29/04/2026
XX KUNINGRIIGI PÄIV 3. AUGUST 2013, LUHAMAA
♦ 33 aastakka Seto Kuningriike ♦
Lääme´ aoh tagasi, kaemõ` perrä ni` annamõ´teele tiidä` kuimuudu tetti Seto Kuningriiki 33 aastakka tagasi.
𝐊𝐢𝐢𝐨𝐫𝐚 𝐥ä𝐭𝐭 𝐤ä𝐞𝐬𝐭 𝐤ä𝐭𝐭𝐞 𝐣𝐚 𝐊𝐮𝐧𝐢𝐧𝐠𝐫𝐢𝐢𝐤 𝐨𝐦 𝐦𝐞𝐢𝐥 𝐬üä𝐦𝐞𝐡
Aastak 2013 tõi juubõlihõngulitse XX Seto Kuningriigi päävä Luhamaa nulka Määsi mäe pääle- miä oll´ suurõ tähendüsega verstapost. Pääväkene sai alostõt väegalt uhkõlt - Seto Kuninglik Kroonikogo tuudi rahva ette.
𝐊𝐫𝐨𝐨𝐧𝐢𝐤𝐨𝐠𝐨 osa XX Kuningriigi pääväl oll` väegalt eismuudu ni´ korgõlt hinda tõstõtu - seo olõ-õs õnnõ´ avvuküläliste rivi , a´ kuulut kõõ rahvalõ kimmäst olõkit ni` Kuningriigi olõmise edesikandmist. Keskpääväne suurõ tähendüsega rivisamm – Kroonikogo kimmäs pargih tulõk – lei nigu silla lännü` ao ja parhilladsõ ao vaihhõlõ. Kroonikogo olõmine Kuningriigi pääväl es jää´ õnnõ` ütest tulõkist ja hindänäütämisest päävä alostusõl. Peoplatsi pääl oll` näile säet uma kotus ja umanimelitse` istmispingi´. Seo kokko andsõ ummamuudu väke ja kimmäst olõkit ni` tiidmist kuis kõik om aoh olnu`. Kroonikogo oll` pidoplatsi pääl väegalt korgõlõ nõstõtu`. Seoga näüdäti, õt Kroonikogo olõ- õi´ õnnõ´ amõtimeeste kamp, a om korgitõ setodõ rida- ummi nimmiga, ummi luguhustõga´ ni´ aoluuga. Seo andsõ kokko Kuningriigi pääväle väe , mitä kandas aastagast aastagahe edesi ja edesi.
Raamaduh om kirotõt, õt päävä kujondusõ tunnismärgis korjati vällä Peko sõanui kiiora. Kiiora oll` seol kõrral palljo inämbät ku´ õnnõ` Ülembsootska võimumärk. Seo oll´ tunnismärk, seo oll´ võrdkujo – miä ehtse Kuningriiki, miä ehtse Setomaad.
Raamadust: „Kujondusõ tunnusmärk oll’ Peko sõanui kiior, mis parhiltasõl aol om välimätse moodu saanu’ tuust, õt täüt ülemsootska valitsuskepi kotust. Värëhtipostõl oll’ kiiora kujo, vägiimehe võistlusõl hiideti pirakat kiiorat ja ka päivä logo sai nätä’ samma kiiorat, midä kasutaso’ ülemsootska’.”
Niimuudu köütse üts tunnismärk kokko terve Kuningriigi päävä ilo, miä oll silmägä nätä ni´paista´. Tunnismärk – Peko sõanui kiiora- näüdäs hinnäst pidoplatsi pääle minneh, mõõduvõtmiste paiko man ni´mujjalgi´.
Ülembsootska välläsortmine astõ seol pääväl mito vahtsast sammu, miä tegi välläsortmise viil inämb suurõmba tähendüsega. Rahva ette saistiva kats kangõt setot- 𝐏𝐫𝐢𝐤𝐬𝐢 𝐉𝐚𝐧𝐞 ni´ 𝐋𝐞𝐢𝐦𝐚 𝐀𝐚𝐫𝐧𝐞.
Edimäst vuuri aoluuh saistas rahva ette amõtih olnu` ülembsootska ni ´ andsõ rahvalõ tiidä´, õt ta pand uma amõti maahha. Niimuudu sai algusõ ülembsootska välläsortmisõ vahtsõnõ kommõ´ - no´ sai rahvas eis´ vällä märki´, kellele uma kimmäs helü anda .
Ülembsootska välläsortmine näüdäs, õt rahvas pidi tähtsäst jättä´ võim hüäle setolõ 𝐋𝐞𝐢𝐦𝐚 𝐀𝐚𝐫𝐧𝐞𝐥𝐞, kiä hoitsõ kimmäst järge valitsõmisõh.
Vahtsõmp oll´ ka´ Ülembsootska amõtihe pühitsemise tseremoonia. Ku´ varahampa anti võim ni´ kiiora õnnõ` innidse sootska käest vahtsõlõ Ülembsootsalõ, sis seol kõrral andsõ õga Kroonikogo sootska, kiä rivih sais, avvu kiioralõ. Nii läts kiiora rita pite kooni´ vahtsõ välläsordit Ülembsootskani`. Seo tseremoonia sai väegalt suurõ väe ni´ tähendüse, koh näüdeti, õt kõik innidse´ sotska´tunstasõ´ vahtsast Ülembsootskat.
Ku`amõtlik osa oll´ läbi, naas` helisemä Kuningriigi süä- inemise` leelotiva`, pillihelü` lindsiva´ üle mõtsu, rahvas oll´ tõõnõtõõsõga´ ümbrekaala kuuh…
XX Seto Kuningriik näüdäs maailmalõ, õt seo olõi´ õnnõ pido ütest pääväst. Seo om traditsioon, seo om setodõ elo, kombõ´, hingämine - miä eläs , kasus ni´ kandus edesi uma rahvaga kuuh. Avvu Setomaalõ! Avvu Kuningriigilõ!
Pilt om peri raamatust „20 aastaka Seto kuningriike“, Matvei Arvi
Postituse aluseks om raamat „20 aastaka Seto kuningriike“.
