23/12/2025
السلام عليكم.
هذه رسالة من اخت توجهت الى الوكالة الجهوية لعدل و تمت إجابتها على بعض الانشغالات:
كنت الصباح في مقر عدل 3 قسنطينة
اليوم الاثنين يوم الاستقبال درك نقوللكم على اجوبة بعض الانشغالات
الباقي شوفو يوم استقبال عدل ولايتكم راهم يستقبلو عاااااادي
في يوم الاستقبال
اولا مشكل F4 و F3
و هذا راهي جاوبت عليه الوكالة ف الفايسبوك
نخلصو عادي الدفعة الأولى مبعد يفتحولنا شهر طعن
اللي حاب يهبط ل F3
ينقصولو الدفعة الجاية
و الي العكس يزيد الفرق هذا ماكان و قالولي هذا حقكم ماش مزية برك صرا خلط فالسيت ماحسبش على عدد الأفراد لدى البعض
2- المشكل تاع المودباص اللي بدلوه ولا غلطو و ماجاهمش الميساج
كاين سبب وحيد و هو truecaller
نحيوه من التيليفونات خاطر مايوصل حتى ميساج من عدل يحسبو سپام و الطفلة قدامي جربت عادي و جاها الميساج
3- اللي خلصو و ماجاهمش reçu de versement,
ولا جاتهم erreur و الدراهم ماكانش فلكونط
و كاين حتى الي خلصو مرتين
هنا فالسيت بعد بالاحمر مكتوبة بلي l'historique تاع الذهبية ولا cib
راهو دليل بلي دفعتو
استناو 72 ساعة اذا راحو الدراهم ديرو relevé de compte و خليوه عندكم راهو اثبات دفع
و اذا رجعو الدراهم عاودو خلصو عادي
و في كلتا الحالتين تقدرو تروحو لعدل في يوم الاستقبال تاعهم يقدرو يتأكدولكم مباشرة من عندهم اذا دخلو الدراهم
4- اللي ماطلعولوش المعلومات يصبر ايامات هوما قالولنا اسبوع حتى يديرو تحديث للسيت و راهو مازال الوقت للدفع
و أنا شخصيا أفضل مادام هكا مشاكل الافضل نستناو شوية مازال الحال يومين 3
في حال فاتت السمانة الوكالة ديما مفتوحة
الحق يقال استقبلونا كااااامل و كي شافو الاسئلة تتعاود هبط الممثل عن الوكالة هبط عندنا جاوبنا كامل الاجوبة هاذو و بقاو اللي عندهم مشاكل كيما تاع الطعون
جابو الملفات تاعهم باه يعاودو يدفعو
لجزائر
