Caring

Call Directions

Caring تقديم الدعم والوعي والمعلومات للأمهات والحوامل لجعل تجربة أمومتهم تجربة إيجابية وممتعة

مين حابة تجرب الـ Bengkung Binding بعد الولادة؟! 😅🤍من كلامنا النهارده، كان في بالي قد إيه إحنا لسه محتاجين نشتغل أكتر ون...
26/09/2026

مين حابة تجرب الـ Bengkung Binding بعد الولادة؟! 😅🤍

من كلامنا النهارده، كان في بالي قد إيه إحنا لسه محتاجين نشتغل أكتر ونوعي الأمهات والعائلات بأهمية رعاية الأم بعد الولادة ..
مش بس رعاية البيبي، لكن الأم كمان 🤍

والـ Bengkung Binding ده حاجة من ضمن الحاجات اللي ممكن تكون جزء من الرعاية دي، وإزاي ممكن يدعم الأم ويفرق معاها في فترة ما بعد الولادة ..

كلام نهى النهارده وشرحها عن فترة ما بعد الولادة كان عميق وطيب ومهم جداً للمرحلة دي..
شكراً نهى ❤️
شكراً كارن ❤️
وشكرًا للدولات الأصدقاء اللي اتونست بيهم النهارده 🥹🤍

ومتطلعة أجرب الـ Bengkung Binding للأمهات بعد الولادة جداً 😌😎

مين متحمسة تجربه؟ 👀🤍

19/09/2026

شوية كلام ورغي عن الإبيدورال و السادل و الولادة .. 😌

و حسا إني مخلصتش لسه وعندي كلام عايزة أقوله 😂

بس قولت كفاية عليكم كدا ..
ممكن نكمل من اسألتكم و أنا هجاوب عليكم ان شاء الله 🤍✌🏻

01/09/2026

التواليت وقت المخاض مش مجرد مكان نروحه لما نحتاج الحمّام… 👀

أحيانًا وضع الجسم عليه، مع ترك عضلات الحوض ترتخي، يساعدنا ندي مساحة أكبر للبيبي وهو بينزل ويدخل الحوض.

والأهم إننا نفتكر:
جسمك مش محتاج إنك «تعملي» كل حاجة بالقوة…
أحيانًا محتاج منك تسيبي العضلات تشتغل، وتسيبي عملية الإخراج تحصل بطبيعتها ..

وده واحد من التفاصيل الصغيرة اللي تدربنا عليها في محاكاة الولادة؛ عشان وقت المخاض تبقي فاهمة جسمك، وعارفة إيه اللي ممكن يساعدك بدل ما تدخلي التجربة وإنتِ مش عارفة تعملي إيه ..

وطبعًا، كل ده يكون مع الحفاظ على خصوصيتك وراحتك، وبوجود مساحة آمنة ومناسبة ليكِ أثناء المخاض 👌🏻

لأن التحضير للولادة مش معناه إننا نعرف كل حاجة…
قد ما معناه إننا نعرف نسمع جسمنا ونتعامل معاه 🤍

كنتِ تعرفي المعلومة دي قبل كده؟ 👀




#حوامل
#دولا

31/08/2026

من الولادة اللي فاتت..
اللي كانت ليلة الورشة الحمد لله 😌✌🏻

لاحظت إن لحظة الشك في المرحلة التحولية من الولادة، قادرة تخلي الأم فجأة مش واثقة وخايفة ..

مع إنها قبلها بلحظات كانت عارفة تتعامل بشكل أحسن بكتير ..

ولاحظت كمان إن بمجرد ما الأم تحس بالأمان، وتستعيد ثقتها ويقينها إنها فعلًا بتولد ..
ده بيغيّرها
بتبدأ تتحرك، تتعامل، ترجع تثق في جسمها، وتهدى وتطمن ..
سبحان الله! 🤍

وطبعًا اللحظة دي مش دايمًا سهلة، ومحتاجة تشجيع وتثبيت ومساندة من كل اللي حواليها ..
كلمة في وقتها، نظرة ثقة، إيد تتسند عليها، وحد يفكرها إنها قادرة🤍

Dr. Mohamed Aziz | د.محمد عزيز
شكراً يا دكتور على صبرك وتشجيعك،
وشكراً عشان فكرتني أنا كمان بالحاجات اللي ممكن تساعدنا في الوقت ده 🙏🏻

أول صورة فيها الإحساس و الكلام الأولاني في بداية الورشة عن الولادةو الكلام عن الولادة في نهاية الورشة و الحاجات الي فرقت...
30/08/2026

أول صورة فيها الإحساس و الكلام الأولاني في بداية الورشة عن الولادة
و الكلام عن الولادة في نهاية الورشة و الحاجات الي فرقت معاهم وطلعوا بيها❤️

يوم الجمعة قضينا وقت مختلف مع مجموعة جميلة من الحوامل، اتكلمنا عن الولادة، الخوف، الألم، واكتشفنا إن مفيش طريقة واحدة لازم كل أم تمشي بيها.

اتحركنا، جرّبنا، سألنا نفسنا أسئلة يمكن أول مرة نسألها، واتدرّبنا على حاجات بسيطة ممكن تفرق معاكي وقت المخاض والولادة.

والأجمل؟ إننا سمعنا منهم هم…
إيه اللي اتغير؟
إيه اللي طمّنهم؟
وإيه اللي أخدوه معاهم من اليوم؟ 🤍

شوفي في البوست كلامهم وتجربتهم بنفسهم.

يمكن كلمة منهم تكون هي بالضبط الكلمة اللي محتاجة تسمعيها النهارده. 🫶🏻

#الولادة #حوامل #دولا

البيبي مش بس بينزل… هو كمان بيلف ويتأقلم مع شكل الحوض 🤰🏻👶🏻واحدة من الحاجات اللي ممكن تخلّي فهمنا للمخاض مختلف، إننا نعرف...
26/08/2026

البيبي مش بس بينزل… هو كمان بيلف ويتأقلم مع شكل الحوض 🤰🏻👶🏻

واحدة من الحاجات اللي ممكن تخلّي فهمنا للمخاض مختلف، إننا نعرف إن نزول البيبي في الحوض مش حركة واحدة بتحصل مرة واحدة.

الرأس بيدخل الحوض، ينزل تدريجيًا، ويغيّر اتجاهه أثناء رحلته… ومع كل مرحلة، جسمك والبيبي بيشتغلوا سوا عشان يلاقوا أفضل طريق للخروج. 🤍

وعشان كده الحركة وتغيير الأوضاع أثناء المخاض ممكن يكونوا جزء مهم من تجربتك؛ مش لأن فيه “وضع سحري” هيخلّي البيبي ينزل، لكن لأنك بتدي لجسمك فرصة يتحرك ويلاقي الوضع الأكثر راحة ودعمًا حسب وضعك ووضع البيبي.

وعشان الكلام يبقى مش مجرد معلومات…

تعالي نجربه سوا في ورشة محاكاة الولادة 🤍

هنتمرن عمليًا على أوضاع وحركات مختلفة، ونجرب أدوات وتقنيات تساعدك تتعاملي مع المخاض بشكل أهدى وأكثر وعيًا.

احفظي الكاروسيل 🤍
وابعتِيه لماما بتحضّر لولادتها.

وللحجز في الورشة: ابعتيلي كلمة “ولادة” على الـDM.

22/08/2026

يمكن طول الوقت بنسأل:

“إيه اللي أعمله عشان أتعامل مع ألم الولادة؟”

لكن فيه سؤال أهم:

“أنا إيه اللي بيساعدني أصلًا لما أكون تحت ضغط؟” 🤍

هل محتاجة حد يطمنك؟
ولا محتاجة هدوء؟

هل اللمس بيريحك؟
ولا بيضايقك؟

هل بتحبي تفهمي كل حاجة بتحصل؟
ولا كثرة الكلام بتوتّرك؟

إجاباتك عن الأسئلة دي ممكن تقولك حاجات مهمة جدًا عنك وقت الولادة.

وعشان كده يوم “ محاكاة الولادة ” مش مجرد يوم نتكلم فيه عن مراحل المخاض…

هنفهم إيه اللي بيحصل، وهنجرب، وهنسأل نفسنا، وهنكتشف إيه اللي يساعدني أنا؟

لو حابة تعرفي أكتر عن اليوم، ابعتيلي كلمة “الولادة” في الـDM 🤍

📅 الجمعة 28/8
⏰ 11 صباحًا – 2 ظهرًا
💰 Early Bird: لحد الاثنين الجاي
👭 و تقدري تستفيدي بخصم ل 3 حوامل مع بعض

ممكن تكوني قريتي عن الولادة 100 مرة… وبرضه تحسي إنك مش مستعدة.لأن الاستعداد للولادة مش معلومات وبس.مش بس تعرفي:إيه هي مر...
21/08/2026

ممكن تكوني قريتي عن الولادة 100 مرة… وبرضه تحسي إنك مش مستعدة.

لأن الاستعداد للولادة مش معلومات وبس.

مش بس تعرفي:
إيه هي مراحل المخاض؟
وإمتى أروح المستشفى؟
وإيه اللي بيحصل في كل مرحلة؟

لكن كمان تعرفي:

أنا بخاف من إيه؟
إيه اللي بيخليني أحس بالأمان؟
إيه اللي بيساعدني لما أكون تحت ضغط؟
إيه اللي محتاجة أسمعه؟
وإيه اللي مش هكون محتاجة أسمعه خالص؟ 😅

وعشان كده عملنا يوم «محاكاة الولادة » 🌿

يوم مختلف شوية عن أي preparation class…

هنتعلم، ونجرب، ونتحرك، ونسأل، ونكتشف.

هنتعرف على مراحل المخاض،
ونفهم اللي بيحصل في جسمنا،
ونستكشف مخاوفنا وأفكارنا عن الولادة،
ونجرب أدوات مختلفة للتعامل مع المخاض…

وفي النهاية، كل واحدة هتكون عندها صورة أوضح عن:

“أنا محتاجة إيه عشان أحس بالأمان وأنا بولد؟” 🤍

📅 الجمعة 28 أغسطس
⏰ 11 صباحًا – 2 ظهرًا
استفيدي بعرض الحجز المبكر لحد يوم الاثنين ✌🏻
أو كمان خصم المجموعات لو جيتي أنتي وأثنين من صحابك الحوامل 🤩

عدد المقاعد محدود عشان اليوم يفضل تفاعلي وشخصي.

لو حاسة إنك محتاجة اليوم ده، ابعتيلي “الولادة” في الـDM وهبعتلك التفاصيل. 💌

يمكن وإنتِ بتفكري في الولادة، عندكِ صورة في دماغك عن إيه المفروض تعمليه…لكن الحقيقة إن كل واحدة بتتعامل مع المخاض بطريقت...
19/08/2026

يمكن وإنتِ بتفكري في الولادة، عندكِ صورة في دماغك عن إيه المفروض تعمليه…

لكن الحقيقة إن كل واحدة بتتعامل مع المخاض بطريقتها.

واحدة تحتاج حد يتكلم معاها ويطمنها.
واحدة تحتاج الهدوء.
واحدة تحتاج لمس وحركة.
وواحدة تحتاج تفهم كل تفصيلة بتحصل.

ومفيش إجابة فيهم “صح” أو “غلط”. 🤍

المهم إنك تتعرفي على نفسك قبل ما تدخلي الولادة.

عشان كده صممت يوم “محاكاة الولادة”
يوم مش هدفه إننا نحفظ معلومات عن الولادة وبس، لكن نفهم اللي بيحصل في المخاض، ونكتشف مشاعرنا ومخاوفنا، ونجرب أدوات مختلفة ونعرف إيه أكتر حاجة ممكن تساعدنا وقت الولادة.

لو الولادة بدأت دلوقتي… إنتِ هتختاري إيه؟ 👀

اكتبي اختيارك في الكومنتات، ولو حابة تيجي معانا يوم 28 أغسطس ابعتيلي “الولادة” في الـDM 🤍

Address

6 October City
6 October City

Telephone

+201096178192

Website

Alerts

Be the first to know and let us send you an email when Caring posts news and promotions. Your email address will not be used for any other purpose, and you can unsubscribe at any time.

Shortcuts

Share

Category