05/09/2026
🔴 بدّلنا وجهة الحملة… والسبب؟
بعد ما أعلنا على حملة جمع الحقائب والكسوة لفائدة المتضررين من الحرائق، قررنا نغيّروا وجهتها قبل ما نبدأوا في جمع التبرعات.
السبب الأول: الحمد لله، بزاف من المؤثرين والجهات أطلقوا حملات مشابهة، والنداء وصل للناس بشكل كبير، ونحسّوا بلي مساهمتنا في نفس الاتجاه ممكن تكون كي شغل نزيدو الماء للبحر.
والسبب الثاني: حنا مازال ما جمعنا والو، وبالتالي شفنا بلي من الأفضل نوجّهوا الحملة لفئة محتاجة، وما عندهاش نفس التغطية الإعلامية.
🎒 لذلك قررنا نوجّهوا الحملة إلى أطفالنا الأيتام في المسيلة، ونخليوا هدفنا هو إدخال الفرحة عليهم وتوفير ما يحتاجوه للدخول المدرسي.
التضامن ماشي مربوط بترند ولا بكارثة فقط…
التضامن يكون وين تكون الحاجة. 🤍
نفس الحماس، نفس الهدف، لكن وجهة مختلفة…
وهذه المرة لأيتام المسيلة.
ربي يقدرنا على فعل الخير ويجعل كل مساهمة سببًا في فرحة طفل. 🤲
