04/05/2026
Salut les symbiotes💚!
إن شاء الله تكونو كامل بخير 😁…
جينا نشاركوكم كيفاش فوتنا l’événement de recrutement✔️.
عرفنا المشاركين بجمعية الأطلس الصحراوي ونواديها وحكينا على مسيرتهم وعلى الأنشطة والمشاريع لي قامو بيها😄…
حكينا على سامبيوسيس، القيم و الأهداف تاعو والأنشطة والهدف منها وعلى مسيرة النادي بما أنو هاذ العام دار 8 سنين💚✨
وكيما تعرفو علينا المشاركين حتى حنا تعرفنا عليهم وتعرفو على بعض🤝
كان l’événement متنوع وين المشاركين تعلمو عفايس جدد شاركو في ورشات، نقاش، قدمو آرائهم وعرضو أفكارهم وبلاما ننساو العمل الجماعي لي كان كاين🙌
بدينا بورشة création d’activité وين المشاركين عرفو كفاه تجينا فكرة نشاط ومنين نبداو والخطوات اللازمة باش نديرو activité وكامل قدمو آراء وأفكار نشاطات جديدة❤️
ورشة Eco impact لي حكينا فيها على المشاكل الايكولوجية لي يواجهها مجتمعنا وكفاش نقدرو نلقاولها حلول وكامل الفرق اقترحوا أفكار أنشطة وحلول وعبرو على المشاكل الايكولوجية لي يلاحظوها في المجتمع…
و في الفترة المسائية شفنا الجانب الإبداعي للمشاركين في workshop DIY 😄💚
وكان فيها Débat بعنوان Pourquoi je m’engage? لي تبادلنا الآراء فيها (الأعضاء والمشاركين) حول l’engagement، العمل الجمعوي والتطوعي…
ختمناها بفيلم وثائقي قصير بعنوان "زق الطير" وين كان حاضر معانا الفريق لي عمل على الفيلم و تناقشنا معاهم حول الفيلم،الموضوع تاعو،التسمية،التراث والعادات كيما عادة زق الطير✨…
إن شاء الله تكونو استفدتوا واستمتعوا معانا ماتنساوش تخلولنا آرائكم في التعليقات ونتلاقاو في الأنشطة الجايين😁💚!
