مؤسسة الثناء

06/04/2026

إن كنتِ تنفعلين حين يسقط الكوب من يد طفلك، وحين يرتكب أخطاء طفولية طبيعية وفقاً لسنه كالرسم على الطاولة، أو حين يأتي ليخبرك أنه كسر لعبته دون قصد، أو حين يحاول التحدث معك وأنتِ مشغولة... لا تتوقعي منه أن يأتي ويخبرك عن مشاكله حين يكبر.
إن لم تكوني مصدر الأمان في طفولته لن تكوني ملجأه وبئر أسراره حين يكبر.

06/04/2026

لكل أُم...خلي بالك فيه حاجات طفلك بيعملها بفطرته ودي بتعلي ذكاءه جدًا، بس إحنا ساعات بنمنعه منها

متكونيش من الأمهات اللي فاكرين إن الهدوء والسكون علامة الطفل المؤدب، وإن الحركة والكلام والفضول "قلة أدب" أو "شقاوة زيادة"

فيه حاجات طبيعية جدًا بيعملها طفلك، ولو سبتيه يمارسها بحرية، هتبقي هي المفتاح اللي بيفتحله أبواب الذكاء الاجتماعي واللغوي والمعرفي والتفكيري
لكن للأسف ، إحنا أوقات كتير بنمنعه منها، وبنضيع عليه فرصة ذهبية ينمو ويتطور بيها

تعالي أقولك على شوية حاجات مهمة جدًا، ولو شوفتيها بتحصل من ابنك أو بنتك، إفرحي وما تمنعيهاش واديله مساحه يمارسها

1. الأسئلة الكتير جدًا جدًا

ليه يا ماما؟ وإزاي؟ وفين؟ وإمتى؟
عارفة الأسئلة اللي بتخليكي تزهقي؟ دي علامة من علامات الذكاء عند الطفل
ده دليل إن مخه شغال، وفضوله بيزيد ، وعايز يعرف ويفهم.
لما تمنعيه أو تزعقيله، بتطفي فضوله وحبه للمعرفه وربطه للأحداث وفهم العالم المحيط بيه.
جاوبي عليه بايجابات مناسبه لعمره واستيعابه
لكن ما تطفيش فضوله ده أبدا.

2. اللعب التخيلي والتمثيلي

لما ينط من على الكنبة ويقولك أنا سوبرمان او سبايدرمان
او بنتك تلبس عروستها وتسرحلها وتتكلم معاها وتزعل منها وتصالحها...
ما تضحكيش ولا تقولي كفاية لعب وشقاوة
ده بيبني ذكاءه الإبداعي، وبيطور لغته وخياله، وبيدرب دماغه تتخيل وتحلل وتخلق سيناريوهات.

3. الكلام مع نفسه

لما تلاقيه بيتكلم مع نفسه أو بيمثل كأنه بيتكلم مع حد مش موجود ، ده تطور طبيعي جدًا.
ده اسمه "التنظيم الذاتي" وده بيساعده يرتب أفكاره، ويفهم مشاعره، ويخطط لتصرفاته.
ده طفل بيفكر بصوت عالي سبيه يفكر.

4. لما يكرر نفس الحاجة كتير

بيركب نفس المكعبات، أو بيحرك نفس اللعبة بنفس الطريقة، أو بيعيد نفس القصة
ده مش ملل… ده تعلم بالتكرار.
عقله بيحاول يتقن المهارة ويفهم النمط.
ما تمنعيهوش، حتى لو زهقتي.

5. لما يحاول يجرب لوحده

يقولك انا هلبس لوحدي، هآكل لوحدي ، انا هحط الميه في الكوباية
ما تمنعيهوش ، وفريله بيئة آمنه ومساحه آمنه وخليه يجرب ، هو مش هيعرف من أول مرة، بس لازم يجرب علشان يتعلم.
الاستقلالية بتعلم التفكير، والاعتماد على النفس، والثقة بالنفس.

6.التفاعل مع أطفال تانيين

لما يلعب ويتخانق، أو يخاصم ويصالح، أو يتكلم في موقف فيه تفاعل اجتماعي
كل دي مواقف بتعلمه مهارات اجتماعية لا تُقدّر بثمن.
ما تعزليش طفلك عن الناس، ولا تقوليله ، ما تلعبش مع حد
سيبيه يحتك، وخليكي دايمًا جنبه تعلميه من المواقف، مش تمنعيها.

7.اللعب الحركي والشقاوة

القفز، الجري، التسلق، الزحف، التقليب على الأرض…
كل دي أنشطة طبيعية ومطلوبة لتطور الجهاز العصبي والعقلي والحركي والمخي للطفل
سيبيه يتحرك ، سبيه يكتشف جسمه ، سبيه يتفاعل مع الدنيا حواليه.

خليكي عارفه إن طفلك مش نسخة مصغرة منك
مش مطلوب منه يبقى ساكت عشان انتي مش عايزه شقاوة والشقه تفضل متروقه
ولا مطلوب منه يبقى ناضج قبل أوانه عشان البيت يبقى هادي، ولا مطلوب منه يكون هادي لدرجة إنه يكبت طاقته وتفكيره وشخصيته.

سيبي ابنك يعيش طفولته علشان يبقى ذكي، قوي، متزن، واثق من نفسه
كل مرة بتمنعيه عن حاجة طبيعية بيعملها، بتقصي جناح من أجنحة ذكاءه وتطوّره
فكري في ده ، قبل ما تقوليله كفاية بقى أو عيب أو انا تعبت.❤️

04/03/2026

ناقشي مع طفلك 😍

04/03/2026

*مقياس اللغة أبو حسيبة:*
هو أداة تقييم لغوي للأطفال المتأخرين لغويًا، طوره الدكتور محمد أبو حسيبة.

*مكونات المقياس:*

1. *تقييم استقبال اللغة:* يقيم قدرة الطفل على فهم اللغة واستقبالها.
2. *تقييم التعبير اللغوي:* يقيم قدرة الطفل على التعبير عن نفسه باللغة.
3. *تقييم المفردات:* يقيم مستوى المفردات اللغوية عند الطفل.

*كيفية تطبيق المقياس:*

1. يتم تطبيق المقياس على الأطفال من سن 2-6 سنوات.
2. يتم تقييم مستوى اللغة من خلال مجموعة من الأسئلة والأنشطة.
3. يتم تحديد مستوى اللغة وفقًا للنتائج.

*فوائد المقياس:*

1. يساعد في تحديد مستوى اللغة عند الأطفال المتأخرين لغويًا.
2. يساعد في وضع خطة علاجية لتحسين اللغة.
3. يساعد في متابعة تقدم الطفل في اللغة.

*أنواع الأسئلة في المقياس:*

1. أسئلة فهم اللغة (مثل: أين باب الغرفة؟)
2. أسئلة التعبير اللغوي (مثل: ما هذا؟)
3. أسئلة المفردات (مثل: ما معنى كلمة "كتاب"؟)

04/03/2026

للاستشارات السلوكية والنفسية للأطفال
برامج وخطط لكيفية التعامل مع التوحد
طرق علاجيه للتأخر اللغوي و مشكلات النطق
توعيه للاباء لكيفيه التعامل مع أطفالهم
كن مطمئنا وواثق تمام الثقه مع
في التعامل معنا لأننا متميزون 👍❤️
#سناء #الشرافني #اخصائي #التربيه #الخاصه
#العاشر #من #رمضان #الشرقيه
#مجاوره /٢٨
#فون /٠١٠٠٤٧٥٢٦٦٠
#واتس/٠١٠٠٤٧٥٢٦٦٠
https://www.facebook.com/sanaelsharafny/

مؤسسة الثناء لتنميه الطفل

03/03/2026

هذا الفيديو موجه للعائلات لي عندهم أطفال يعانيو من تأخر في اللغة.
فيه تدريبات بسيطة وفعّالة يمكن القيام بها في المنزل 🏡
لكن يبقى توجيه المختص ضروري باش تكون التمارين مناسبة لاحتياجات الطفل.
الهدف هو دعم الطفل، تحفيز التواصل، وتنمية المفردات بطريقة ممتعة وآمنة.

21/02/2026

#سؤال #وجواب #في #التخاطب
#جلسات #تخاطب
مؤسسة الثناء #جلسات #تخاطب
#واتساب 010 04752660

08/01/2026

ADHD ...🍂🌹
يعني التشتت والانتباه ..
اغلب الاطفال والكبار قد يصيبون بADHD ،
ودا اما ناتج عن عوامل وراثيه في الجينات او بيكون نتيجة الفكر الزائد فييادي عدم التركيز والانتباه او التشتت ودا طبعا بعيد عن الزهايمر وان كان جزء من أسبابه.

-مرض التشتت والانتباه اغلب الأطباء او المتخصصين بيشوفوا انه علي انه مرض نفسي لانه بيحدث نتيجة عدم قدرة الشخص في استيعاب المعلومه نتيجة اسباب نفسيه اما توتر او قلق او خوف او صرع وغيرهم ... لكن هو في الحقيقه هو مرض عضوي مؤقت مع ممارسة التمارين والعلاج الدوائي في بعض الحالات يتم الشفاء مع المتابعه المستمره .

- طيب ناتج عن ايهADHD ، ذي ما قولنا قبل كدا اما ورثيا او
ناتج عن بعض تأثر بالمؤثرات الخارجيه علي خلايا المخ ..
طيب السؤال هنا هل بيؤثر علي الصحه العامه ؟؟
الاجابه هنا - احيانا ايوا لان مع عدم القدره في التحكم بيأدي
الي عدم التوزان او خلل في صحة الجسم ذي الاكل الغير منتظم وبشكل غير صحي والاكثار في تناول نسبه عاليه من السعرات الحرارية اللي بتاثر علي صحة الجسم .

- ADHD اذاي اعرف ان عندي او عند طفلي !!..
بسيطه ممكن تعمل اختبار ليك او لابنك مثلا بانك تقرء سطر
من كتاب او مجله او حتي جريده لمدة ١٥ ثانيه واقفل الكتاب وحاول تتذكر ما الشيئ المكتوب بهذا السطر .لو حسيت انك قدرت تقول المكتوب هتعرف انك شخص سليم اما لو اتكرر دا اعرف ان ابنك او انت بتعاني من التشتت والانتباه لان وقتها ذاكرتك اصبحت مثل السمكه .

- والسبب دى ايه !! السبب انك وقتها بتعمل إغلاق علي قدرة المخ في القدره علي التركيز فبتالي بتحس بالملل وتزهق وبتحس انك محتاج تتحرك لان عقلك للاسف بيبقي وقتها رافض انه يستجاب المعلومه.

- طيب اسباب التشتت والانتباه ايه بصفه عامه ؟؟..
لو اتكلمنا عند الاطفال فاسببابه كتيره :-
* ذي مثلا الوحده وعدم مجالسي الطفل والتحدث معه وطرح مواضيع والانصات له بإبداء رائيه .
* تناول الوجبات السريعة غير الطازجه او البيور وتناول كميه كبيره من السعررات الحرارية اللي موجوده في المياه الغازيه والسكريات المصنعه والأرز والمكرونه والمعجنات وغيرهم بكميه كبيره.
* نقص في فيتامينات الجسم والكالسيوم اللي بتساعد علي تنشيط هرمونات الجسم وظيفته.
* عدم ممارسة تمارين او أنشطه يوميه تساعد علي التركيز وتنشيط الذاكره.
* عدم مساعدة الطفل علي الجلوس أطول مده علي الكرسي واشغاله بانشطه محببه لديه .
* المشاجرات اليوميه بين الآباء والأمهات مما يؤثر علي صحته النفسيه. كل دا بيساعد علي التشتت والانتباه عند الاطفال .

-طيب بالنسبه للكبار :-
* عدم ممارسة تمارين تساعد علي تنشيط الذاكره .
* التدخين المستمر .
*التفكير العميق او الزائد علي اقل واتفه الاسباب .
* عدم التجديد واتباع الروتين رغم ان الروتين في بعض الأحيان مطلوب لكن بين الحين والآخر نحتاج الي تجديد له .
* الأصوات العاليه والغضب .
*زيادة في ضغط الشغل بدون وجود فترة راحه .
* الاكل الغير صحي والغير منتظم
* وجود امراض مزمنه مثل السكر والضغط وغيرهم .

- فكل دا بيؤدي الي الارهاق والتعب للجسم وخلايا المخ واللي سببه مع وجود العوامل الاخري بيظهر التشتت والانتباه اوADHD .

-طيب العلاج ايه :-
بالنسبه للاطفال لازم نعمل مقياس التشتت والانتباه كل فتره كدا علشان نقدر نحافظ علي صحته .
نعرف نحدد نسبة الذكاء عنده قد ايه انه ونقيس نسبة فرط الحركه .
* طيب نعمل ايه كمان نكرر من حفظ الكلام مره واتنين وتلاته علشان ندي الاوردر للمخ انه لازم يدخل المعلومه ميرفضهاش.
طبق معه بعض تمارين في البيت ذي مثلا لعبة السيجا او لعبة خبئ الأوراق المتشابه او دخول خلة الاسنان في علبته وهكذا .
الكتابه علي ما يقدر وقراءة القصص بالصور .
*حفظ القرآن الكريم هيساعده انه يجتاز التشتت وقلل من السعرات الحرارية ونظم اكله وخليك حريص علي انه يتناول الخضروات بشكل جيد والفاكهة بس طبعا يقلل من تناول الموز والبلح والتين والبطاطس والبطاطا لانهم بيساعدوا في التقليل او انعدام التشتت وعدم التركيز.
الخلاصه :- ADHD مش مرض خطيR علشان نقلق منه هو محتاج مننا متابعه جيده وتطبيق اللي قولناه مع اولادنا علشان نقدر نتفادي اي مشكله تطرء علينا 👌👌🍂🌹

08/01/2026

#بعض #مشكلات( )
في الدراسه كلمه كبيره وواحده تانيه
صغيره ولو الكراسه مش مسطره ينزل يشرب من البحر
‏قد يواجه المصاب باضطراب فرط الحركة وتشتت الانتباه صعوبات في مهارات الكتابة، مثل:

‏صعوبة التركيز على المهمة: يجد المصاب صعوبة في التركيز على مهمة الكتابة لفترة طويلة، مما قد يؤدي إلى ارتكاب الأخطاء ونقص الدقة في الكتابة

‏الاندفاع: قد يميل إلى الكتابة بسرعة دون التفكير في ما يكتبه، مما قد يؤدي إلى ارتكاب الأخطاء النحوية والإملائية

‏صعوبة تنظيم الأفكار: يجد صعوبة في تنظيم أفكاره وترتيبها بشكل منطقي أثناء الكتابة، مما قد يؤدي إلى كتابات غير مفهومة أو غير مترابطة

‏وفي شكل الكتابة ذاتها:

‏الخط: قد يكون خط المصاب غير واضح أو غير متساوٍ

‏القواعد: قد يجد صعوبة في تطبيق القواعد النحوية والإملائية

‏التعبير الكتابي: قد يكون تعبير المصاب الكتابي غير إبداعي أو غير مثير للاهتمام

#هل #يواجه #ابنك #إحدى #هذه #المشاكل؟
#مؤسسه #الثناء #لدعم #الفئات #الخاصة
#للحجز #الاستفسار #الاتصال #بنا #وأتساب01004752660

16/12/2025

مشكلة "تشتت الانتباه" (ADHD) مش بس صعوبات... هي كمان قوة
إيه اللي الناس بتفوته لما بتبص بس على "الاضطراب"؟
لما أغلب الناس بتسمع كلمة "ADHD" (اضطراب فرط الحركة ونقص الانتباه)، دماغهم بتجيب نفس التلات كلمات دول: متحرك زيادة عن اللزوم. بيتشتت. متسرع.
وآه، الصفات دي ممكن تكون جزء من الموضوع، بس هي مش كل الحكاية. لأ، خالص.
طيب، إيه رأيك لو كان الـ ADHD كمان معناه إن الشخص ده عنده شغف، ومبدع، وكريم، وعنده فضول؟
إيه رأيك لو كان الـ ADHD مش مجرد لستة تحديات المفروض "نتغلب" عليها، لأ، ده كمان مجموعة قوية من الصفات اللي—لو فهمناها صح—ممكن تشكل حياة من أكثر الحيوات إبداعًا، وتأثيرًا، وإحساسًا بالناس؟
تعالى نتكلم عن الصورة الكاملة لـ ADHD—لأننا لما بنختصرها في "مشاكل تركيز"، بنطنش العمق الرهيب لتجربة الـ ADHD.
الناحية التانية لـ ADHD: اللي مفيش حد بيتكلم عنها تقريبًا
أه، الـ ADHD ممكن يكون حاجة بتخنق.
ممكن يكون معناها إنك تنسى الوقت، أو تفوت مواعيد، أو تتخبط عشان تبدأ مهمة بسيطة، أو متعرفش تخلص مهمة كبيرة. غالبًا بيجي معاه قلق، وقلة ثقة في النفس، وسنين من إنك بتسمع إنك "زيادة عن اللزوم" أو "مش كفاية".
بس فيه حاجة بقى مش بتتكلم عنها كتير:
الـ ADHD ممكن كمان يكون معناها إنك خيالك واسع جدًا، ومتعاطف بشكل مش طبيعي، ومبتكر بشكل لا نهائي. الناس اللي عندهم ADHD مش بس بيفكروا بره الصندوق—لأ، كتير منهم أصلاً مشافوش الصندوق ده من الأساس.
بيحسوا بعمق. بيهتموا بصوت عالي. بياخدوا بالهم من حاجات الناس التانية بتفوتها. ولما يكون الموضوع يهمهم بجد؟ بيدوا له كل اللي عندهم.
عنده شغف، مش مجرد حركي زيادة
أكيد سمعت إن اللي عندهم ADHD عندهم مشكلة في القعدة ساكتين. طب إيه رأيك لو بصينا للموضوع بطريقة تانية؟
كتير من اللي عندهم ADHD هما في الأساس عندهم شغف وطاقة طبيعية—خاصة لما بيتكلموا عن حاجة بيحبوها. ممكن ينوروا أي قعدة، يتكلموا بحماس، ويحيّوا أي كلام ممل. ده مش معناه إنه "زيادة عن اللزوم". ده معناه إخلاص في الإحساس.
ده شغف. وده هو الـ ADHD.
مبدع واستراتيجي، مش بس بيتشتت
آه، ممكن عقول اللي عندهم ADHD تسرح. بس كمان بتوصل ما بين الأفكار. وفي الوصلات دي، بتتولد عوالم كاملة.
ممكن حد عنده ADHD ينسى مفاتيحه فين... بس يخترع أفكار غيره مستحيل يتخيلها. ممكن يتعب في الورق والمستندات—بس يحل مشاكل بطرق مش موجودة في أي كتيب إرشادات.
مخاخ الـ ADHD مش بتشتغل بشكل خطي (A وراها B)، وده معناه إن الحلول بتيجي من حتت غير متوقعة. ده ابتكار. ده إبداع. وآه، ده كمان هو الـ ADHD.
متعاطف ومحتوي للكل، مش بس متسرع
التسرع في الـ ADHD ممكن يكون محبط. بس على الناحية التانية، غالبًا بيكون جذره إحساس قوي وتواصل مع الناس. ناس كتير عندهم ADHD متعاطفين جدًا. بيحسوا بمشاعر الناس التانية كأنها بتاعتهم.
وده بيخليهم طيبين، ومحتوين للناس، وذكائهم العاطفي بيبقى عالي جدًا. هو ده الصاحب اللي ديما بيسأل عليك. الشخص اللي بيعيط في فيلم. اللي فاكر أنت بتحب قهوتك إزاي وكنت حاسس بإيه من تلات شهور.
مغامر. عنده فضول. شجاع.
الروتين ممكن يكون خانق للشخص اللي عنده ADHD. بس الجانب التاني للقلق وعدم الاستقرار هو الرغبة في الاستكشاف—جوع إنك تشوف أكتر، تجرب أكتر، تتعلم أكتر.
الدافع ده للاكتشاف غالبًا بيخلي اللي عندهم ADHD جريئين، شجعان، ومتقبلين للتغيير في عالم بيقاوم التغيير.
ممكن ميمشوش ديما على الطريق "الطبيعي"—بس غالبًا بيخلقوا طرق أحسن.
عنده مرونة وبيعرف يتصرف
العيشة مع الـ ADHD معناها إنك بتتعامل مع دنيا غالبًا مش بتعمل مساحة لدماغك عشان تتنفس.
ده معناه إنك بتحاول تمشي على تعليمات مش مناسبة، ومواعيد مش بتنفع معاك، وتوقعات مش مبنية عشانك.
ورغم كل ده—كتير من اللي عندهم ADHD بيصحوا كل يوم، وبيحضروا، وبيحاولوا تاني، وبيكملوا.
ده مش فشل. دي مرونة وقوة على التحمل.
دي القوة اللي مفيش مدرسة ممكن تعلمها.
ياريت نبطل نعرف الـ ADHD باللي "ناقصه"
لما المجتمع بيتكلم عن الـ ADHD، غالبًا بيستخدم كلمات زي "اضطراب" أو "نقص". بيركزوا على إيه اللي مش موجود.
بس الحقيقة هي:
الناس اللي عندهم ADHD مش ناقصهم انضباط—هما غالبًا ناقصهم أنظمة تناسب الطريقة اللي دماغهم بتشتغل بيها.
مش ناقصهم ذكاء—هما ممكن يكونوا بيتعلموا بطريقة مختلفة، بيفكروا بطريقة مختلفة، أو بيعبروا عن عبقريتهم بطرق مش تقليدية.
مش ناقصهم إمكانيات—هما غالبًا ناقصهم فهم ودعم من الناس اللي حواليهم.
طب إيه رأيك لو عكسنا الآية؟
إيه رأيك لو بدل ما نحاول "نصلح" الـ ADHD، نحاول نفهمه؟
إيه رأيك لو ركزنا على إننا نبني بيئات تقدر عقول الـ ADHD إنها تزدهر فيها بدل ما يقعدوا "يتعايشوا" باستمرار؟
إيه رأيك لو الأطفال اللي عندهم ADHD شفنهم على إنهم مخترعين بدل ما يكونوا صعبين؟
إيه رأيك لو الكبار اللي عندهم ADHD اتعرض عليهم مرونة بدل ما يتعرضوا للإحراج؟
إيه كمان شكل الـ ADHD؟
(ليستة غالبًا مش هتشوفها في عيادة الدكتور):
* عنده شغف
* استراتيجي
* متعاطف
* كريم
* دمه خفيف
* عنده فضول
* شجاع
* عفوي
* بيعرف يتأقلم
* صريح
* حدسي
* صادق
* متحمس
* مؤثر
* بيحب يتكلم
* أصيل (طبيعي)
* مليان طاقة
* ذكي
* ملهم
* طيب
* مبتكر
دي مش أعراض.
دي نقط قوة.
ومستاهلة إننا نعرفها، ونحتفل بيها، وندعمها.
لو بتحب حد عنده ADHD—أو أنت نفسك شخص عنده ADHD—اعرف الآتي:
أنت مش مكسور.
أنت مش كسلان.
أنت مش "زيادة عن اللزوم".
أنت مش فاشل.
أنت بس عايش في دنيا معمولة لعقول بتشتغل بطريقة مختلفة عن بتاعتك.
بس ده مش معناه إنك مش من حقك تكون موجود.
في الحقيقة، الدنيا محتاجة طريقتك في الرؤية. شغفك. أفكارك. قلبك.
الـ ADHD مش مجرد تحدي.
هو كمان هبة.
وجه الوقت اللي نتعامل معاه على الأساس ده.
#مؤسسة #الثناء
دعم الفئات الخاصة

16/12/2025

ABA,😍
ابني بقاله كام يوم في المدرسه بياخد good behavior على غير العاده يعني
(حاجه كده زي" النجمه " اللي كنا بناخدها زمان)
ف أخته بتقوله ليه أنا مش باخد good behavior و أنا طول الوقت مؤدبه و مش بعمل مشاكل
فقالها ما هو علشان أنت على طول مؤدبه مش هتاخدي حاجه
جربي اعملي مشاكل كتير و بعد كده اعملي حاجه واحده بس حلوه هتاخدي good behavior
تنميه بشريه بريئه جدا

30/11/2025

معالجة النطق (أو علاج النطق والتخاطب) هي مجال تخصص صحي يتعامل مع تشخيص وتقييم وعلاج الاضطرابات المتعلقة بالتواصل واللغة والنطق والبلع لدى الأفراد من جميع الأعمار، من الرضع إلى كبار السن.
الهدف الأساسي هو تحسين جودة حياة الأشخاص الذين يواجهون صعوبة في التواصل بفعالية.
ماذا تشمل معالجة النطق؟
يقوم أخصائي النطق واللغة (معالج النطق) بالعمل على مجموعة واسعة من المشكلات، تشمل:
اضطرابات النطق: مساعدة الأفراد على نطق الأصوات والكلمات بشكل صحيح وواضح، مثل معالجة صعوبة نطق حرف معين (مثل "ر" أو "س").
اضطرابات اللغة: تحسين القدرة على فهم اللغة (اللغة الاستقبالية) واستخدامها للتعبير عن الأفكار (اللغة التعبيرية)، سواء كانت لغة منطوقة أو مكتوبة.
اضطرابات طلاقة الكلام: التعامل مع مشكلات مثل التأتأة (Stuttering) لجعل الكلام أكثر طلاقة وسلاسة.
اضطرابات الصوت: معالجة المشكلات المتعلقة بنبرة الصوت، وشدته، وجودته (مثل البحة المزمنة).
صعوبات البلع (عسر البلع): تقديم تمارين لتقوية عضلات الفم واللسان للمساعدة في المضغ والبلع الآمن، وهي مهارات مرتبطة بنفس العضلات المستخدمة في الكلام.
التواصل المعرفي: مساعدة الأشخاص الذين يعانون من مشكلات في مهارات التفكير التي تؤثر على التواصل، مثل الذاكرة والانتباه وحل المشكلات.
من يستفيد منها؟
يستفيد من معالجة النطق الأشخاص الذين يعانون من صعوبات بسبب:
مشاكل نمائية: تأخر النطق والكلام عند الأطفال.
حالات عصبية: مثل السكتات الدماغية، الشلل الدماغي، أو التصلب المتعدد.
إصابات جسدية: إصابات الرأس أو الحلق.
حالات وراثية: مثل متلازمة داون.
أسباب جسدية أو نفسية أخرى.
باختصار، معالجة النطق هي تدخل علاجي متخصص يهدف إلى تمكين الأفراد من التواصل بثقة وفعالية أكبر، وتحسين نوعية حياتهم اليومية.
#مؤسسة #الثناء
لدعم #الفئات #الخاصة
https://www.facebook.com/share/1GcqKenH5z/