15 جنيه،
‏ طيب ليه:
‏1-علشان أولاً نحسس الأهالي أنه مش تبرع بالعكس هما بيشتروا عادي زي أي حد.
‏2- علشان الناس تختار الهدوم المناسبة ليها ويبقى في عدل في أخذ اللبس يعني لو ببلاش فأول حد هيخش المعرض ممكن يأخد كل اللبس ويمشي وميسبش لبقية الأهالي حاجة :')
‏3- العائد من المعرض بيرجع للأيتام في جمعية رسالة وبيتم استخدامه في بقية الأنشطة ومشاريع كتير زي يوم الكساء وغيرهم.
‏4- بنحاول نساعد في تغطية جزء من تكاليف النقل والتخزين وغيره.
غير إن نشاط المعارض مش مقتصر بس على إقامة معارض الملابس، نشاط المعارض برضو مهتم بعمل أنشطة تانية جانب المعارض زي زيارات المسنين وإعمار المساجد وحفلات الأطفال وعمل الأكل وتوزيعه وتوزيع اللحمة أو البطاطين في المواسم المختلفة.
_ ‏طيب ده كل بيحصل إزاي؟!
‏كل الخير ده قائم على المتطوعين وأنت ممكن تكون واحد منهم وتكون سبب في خير كبير زي ده هتساعد ناس كتير وهترسم البسمة على وشوشهم وهتبقى أثر جميل في حياتهم، كل اللي عليك تتابعنا على الصفحة علشان تعرف تفاصيل المعارض اللي جاية أو تبعتلنا على الصفحة وممكن تتوجه لفرع أكتوبر بميدان ماجدة ليك وتسجل أسمك في نشاط معارض وكده تكون واحد مننا... أهلاً بيك :')
‏