جمعية القلوب الرحيمة الخيرية

25/07/2026

20/07/2026

🛑 اليوم كان العشاء على شرف أطفال الميتم ❤️
130 طفل كانو حابين يتعشاو. 🥺 طاكوس و تشيز مع مشروبات و ماء زاد ناس بعتتلهم الفواكه و القاطو ❤️ المهم كلاو و زادو و شبعو و دعاولكم دعوة خير كبيرة ❤️
الشكر للادارة لي خلاتنا نفرحوهم و نساربيو يد بيد ❤️ و نشكر كامل لي دارو فينا الثقة و شاركو فهاذ العشاء ❤️
و الشكر الكبير لصديقتي Ōûm Sįrādj لي وقفت و تعبت و قضات ❤️ ربي يتقبل من الجميع ❤️ كاين هذاك الطفل اليتيم فالاخير عمره اربع سنوات ميهدرش و تكسرلو الفيلو تاعو شبع بكا مسكين حتى مدولو بالون باش سكت شوية ،
وشرايكم نشرولو دراجة ؟ تخيلو برك فرحتو كلش حيهون قدامها ❤️ يالله من الفائز بهذا الخير ؟

20/07/2026

🛑 فرحتنا لا توصف 🥹❤️
🛑 الحمد لله الذي سخرنا و إياكم اهذا الخير ❤️
🛑 هذا جزء مما أخذنا معنا امس للميتم ❤️ سواءا للاطفال الي سلكو من الحرائق أو للأطفال القاطنين به مالاول ❤️
🛑 قع استفادو و قع فرحو ❤️ خير كبييير لحقهم ❤️
🛑 ربي يتقبل من كل واحد منكم ❤️ كنتم سببا في ادخال السرور على قلوب ايتام ان شا الله ربي يتقبل و يعلي شانكم و لن يخزيكم الله ابدا ❤️
🛑 شكرا لجميع واحد تبرع و شارك و لا جا ولا سعى ❤️
🛑 شكرا لكل من وضع ثقتهم فينا لايصال الامانات ❤️ راهي لحقت ووصلناها بيدنا ❤️
🛑 شكرا للسيدة Ōûm Sįrādj كنت مفتاحا لنا ❤️
🛑 شكرا للسيد # الحراش وحنا ولادها على التبرعات ربي يتقبل🤲

🛑 الشكر للسيد مدير الميتم و للطاقم 🤲🇩🇿

🛑و حبيت نقوللكم أنو العشية ان شاء الله راح نديرو عشاء لاطفال الميتم كلهم كاين حوالي 110 طفل لي حب يشارك يراسلنا ❤️

🛑 فرحتنا لا توصف ❤️ ربي يتقبل منكم و منا و يسخرنا ديما فالخير ❤️

18/07/2026

🛑 الناس لي راهي حابة #تتبرع و تصدق للاطفال اليتامى معنيين بالمنشور 🖐️👇🏻
🛑 كامل قلبنا ضرنا و شفنا الاف الناس توجهو للتبرع في المستشفيات لي راهم فيهم الاطفال المحروقين يعطيهم الصحة داو الادوية و الحفاضات و فورتيمال الخ …
🛑 اليوم نناشدكم لأجل بقية الاطفال لي نقلوهم الى دار طفولة اخرى ، و هوما بحوايجهم على لحمهم فقط كلش تحرقلهم ، رانا نجمعولهم و هاوليك واش خص :
🛑 بيجامات
🛑 جبب
🛑 كوسميتيك : جال دوش ، شامبو ، لانجات ، صابون ، ريحة ، ستيك ، ديودورون ، و اشياء اخرى خاصة بالبنات ❤️
🛑 شوشوات للبنات ❤️
🛑 حلوى و قصص يتسلاو بيهم
🛑 اعمار البنات من 12 الى 18 سنة توكلو على الله و تواصلو معنا باش نفرحوهم راهم في صدمة كبييييرة كبيرة على الاقل نوقفو معاهم ❤️
🛑 موعدنا يوم الاحد ان شاء الله
وربي يتقبل منا و منكم

16/07/2026

🔴في اليوم الوطني للطفولة !! 😭استشهدت الطفولة 🥺

🔺كما يعرف اغلب المتطوعين او الناس لي مالفين يخدمو مع دور الطفولة المسعفة و الايتام انو اغلب اطفال المراكز حالتهم كارثية مساكن مشتاقين ابسط شيء ،
كي تروح تزورهم تبكي الدم ، و كي يلحقو 18 سنة يخرجو لدنيا متوحشة مترحمش وهوما لا اسم لا وثيقة لا مستقبل لا ماضي ...
🔺 اليوم فقدنا 11 طفل ، مكان لا ام تبكي عليهم لا اب لا اخ يفتقدهم ، منهم ذوي الاحتياجات الخاصة
- بصدق قلبنا راو يوجع وواش نقولو ، و لكن نتمنى من كل قلبنا انو تكون هادي هي الشرارة لي تنطلق منها تحسين اوضاعهم ، لي تشوف فيهم السلطات العليا للبلاد وعندنا الثقة التامة في ذلك ويتخذو اجراءات صارمة بشأن تحسين اوضاعهم و اوضاع المعلمين تعهم باش يولو يتفاناو فالعمل تعهم ،
نتمنى تسهيل التكفل على الاقل يروحو لأسر تحبهم و تعتني بيهم ، و تدير لهم حلول او تدمجهم فالعمل بعد وصولهم للسن القانوني
🔴 ربي يرحمهم راهم طيور جنة و شهداء باذن الله ، تعذبو فالدنيا ترما و و ترفض وجودهم من اساسو. وزادو ماتو حرقا ، و اكيد الان راهم فمكان أفضل عند رب رحيم

13/06/2026

#اطفال

01/06/2026

27/03/2026

هذه المرة لم ننتظر ان تصل فرحة العيد إلينا ، بل ذهبنا نحن لصنعها تقاسمنا فرحتنا مع اطفال منطقة #اسانديلن التي تبعد عن ولاية جانت ب 80 كلم وسط الجبال ، و كذلك مع اطفال قرية #تيني ❤️
ابتساماتهم كانت تذكيرًا حقيقيًا بمعنى العطاء 🤍🤲🏻
عدنا منها بحصيلة ثقيلة تتمثل في :
400كسوة عيد للاطفال الصغار والكبار وحتى النساء
270كلغ من الخضار والفواكه
20دجاجة و10بلاطو بيض
دون ان ننسى مواد التجميل والحقائب التي وزعناها على النساء 🌹
نتقدم بجزيل الشكر لكل من ساهم معنا في ادخال الفرحة والسرور على قلوب الاطفال ورسم البهجة على محياهم ومول خرجتنا هته :
🔸السيد حكيم بخة صاحب براند للملابس التركية
🔸شركة وممثلتها السيدة@serine_doua
🔸السيدة@tasnim.souyad على ملابس البنات الصغار
🔸السيدة@aminaleboukh على الحقائب اليدوية الجميلة
🔸السيدة رقية على الملابس النسوية
🔸السيد جيلالي على الاحذية( دعواتكم لوالدته بالرحمة والمغفرة )
🔸🔸كما نشكر السيد tinfousene othmani على مساعدته لنا وتوفير المبيت الامن والمسار السلس لخرجتنا التضامنية

19/03/2026

تعلن جمعية القلوب الرحيمة الخيرية عن اختتام مائدة الإفطار الرمضانية لسنة 1447هـ / 2026م، بعد أن وفقها الله تعالى لإفطار 370 صائمًا يوميًا طيلة شهر رمضان المبارك، أي ما يعادل أزيد من 11,000 وجبة إفطار على مستوى القاعة.

كما حرصت الجمعية يوميًا على توزيع 250 وجبة جاهزة بمنطقة بئر خادم، في صورة تضامنية تعكس روح التكافل والتراحم خلال هذا الشهر الفضيل 🌙

وبهذه المناسبة، تتقدم الجمعية بخالص الشكر والامتنان إلى:

• شركة مدار القابضة، الراعي الرسمي والوحيد للمائدة، على دعمها الكريم 🤝
• السيد محمد عمامرة، رئيس بلدية محمد بلوزداد، على توفير القاعة وتهيئتها لإقامة الإفطار 🙏
• كافة أعضاء جمعية القلوب الرحيمة الخيرية، فردًا فردًا، على تفانيهم وسهرهم لإنجاح هذه المبادرة 👏
• عائلات الأعضاء الكرام، على صبرهم ودعمهم لهم رغم غيابهم عن موائد الإفطار 🫶
• رئيسة الجمعية السيدة نعمة الله بوروبي، على جهودها المباركة وأعمالها الخيرية 🌷

كما نشكر كل من ساهم من قريب أو بعيد في إنجاح هذه المائدة، سائلين الله أن يجمعنا بكم في رمضان القادم على موائد الخير بإذن الله تعالى 🤲

18/03/2026

في إطار العملية التضامنية الخاصة بشهر رمضان المبارك 🌙، والتي تندرج ضمن برنامج إحياء ليلة القدر لسنة 1447هـ / 2026م، نظّمت جمعية القلوب الرحيمة الخيرية مأدبة إفطار على شرف الأطفال المختتنين، في أجواء مفعمة بالفرح والبهجة، تخللتها نشاطات ترفيهية أدخلت السرور على قلوب الأطفال وعائلاتهم.

وقد حضر هذه المأدبة رئيس بلدية محمد بلوزداد، إلى جانب نواب المجلس الشعبي الوطني،وكذا عدد من الوجوه الإعلامية والشخصيات المعروفة من المؤثرين والمؤثرات عبر مواقع التواصل الإجتماعي ، إضافةً إلى ممثلي شركة مدار القابضة، الذين شاركوا الأطفال فرحتهم في هذه المناسبة الإنسانية النبيلة.

ويأتي هذا الحفل عقب تنظيم عملية ختان جماعي لفائدة الأطفال، والتي جرت تحت إشراف السيد بليل، نائب بالمجلس الشعبي الولائي لولاية الجزائر، وبالتنسيق مع لجنة الشؤون الاجتماعية والثقافة والشباب والرياضة والشؤون الدينية والأوقاف 🤝، في إطار جهود ترسيخ قيم التضامن والتكافل خلال الشهر الفضيل.

نسأل الله أن يتقبل من الجميع صالح الأعمال، وأن يجعل هذه المبادرات في ميزان الحسنات.