الكنيسية جوهرة الآثارالرومانية تبسة

الكنيسية جوهرة الآثارالرومانية تبسة نحن مجموعة من الشباب و سكان الحي نعمل على تحسين المحيط الخارجي للآثار الرومانية الكنيسة ونشر الوعي

شكون يربي شكون !!!!!؟؟؟؟سعات نسمع نداء يوجهه بعض الفاعلين و المصلحين للاباء باه يربو ابناءهم على وضع القمامة في المكان ا...
03/08/2026

شكون يربي شكون !!!!!؟؟؟؟
سعات نسمع نداء يوجهه بعض الفاعلين و المصلحين للاباء باه يربو ابناءهم على وضع القمامة في المكان المخصص و عدم الرمي العشوائي ولكن من خلال تجربة اللي هي تنظيف احواض الاشجار في حي الكنيسية طريق رئيسي الناس كل تفوت عليه لاحظنا من خلال الاوساخ المرمية ان كل الفئات العمرية تساهم في تلوث المحيط استهلك و ارمي وين جا لا يهم معناها لازم تستثني الآباء من الحل....
و كيف كيف عن تجربة الغرامة و العقوبة و الكاميرات في كل مكان هي الحل الوحيد و الاوحد لحل هذا المشكل اللي يغلط يخلص...

الشجرة و كرهت مسكينة!!!!!اليوم بعد ان قمنا بعملية تطوع لنزع الحديد المخصص لحماية الاشجار كي كانت صغيرة و كذلك قمنا بتنظي...
31/07/2026

الشجرة و كرهت مسكينة!!!!!
اليوم بعد ان قمنا بعملية تطوع لنزع الحديد المخصص لحماية الاشجار كي كانت صغيرة و كذلك قمنا بتنظيف حوض الاشجار من الاوساخ و الله تتعجب كيفاه تقدر شجرة تمدك بظل و اكسجين و تنظفلك الهواء من الغازات السامة و تعطيك ازهار تجمل المحيط و تلطفلك الجو و انت تقوم برمي اوساخك و فضلاتك في محيط لكائن حي ينبض بالحياة والله امرك غريب يا هذا و من خلال الفضلات الموجودة في الاحواض تعرف ان كل الفئات العمرية و من الجنسين يرمو في حوض الشجرة !!!
سلوك يظهر للاسف تخلف كبير لفئة كبيرة من المجتمع...
المهم الحمد لله كملنا جزء من العملية برك لان عدد المتطوعين كانو ثلاثة من الناس برك غدوة نشاللة نكملو اللي بقى تنظيف و سقي...
الحمد لله الذي هدانا لهذا

31/07/2026

ساعة من وقتك...
اليوم ندعو ابناء الحي و كل من يريد التطوع بساعة من وقته سوف تكون من اجل النظافة، التحضر لنصنع بيئة نقية.
و كما يعلم الجميع التطوع عندو فوائد كبيرة صحية و نفسية و اجتماعية، و كذلك فيه اجر كبير...
كونوا في الموعد

ماشي غير الظل ....الشجرة كي تغرسها رايح تزيد في كمية الاكسجين الموجودة في الكون و كما يعلم الحميع بلا الاكسجين ما كانش ح...
29/07/2026

ماشي غير الظل ....
الشجرة كي تغرسها رايح تزيد في كمية الاكسجين الموجودة في الكون و كما يعلم الحميع بلا الاكسجين ما كانش حياة يحبس الاكسجين معناها الم...وت وكذلك فوائد اخرى منها تنظيف الجو و تلطيفه من خلال دفع كميات كبيرة من الماء في الجو، تمدنا كذلك بفاكهة، ماوى الحيوانات و تساعد في المحافظة على التنوع البيئي و كذلك احاديث دينية تدعو إلى الغرس حتى لو قامت الساعة لاهميتها ووووو
ولكن في تبسة للاسف نهتم بالبوردير و الطروطورات و ابني بلا فايدة تذكر و حتى كي نغرسو الاشجار لا تراعى الشروط اللازمة و النوعية الملائمة و المتابعة بعد الغرس فوت و خلاص....
المهم في تبسة رانا لا علاقة بالبيئة و التشجير و النظافة و الانجازات الباهبة و اللي عندها معنى و فايدة....
صورة مرفقة تاع اشجار التوت المغروسة في حي الكنيسية عمرها ربع سنوات طولها يفوت الخمس امتار شيخة تاع ظل و اكسجين و ثمار و امتصاص الغازات السامة وووو
نتمنى من سكان الحي المحافظة على النظافة

من الغباء!!!!!الناس كل عام تشكي من السخانة و من نقص الاشجار في تبسة و لكن لا يوجد برنامج و ميزانية مخصصة لغرس الاشجار من...
25/07/2026

من الغباء!!!!!
الناس كل عام تشكي من السخانة و من نقص الاشجار في تبسة و لكن لا يوجد برنامج و ميزانية مخصصة لغرس الاشجار من طرف المديريات المتخصصة او البلدية و كذلك افراد المجتمع الناس كل في الصيف تحوس على مكان لركن السيارة او ظل يقف تحته يقيه من حر الشمس و لكن تبسة كاملة و قيلة ثلاثة من الناس فقط تهتم بالغرس و هذا لا يكفي في ولاية شاسعة مثل تبسة....
كذلك العام هذا كل الاشهر تساقطت فيها أمطار كبيرة و لكننا لم نستطيع ان نجمع مياه الامطار و نستعملوها في حياتنا اليومية شرب و تنظيف و سقي الاشجار و العاب ترفيه وووو
و دائما تبقى دربوكة طريق عنابة فارغة إلى اشعار آخر....
تحس ان تبسة التسيير و انجاز المشاريع دائما مركزين على الطروطورات و التهيئة تاع المساحات و انجز دون توفر ادنى المعايير و المراقبة و المتابعة بعد الانجاز و اللي كان فيها تبذير كبير للمال العام بلا فايدة للاسف
صحيح كاين زوز و الا ثلاثة من ناس يديرو الصوارد و يحقو مكاسب كبيرة لكن المواطن التبسي لم يستفد شيء منذ عشرات السنين بسبب عقلية الجشع...
حسبنا الله و نعم الوكيل فيكم

كي نتعب و نندم على اللي فات و الا كي نغتر بما عندي.....أيتين من سورة الحديد ترتح كل انسان ندمان و الا مغتر بما عنده يقول...
23/07/2026

كي نتعب و نندم على اللي فات و الا كي نغتر بما عندي.....
أيتين من سورة الحديد ترتح كل انسان ندمان و الا مغتر بما عنده يقول الله تعالى (21) مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ (22) لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (23)
صدق الله العظيم

الطيارة الكبيرة....كي نشوفها في مطار تبسة نفرح حتى لوكان مانيش من الركاب وعلاه!!!!؟؟؟لان وسائل النقل تخلي افراد المجتمع ...
21/07/2026

الطيارة الكبيرة....
كي نشوفها في مطار تبسة نفرح حتى لوكان مانيش من الركاب وعلاه!!!!؟؟؟
لان وسائل النقل تخلي افراد المجتمع تتنقل اكثر و تحتك بمجموعات عندها عقليات اخرى و سلوكات اخرى كي تكون باهية تقدر تاثر ايجابا على المسافر...
نتمنى ربط ولاية تبسة بعدة وجهات داخليا و خارجيا....
المجتمع التبسي راهو في حالة و نحتاجو اصلاح الفرد بكل الطرق المتاحة....
رب يجيب الخير لولايتنا

الفان زون تبسة ههههه (مكان للترفيه)ما لاحظته بعد نتائج البكالوريا ان كل شيء يمشي مع بعضاه تبسة السنوات الاخيرة تتذيل كل ...
19/07/2026

الفان زون تبسة ههههه (مكان للترفيه)
ما لاحظته بعد نتائج البكالوريا ان كل شيء يمشي مع بعضاه تبسة السنوات الاخيرة تتذيل كل شيء ما عدا الحوايج الخايبة فتجد مثلا ولاية سطيف تبعت نتائج شهادة التعليم المتوسط و الباك لاباس ملاح
و زيد الاستثمار ماشي و التجارة و الصناعة و التهيئة الحضرية و كذلك الرياضة. مسابح اماكن الترفيه، مطاعم مليحة مساحات خضراء، مولات....
و نحنا تبسة يا لطيف راك تشوف نتائج البكالوريا كيفاه مقارنة بالولايات الاخرى تعتبر كارثية. التهبئة ما نحكوش تسيير بعض القطاعات كارثي المهم تبسة حالتها خايبة على جميع الاصعدة....
كي يڨولولي خرجنا ندورو رانا قلقنا محسوب راهي حطة البرا و انا باخلكم.
الزم بيتك...
صورة مرفقة اللي يحب يزهى و يتفرج في جو مهيب من الحزن و الاسى في بلاس كارنو ههههه... مانعرفش اليوم فيها النهائي والا لا ادخل الموقع تاع الترفيه تبسة و شوف البرنامج
اللي جاب هاذ الداتا شو كثر خيرو خير من والو

رسالة من عند عامل نظافة إلى المواطنين....امس فات عليا عامل نظافة حبستو نحكي معاه على الاحوال و قلت نطلع ليه شويا مورال و...
17/07/2026

رسالة من عند عامل نظافة إلى المواطنين....
امس فات عليا عامل نظافة حبستو نحكي معاه على الاحوال و قلت نطلع ليه شويا مورال و نشكرو على ما يقدمونه... حكينا شويا دورلي ڨلبي و هو يحكي على السلوكات السيئة تاع المواطنين من رمي عشوائي و اشياء حادة في وسط القمامة و استهلك و ارمي في الارض...
المهم حالة كارثية ورالي مسكين جبهتو مشلط من السخانة و قالي عندنا زوز عمال ضربتهم الشمس في مستشفى بكارية..
قتلو رسالة للمواطن التبسي...
بالحرف الواحد """ راكم تعبتونا و مرضتونا في هاذ السخانة راكم ياااسر يااااسر""""

15/07/2026

علاه تبذير الطاقة الكهربائية!!!!؟؟؟؟
من الاشياء التي امقتها تبذير الطاقة في لا شيء انارة عمومية غالطة طول تجد محور دوران قطره ميترتين و نص فيه ستة اعمدة كل عمود فيه زوج مصابيح يعني شيء مؤسف صح لان هذه الطاقة هي حق الاجيال القادمة....
الكهرباء في الحزائر مصدرها الغاز الطبيعي و انتاجها مكلف و كذلك ملوث للبيئة...
المهم الناس كل تساهم في هذا التبذير من الادارات إلى المساجد من اجل صلاة تاع ربع ساعة مبردات ضخمة تجبد نهار كامل و الله حرام هذا من التبذير المنهي عنه شرعا....
المهم في تبسة الانارة و التبريد ما همش مدروسين خلاص و تركيبهم عشوائي....
رب يهدي ما خلق
اغنى الدول في العالم و الله ما يدير انارة زي الموجودة في الفيديو المرفق
نتمنى من جميع اطياف المجتمع ترشيد استهلاك الكهرباء مسؤولين مواطنين، أئمة، جمعيات،...لكي نحافظ على بيئتنا و نخلو للاجيال القادمة شويا ضو

Adresse

الآثار الرومانية الكنيسة
Tébessa
12000

Site Web

Notifications

Soyez le premier à savoir et laissez-nous vous envoyer un courriel lorsque الكنيسية جوهرة الآثارالرومانية تبسة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type